Maður er nefndur Morris Chang og er 86 ára gam­all fjár­festir og fyr­ir­tækja­eig­andi í Tæv­an. Hann er stofn­andi og stjórn­ar­for­maður fyr­ir­tæk­is­ins Taiwan Semcond­uctor Manu­fact­uring (TSM), en gengi þess hefur rokið upp að und­an­förnu, eða um 27 pró­sent á aðeins þremur mán­uð­um, sam­kvæmt umfjöllun Bloomberg.

Millj­arða­mær­ingur á stuttum tíma

Hækk­unin hefur gert, Chang að millj­arða­mær­ingi í Banda­ríkja­dölum talið. Ástæðan fyrir hækk­un­inni er sú að fyr­ir­tækið gegnir mik­il­vægu hlut­verki við fram­leiðslu á iPhone sím­anum frá App­le, sem kemur á markað innan tíð­ar. Fyr­ir­tækið fram­leiðir hluti í síma, eins og vinnslu­minniskubba, örgjöva og sím­kort, og hefur vaxið hratt sam­hliða gríð­ar­lega hröðum vexti snjall­síma­iðn­að­ar­ins í heim­in­um. 

Það eru ekki aðeins tæknirisarnir sjálfir, sem hafa gengið í gegnum mikið vaxt­ar­skeið, heldur ekki síður mörg önnur fyr­ir­tæki sem fram­leiða auka­hluti í síma. 

TSM er eitt þeirra. Mark­aðsvirði þess er nú 183 millj­arðar Banda­ríkja­dala, sem gerir það að lang­sam­lega verð­mætasta auka­hluta­fram­leið­anda heims. Foxconn, sem hefur vaxið með snjall­síma­fram­leiðslu Apple og Sam­sung ekki síst, er nú 66 millj­arða Banda­ríkja­dala virði, eða sem nemur um þriðj­ungi af virði TSM.

Lít­ill hlutur gulls í gildi

Chang á sjálfur 0,5 pró­sent hlut í fyr­ir­tæk­inu, og nemur virði hans því um 900 millj­ónum Banda­ríkja­dala. 

Til marks um hvað verð­mið­inn á TSM er orð­inn hár, þá nemur hann meira en tvö­földu virði Gold­man Sachs bank­ans, en mark­aðsvirði hans er 89 millj­arðar Banda­ríkja­dala. 

Margt bendir til þess að fram­leiðslu­fyr­ir­tækin að baki snjall­síma­iðn­að­in­um, sem mörg hver eru stað­sett í Asíu, muni vaxa enn meira á næstu árum, og verða þannig bak­beinið í kom­andi tækni­bylt­ingu. Það eru ekki aðeins símar sem eru und­ir, heldur ekki einnig ný tæki og tól, sem munu leiða kom­andi tækni­breyt­ing­ar.

Stjórn­völd hjálp­uðu til

Chang stofn­aði TSM árið 1986, með stuðn­ingi stjórn­valda í Tævan, og hefur fyr­ir­tækið vaxið jafnt og þétt síð­an, á rúm­lega 30 ára starfs­tíma. Mesti vaxtas­kipp­ur­inn er þó sá sem hefur sést á und­an­förnum mán­uð­um. Og útlit er fyrir að hann haldi áfram.