Ræturnar vökvaðar

Áhrifamikil uppbygging á Seattle-svæðinu er ekki síst að þakka frumkvöðlum sem ákváðu að byggja fyrirtæki sín upp á svæðinu.

Skyline
Auglýsing

Við fjöl­skyldan fluttum nýverið á vest­ur­strönd Banda­ríkj­anna. Við erum búsett í Kirkland, í útjaðri Seattle í Was­hington ­ríki. Það sveit­ar­fé­lag er oft efst á lista yfir ein­stök sveit­ar­fé­lög í Banda­ríkj­un­um, þegar kemur að því hvar best sé að búa (Fínt að vita af þessum list­um, þó erfitt sé að toppa Laug­ar­nes­ið. Það bíður eftir okkur síð­ar). Því til­heyra nú ríf­lega 87 þús­und í­bú­ar, eftir sam­ein­ingu við nágranna í fyrra. Áður en til hennar kom voru íbú­ar 49 þús­und, sem telst nú afar lít­ill fjöl­býl­is­staður á alþjóð­lega mæli­kvarða.

Staley öskr­að­i Grun­ge-­bylgj­una

Fræg­asti mað­ur­inn sem komið hefur frá Kirkland er Lay­ne Staley heit­inn, söngv­ari Alice in Chains. Ég hef öskrað með hon­um, eins og ef­laust margir aðrir (Them Bones, I Stay Away...). Ekki síst Ágúst Örn vin­ur m­inn, sem greip Alice in Chains helj­ar­g­reipum þegar Staley keyrð­i Grun­ge-­bylgj­una út frá Kirkland og yfir heim­inn allan, með félögum sínum í N­ir­vana, Pearl Jam, Sound­gar­den og fleiri sveit­um. Allar hljóm­sveit­irnar eiga rætur hér á sama svæð­in­u. Því er fagnað um þessar mundir að 25 ár eru frá því Grun­ge-­bylgjan braust fram ­með öskrum, rifnum galla­buxum og síðu hári. Og skall á mér eins og mörgum öðrum á yfir tíu ára tíma­bili milli 1990 og 2000.

Auglýsing


Hljóm­sveitin Temple of The Dog, for­veri Pearl Jam, þar sem Eddie Vedder og Chris Corn­ell syngja báð­ir,  heldur afmæl­is­tón­leika 20. og 21. nóv­em­ber, í Para­mount Theatre í Seatt­le, 2.800 manna stað þar sem Grun­ge-ið fór að heyrast einna fyrst.

Við hjónin höfum túlkað þetta sem inn­flutn­ings­partý okk­ur til heið­urs. Miða­verðið er reyndar þannig, að það má deila um hvort okkur sé boð­ið. Löngu upp­selt, en eft­ir­mark­að­ur­inn er að sýna miða á 489 Banda­ríkja­dali, um 65 þús­und krón­ur, ódýrast, en það fer hækk­andi. (Minna en dýr­ustu takka­skórnir frá Nike. Eða eitt­hvað.) Við finnum okkur kannski ein­hverjar afsak­anir fyrir því að fara í afmæl­is­veisl­una, hver veit.

Tækni og Asíu­á­hrif

Í fyrra­vetur vorum við í New York, eins og ég miðl­aði til­ les­enda Kjarn­ans í gegnum pist­la, á vef Kjarn­ans og einnig í morg­un­út­varp­inu á RÚV.

New York er gjör­ó­lík Seatt­les­væð­inu, svo ekki sé meira sag­t, ­nema hugs­an­lega þegar kemur að fólki og mannauði. Hér eins og þar, er afar áhrifa­mik­ill og magn­aður mann­lífs­suðu­pott­ur. Hin land­fræði- og menn­ing­ar­lega teng­ing aust­ur­strand­ar­innar við Evr­ópu, sem allir íbúar þar finna fyrir óbeint og beint, er ekki sýni­leg hér.



Vest­ur­ströndin er undir meiri áhrifum frá Asíu. Ekki aðeins vegna þess að sú strönd er nær Asíu (!) heldur hefur fólk frá Asíu, ekki síst Ind­landi og Kína, sett mik­inn svip á Seatt­le-­svæðið allt á und­an­förnum ára­tug­um. Það hefur verið einn af lyk­il­þáttum þess að byggst hef­ur ­upp eitt sterkasta og magn­að­asta hag­kerfi í ver­öld­inni, hvorki meira né minna.

Eitt af því sem leigusal­inn sagði okk­ur, þegar við vorum að ­ganga frá samn­ingum um ný heim­kenni, var að flestir nágrannar okkar væru ­starfs­menn Amazon og Microsoft, og margir þeirra frá Ind­landi. Það segir fólki kannski ein­hverja sögu.

Heima­hag­ar á­hrifa­manna

En af hverju að segja hag­kerfið á Seatt­le-­svæð­inu eitt það ­sterkasta í ver­öld­inni?

Sagan á bak við það er bæði löng og stutt, en þá má segja að hún teng­ist í seinni tíð ákvörð­unum þriggja frum­kvöðla. Bill Gates og Paul Allen, stofn­endur Microsoft árið 1975, og Jeff Bezos, stofn­anda Amazon. Þeir eru all­ir ­bú­settir svæð­inu, og tengj­ast því svo rót­föstum böndum að þeir hafa ákveðið að stýra sínum fjár­fest­ingum og fyr­ir­tækjum frá svæð­inu. Gates og Allen eru upp­aldir á svæð­inu og fluttu starf­semi Microsoft fljót­lega í heima­hag­ana eftir að það var ­stofnað í Nýju-­Mexíkó, en Bezos valdi svæðið sem góðan stað til að stofna Amazon. 

Það er ekk­ert annað að baki ákvörð­un­inni um að hafa höf­uð­stöðvar Microsoft og Amazon hér á svæð­inu, en þessa ramma taug þeirra við ­svæð­ið. Rök­rétt væri að hafa þau í Síli­kondaln­um, myndi ein­hver segja, en ef­laust má deila um það. Sér­stak­lega í ljósi þess hvernig úr hlut­unum hefur spil­ast. Án svæð­is­ins hefði sagan vafa­lítið orðið önn­ur.

Eftir því sem tím­inn hefur liðið hafa fyr­ir­tækin sjálf svo bein­línis orðið föst við svæðið og haft mikil áhrif til mót­unar vegna þess hve stór þau eru. Hjá Microsoft starfa 44 þús­und á Seattle svæð­inu, flestir í risa­vöxnum höf­uð­stöðv­um ­fyr­ir­tæk­is­ins í Red­mond, sem til­heyrir Seattle svæð­inu (Metropolit­an-­Seatt­le ­ar­ea). Þar búa aðeins 3,7 millj­ónir manna, sem telst lítið fyrir jafn þrótt­mikið hag­kerfi.



Amazon á land­inu hans Al­len

Amazon er með 30 þús­und starfs­menn í fullu starfi í sín­um höf­uð­stöðvum í Seatt­le, og er fyr­ir­tækið stærsti vinnu­veit­and­inn inn í borg­inn­i ­sjálfri. Þús­undir vinna einnig í hluta­störf­um. Land­eig­and­inn á svæð­inu þar sem hinar nýju risa­vöxnu höf­uð­stöðv­ar eru, er Paul nokkur Allen. Hann hefur óbeint tengt sig við ævin­týra­legan vöxt ­fyr­ir­tæk­is­ins í gegnum upp­bygg­ingu nýrra höf­uð­stöðva.

Stofn­andi Amazon, hinn 52 ára gamli Jeff Bezos, valdi svæð­ið til að stofna fyri­tæk­ið, af því að þar var að finna mikið af tækni­mennt­uðu fólki og þá var einnig rót­gróin hefð fyrir kaffi­húsum og bóka­búð­um. Þarna var sum sé skap­andi umhverfi og gott fólk (sú blanda klikkar sjaldnast). Hér var Star­bucks stofnað og er ­fyr­ir­tækið enn með höf­uð­stöðvar sínar í Seattle og kaffi­hús á hverju horni.

Upp­haf­lega var Amazon hugsað sem bóka­búð á net­inu, en flest þekkjum við fram­hald­ið. Það sem fæst ekki á Amazon er lík­lega ekki til. Bezos keypti The Was­hington Post árið 2013, er eig­andi Blue Orig­in ­geimsku­tlu­fyr­ir­tæk­is­ins, og teng­ist fjöl­mörgum nýsköp­un­ar­fjár­fest­ingum í gegn­um Bezos Expeditions. Eignir hans eru nú metnar á 67,3 millj­arða Banda­ríkja­dala og er hann í hópi áhrifa­mestu frum­kvöðla heims­ins, og jafn­framt ríkusta manna heims.

Ein­ungis í fyrra réð Amazon 3.500 nýja starfs­menn inn í höf­uð­stöðv­arn­ar, mest í tækni- og stefnu­mót­un­ar­störf. Sumir segja að Amazon eigi eftir að verða stærsta fyr­ir­tæki ver­ald­ar, þar sem heims­yf­ir­ráð á svið­i smá­sölu og net­verslun verða ekki svo langt und­an. Það kemur í ljós hvort þetta ­gengur eft­ir.

Allen og söfnin

Þó Allen hafi fljótt slitið sam­starf­inu við Bill Gates, eftir að Microsoft var stofn­að, þá  er hann vell­auð­ugur og virkur fjár­fest­ir, einkum á sviði tækni, rann­sókna og fast­eigna­starf­semi. Heild­ar­eignir hans eru metnar á 18 millj­arða ­Banda­ríkja­dala, sam­kvæmt For­bes, eða sem nemur um 2.200 millj­örðum króna.

Íslend­ingar muna kannski eftir nafn­inu frá því snekkja hans, Oct­upus, birtis út fyrir Reykja­vík. Hún er 126 metra löng, og þrett­ánda stærsta ­snekkja heims, og búin öllum helstu þæg­indum og meira til. Þar sem þyk­ir ­sér­stakt við hana, fyrir utan glæsi­legt útlit, er full­kom­inn köf­un­ar­bún­aður til­ að stunda rann­sóknir í haf­inu og á hafs­botni.

Allen er þekktur á Seatt­le-­svæð­inu fyrir að vera gjaf­mild­ur, en hann hefur komið að mörgum góð­gerð­ar­verk­efnum í gegnum tíð­ina. Einna þekkt­ust eru styrkir hans til fjöl­margra bóka­safna á svæð­inu. Þá gaf hann Seatt­le ­borg hið stór­kost­lega tón­list­ar­safn, The Experience, sem tekið var í notk­un árið 2000. Nafnið er tengt einum þekktasta tón­list­ar­manni sem komið hefur frá­ ­Seatt­le, snill­ingnum Jimi Hendrix, sem lést 27 ára gam­all árið 1970. Á stutt­u­m ­ferli sínum mark­aði hann djúp og var­an­leg spor í tón­list­ar­sög­una með ein­stök­um gít­ar­hæfi­leikum sín­um.



Fullir vasar fjár

Áhrifin af þeirri ákvörð­un, að byggja Microsoft upp hér­, eru gríð­ar­lega mikil og rætt um Microsoft-á­hrifin (Microsoft Effect) í því ­sam­hengi. Umfangs­mikil sér­fræði­þjón­usta á svæð­inu, á ýmsum sviðum – lög­fræð­i, end­ur­skoð­un, fjár­mála­þjón­ustu, stefnu­mót­un, ferða­þjón­ustu (skíði, hjól­reið­ar, flugu­veiði, klif­ur, göng­ur) og rann­sókna af ýmsu tagi – má bein­tengja við þá stað­reynd að fyr­ir­tækið er hér.

Fjár­magnið á svæð­inu er mik­ið, og fjöl­margir starf­andi fjár­fest­ar, litlir og stóri, sem hér búa. Fjár­fest­inga­banka­armur Bank of Amer­ica, Merril Lynch, er með um 25 millj­arða Banda­ríkja­dala í stýr­ingu á Seatt­le-­svæð­inu, í gegnum þrjár skrif­stofur sín­ar. Það er upp­hæð sem nemur um það bil öllu ­ís­lenska líf­eyr­is­sjóða­kerf­inu, en fyr­ir­tækið ein­blínir nær ein­göngu á auð­uga ein­stak­linga. Bara svo lítið dæmi sé nefnt, um mikið fjár­magn ­sem flæðir um hag­kerfi svæð­is­ins og merki sjást um í rekstri fyr­ir­tækja.

Fjár­hags­legur styrkur Microsoft er með ólík­ind­um, en um mitt þetta ár átti félagið rúm­lega 105 millj­arða Banda­ríkja­dala í lausu fé frá­ ­rekstri. Upp­hæð sem nemur um fimm­tíu­faldri árlegri lands­fram­leiðslu á Íslandi, um tólf þús­und millj­örð­um. Aðeins App­le, með sína rúm­lega 200 millj­arða Banda­ríkja­dala sjóði, á meira þegar horft er á þennan mæli­kvarða á meðal bandrískra fyr­ir­tækja.

Nýverið var til­kynnt um 26,2 millj­arða kaup fyr­ir­tæk­is­ins á L­in­ked-in, sem bíða sam­þykkis eft­ir­lits­að­ila, og fyrir tveimur árum keypti það Minecraft frá sænskum stof­nefndum á 2,5 millj­arð Banda­ríkja, eða rétt um 300 millj­arða króna. Það þykja í dag ein­stak­lega vel heppnuð kaup, þar sem Microsoft hef­ur um­breytt Minecraft hug­mynd­inni í tölvu­leikja­sam­fé­lag með ótal vöru­lín­um. Kaup­in hafa fyrir löngu borgað sig og heldur Minecraft-ver­öldin áfram að stækka, ekki síst í X-box heimi fyr­ir­tæk­is­ins.

Starf­semin byggir þó á gömlum merg víð­tækrar þjón­ustu við ein­stak­linga og fyr­ir­tæki. Hún mallar áfram, og vext og dafnar frá ári til árs.

Gates hjónin og há­leit mark­mið

Bill Gates er ekki lengur stjórn­ar­for­mað­ur, eða sá sem heldur þráðunum í höndum sér hjá Microsoft. En hann er í hugum margra mað­ur­inn á bak við risann Microsoft og bylt­ingu heim­il­is­tölv­unn­ar. Hann er rík­asti ein­stak­lingur heims, ­með eignir upp á ríf­lega 90 millj­arða Banda­ríkja­dala, sam­kvæmt lista For­bes. Hann hefur heitið því að ­gefa auð sinn í þró­un­ar- og rann­sókn­ar­verk­efni til að vinna gegn fátækt­, ­sjúk­dómum og félags­legum erf­ið­leik­um, einkum í Afr­íku.

Kjarn­inn í þess­ari vinnu hans og eig­in­konu hans, Melind­u Gates, er í gegnum Bill and Melinda Gates Founda­tion. Höf­uð­stoðvar þeirra ­stofn­unar og rann­sókn­ar­set­urs eru í Seatt­le, nema hvað. Starf­semin þar vex hratt og hefur Bill Gates meðal ann­ars ákveðið að auka stór­kost­lega við ­star­femi sem styður við nýsköp­un­ar­starf á sviði orku­mála. Um þetta til­kynnt­i hann á Par­ís­ar­fund­inum í des­em­ber í fyrra, þar sem sam­komu­lag náð­ist um að ­draga úr mengun með það að leið­ar­ljósi að vinna gegn hlýnun jarð­ar, sem ríki hafa verið að stað­festa end­an­lega á alls­herj­ar­þingi Sam­ein­uðu þjóð­anna, þar á meðal Ísland, þessa dag­ana. Gates hef­ur ein­sett sér að búa til breið­fylk­ingu frum­kvöðla og fjár­festa, sem ein­beita sér­ að því að auka nýt­ingu vist­vænna orku­gjafa og draga um leið úr notkun á tækn­i ­sem reiðir sig á kol og olíu.

Gates er almennt álit­inn með allra áhrifa­mestu mönnum sam­tím­ans.



Her­inn, Boeing og há­skól­arnir

Hátæknin í Seatt­le-hag­kerf­inu á sér lengri sögu en inter­netið og tölv­urnar ná til. Stærsti vinnu­veit­and­inn á svæð­inu er flug­ris­inn ­Boeing. Hjá honum vinna 78 þús­und starfs­menn, hvorki meira né minna. Í gegn­um súrt og sætt, og þekktar sveiflur í flug­iðn­aði, hefur fyr­ir­tækið byggt upp­ ­starf­semi sína á svæð­inu. Til að setja fjöld­ann í sam­hengi við íslenskan veru­leika, þá er heild­ar­fjöldi fólks á vinnu­mark­aði á Íslandi um 190 þús­und. Fyr­ir­tæk­ið varð hund­rað ára í júlí síð­ast­liðn­um, og allan tím­ann hefur hjartað í starf­sem­inni verið í Was­hington ríki.

Einn stærsti við­skipta­vinur Boeing í gegnum tíð­ina, ­Banda­ríkja­her, er næst stærsti vinnu­veit­and­inn á svæð­inu. Um 56 þús­und eru að ­störfum í einni stærstu her­stöð hers­ins í Banda­ríkj­un­um, í um klukku­tíma akst­urs­fjar­lægð frá Seattle. Þar er Lewis-McG­hord her­stöðin stað­sett. Þjón­usta við hana er bæð­i um­fangs­mik­il, og mik­il­væg fyrir Seatt­le-­svæð­ið.

Her­inn hefur meðal ann­ars rekið þar stóra ­rann­sókn­ar­skrif­stofu þar sem fjar­skipta- og flug­bún­aður hefur verið þró­að­ur. Þá kemur sér vel að vera með risa­vaxið sam­fé­lag tækni­mennt­aðs fólks og stærsta flug­tækni­fyr­ir­tæki heims í grennd.

Annað sem lík­lega hjálpar til, er öfl­ugt háskóla­sam­fé­lag. Þar sem Uni­versity of Was­hington er stærstur með 25 þús­und starfs­menn og ­nem­ene­d­ur. Hann hefur lengi verið í hópi bestu háskóla Banda­ríkj­anna, einkum á sviði raun­vís­inda og tækni­mennt­unar af ýmsu tagi. Verk­fræði­deildin er ann­áluð fyrir mikil gæði.

Íslands­teng­ingin í hrun­inu

Í febr­úar árið 2009, þegar alþjóða­mark­aðir voru í for­dæma­lausri lág­deyðu, þá ákvað SAS að leggja niður flug sitt til Seatt­le-­svæð­is­ins og binda enda á 42 ára teng­ingu félags­ins við svæð­ið. Þá stökk Icelandair til­, mitt í fjár­hags­erf­ið­leikum og end­ur­skipu­lagn­ingu eftir hrunið á Íslandi, og hóf að fljúga til borg­ar­ar­innar skömmu síð­ar. Í umfjöllun hins ágæta ferða­vefs, turist­i.is, segir að þetta hafi verið djörf ákvörðun sem hafi heppn­ast vel. Margar ferðir í viku eru nú farnar og hefur sæta­nýt­ingin verið góð frá byrj­un.

Mín til­finn­ing er þó sú, að hér sé hægt að gera enn bet­ur þegar kemur að mark­aðs­setn­ingu fyrir Ísland. Mikið af fólki með góðan kaup­mátt býr á svæð­inu og vöxt­ur­inn í kort­unum hlýtur að virka heill­andi fyrir til dæm­is­ ­fyr­ir­tæki í ferða­þjón­ustu og tækni­geir­an­um, en einnig í öðrum geir­um.

Íslensk fyr­ir­tæki hafa lengi verið með teng­ingu eða starf­semi hér, meðal ann­ar­s Marel og Hamp­iðj­an, og einnig má nefna Greenqloud sem á dög­unum fékk nýja fjár­mögnun upp á um 500 millj­ónir frá fjár­fest­inum Kelly Ireland.



Sjáv­ar­út­veg­ur­inn ætti að geta unnið sig vel inn í Seatt­le-hag­kerf­ið, og þaðan í ýmsar átt­ir, hefði maður hald­ið. Það er meira en þegar hefur gerst. Banda­ríkja­menn eru víð­ast hvar óra­fjarri íslenskum ­fyr­ir­tækjum þegar kemur að þekk­ingu á sjáv­ar­út­vegi og hlið­ar­greinum hans, eins ó­trú­lega og það hljóm­ar. Í Seattle er stór og mikil höfn og umfang ýmiss­ar hafn­ar­sæk­innar starf­semi vex stöðugt. Kannski eru enn fleiri tæki­færi í því að byggja hér­ ­upp til fram­tíð­ar, fyrir íslenskan sjáv­ar­út­veg? Manni sýn­ist ágæt­is­byrj­un­ar­punktur vera sá, að kenna Banda­ríkja­mönnum að borða sjáv­ar­fang, annað en sus­hi. Þeir virð­ast ekki kunna það.

Ekk­ert kemur í stað­inn fyrir einka­fram­takið

Alveg sama hvað stjórn­mála­menn reyna, þá geta þeir ekki búið til jafn tær inn­spýt­ing­ar­á­hrif og djarfir og klókir frum­kvöðl­ar, þegar kemur að því að breyta hlutum og fram­þróa það sem fyrir er. Það er mín ein­læga skoð­un. Seatt­le-hag­kerfið - með Geim­nál­ina (Space Need­le) sem helsta kenni­leiti - er ágætt dæmi hvaða kraftar geta ver­ið ­leystir úr læð­ingi ef fjár­festar fylkja sér að baki snjöllu fólki, sem ­jafn­framt er með sam­fé­lags­hugsun og heil­indi í fartesk­inu. Sem er til­búið að vökva ræt­urnar í umhverfi sínu, öllum til hags­bóta, og stunda við­skipti eftir bestu mögu­legu getu.

Hér verður von­andi gott að fá lífs­reynslu, kynn­ast nýjum hlutum og tæki­færum, og segja frá því sem á vegi manns verður eða kemur  upp í hug­ann.

Næsti pist­ill héðan verður um þann geira sem vex hrað­ast á svæð­inu þessi miss­er­in. Ráð­stefnur eru haldnar um hann og fjár­festar hafa mik­inn áhuga. Það er hinn lög­legi kanna­bis­iðn­aður í Was­hington ríki. Sam­tök hags­muna­að­ila í kanna­bis­iðn­aðum (svipað og Sam­tök atvinnu­lífs­ins, bara miklu stærri) eru þar mið­punktur hags­muna­gæslu í grósku­miklum iðn­að­i. 

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Dagur B. Eggertsson borgarstjóri Reykjavíkur.
Eftirlitsaðilar fái heimildir til að skoða leiguhúsnæði
„Það sem maður situr svolítið eftir með í kjölfar brunans á Bræðraborgarstíg er að þar sem um íbúðarhúsnæði var að ræða er ábyrgðin [á eldvörnum] samkvæmt lögum og reglugerðum fyrst og fremst eigandans,“ segir Dagur B. Eggertsson borgarstjóri.
Kjarninn 29. nóvember 2020
Schengen-samstarfið hefur átt undir högg að sækja vegna veirufaraldursins. Víða hefur innri landamærum svæðisins verið lokað. Þessi mynd er frá pólska landamærabænum Cieszyn í sumar, þar sem landamæralokun Tékka var mótmælt.
Sótt að Schengen
Árið 2020 hefur tekið á Schengen-samstarfið. Landamæralokanir vegna faraldursins, flóttamannamál og hryðjuverkaárásir hafa vakið upp spurningar um hvaða stefna skuli mörkuð og líklegt er að samstarfið taki einhverjum breytingum.
Kjarninn 29. nóvember 2020
Mette Frederiksen forsætisráðherra komst við er hún ræddi við fjölmiðla eftir að hafa heimsótt minkabú í síðustu viku og rætt við bændur sem höfðu misst frá sér ævistarfið.
Minkaklúðrið
Danska ríkisstjórnin hefur sætt mikilli gagnrýni vegna minkamálsins svonefnda, þar sem margt hefur farið úrskeiðis. Nú síðast þegar ekki var fylgt tilmælum varðandi urðun hræjanna. Algjört klúður í eitt og allt segja danskir fjölmiðlar.
Kjarninn 29. nóvember 2020
Fimm manns sem voru gestkomandi á heimili Víðis og eiginkonu hans síðasta laugardag eru smituð af kórónuveirunni.
Ellefu urðu útsett fyrir smiti á heimili Víðis
Auk Víðis Reynissonar yfirlögregluþjóns og eiginkonu hans eru fimm manns í nærumhverfi hjónanna, sem voru gestkomandi á heimili þeirra síðasta laugardag, smituð af kórónuveirunni. Víðir segir hjónin hafa verið verulega slöpp í gær, en skárri í dag.
Kjarninn 28. nóvember 2020
Fréttaþættirnir Heimskviður verða ekki á dagskrá RÚV á nýju ári.
Heimskviður hverfa af dagskrá Rásar 1
Gera þarf breytingar á dagskrá Rásar 1 vegna hagræðingaraðgerða hjá Ríkisútvarpinu. Ein þeirra er sú að Heimskviður, fréttaskýringarþáttur um erlend málefni, verður ekki lengur á dagskrá á nýju ári. Einnig mun þurfa að endurflytja meira efni.
Kjarninn 28. nóvember 2020
Hallgrímur Hróðmarsson
Hver er hann þessi sem gengur alltaf með veggjum?
Kjarninn 28. nóvember 2020
Gylfi Zoega, hagfræðiprófessor við Háskóla Íslands
Gylfi ver ummæli Tinnu um landamæraskimanir
Prófessor í hagfræði útskýrir hagfræðilegu rökin fyrir því að skylda komufarþega að fara í skimun á landamærunum og láta þá borga hátt gjald fyrir það í nýjasta tölublaði Vísbendingar.
Kjarninn 28. nóvember 2020
Svandís Svavarsdóttir, heilbrigðisráðherra.
Margir héldu að málið væri í höfn – en svo er ekki
Heilbrigðisráðherra segir að liggja verði ljóst fyrir hversu miklum peningum verði ráðstafað í samning við sjálfstætt starfandi sálfræðinga áður en hann verður gerður til þess að fjármunum verði varið með sem bestum hætti.
Kjarninn 28. nóvember 2020
Meira eftir höfundinnMagnús Halldórsson
Meira úr sama flokkiFréttaskýringar
None