Stærstu tækni­fyr­ir­tæki Banda­ríkj­anna hafa notið mik­ill­ar vel­gengni á und­an­förnum árum og eiga þau gríð­ar­lega upp­hæði í lausu fé um þessar mund­ir.

Sé mið tekið af stöðu mála um mitt þetta ár, þá áttu fimm ­fyr­ir­tæki – sé horft fram­hjá fjár­mála­fyr­ir­tækjum – meira en þriðjun af öll­u­m ­lausa­fjár­eignum fyr­ir­tæki í Banda­ríkj­um.

Þetta eru App­le, Microsoft, Alp­habet (Goog­le), Cisco og Oracle.

5. Hug­bún­að­ar­ris­inn Oracle hefur hagn­ast veru­lega á miklum breyt­ingum sem orð­ið hafa í tækni­geir­anum á und­an­förnum árum, meðal ann­ars með til­komu snjall­síma. Um mitt þetta ár átti fyr­ir­tækið 52,3 millj­arða Banda­ríkja­dala, eða sem nem­ur ­rúm­lega sex þús­und millj­örðum króna.

4. Cisco hef­ur ­vaxið með svip­uðum hætti og Oracle, með fram­leiðslu hug­bún­aðar og örgjafa. Velt­an hefur auk­ist mikið á und­an­förnum árum, og reiðu­féð safn­ast upp. Um mitt þetta ár átti fyr­ir­tækið ríf­lega 60 millj­arða Banda­ríkja­dala í lausu fé, eða sem ­nemur um sjö þús­und millj­örðum króna.

3. Alp­habet (­Goog­le) hefur svo einnig vaxið mik­ið. Snjall­síma­væð­ingin í heim­inum hef­ur verið eins og byr í seglin hjá aug­lýs­ing­aris­an­um, sem stofn­aður var fyrir 18 árum á þessu, eða árið 1998. Um mitt þetta ár átti fyr­ir­tækið 73,1 millj­arða ­Banda­ríkja­dala.

2. Microsoft hefur stundum orð á sér fyrir að svifa­seint í hug­bún­að­ar­geir­an­um, en það er nú í besta falli umdeil­an­legt. Fjár­hagur fyr­ir­tæk­is­ins, sem hefur ennþá helj­ar­tak á heim­il­is­tölvu­geir­anum í heim­inum og einnig í þjón­ustu við fyr­ir­tæki, með­ marg­vís­legu og fjöl­breyttu vöru­úr­vali. Þá hafa Xbox One leikja­tölv­urnar sel­st vel. Um mitt þetta ár átti fyr­ir­tækið 102,6 millj­arða Banda­ríkja­dala í lausu ­fé, eða sem nemur 11.800 millj­örðum króna.

1. Apple er eitt í úrvals­deild­inni, þegar að þessu kem­ur. Ótrú­leg vel­gengni iPhone frá því hann kom fyrst fram, hefur skapað annað vanda­mál fyrir fyr­ir­tæk­ið. Sem er að ákveða hvað það á að gera við þær fúlgur fjár sem fyr­ir­tækið á. Um mitt þetta ár átt­i ­fyr­ir­tæið 215,7 millj­arða Banda­ríkja­dala í lausu fé. Það er upp­hæð sem nemur 25 ­þús­und millj­örðum króna, eða um tífaldri árlegri lands­fram­leiðslu Íslands. Það ætti því að ráða vel við að greiða 14 millj­arða Banda­ríkja­dala sekt­ina sem það þarf að greiða, vegna skatta­laga­brota, sam­kvæmt nið­ur­stöðu Evr­ópu­sam­bands­ins.