Svar við opnu bréfi Jóhönnu Pálsdóttur

9954291586_af5e4664c8_k-1.jpg
Auglýsing

Sæl vertu, Jóhanna. 

Takk fyrir bréf­ið.

Ég vil byrja á því að að ítreka afsök­un­ar­beiðni Strætó til þín og ann­arra not­enda akst­urs­þjón­ustu fatl­aðs fólks á höf­uð­borg­ar­svæð­inu vegna þeirra óþæg­inuda sem þið hafið orðið fyrir vegna mis­taka við fram­kvæmd þjón­ust­unn­ar. Við leggjum okkur öll fram um að þjón­ustan sé með þeim hætti að hægt sé að treysta á hana. Sem betur fer get ég sagt að við ­sjáum að þjón­ustan gengur betur með hverjum deg­inum sem líð­ur. Ég ætla að leggja mig fram við að svara þeim athug­um­semdum og spurn­ingum sem þú beindir til okk­ar. Allar ábend­ingar og athuga­semdir frá not­endum akst­urs­þjón­ust­unnar eru teknar alvar­lega, þær skráðar og unnið úr þeim eins fljótt og kostur er.

Auglýsing

Smári Ólafsson. Smári Ólafs­son.

Það er algjört lyk­il­at­riði fyrir okkur að eiga í virkum sam­skiptum við not­endur þjón­ust­unnar og fá allar þær athuga­semdir sem þeir hafa til okkar svo við getum brugð­ist við þeim og bætt þjón­ust­una. Strætó hvetur því not­endur til þess að koma á fram­færi athuga­semdum sínum og ábend­ingum með, tölvu­pósti (thjonustu­ver@stra­eto.is eða pont­un@stra­eto.is), í gegnum vef­síðu Strætó (www.stra­eto.is) eða með sím­tali í þjón­ustu­ver (540 2700). Í upp­hafi árs var það mikið álag á síma­veri Strætó að bið­tími þeirra sem þangað hringdu var allt of lang­ur. Við þessu var brugð­ist með breyttu skipu­lagi og er með­al­bið­tím­inn nú í um það bil tvær mín­útur þannig að löng bið eftir því að fá sam­band ætti að vera úr sög­unni.

Þau mis­tök sem hafa átt sér stað má að nokkru leyti rekja til þess að við inn­leið­ingu nýs tölvu­kerfis hefur orðið mis­brestur við skrán­ingu upp­lýs­inga er varða þarfir not­enda hjá sveit­ar­fé­lögum eða upp­færðar upp­lýs­ingar frá þeim borist of seint. Þetta eru til dæm­is upp­lýs­ingar um hvernig bíl not­endur þjón­ust­unnar þurfa, hvar þeir búa og um hvaða inn­gang þeir nota. Á fyrstu vikum árs­ins hefur verið unnið hörðum höndum við að leið­rétta þessar upp­lýs­ingar til að koma í veg fyrir frek­ari óþæg­indi fyrir not­end­ur. Við áætlum að búið verði upp­færa allar upp­lýs­ingar í lok jan­ú­ar­mán­að­ar. Tölvu­kerfið sem nú er not­ast við er erlent og hefur verið notað í sam­bæri­legri þjón­ustu í mörgum löndum með góðum árangri.

Eins og þú rétti­lega bendir á þá á Strætó, með aðstoð hags­muna­sam­taka fatl­aðs fólk, að halda nám­skeið að minnsta kosti árlega fyrir bíl­stjóra akst­urs­þjón­ust­unn­ar. Þar sem að bíl­stjórar hófu ekki störf fyrr en 1. jan­úar var ekki hægt að halda nám­skeið fyrir ára­mót, en það verður haldið í þessum mán­uði. Allir öku­menn sem hófu störf 1. jan­úar fengu engu að síður þjálfun í akstri og notkun örygg­is­bún­aðar auk þess að fara með vönum bíl­stjóra ferðir hluta úr degi.

Eins og þú bendir rétti­lega á þá hafa reikn­ingar fyrir akst­urs­þjón­ustu fatl­aðs fólks ekki verið sund­ur­lið­aðir þannig að not­endur hafa ekki getað séð fyrir hvað þeir eru að greiða. Með nýju tölvu­kerfi mun útgáfa reikn­inga breyt­ast þannig að á þeim verða allar ferðir á tíma­bil­inu til­greind­ar. Fyrsti reikn­ingur nýs árs mun byggja á gamla kerf­inu en eftir það verða allir reikn­ingar sund­ur­lið­að­ir.

Hvað varðar reglur um akst­ur­þjón­ust­una þá hefur Strætó lítið um þær að segja og er bundið við að vinna eftir þeim. Regl­urnar er settar af þeim sveita­stjórnum sem koma að akst­urs­þjón­ust­unni og því fer best á því að full­trúar þeirra svari þeim spurn­ingum og athuga­semdum sem við þær eru. Það sama á við um ákvarð­anir um gjald fyrir ferð­inar og nið­ur­fell­ingu á því, það er ekki í valdi Strætó.

Það er mark­mið Strætó að með þeim breyt­ingum sem nú standa yfir verði not­end­um ferða­þjón­ustu fatl­aðra tryggð bæði sveig­an­legri og örugg­ari þjón­usta en áður. Í því felst meðal ann­ars að nú geta pantað sér ferðir með tveggja klukku­stunda fyr­ir­vara í stað eins sól­ar­hrings áður sem þýðir að þjón­ustan verður sveig­an­legri fyrir not­end­ur. Þessi breyt­ing hefur það í för með sér að akst­urs­þjón­ustan verður lík­ari almenn­ins­gsam­göngum að því leyti að fleiri en einn far­þegi getur verið í hverjum bíl. Þetta þýðir þó ekki að við horfum með sama hætti á akst­urs­þjón­ustu fyrir fatlað fólk og almenna þjón­ustu Strætó. Til þess að auka öryggi not­enda þjón­ust­unnar enn frekar verður bíla­floti ferða­þjón­ust­unnar end­ur­nýj­að­ur.

Strætó mun leggja áherslu á að gera akst­urs­þjón­ust­una eins vel úr garði og kostur er. Í þeim til­gangi leggur fyr­ir­tækið áherslu á að eiga sam­ráð við alla hlut­að­eig­andi. Sem fyrr segir eru not­endur hvattir til þess að koma athuga­semdum sínum á fram­færi við Strætó. Að auki munu hags­muna­sam­tök fatl­aðs fólks ásamt full­trúum sveit­ar­fé­laga og þeirra fyr­ir­tækja sem ann­ast akst­ur­inn skipa sér­stakan sam­ráðs­hóp þar sem fylgst verður með fram­gangi þjón­ust­unn­ar.

Með vin­semd og virð­ingu,

Smári Ólafs­son, sviðs­stjóri akst­urs­þjón­ustu Strætó

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Elín Hirst sækist eftir stöðu útvarpsstjóra
Elín hefur áratugareynslu af fjömiðlastörfum, og var um tíma þingmaður Sjálfstæðisflokksins.
Kjarninn 9. desember 2019
Fólk verði komið heim til sín klukkan 15:00 á morgun
Reykjavíkurborg hvetur foreldra til að sækja börn sín snemma á morgun, þar sem gert er ráð fyrir ofsaveðri.
Kjarninn 9. desember 2019
Segir brottvísun óléttrar konu í samræmi við áherslur um mannúðlega meðferð
Dómsmálaráðherra segir að hún meti sem svo að brottvísun albanskrar konu, sem var gengin 36 vikur, hafi verið í samræmi við markmið og áherslur.
Kjarninn 9. desember 2019
Fjármála- og efnahagsráðuneytið fól félaginu að vinna úr stöðugleikaeignum.
Fara fram á úttekt á starfsemi Lindahvols
Félag sem stofnað var utan um sölu á stöðugleikaeignum sem ríkið fékk í sinn hlut eftir að hafa gert samkomulag við kröfuhafa gömlu bankanna hefur lengi verið umdeilt. Nú vilja þingmenn úr þremur flokkum láta gera úttekt á félaginu.
Kjarninn 9. desember 2019
Tryggvi Felixson
Stöðvum jarðvegseyðingu, björgum framtíðinni
Kjarninn 9. desember 2019
Milla Ósk hættir á RÚV og gerist aðstoðarmaður Lilju
Milla Ósk Magnúsdóttir tekur við af Hafþóri Eide Hafþórssyni sem annar aðstoðarmaður mennta- og menningarmálaráðherra.
Kjarninn 9. desember 2019
Sanna Marin verður næsti forsætisráðherra Finnlands.
Bætist í hóp þeirra kvenna sem leiðir Norðurlöndin
Sanna Marin hefur verið valin næsta forsætisráðherra Finnlands og eru því fjórir af fimm forsætisráðherrum Norðurlandanna nú konur. Marin verður jafnframt yngsti forsætisráðherra landsins og yngsti sitjandi forsætisráðherra heims.
Kjarninn 9. desember 2019
Heinaste
Togarinn Heinaste enn kyrrsettur
Unnið er að því að aflétta kyrrsetningu togarans í Namibíu.
Kjarninn 9. desember 2019
Meira úr sama flokkiÁlit
None