Stundin nálgast

Mikill titringur er í bandarískum stjórnmálum vegna rannsóknar FBI, CIA og Bandaríkjaþings á tengslum Rússa við framboð Donalds Trumps. Öll spjót verða á James Comey þegar hann verður yfirheyrður í beinni útsendingu síðar í vikunni.

James Comey var forstjóri bandarísku alríkislögreglunnar þar til hann var látinn taka pokann sinn nýverið.
James Comey var forstjóri bandarísku alríkislögreglunnar þar til hann var látinn taka pokann sinn nýverið.
Auglýsing

Gríð­ar­legur titr­ingur er nú á sviði stjórn­mál­anna í Banda­ríkj­un­um, en á fimmtu­dag­inn mun James Comey, hinn brottrekni fyrr­ver­andi stjórn­andi alrík­is­lög­regl­unnar FBI, koma fyrir þing­nefnd Banda­ríkja­þings og gefa skýrslu. Allt mun þetta fara fram fyrir opnum tjöld­um. Spurn­ingar og svör í beinni útsend­ingu. Nú er sú stund að nálgast, og sífellt að koma fram ný púsl í mynd­ina af þess­ari atburða­rás sem er til rann­sókn­ar.

Brottrek­inn

Don­ald Trump Banda­ríkja­for­seti rak Comey, eftir að hafa fengið minn­is­blað í hendur frá dóms­mála­ráðu­neyti Jeff Sessions, þar sem mælt var með því að hann yrði lát­inn fara. Robert Mueller, fyrr­ver­andi yfir­maður FBI, tók við rann­sókn­inni í kjöl­far­ið.

Was­hington Post greindi síðar frá því, að í minn­is­blaði Comey, af fundi hans með Trump, 14. febr­úar á þessu ári, kæmi fram að Trump hafi beðið hann um að hætta rann­sókn á fyrr­ver­andi þjóðar­ör­ygg­is­ráð­gjaf­anum Micheal Flynn, en hann hætti störfum eftir 20 daga í emb­ætti, 13. febr­ú­ar. 

Auglýsing

Don­ald Trump hefur ítrekað neitað því að Rússar hafi verið að skipta sér af kosn­ing­unum í Banda­ríkj­un­um, og hefur sagt rann­sókn FBI, leyni­þjón­ust­unnar CIA og rann­sókn­ar­nefnda Banda­ríkja­þings, „norna­veið­ar­“. 

Afhjúpun breytir öllu

Eftir afhjúpun frétta­vefs­ins The Intercept, frá því í gær, blasir nú við stað­fest­ing á því að rúss­nesk yfir­völd, eða nánar til­tekið leyni­þjón­usta rúss­neska hers­ins, var að gera tölvu­árásir á kosn­inga­kerfið í Banda­ríkj­un­um, og reyna þannig að hafa áhrif á fram­kvæmd kosn­ing­anna.

Fjallað var um gögnin á vefnum í gær, en 25 ára gömul kona, Rea­lity Leigh Winner að nafni, sam­­kvæmt frétta­vef CNN, hefur verið ákærð vegna lek­ans til The Intercept.

Hún starf­aði sem verk­taki hjá Pluri­bus International Cor­poration í Georg­­íu­­ríki, en ákæran er gefin út af sak­­sókn­­ara dóms­­mála­ráðu­­neytis Banda­­ríkj­anna. Í frétt CNN er hún sögð hafa við­­ur­­kennt að hafa lekið gögn­unum við yfir­­heyrslu en hún var hand­­tekin 3. júní síð­­ast­lið­inn.

Framboð Donalds Trump fór eins og stormsveipur um mörg ríki Bandaríkjanna, í aðdraganda kosninganna í fyrra, og náði nægilegum stuðningi til þess að tryggja Trump sigur í kosningunum. Nú er verið að rannsaka hvort maðkur hafi verið í mysunni.

Mörg atriði til rann­sóknar

En hvað er það sem FBI, CIA og þing­nefndir Banda­ríkja­þings eru að rann­saka?



Í stórum dráttum snýst rann­sókn­in, eins og henni hefur verið lýst í fjöl­miðlum hér í Banda­ríkj­un­um, um að kafa ofan í gögn og sann­anir sem nú liggja fyrir um tengsl milli Rússa og fram­boðs Don­alds Trumps. Grunur leikur á því að Rússar hafi beitt sér, einkum með tölvu­árásum - líkt og nú hefur verið sagt frá varð­andi leyni­þjón­ustu rúss­neska hers­ins - til að hafa áhrif á fram­gang kosn­ing­anna. 

Því hefur verið heit­ið, að öllum steinum verði velt við í rann­sókn­inni til að draga sann­leik­ann fram. Hér að neðan eru nokkrir helstu þætt­irnir sem eru til rann­sókn­ar, og lík­legt er að verði ræddir í opinni yfir­heyrslu Comeys. 

Sessions dóms­mála­ráð­herra hefur ákveðið að draga sig alveg frá því ef til þess kemur að dóms­­mála­ráðu­­neyti hans fari að rann­saka tengsl fram­­boðs Don­alds Trumps við Rússa, en fyrir liggur þó að Comey var rek­inn eftir rök­stuðn­ing frá ráðu­neyti hans. Rann­sóknin á Rúss­lands­tengsl­unum var ekki nefnd sem ástæða, í rök­stuðn­ingi fyrir brott­rekstr­in­um, en greini­legt er þó að rann­sóknin er að valda miklum titr­ingi í Hvíta hús­inu.

Sergey Kislyak, hinn umdeildi rússneski sendiherra í Washington DC.

Nú þegar hefur Mich­­ael Flynn, sem gegndi stöðu þjóðar­ör­ygg­is­ráð­gjafa, sagt af sér vegna tengsla sinna við Rússa, eins og áður seg­ir. 

Hann greindi Micheal Pence, vara­­for­­seta Banda­­ríkj­anna, ekki frá því að hann hefði rætt um við­­skipta­þving­­anir á hendur Rússum við send­i­herra Rús­s­lands í Banda­­ríkj­un­um, Sergey I. Kis­lyak. Sá maður hefur komið sér upp víð­tækum tengslum við helsta bak­land Trumps, og sat meðal ann­ars fundi með Sergey Lavrov, utan­rík­is­ráð­herra, í opin­berri heim­sókn hans í Hvíta húsið í síð­asta mán­uði.

Hinn 28. febr­­úar í fyrra var Sessions fyrsti þing­­maður Repúblik­ana til að lýsa for­m­­lega yfir stuðn­­ingi við fram­­boð Don­alds Trumps.

Hinn 3. mars greindi Trump frá því að Sessions yrði aðal­­ráð­gjafi hans í örygg­is- og varn­­ar­­málum í fram­­boð­in­u.

Orðrómur um að tölvu­árásir hafi átt sér stað á Demókra­ta­­flokk­inn og helstu stjórn­­endur fram­­boðs Hill­­ary Clinton var stað­­festur með yfir­­lýs­ingu 14. júní frá Demókröt­u­m.

Hinn 18. júlí hitti Sessions send­i­herra Rússa, fyrr­nefndan Sergey I. Kis­lyak, á fundi, eftir aðal­fund Repúblik­ana.

Fjórum dögum síð­­­ar, 22. júlí, eru tölvu­­póstar kosn­­inga­­stjóra Demókrata og Hill­­ary Clin­t­on, ásamt fleirum, birtir á vef Wik­i­­leaks.

Hinn 25. júlí lýsir banda­ríska alrík­­is­lög­reglan FBI því yfir að rann­­sókn sé hafin á tölvu­árás­un­­um. Sama dag segir Don­ald Trump í beinni útsend­ingu, í ræðu. „Rús­s­­ar, ef þið eruð að hlusta, ég vona að þið getið birt eitt­hvað af þessum 30 þús­und tölvu­­póstum sem Hill­­ary eydd­i”.

Hinn 8. sept­­em­ber hitti Sessions send­i­herr­ann aft­­ur, að þessu sinni á skrif­­stofu sinni í Was­hington D.C. Mán­uði síðar lýsir Barack Obama, þáver­andi Banda­­ríkja­­for­­seti, því yfir að Rússar séu að skipta sér af lýð­ræð­is­­legum fram­­gangi kosn­­inga í Banda­­ríkj­un­­um. Don­ald Trump er síðan kos­inn Banda­­ríkja­­for­­seti, 8. nóv­­em­ber.



Hinn 29. des­em­ber bregst Obama við tölvu­árásum Rússa með refsi­að­­gerðum og vísar rús­s­­neskum erind­rekum úr land­i.

Á svip­uðum tíma ræddi Mich­­ael Flynn við Kis­lyak í síma, og þar voru meðal ann­­ars við­­skipta­þving­­anir gagn­vart Rússum til umfjöll­un­­ar. Sím­talið var hler­að.

Hinn 10. jan­úar á þessu ári var Sessions í þing­inu í Banda­­ríkj­un­um, og svar­aði spurn­ingum eið­svar­inn. Hann sagð­ist aldrei hafa verið í sam­­skiptum við Rússa. Það var sum sé lygi.

Sessions er skip­aður dóms­­mála­ráð­herra 8. febr­­ú­ar.

Flynn segir af sér 13. febr­­úar.

Was­hington Post greinir frá því 1. mars að Sessions hefði átt fund­i með send­i­herra Rússa, þvert á það sem hann hafði áður haldið fram. Don­ald Trump lýsir strax yfir stuðn­­ingi við Sessions og segir um norna­veiðar að ræða. Hann hafi ekk­ert rangt gert.

Hinn 28. maí síð­ast­lið­inn birt­ust fréttir af því að Jared Kus­hner, tengda­sonur Trumps og einn hans nán­asti ráð­gjafi, hafi hitt Kis­lyak á fundum skömmu eftir að Trump var kos­inn for­seti og óskað eftir því að leyni­leg sam­skipta­leið yrði búin til milli Hvíta húss­ins og Kreml. Kus­hner hefur ekki neitað frétt­un­um, og Trump hefur heldur ekki gert það beint, en sagt að rann­sóknin á Rússa­tengsl­unum byggi ekki á nein­u. 

Michael Flynn og Jared Kushner.

Kus­hner átti síðan einnig fundi með rúss­neskum banka­manni sem er meðal nán­ustu ráð­gjafa Pútíns, en FBI hefur þegar fram­kvæmt hús­leitir í höf­uð­stöðvum Repúblik­ana og lagt þar hendur á gögn sem mögu­lega geta sýnt fjár­hags­leg tengsl við Rússa. 

Skýrslu­gjöf Comeys á eftir að verða sögu­legur við­burður í banda­rískum stjórn­mál­um, óháð því hvernig fram­vinda mála verður eftir hana.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Trump stígur í vænginn við Færeyinga
Bandaríkjamenn hafa mikinn áhuga á aukinni samvinnu við Færeyinga. Þótt í orði kveðnu snúist sá áhugi ekki um hernaðarsamvinnu dylst engum hvað að baki býr.
Kjarninn 12. júlí 2020
Fé á leið til slátrunar.
Bændum á Íslandi heimilt að aflífa dýr utan sláturhúsa með ýmsum aðferðum
Yrði sláturhús á Íslandi óstarfhæft vegna hópsmits yrði fyrsti kosturinn sá að senda dýr til slátrunar í annað sláturhús. Ef aflífa þarf dýr utan sláturhúsa mega bændur beita til þess ýmsum aðferðum, m.a. gösun, höfuðhöggi og pinnabyssu.
Kjarninn 12. júlí 2020
Þriðjungsfjölgun í Siðmennt á rúmu einu og hálfu ári
Af trúfélögum bætti Stofnun múslima á Íslandi við sig hlutfallslega flestum meðlimum á síðustu mánuðum. Meðlimum þjóðkirkjunnar heldur áfram að fækka en hlutfallslega var mesta fækkunin hjá Zúistum.
Kjarninn 11. júlí 2020
Aldís Hafsteinsdóttir, formaður Sambands íslenskra sveitarfélaga og bæjarstjóri Hveragerðis.
„Við þurfum fleiri ferðamenn“
Formaður Sambands íslenskra sveitarfélaga telur nauðsynlegt að fleiri ferðamenn komi til Íslands sem fyrst og vill breytingar á fyrirkomulagi skimana á Keflavíkurflugvelli.
Kjarninn 11. júlí 2020
Gunnar Hólmsteinn Ársælsson
Frekju og yfirgangi Ísraels engin takmörk sett
Kjarninn 11. júlí 2020
Sjávarútvegurinn hefur bætt við sig störfum á meðan hart hefur verið í ári hjá ferðaþjónustunni.
Ferðaþjónustan skreppur saman en sjávarútvegurinn er í sókn
Rúmlega helmingi færri störfuðu í ferðaþjónustu á síðasta ársfjórðungi miðað við árið á undan. Störfum í sjávarútvegi hefur hins vegar fjölgað um helming.
Kjarninn 11. júlí 2020
„Þegar dætrum mínum var ógnað, náðu þeir mér“
Þegar Guðrún Jónsdóttir gekk inn í Kvennaathvarfið árið 1988 til að taka sína fyrstu vakt mætti henni kasólétt kona með glóðarauga. Hún hafði gengið inn í heim sem hafði fram til þessa verið henni gjörsamlega hulinn. „Ég grét í heilan sólarhring.“
Kjarninn 11. júlí 2020
Eldishús með Aviary Pro 10 varpkerfi frá Hellmann sambærilegt kerfum sem verða í notkun að Vallá.
Stjörnuegg vill fjölga fuglum í allt að 95 þúsund að Vallá
Fyrirtækið Stjörnuegg hf. áformar breytingar á eldishúsum sínum að Vallá á Kjalarnesi sem yrðu til þess að hægt væri að koma þar fyrir 95 þúsund fuglum í stað 50 þúsund nú. Slíkum fjölda fylgja um 3.500 tonn af hænsnaskít á ári.
Kjarninn 11. júlí 2020
Meira eftir höfundinnMagnús Halldórsson
Meira úr sama flokkiFréttaskýringar