1.       Lands­virkjun á eignir sem metnar eru á 557 millj­arða króna, eða 4.285 millj­ónir Banda­ríkja­dala (Dalur = 130 ISK). Fyr­ir­tæk­ið ­gerir upp í Banda­ríkja­dal, en stærstu hluti tekna fyr­ir­tæk­is­ins er í þeirri ­mynt. Þetta er miðað við stöð­una í lok árs 2015. Skuldir fyr­ir­tæk­is­ins námu þá 2.300 millj­ónum Banda­ríkja­dala, eða sem nemur 299 millj­örðum króna, en lang­tíma ­vaxta­ber­andi skuldir eru nú komnar niður fyrir tvö þús­und millj­ón­ir ­Banda­ríkja­dala, í fyrsta skipti síðan 2005. Eigið fé fyr­ir­tæk­is­ins nam um 1.900 millj­ónum Banda­ríkja­dala, eða sem nemur um 254 millj­örðum króna, í lok árs í fyrra.

2.       Aðeins eitt fyr­ir­tæki á Íslandi er með meira eigið fé í sínum efna­hags­reikn­ingi en Lands­virkj­un. Það er Lands­bank­inn en eigið fé hans er nú um 260 millj­arðar króna. Efna­hags­reikn­ingar Lands­virkj­un­ar og Lands­bank­ans, sem bæði eru í eigu rík­is­ins (Lands­bank­inn 98,2 pró­sent), eru þó erf­iðir í sam­an­burði, enda mat á ein­stökum rekstr­ar­þáttum breyti­legt á milli­ orku­iðn­aðar og fjár­mála­geirans.

3.       Rekstr­ar­tekjur Lands­virkj­unar námu 421,5 millj­ónum Banda­ríkja­dala á árinu 2015 sam­an­borið við 438,3 millj­ón­ir ­Banda­ríkja­dala árið á und­an. Tekjur lækka því um 16,8 millj­ónir Banda­ríkja­dala. ­Rekstr­ar­gjöld námu 215,5 millj­ónum Banda­ríkja­dala á árinu 2015 en voru 220,2 millj­ón­ir ­Banda­ríkja­dala árið 2014. Rekstr­ar­hagn­aður fyr­ir­tæk­is­ins var því 206,0 millj­ónir Banda­ríkja­dala á árinu 2015 sam­an­borið við 218,1 millj­ón ­Banda­ríkja­dala árið á und­an.

4.       Með­al­tals­verðið sem Lands­virkjun fékk á mega­vatt­stund var 24,5 Band­ar­kja­dal­ir. Það er lægsta verð sem fyr­ir­tækið hef­ur ­fengið í fimm ár, en verðið ræðst meðal ann­ars af þróun heims­mark­aðs­verðs á áli.

5.       Stærsti ein­staki við­skipta­vinur Lands­virkj­un­ar er banda­ríska fyr­ir­tækið Alcoa, sem rekur álverið á Reyð­ar­firði í gegn­um dótt­ur­fé­lag­ið, Alcoa Fjarð­arál. Fyr­ir­tækið kaupir um 37,5 pró­sent af raf­orkunn­i ­sem fyr­ir­tækið fram­leið­ir. Kára­hnjúka­virkj­un, stærsta vatns­afls­virkjun Evr­ópu, var byggð til þess að geta afhent álver­inu raf­magn sem nauð­syn­legt er til­ fram­leiðslu.

6.       Lands­virkj­un, undir for­ystu Harðar Arn­ar­son­ar ­for­stjóra, hefur haft þá stefnu að draga úr vægi álverðs í efna­hag sín­um, á und­an­förnum árum, og end­ur­nýj­aði meðal ann­ars samn­ing sinn við Rio Tinto árið 2010 með það að leið­ar­ljósi. Um 1/3 af rekstr­ar­tekjum er nú tengdur álverði, en árið 2009 voru hlut­föllin 2/3. Framundan er end­ur­nýjun samn­inga við Cent­ury Alu­m­inum, sem rekur dótt­ur­fé­lagið Norð­urál á Grund­ar­tang, og má gera ráð fyr­ir­ að Lands­virkjun hafi fyrr­nefnda stefnu sem leið­ar­ljós.

7.       Eins og sést á þess­ari mynd, þá er fjár­hag­ur Lands­virkj­unar bein­tengdur þróun mála á álmörk­uðum í heim­in­um. Hæsta verð sem Lands­virkjun hefur fengið á und­an­förnum ára­tug, er 30,8 Banda­ríkja­dalir á mega­vatt­stund árið 2008. Framan af ári hækk­aði þá álverð mik­ið, sam­hliða ­mik­illi hækkun á olíu, en hrundi svo þegar þrengja tók veru­lega að fjár­mála­mörk­uðum um haust­ið.

8.       Lands­net er dótt­ur­fé­lag Lands­virkj­unar (64,7 pró­sent eign­ar­hlut­ur). Verð­mæti eigna Lands­nets jókst mik­ið milli áranna 2014 og 2015, en virði tengi­virkja og háspennu­lína, sem eru hlut­i af eigna­safni fyr­ir­tæk­is­ins, jókst um 23 millj­arða króna. Þetta má lesa út úr árs­reikn­ingi Lands­nets, en end­ur­mat á eignum félags­ins skil­aði sér í þessum ­miklu breyt­ing­um. Háspennu­línur eru metnar á 49,5 millj­arða, sam­kvæmt árs­reikn­ingi fyrir árið í fyrra, en á árinu 2014 voru lín­urnar metnar á 37,5 millj­arða. Þá eru tengi­virki metin á 34 millj­arða, sam­kvæmt árs­reikn­ingi fyr­ir­ árið í fyrra, en sömu eignir voru metnar á 23,2 millj­arða í lok árs 2014.

9.       Eig­in­fjár­hlut­fall Lands­virkj­unar er nú 44,7 pró­sent sem er það hæsta í sögu fyr­ir­tæk­is­ins. Frá­ hruni hefur fyr­ir­tækið ein­blínt á að greiða niður skuld­ir, og styrkja láns­hæfi sitt með marg­hátt­uðum aðgerðum til að bæta rekstr­ar­af­kom­una. Frá árinu 2010 hefur fyr­ir­tækið greitt niður skuldir fyrir um 800 millj­ónir Banda­ríkja­dala, eða sem nemur um 107 millj­örðum íslenskra króna.

10.   Tveir nýir við­skipta­vinir munu bæt­ast við á þessu ári, í flokki iðn­aðn­ar. Ráð­gert er að United Sil­icon verði með 35 mega­vött vegna sinnar starf­semi, og árið 2017 þá muni PCC þurfa 58 mega­vött vegna sinnar starf­semi á Bakka við Húsa­vík­. Vikj­ana­fram­kvæmdir Lands­virkj­unar á Þeistar­reykj­um, eru nú í gangi, en um jarð­hita­virkj­an­ir er að ræða þar.