Ríkisstjórnin ætlar að setja fjármagn í Borgarlínu

Samstaða er innan ríkisstjórnarinnar um að setja fjármagn í uppbyggingu Borgarlínu á höfuðborgarsvæðinu. Hversu mikið ríkið ætlar að setja í verkefnið mun koma í ljós í fjármálaáætlun. Reykjavík ætlar að setja a.m.k. 4,7 milljarða í Borgarlínu á 5 árum.

Auglýsing

Þess mun sjást staður í fjármálaáætlun nýrrar ríkisstjórnar, sem lögð verður fram í vor, að ríkið ætlar sér að leggja fé til þess að Borgarlínan verði að veruleika. Samstaða er um málið í ríkisstjórn. Þetta sagði Katrín Jakobsdóttir forsætisráðherra í sjónvarpsþætti Kjarnans í gærkvöldi.

Katrín sagði þar að það væri mjög mikilvægt að endurskoða samgöngukerfið á höfuðborgarsvæðinu og að huga þyrfti að því að breyta samgöngumynstrinu á svæðinu. Það væri skipulagsmál en ekki síður umhverfis- og loftlagsmál. Minnst er á borgarlínu stuttlega í stjórnarsáttmála nýrrar ríkisstjórnar. Þar segir: „Áfram þarf að byggja upp almenningssamgöngur um land allt og stutt verður við borgarlínu í samstarfi við Samtök sveitarfélaga á höfuðborgarsvæðinu.“

Hægt er að horfa á viðtalið við Katrínu í heild sinni í spilaranum hér að ofan.

Kjarninn greindi frá því í lok nóvember að í  frumvarpi að fimm ára fjármálaáætlun Reykjavíkurborgar sem lagt var fyrir borgarstjórn í byrjun mánaðar sé gert ráð fyrir að 4,7 milljörðum króna verði veitt til uppbyggingar Borgarlínu.

Auglýsing
Hins vegar aðeins gert ráð fyrir að 100 millj­ónir króna renni í verk­efni tengd Borg­ar­lín­unni á næsta ári. Þess vegna má gera ráð fyrir að þungi fram­kvæmda við fyrsta áfanga Borg­ar­lín­unnar verði í lok fimm ára áætl­un­ar­inn­ar. 

Dagur B. Egg­erts­son, borg­ar­stjóri Reykja­vík­ur, sagði þó í sjónvarpsþætti Kjarnans 22. nóvember að þetta gæti breyst og að hann vissi ekki hvort þetta yrði endanleg tala sem veitt yrði í verkefnið á næstu fimm árum. „Kannski er ríkið tilbúið að fara ennþá hraðar í þetta og þá þurfum við að bæta við. En allavega þá er það algjörlega skýrt í mínum huga að Borgarlinan, það er að segja afkastameiri almenningssamgöngur þarf til þannig að samgöngukerfið á höfuðborgarsvæðinu virki.“ Hann benti á að spár sýni að um 70 þúsund manns muni bætast inn á höfuðborgarsvæðið til 2040 og á því þurfi að taka. Ef borgin bæti bara við nýjum hverfum í útjaðri sínum muni tafa­tími í umferð­inni verða mun meiri en hann er nú þeg­ar.Borgarlínan mun liggja eftir þessum ásum á höfuðborgarsvæðinu.

Dagur sagði að ef það séu ein­hverjir sem hafi ríka hags­muni af því að almenn­ings­sam­göngur verði efld­ar, til dæmis með lagn­ingu Borg­ar­línu, þá séu það þeir sem ætla sér áfram að nota bíl. Reykja­vík­ur­borg, nágranna­sveit­ar­fé­lög höf­uð­borg­ar­innar og Vega­gerðin séu sam­stíga í þessum málum vegna þess að allar grein­ingar sýni að hags­munir allra fari saman í grænum áherslum í umferð­ar­mál­um. 

Samkvæmt orðum Katrínar í sjónvarpsþætti Kjarnans í gær þá hefur ríkisstjórnin nú bæst í þann hóp.

Hag­kvæm­asta lausnin

Auk­inn sam­göngu­vandi á höf­uð­borg­ar­svæð­inu hefur verið til umræðu á und­an­förnum árum og um leið lausnir við þeim vanda. Verk­fræði­stofan Mann­vit vann kostn­að­ar­mat á sam­göngu­sviðs­myndum fyrir sveit­ar­fé­lögin á höf­uð­borg­ar­svæð­inu árið 2014. Þar kemur í ljós að fjár­fest­ing í bættum almenn­ings­sam­göngum og fjár­fest­ing í vega­kerf­is­ins er hag­kvæm­asta lausn­in. Það er jafn­framt sú lausn sem skilar bestum árangri.

Ef ráð­­ast á í upp­­­bygg­ingu stofn­­vega innan höf­uð­­borg­­ar­­svæð­is­ins ein­­göngu til þess að takast á við auka bíla­um­­ferð innan og á milli sveit­­ar­­fé­lag­anna á suð­vest­­ur­horni lands­ins, mun það verða mun óhag­­kvæmara en að blanda saman upp­­­bygg­ingu almenn­ings­­sam­­gangna-, bíla­um­­ferð­­ar- og hjól­reiða­inn­viða.

Kostn­aður við Borg­ar­lín­una mun á end­anum verða á bil­inu 63 til 70 millj­arðar króna. Sá kostn­aður mun dreifast yfir nokkur ár.

Á aðal­fundi SSH 3. nóv­em­ber síð­ast­lið­inn kom fram að ef ráð­ist verði í fram­kvæmdir við helm­ing Borg­ar­lín­unnar í fyrsta áfanga yrði það fjár­fest­ing upp á 30 til 35 millj­arða króna.

Hraðvagnar ekki lestir

Ekki er gert ráð fyrir að lestar­teinar verði lagðir á höf­uð­borg­ar­svæð­inu fyrir Borg­ar­lín­una fyrst um sinn. Þétt­leiki byggð­ar­innar og fjöldi far­þega upp­fyllir ein­fald­lega ekki þau þarfa­við­mið sem þurfa að vera til staðar fyrir járn­brauta­lest­ir. Þess vegna verða vagn­arnir sem þjóna á Borg­ar­lín­unni hefð­bundnir stræt­is­vagn­ar.

Helsti mun­ur­inn verður hins vegar að vagn­arnir stoppa tíðar á hverri stoppi­stöð fyrir sig og hafa greiða leið um borg­ar­land­ið, enda verður Borg­ar­línan aðskil­inn frá annarri bíla­um­ferð. Hönnun kerf­is­ins á hins vegar ekki að úti­loka að hægt verði að breyta því í létt­lest­ar­kerfi síðar meir ef þess ger­ist þörf.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra var bólusett í Laugardalshöllinni í gær. Bólusetningar ganga nú mjög hratt fyrir sig á Íslandi og samhliða dregur úr takmörkunum.
Fjöldatakmarkanir hækkaðar í 50 manns frá og með næsta mánudegi
Opnunartími veitingastaða verður lengdur um klukkustund, leyfilegur fjöldi í verslunum tvöfaldast, fleiri mega vera í sundi og fara í ræktina. Grímuskylda verður hins vegar óbreytt.
Kjarninn 7. maí 2021
Skálað á kaffihúsi í Danmörku.
Ýta við ferðaþjónustunni með 32 milljarða króna „sumarpakka“
Danska ríkisstjórnin ætlar að setja 1,6 milljarða danskra króna, um 32 milljarða íslenskra, í „sumarpakka“ til að örva ferðaþjónustu landsins.
Kjarninn 7. maí 2021
Kvótinn um 1.200 milljarða króna virði – Þrjár blokkir halda á tæplega helmingi hans
Miðað við síðustu gerðu viðskipti með aflaheimildir þá er virði þeirra langtum hærra en bókfært virði í ársreikningum útgerða. Í næstu viku munu örfáir eigendur útgerðar selja tæplega 30 prósent hlut sinn í henni.
Kjarninn 7. maí 2021
Páll Magnússon er formaður allsherjar- og menntamálanefndar.
Nefnd búin að afgreiða fjölmiðlastyrki og umsóknarfrestur verður til loka maímánaðar
Meirihluti allsherjar- og menntamálanefndar hefur skilað áliti um stuðningskerfi til fjölmiðla. Þar er lagt til að þrengja skilyrði fyrir stuðningi úr ríkissjóði og gildistími laganna er færður í eitt ár.
Kjarninn 7. maí 2021
Rósa Guðbjartsdóttir, bæjarstjóri Hafnarfjarðar, og verk Libiu og Ólafs áður en það var tekið niður af gafli Hafnarborgar.
Bæjarstjóri hafnar því að hafa gerst sek um ritskoðun þegar listaverk var fjarlægt
Fulltrúar minnihlutans í Hafnarfirðii segja fjarlægingu listaverks Libiu Castro og Ólafs Ólafssonar af gafli Hafnarborgar síðastliðinn sunnudag „alvarlega aðför að tjáningarfrelsi“ og vilja að bæjaryfirvöld biðji tvíeykið afsökunar.
Kjarninn 7. maí 2021
Svæðið fyrir og eftir að Rio Tinto hafði farið yfir það með stórvirkum vinnuvélum.
Hluthafar Rio Tinto hafna starfskjarastefnu sem ofurlaun forstjórans fyrrverandi byggðu á
Fyrstu viðbrögð Rio Tinto og forstjóra þess, þegar upp komst að fyrirtækið hefði eyðilagt 46 þúsund ára gamla steinhella, voru að segjast ekki hafa vitað að þeir væru heilagir í hugum frumbyggjanna. Þessar afsakanir voru hluthöfum ekki að skapi.
Kjarninn 6. maí 2021
Bjarni Benediktsson, fjármála- og efnahagsmálaráðherra.
Telur ásakanir um meint brot Samherja ekki hafa skaðað orðspor íslenskra fyrirtækja
Fjármála- og efnahagsráðherra segist aldrei hafa fengið símtal, ábendingu eða umkvörtun frá nokkrum einasta aðila sem heldur því fram að ásakanir um lögbrot Samherja séu að valda einhverjum verulegum vandræðum fyrir íslenskan útflutning.
Kjarninn 6. maí 2021
Lilja Björk Einarsdóttir, bankastjóri Landsbankans.
Landsbankinn hagnaðist um 7,6 milljarða króna á þremur mánuðum
Hlutdeild Landsbanka Íslands á íbúðalánamarkaði hefur stóraukist milli ára og er nú 26,8 prósent. Hún hefur aldrei verið hærri. Eigið fé bankans er nú 261,4 milljarðar króna.
Kjarninn 6. maí 2021
Meira eftir höfundinnÞórður Snær Júlíusson
Meira úr sama flokkiFréttaskýringar