Fjórfalt fleiri kaþólikkar og tólf sinnum fleiri múslimar

Á sama tíma og erlendum ríkisborgurum hefur fjölgað mjög hratt á Íslandi hefur fjölda þeirra sem eru skráðir í Kaþólsku kirkjuna hérlendis margfaldast. Í byrjun árs voru þeir tæplega 13 þúsund. Múslimum hefur líka fjölgað mjög á síðustu áratugum.

_mg_1142_raw_53_14097618397_o.jpg
Auglýsing

Fjöldi þeirra sem skráðir eru í Kaþ­ólsku kirkj­una á Íslandi hefur næstum fjór­fald­ast frá ald­ar­mót­um. Þá voru 3.857 manns skráðir í kirkj­una en um síð­ustu ára­mót voru þeir orðnir 12.901. Frá byrjun árs 2010 hefur kaþ­ólikkum á Íslandi fjölgað um yfir þrjú þús­und. Þetta má sjá úr tölum Hag­­stofu Íslands og Þjóð­­skrár um breyt­ingar á trú- og líf­­skoð­un­­ar­­fé­lags­að­ild.

Þeim sem skráðir eru í trú­fé­lög múslima á Íslandi hefur einnig fjölgað mjög á und­an­förnum árum. Árið 1998 voru 78 manns skráðir í Félag múslima á Íslandi. Árið 2017 voru þeir orðnir 542 tals­ins en frá 2010 hafa verið tvö trú­fé­lög múslima hér­lend­is. Hitt, Menn­ing­ar­setur múslima, var með 406 með­limi skráða í byrjun árs í fyrra. Fjöldi múslima sem skráðir eru í trú­fé­lög hér­lendis hefur því rúm­lega tólf­fald­ast á 19 árum.

Erlendum rík­­is­­borg­­urum hefur fjölgað gíf­­ur­­lega á Íslandi á und­an­­förnum árum. Sú aukn­ing hefur verið sér­­stak­­lega mikil í ár. Á fyrstu níu mán­uðum árs­ins jókst fjöldi þeirra um 6.310. Það er aukn­ing á fjölda erlendra rík­­is­­borg­­ara á Íslandi um 21 pró­­sent frá því sem var um síð­­­ustu ára­­mót. Frá 2010 til sept­­em­ber­loka 2017 hafði erlendum rík­­is­­borg­­urum fjölgað um 9.318 í 36.585, eða um 74 pró­­sent. Bein fylgni er á milli fjölg­unar erlendra rík­is­borg­ara sem flytja hingað til lands og fjölg­unar í ofan­greindum trú­fé­lög­um. 

Með­limum í Sið­mennt og Zúistum fjölg­aði mikið

Skráð trú- og lífs­skoð­un­ar­fé­lög fá greidd sókn­ar­gjöld með hverjum skráða sókn­ar­fé­laga. Vegna árs­ins 2016 voru sókn­ar­gjöld sem greidd voru til trú- og líf­skoð­un­ar­fé­laga um 2,4 millj­arðar króna. Þar af fóru rúmir tveir millj­arðar króna til íslensku þjóð­kirkj­unn­ar.

Ára­tugum saman var skipu­lag mála hér lendis þannig að nýfædd börn voru ætið skráð í trú­­­­­fé­lag móð­­­­­ur. Það þurfti því sér­­­­­stak­­­­­lega að skrá sig úr trú­­­­­fé­lagi í stað þess að skrá sig inn í það. Þessu var breytt árið 2013 og nú þurfa báðir for­eldrar að til­­­heyra sama trú- og lífs­­­skoð­un­­­ar­­­fé­lagi til að barnið sé skráð í félag, ann­­­ars skrá­ist barnið utan­ ­trú­­­fé­laga. Á sama tíma var ramm­inn utan um hvers kyns félög mættu skrá sig sem trú- og líf­skoð­un­ar­fé­lög og þiggja sókn­ar­gjöld rýmk­að­ur.

Auglýsing
Siðmennt hefur til að mynda verið skráð lífs­skoð­un­ar­fé­lag frá árinu 2013. Félagið er það eina sem berst bein­línis gegn sókn­ar­gjöldum og fyrir algjöru trú­frelsi. Með­limir í Sið­mennt voru í upp­hafi árs 2017 1.789 tals­ins.

Zúistum hefur líka fjölgað mikið á örfáum árum. Þeir voru tveir árið 2014 en fjöldi þeirra rauk upp í rúm­lega þrjú þús­und í byrjun árs 2016, eftir að hópur manna taldi sig hafa tekið yfir félagið og ætl­aði að end­ur­greiða fólki þau sókn­ar­gjöld sem inn­heimt yrði vegna þeirra. Síðan stóð yfir ára­löng bar­átta milli þess hóps og þeirra aðila sem áður höfðu farið með yfir­ráð í félags­skapn­um. Sú bar­átta end­aði með sigri hinna síð­ar­nefndu. Zúistar fengu 32 millj­ónir króna greiddar úr rík­is­sjóð vega sókn­ar­gjalda á árinu 2016.

Fjöldi utan trú­fé­laga hefur tvö­fald­ast frá 2010

Fjöldi þeirra íbúa á Íslandi sem skráðir eru utan trú- og lífs­­skoð­un­­ar­­fé­laga hefur rúm­­lega tvö­­fald­­ast frá því í byrjun árs 2010. Þá voru þeir sem voru skráðir utan slíkra félaga 10.336 tals­ins. Um síð­­­ustu ára­­mót var sú tala komin upp í 20.500 og á fyrstu níu mán­uðum árs­ins 2017 bætt­ust 1.021 manns við sem stóðu utan trú- og líf­­skoð­un­­ar­­fé­laga. Heild­­ar­­fjöldi þeirra í dag er því orð­inn 21.521. Alls eru 111.042 íbúar utan þjóð­­kirkj­unn­­ar, eða 32 pró­­sent allra lands­­manna.

111 þús­und standa utan þjóð­kirkj­unnar

Frá árinu 2009 hefur fjöldi þeirra sem skráðir eru í þjóð­­kirkj­unni dreg­ist saman á hverju ein­asta ári. Um síð­­­ustu ára­­mót voru þeir 236.481 tals­ins, sem þýddi að undir 70 pró­­sent þjóð­­ar­innar væri í kirkj­unni.

Það sem af er árinu 2017 hafa 1.261 gengið úr þjóð­­kirkj­unni en 488 verið skráðir í hana. Þeim sem í kirkj­unni eru hefur því fækkað um 773 á fyrstu níu mán­uðum árs­ins í ár, og eru skráðir með­­limir því 235.708 tals­ins. Í lok sept­­em­ber bjuggu 346.750 manns á Íslandi. Það þýðir því að 111.042 lands­­menn standi utan þjóð­­kirkj­unn­­ar, eða 32 pró­­sent þeirra. Um síð­­­ustu ald­­ar­­mót var fjöldi þeirra sem stóðu utan þjóð­­kirkj­unnar 30.700. Þeim hefur því fjölgað um 80.342 síðan þá.



Konurnar sem saka Trump um áreitni eiga skilið að fá áheyrn
Sendiherra Bandaríkjanna hjá Sameinuðu þjóðunum segir að allar konur sem telja á sér brotið eigi skilið að fá áheyrn, og það eigi líka við um þær sem hafa sakað Trump Bandaríkjaforseta um áreitni.
11. desember 2017
Fimmtán milljarða innviðainnspýting
Stjórnarflokkarnir ætla sér að auka verulega við fjármagn til heilbrigðis- og menntakerfisins, samkvæmt umfjöllun Fréttablaðsins í dag.
11. desember 2017
Í þá tíð… Dauði fjölmiðlamógúlsins
Blaðaútgefandinn Robert Maxwell var einn fyrirferðarmesti útgefandi Bretlands um árabil. Hann fór með himinskautum á hátindi veldis síns, en fallið var hátt og endalokin voveifleg.
10. desember 2017
Fjölmenni og samstaða á #Metoo viðburðum
Fjölmenni er nú á #Metoo viðburði í Borgarleikhúsinu. Viðburðir eru haldir um allt land þar sem minnst er á mikilvægi byltingarinnar.
10. desember 2017
Nær Ive að blása lífi í nýsköpunina hjá Apple?
Bretinn Jonathan Ive hefur tekið við stjórnun hönnunar og notendaupplifunar hjá Apple á nýjan leik. Þetta verðmætasta fyrirtæki heimsins hefur fengið á sig mikla gagnrýni að undanförnu fyrir að koma ekki fram með nægilega miklar nýjungar.
10. desember 2017
Starfsemi Tencent er marghliða en þróun fyrirtækisins tengist mjög náið vexti millistéttarinnar og snjallsímavæðingarinnar í Kína.
Tencent tekur fram úr Facebook
Kínverska tæknifyrirtækið Tencent hefur tekið fram úr Facebook í markaðsvirði og er nú meðal fimm stærstu fyrirtækja í heimi. Ör vöxtur Tencent og Alibaba á síðustu árum sýnir að kínverski tækniiðnaðurinn hefur tekið stakkaskiptum.
10. desember 2017
Lars Lökke Rasmussen
Á bláþræði
Danska ríkisstjórn hefur átt í vök að verjast að undanförnu. Danski Þjóðarflokkurinn er í lykilstöðu á hinu kvika pólitíska sviði í Danmörku.
10. desember 2017
Þriðji dagur Katrínar í stjórnarráðinu
Katrín Jakobsdóttir fékk lyklana að stjórnarráðinu á föstudegi, á þriðjudeginum fékk Auður Jónsdóttir rithöfundur að elta hana í nýju starfi og spyrja spurninga; annan dag fyrstu vikunnar í stjórnarráðinu.
9. desember 2017
Meira eftir höfundinnÞórður Snær Júlíusson
Meira úr sama flokkiFréttaskýringar