Það má alltaf treysta  því að Árni Páll Árna­son, for­maður Sam­fylk­ing­ar­inn­ar, sé ekki með sög­una á hreinu.

Mar­inó G. Njáls­son skrif­aði eft­ir­far­andi á Face­book­síðu sína þann 12. des­em­ber síð­ast­lið­inn: „Árni Páll sagði í þing­inu þegar breyt­ingar á virð­is­auka­skatti og vöru­gjöldum komu til atkvæða­greiðslu eftir aðra umræðu að hækkun á virð­is­auka­skatti úr 7% í 11% sé stærsta ein­staka skatta­hækkun eftir hrun.

Krist­inn Karl Brynjars­son, annar vara­for­maður Verka­lýðs­ráðs Sjálf­stæð­is­flokks­ins.

Ég er ekki viss um að aldr­aðir og öryrkjar  séu sam­mála þess­ari sögu­skýr­ingu for­manns Sam­fylk­ing­ar­inn­ar. Ekki er ólík­legt að skatta­hækk­unn­ar­metið hafi verið sett þegar rík­is­stjórn Jóhönnu Sig­urð­ar­dóttur skerti frí­tekju­mark líf­eyr­is­þega um 60% í júní 2009. Til við­bótar var svo skerð­ing vegna tekna hækkuð úr 38,5% í 45%. Líf­eyr­is­þegar fengu því 27% skattaglaðn­ing á sig.

Og eigum við að rifja upp hver var félags­mála­ráð­herra á þessum tíma. Jú, hann heitir Árni Páll Árna­son". En kannski er það bara alnafni for­manns Sam­fylk­ing­ar­inn­ar.

Það má svo auð­vitað alltaf treysta því að Katrín Jak­obs­dótt­ir, for­maður Vinstri grænna, láti ekki sitt eftir liggja þegar mikið liggur við.

Talar hún fyrir því, af mik­illi sann­fær­ingu að  hækkun á bókum og geisla­diskum/vinyl­plöt­um, vegna breyt­inga á virð­is­auka­skatts­þrep­um, megi líkja við það að verið sé að rífa lungu og nýru úr fólki.

Bók sem í dag kostar 5000 kr. fyrir vsk. hækkar um heilar 200 kr. Geisla­diskur/vinyl­plata sem í dag kostar 2000 kr. fyrir vsk. hækkar um heilar 80 krón­ur. Þær hækk­anir ásamt meintri aðför að RÚV verður sjálf­sagt til þess að hér alist upp heilu kyn­slóð­irnar af ólæsum börnum og menn­ing muni  nán­ast leggj­ast af ásamt því að íslenska verði ei töluð hér meir.

Eitt­hvað virð­ist svo for­ystu­sveit og fót­göngu­liðar stjórn­ar­and­stöð­unnar mis­skilja vöru­gjöld­in. Því ætla mætti að þau telji vöru­gjöldin ein­göngu leggj­ast á íss­kápa og flat­skjái. Ætli van­þekk­ing þeirra  á við­fangs­efn­inu sé það viða­mikil að þeim yfir­sjá­ist allir hinir 800 vöru­flokk­arn­ir?

Eða er þetta allt saman kannski bara val­kvæður mis­skiln­ing­ur?