Við eigum öll að berjast fyrir mannréttindum

Sigríður Þórunn Þorvarðardóttir
9496829913_b0965616cd_o.jpg
Auglýsing

Það er ekki mikið leynd­ar­mál að ég er mik­ill jafn­rétt­is­sinni og ákveðin mann­eskja í því er kemur að því að berj­ast fyrir rétt­indum minni­hluta­hópa. Enda hefur það ein­hvern veg­inn alltaf verið eðli­legt fyrir mér. Ef ég á að vera hrein­skilin finnst mér erfitt að skilja hvernig það er ekki eðli­legt en nýleg umræða hefur svo sann­ar­lega gert mér grein fyrir því að það eru ekki allir á sama báti og ég.

Ég hef verið sér­stak­lega hávær í mínu sam­fé­lagi varð­andi mann­rétt­indi „hinseg­in“ fólks (LG­BTQI­A+) en það er mál­efni sem stendur mér nær vegna fjölda vina sem eru partur af LGBTQIA+ sam­fé­lag­inu. En þessi bar­átta mín og minna vina hefur vakið þær hug­myndir hjá ansi mörgum að sjálf sé ég lesbía. Mér stendur nú alveg á sama um það að fólk leyfi sér að giska á mína kyn­hneigð en ég skil ekki alveg þetta við­horf að þú getir ekki staðið upp fyrir rétt­indum ein­hvers ann­ars án þess að vera partur af hópnum sem staðið er upp fyr­ir. Af hverju þarf það að fylgja sög­unni að þú haldir að ég sé lesbía? Geta hvítir ekki staðið upp fyrir svarta? Geta karlar ekki staðið upp fyrir kon­ur? Getur gagn­kyn­hneigð mann­eskja ekki barist fyrir rétt­indum sam­kyn­hneigðra? Getur mann­eskja ekki barist fyrir mann­rétt­indum ann­arra?

Það vilja margir halda því fram að hómó­fóbía sé ekki lengur til í íslensku sam­fé­lagi. Svo­leiðis afneitun gerir engum gott.

Auglýsing

Sjálf langar mig alla­vega ekki búa í þannig heimi þar sem við berj­umst ekki fyrir rétt­indum hvers ann­ars. Mínir „hinseg­in“ fjöl­skyldu­með­limir og vinir eiga ekki að þurfa að hlusta á og lifa með þess­ari þröng­sýni sem gerir oft vart við sig í sam­fé­lag­inu. Ekki reyna að lít­il­lækka bar­áttu þeirra með því að segja „hún berst bara fyrir þessu því hún er pott­þétt lessa.“ Það er ekki það sem skiptir máli og kyn­hneigð þess er berst fyrir mál­staðnum er ekki meg­in­at­riðið - þínir fór­dómar eru vanda­mál­ið.

Það vilja margir halda því fram að hómó­fóbía sé ekki lengur til í íslensku sam­fé­lagi. Svo­leiðis afneitun gerir engum gott. Aðrir vilja meina að jöfn­uð­ur­inn sé „næg­ur“; að hómó­fóbían sé nógu lítil og þess vegna sé ekki þörf á umræð­unni leng­ur. En hvenær er jafn­rétti nógu mikið jafn­rétti? Alla­vega ekki þegar það er ekki orðið að algjöru jafn­rétti. Jafn­rétti er aldrei „næstum því,“ það verður að vera algjört.

Það sem ég var mest vör við þegar bar­áttan gegn for­dómum fór að gera vart við sig í mínu sam­fé­lagi, með stofnun Hinseg­in­fé­lags í fram­halds­skól­an­um, var hræðsla þeirra gagn­kyn­hneigðu við að taka þátt í henni, þá sér­stak­lega með félag­inu, en margir voru hræddir um það að ef þeir tækju þátt þá „munu allir halda að ég sé sam­kyn­hneigður líka“ - en mig langar að spyrja; væri það í alvör­unni endir­inn á heim­in­um? Skiptir meira máli að ein­hver viti að þú sért 100 pró­sent gagn­kyn­hneigður en að hinsegin fólk hljóti rétt­indin sem þau eiga ekki einu sinni að þurfa að berj­ast fyr­ir? Sjáið þið ekki að þetta segir okkur bara hvað vanda­málið er stórt - ef þið meikið það ekki að ein­hver gruni það að þið séuð hinseg­in, hvaða skila­boð er þá enn þá verið að senda til hinsegin fólks? Við þurfum að útrýma þeirri hugsun að það sé eitt­hvað skrítið við það að vera ekki gagn­kyn­hneigður og það sé endir­inn á heim­inum ef gagn­kyn­hneigð mann­eskja er talin sam­kyn­hneigð.

„Jóna og Stína eru hjón“ ætti að vera alveg jafn eðli­leg setn­ing í kennslu­bók grunn­skóla­nema og „Jón og Jón eru hjón.“

Hinsegin fólk er nefni­lega ekki vanda­mál­ið. Hinsegin fólk eyðir ekki tíma sínum í það að mana upp for­dóma í börnum og öðrum í kringum sig. Hinsegin fólk berst fyrir eigin mann­rétt­ind­um, mann­rétt­indum hvers ann­ars og eru sér­stak­lega núna að berj­ast fyrir því að hinsegin börn muni ekki alast upp við það að þau séu öðru­vísi, skrítin og ekki partur af hópnum eða sam­fé­lag­inu. Það er ekki verið að biðja um mikið - það er ekki verið að biðja um neitt - það er bara verið að benda á það að jafn­rétti ríkir ekki í okkar „full­komna“ sam­fé­lagi og koma með hug­myndir um það hvernig skuli breyta því. Það eru rétt­indi hvers og eins að upp­lifa sig öruggt og sam­þykkt í sínu sam­fé­lagi. Leyfum kom­andi kyn­slóðum að vera laus við for­dóma, þau fæð­ast nefni­lega ekki með þá.

„Jóna og Stína eru hjón“ ætti að vera alveg jafn eðli­leg setn­ing í kennslu­bók grunn­skóla­nema og „Jón og Jón eru hjón.“ Ef við gerum það að „norm­inu“ að það sé jafn eðli­legt að eiga tvo pabba eða tvær mömmur alveg eins og það er að eiga eina mömmu og einn pabba, þá útrýmir vanda­málið sér sjálft og sam­kyn­hneigðir krakkar þurfa aldrei að upp­lifa sig öðru­vísi og þar með mun þung­lyndi og sjálfs­vígs­hugs­anir meðal hinsegin barna snar­minn­ka, en sann­leik­ur­inn er sá að tíðni þeirra er ansi há. Þetta er svo aug­ljós lausn og þetta er svo auð­velt, það eina sem við þurfum að gera er opna aug­un, sjá og fram­kvæma.

Höf­undur er for­seti nem­enda­fé­lags Fram­halds­skól­ans í Austur Skafta­fells­sýslu.

 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Sameina kraftana gegn frumvarpi ráðherra
Ellefu hagsmunasamtök hafa sent frá sér sameiginlega yfirlýsingu.
Kjarninn 5. desember 2019
Kostnaður við starfslok Haraldar 57 milljónir
Það hefði kostað ríkissjóð meira að láta Harald Johannessen sitja áfram sem ríkislögreglustjóra en að gera við hann starfslokasamning, enda hefði hann þá fengið laun út skipunartíma sinn. Á móti hefði hann þurft að vinna.
Kjarninn 5. desember 2019
Heimsmarkmið SÞ um vernd hafsvæða nást ekki á Íslandi fyrir 2020
Samkvæmt umhverfis- og auðlindaráðherra verður heimsmarkmiðum Sameinuðu þjóðanna um vernd hafsvæða ekki náð hér á landi fyrir lok árs 2020 og ekki heldur á heimsvísu.
Kjarninn 5. desember 2019
Björgólfur Jóhannsson, tímabundinn forstjóri Samherja.
Björgólfur kallar umfjöllun fjölmiðla um Samherja „víðtæka árás“
Sitjandi forstjóri Samherja segir að þegar hafi verið sýnt fram á að „stór hluti þeirra ásakana sem settar hafi verið fram á hendur Samherja eigi ekki við rök að styðjast“. Þar eru ekki færð nein rök fyrir þessari staðhæfingu né lögð fram gögn.
Kjarninn 5. desember 2019
Bjarni Benediktsson,fjármála- og efnahagsráðherra.
Stóra skattkerfisbreyting ríkisstjórnarinnar samþykkt
Nýtt þriggja þrepa skattkerfi ríkisstjórnarinnar var samþykkt á Alþingi í gær þrátt fyrir skiptar skoðanir. Skattalækkun nýja kerfisins á að gagnast þeim tekjulágu mest en lækkunin á þó að skila sér til allra tekjutíunda.
Kjarninn 5. desember 2019
Auður Önnu Magnúsdóttir
Annað hvort eða?
Kjarninn 5. desember 2019
Fá þrjá mánuði til að upplýsa um raunverulega eigendur
Árum saman hefur það verið látið viðgangast á Íslandi að yfirvöld hafa ekki fengið að vita hverjir séu raunverulegir eigendur félaga sem hér stunda atvinnustarfsemi. Nú stendur til að flýta breytingum á þeirri stöðu.
Kjarninn 5. desember 2019
Neysla stúlkna á framhaldsskólastigi á orkudrykkjum fjórfaldast
Neysla barna og ungmenna á orkudrykkjum hefur aukist gríðarlega á síðustu tveimur árum. Matvælastofnun hefur óskað eftir því að nýsett áhættunefnd um matvæli meti áhættu af koffínneyslu ungmenna.
Kjarninn 5. desember 2019
Meira úr sama flokkiÁlit
None