Valdaþræðirnar gætu legið til Pírata

Staðan í stjórnmálunum er fordæmalaus, en stjórnarandstöðuflokkarnir, sem mælast nú með ríflega 65 prósent fylgi, eru byrjaðir að stilla saman strengina. Píratar eru með pálmann í höndunum.

Mótmæli
Auglýsing

Stjórn­ar­and­stöðu­flokk­arnir á Alþingi, Sam­fylk­ing­in, Vinstri græn, Björt fram­tíð og Pírat­ar, vilja ólm fá kosn­ingar fram hið fyrsta, en þurfa að sætta sig við að bíða fram á haust­ið, eftir tíð­indi gær­dags­ins. Sig­urður Ingi Jóhanns­son leiðir nýja rík­is­stjórn sem for­sæt­is­ráð­herra, eftir að Sig­mundur Davíð Gunn­laugs­son vék úr henni, en reikna má með því að nýr ráð­herrakap­all skýrist í dag. Lilja Alfreðs­dóttir tekur sæti í rík­is­stjórn sem utan­þings­ráð­herra, og verka­skipt­ing stjórn­ar­flokk­anna eftir ráðu­neytum verður áfram sú sama og verið hefur til þessa, eftir því sem fram kom í máli Sig­urðar Inga og Bjarna Bene­dikts­son­ar, í gær­kvöldi.

Eins og staða mála er nú, gæti sá tími sem líður fram að kosn­ingum skipt miklu máli fyrir stjórn­ar­and­stöð­una. Bjarni sagði í gær að stjórn­ar­and­staðan væi „líka í rusli“, og vís­aði til þess að ennþá væri góður meiri­hluti hjá stjórn­ar­flokk­unum í þing­inu, sem gætu staðið af sér van­traust­til­lög­u. 

Krafa stjórn­ar­and­stöð­unnar er ennþá sú að kosið verði strax, og hefur þetta komið skýr­lega fram í við­tölum við for­ystu­fólk stjórn­ar­and­stöð­unn­ar, ekki síst í gær­kvöldi. Rík­is­stjórn undir for­ystu Sig­urðar Inga heldur um þræð­ina fram á haust meðan unnið verður að mik­il­vægum mál­um, þar helst aflandskrón­u­út­boð­inu sem er lyk­il­at­riði í áætlun stjórn­valda um afnám hafta. Von er á því máli á dag­skrá á næstu tveimur til þremur vik­um.

Auglýsing

For­ystu­fólk í stjórn­ar­and­stöðu­flokk­un­um, þau Árn­i Páll Árna­son, for­maður Sam­fylk­ing­ar­inn­ar, Katrín Jak­obs­dótt­ir, for­maður Vinstri grænna, Óttar Proppé – sem mest hefur verið áber­andi í þessu máli fyrir hönd ­Bjartrar fram­tíðar – og Birgitta Jóns­dóttir og Helgi Hrafn Gunn­ars­son, hjá P­íröt­um, hafa talað með sam­stilltum hætti og segj­ast öll á því að þessi nið­ur­staða, það er að Sig­mundur Davíð stígi til hliðar og Sig­urður Ingi taki við for­sæt­is­ráðu­neyt­inu, sé ekki góð nið­ur­staða sem fólk sætti sig við. Það sáust engin skilti með óskum um að Sig­urður Ingi yrði for­sæt­is­ráð­herra, sagði Helgi Hrafn, þegar þessi mynd var að skýr­ast.

Miklar svipt­ingar

Nýj­ustu skoð­ana­kann­anir benda til þess að það sé farið að molna undan fylgi við rík­is­stjórn­ar­flokk­anna. Þeir mæl­ast nú með 26 pró­sent traust, ­sam­kvæmt könnun frá MMR í gær, sem er það lægsta sem rík­is­stjórn­ar­flokk­arn­ir hafa mælst með frá því þeir tóku við stjórn­ar­taumunum 2013. Raunar hefur rík­is­stjórn sjaldan mælst með­ svo lítið traust. Fram­sókn­ar­flokk­ur­inn er með 8,7 pró­sent fylgi og lækkar frá því í síð­ustu könnun í mars og Sjálf­stæð­is­flokk­ur­inn 22,5 pró­sent. Píratar eru lang­sam­lega stærsti flokkur lands­ins með 36,7 pró­sent fylgi. Vinstri græn ­mæl­ast með 12,8 pró­sent fylgi og Sam­fylk­ingin 9,9 pró­sent. Björt fram­tíð er ­yfir fimm pró­sent lág­marki, sem þarf til að ná fólki inn á þing, og mælist nú ­með 5,8 pró­sent fylgi. Stjórn­ar­and­stað­an er því með 65,2 pró­sent fylgi í þess­ari nýj­ustu könn­un, en stjórn­ar­flokk­arn­ir 31,2 pró­sent.

Það þarf ekki að koma á óvart að stjórn­ar­and­staðan hafi verið að knýja á um kosn­ingar í ljósi þess­arar stöðu.

Katrín Jakobsdóttir, formaður Vinstri grænna, nýtur mikilla vinsælda í könnunum. Flokkur hennar mælist nú með 12,8 prósent fylgi. Mynd: Birgir.

Inn­an­mein og ­valda­bar­átta

Innan Sam­fylk­ing­ar­innar og Vinstri grænna, það er í gras­rót ­flokk­anna, hefur verið rætt um að þetta kunni að vera heppi­legur tíma­punkt­ur til að þess að auka sam­starf flokk­anna, jafn­vel sam­ein­ast. Lík­legt verður að telj­ast að Katrín Jak­obs­dótt­ir, for­maður Vinstri grænna, gæti orðið leið­tog­i þeirra hreyf­ing­ar, í ljósi þess að mikið traust til hennar hefur verið stað­fest síend­ur­tekið í könn­unum að und­an­förnu. En þetta hefur ekk­ert verið rætt form­lega meðal þing­manna og ekki heldur í for­ystu­sveit þess­ara flokka á lands­vísu. Frekar má orða það svo, að flokk­arnir viti af mögu­leik­an­um, í ljósi þess hvernig hið póli­tíska lands­lag hefur þróast, en hafi til þessa ekk­ert gert til að ýta honum í far­veg til­ fram­kvæmd­ar.

Árni Páll Árnason hefur átt í vök að verjast innan flokks sem utan, stærstan hluta kjörtímabilsins. Mynd: Birgir.

Þvert á móti hefur Sam­fylk­ing­in, sem hefur átt í stökust­u vand­ræðum allt kjör­tíma­bilið og mælst í lægstu lægðum í fylg­inu frá stofn­un, horft til þess að end­ur­nýja flokks­starfið og for­yst­una. Hafa Helgi Hjörvar, Oddný Harð­ar­dóttir og Magnús Orri Schram þegar boðið sig fram til for­mennsku þegar kosið verður um end­ur­nýjun for­yst­unn­ar.

Í ljósi þess hve lítið fylgi hefur verið við Bjarta fram­tíð allt kjör­tíma­bil­ið, þá liggur fyrir að hún mun berj­ast fyrir lífi sínu í næst­u ­kosn­ing­um, fari hún fram undir sömu for­merkj­um.

Píratar eru hins vegar með pálmann í hönd­un­um. Þrátt ­fyrir þriggja manna þing­flokk, Birgittu, Helga Hrafn og Ástu Guð­rún­u Helga­dótt­ur, þá er ljóst að valda­þræð­irnir í stjórn­málum lands­ins gætu lent hjá þeim í haust þegar kosið verð­ur. Ef nið­ur­staðan yrði í sam­ræmi við kann­anir þá fengju Píratar 28 þing­menn af 63 í heild­ina. Þau hafa rætt um það, að rík­is­stjórn með þeirra þátt­töku þurfi að vera skipuð utan­þings­ráð­herr­um. Ekk­ert hefur sést á spilin í þeim efn­um, það er hvaða fólk það er sem kæmi til­ ­greina sem ráð­herr­ar, en Píratar þurfa að hafa nokkuð hraðar hend­ur, þegar kemur að skipu­lagi innra starfs­ins, í ljósi þess að kosið verður í haust.

En það má ekki gleyma þeim þekktu sann­indum úr stjórn­mál­um, að staða mála getur breyst hratt og erfitt að er að sjá fyrir þróun mála, eins og atburða­rás síð­ustu daga sýnir glögg­lega. Það sem virð­ist aug­ljóst nú, gæti verið breytt innan skamms tíma.

Þingflokkur Pírata telur nú þrjá þingmenn, en 25 nýir þingmenn myndu bætast við ef útkoma í kosningum yrði sú sama og kannanir benda til um þessar mundir. Mynd: Birgir.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Breytt áform á Mýrdalssandi og skömmum hreytt í umsagnaraðila
Viðhorf Umhverfisstofnunar er „sjálfhverft“ og afstaða Samtaka ferðaþjónustunnar „ósanngjörn“. Tékkneska stórfyrirtækið EP Power Minerals lætur stofnanir og aðra umsagnaraðila fá það óþvegið.
Kjarninn 26. nóvember 2022
Ekki í forgangi hjá Landsvirkjun að selja raforku til vinnslu hrávöru
Orkufyrirtækin segja eftirspurn eftir raforku gríðarlega og að forgangsraða þurfi samtölum við áhugasama kaupendur. Lítil umframorka sé í kerfinu ólíkt því sem talsmaður sementsrisans Heidelberg Materials hélt fram á íbúafundi á dögunum.
Kjarninn 26. nóvember 2022
Elon Musk, eigandi Twitter og ríkasti maður í heimi.
Musk veitir brottrækum á Twitter „almenna sakaruppgjöf“
Eigandi Twitter hefur boðið fyrrverandi Bandaríkjaforseta og fleiri brottræka velkomna aftur á samfélagsmiðilinn. Ákvörðunina byggði hann, að hluta til, á skoðanakönnun á eigin prófíl.
Kjarninn 25. nóvember 2022
Andrés Ingi Jónsson, þingmaður Pírata, spurði dómsmálaráðherra um nagladekk.
Fleiri sektaðir fyrir nagladekkjanotkun utan leyfilegs tímabils í ár en fjögur árin á undan
Ekki er ljóst á hvaða lagaheimild það er byggt að sekta ekki fyrir notkun nagladekkja fyrstu vikurnar eftir að bann við notkuninni tekur gildi ár hvert. Þrjár af hverjum fjórum sektum í ár hafa verið gefnar út á höfuðborgarsvæðinu.
Kjarninn 25. nóvember 2022
Verið getur að tugþúsundir laxa hafi sloppið úr kvíum Arnarlax síðasta sumar.
Arnarlax getur ekki gert grein fyrir afdrifum tugþúsunda laxa – „Vítavert aðgæsluleysi“
Matvælastofnun hefur lagt stjórnvaldssekt á laxeldisfyrirtækið Arnarlax upp á 120 milljónir króna fyrir að hafa brotið gegn skyldu um að tilkynna um strok á fiski og beita sér fyrir veiðum á strokfiski.
Kjarninn 25. nóvember 2022
Jeffrey Epstein.
Þolendur Jeffrey Epstein höfða mál gegn Deutsche Bank og JPMorgan
Viðskiptabankar Jeffrey Epstein hunsuðu „rauð flögg“ og gerðu honum kleift að stunda mansal og brjóta á fjölda kvenna. Þetta er rökstuðningur kvenna sem ætla í mál við tvo banka vestanhafs.
Kjarninn 25. nóvember 2022
Ragnar Þór Ingólfsson er formaður VR.
Formaður VR segist hafa verið niðurlægður þrisvar á sólarhring og sleit því viðræðum
VR er búið að slíta viðræðum um gerð kjarasamnings. Tilboð sem félagið fékk frá Samtökum atvinnulífsins í gærkvöldi um 14 mánaða samning var kornið sem fyllti mælin. Yfirlýsingar seðlabankastjóra og Bjarna Benediktssonar skiptu einnig sköpum.
Kjarninn 25. nóvember 2022
Meirihluti landsmanna treysta ekki ríkisstjórninni til að selja meira í Íslandsbanka.
Yfir 60 prósent treysta ekki stjórninni til að selja Íslandsbanka og vilja rannsóknarnefnd
Næstum þrír af hverjum fjórum kjósendum Vinstri grænna vilja að skipuð verði rannsóknarnefnd um bankasöluna og 57 prósent þeirra treysta ekki ríkisstjórn sem leidd er af formanni flokksins til að selja meira í Íslandsbanka.
Kjarninn 25. nóvember 2022
Meira eftir höfundinnMagnús Halldórsson
Meira úr sama flokkiFréttaskýringar
None