Endurskoðun á veiðigjöldum getur leitt til hækkunar eða lækkunar

Kristján Þór Júlíusson vill endurskoða álagningu veiðigjalds og segir að sú breyting getið ýmist leitt til hækkunar eða lækkunar á því. Kristján telur sig ekki vanhæfan til að ákvarða um veiðigjöld vegna tengsla sinna við Samherja.

Kristján Þór Júliusson sést hér með Bjarna Benediktssyni, formanni Sjálfstæðisflokksins.
Kristján Þór Júliusson sést hér með Bjarna Benediktssyni, formanni Sjálfstæðisflokksins.
Auglýsing

Krist­ján Þór Júl­í­us­son, sjáv­ar­út­vegs- og land­bún­að­ar­ráð­herra, segir að veiði­gjald sem lagt er á útgerðir lands­ins þurfi að byggja á nýj­ustu upp­lýs­ingum um afkomu þeirra og að það þurfi að taka í meira mæli mið af afkomu ein­stakra útgerð­ar­flokka. Hann telur nauð­syn­legt að end­ur­skoða núver­andi fyr­ir­komu­lag veiði­gjalda. Nið­ur­staða þeirrar end­ur­skoð­unar kann, að sögn Krist­jáns, að leiða til breyt­inga á álagn­ingu veiði­gjalda ýmist til hækk­unar eða lækk­un­ar. Áætlað er að veiði­gjöld verði um ell­efu millj­arðar króna á yfir­stand­andi fisk­veiði­ári.

Krist­ján sagði í svari við fyr­ir­spurn Stund­ar­innar í síð­ustu viku að vegna tengsla sinna við Sam­herja muni hann hugs­an­lega ekki koma að ákvarð­ana­töku sem teng­ist rekstri sjáv­ar­út­vegs­fyr­ir­tæk­is­ins beint, en Krist­ján er fyrr­ver­andi stjórn­ar­for­maður Sam­herja auk þess sem hann hefur tví­vegis farið túra á skipum fyr­ir­tæk­is­ins í þing­hlé­um.

Sam­herji er stærsta sjáv­ar­út­vegs­fyr­ir­tæki lands­ins og greiddi sam­tals 3,1 millj­arð króna í tekju­skatt og veiði­gjöld á árinu 2016. Aðspurður um hvort ákvörðun um breyt­ingar á veiði­gjöldum telj­ist tengj­ast rekstri Sam­herja beint segir Krist­ján svo ekki vera. Álagn­ing veiði­gjalda sé almenn aðgerð sem snerti öll útgerð­ar­fyr­ir­tæki lands­ins. Hann telur sig því ekki vera van­hæfan til að koma að ákvörðun veiði­gjalda vegna tengsla sinna við Sam­herja.

Segir að end­ur­skoða þurfi álagn­ingu veiði­gjalds

Í við­tali við Við­skipta­Mogg­ann í síð­ustu viku sagði Krist­ján að ljóst sé að end­ur­skoða þurfi álagn­ingu veiði­gjalds­ins. Vert væri að skoða hvaða leiðir hægt væri að fara til að „ein­falda gjald­tök­una um leið og við fær­um for­­send­ur henn­ar nær okk­ur í tíma og lát­um hana spegla bet­ur af­komu ein­stakra út­­gerð­ar­flokka.“

Auglýsing
Kjarninn sendi Krist­jáni fyr­ir­spurn vegna þessa og spurði hvað felist í þeirri ein­földun og því að láta gjald­tök­una end­ur­spegla betur afkomu ein­stakra útgerð­ar­flokka. Krist­ján segir að almennt telji hann að það sé allra hagur að hafa ein­falt skatt­kerfi og gegn­sætt þar sem álagn­ing byggir á bestu fáan­legu upp­lýs­ingum á hverjum tíma. „Gjaldið þarf að byggja á nýj­ustu upp­lýs­ingum um afkomu og jafn­framt þarf í meira mæli að taka mið að afkomu ein­stakra útgerða­flokka.“

Aðspurður um hvort til greina komi að lækka veiði­gjöld segir Krist­ján að hann sé þeirrar skoð­unar að það þurfi að end­ur­skoða núver­andi fyr­ir­komu­lag til að tryggja að það end­ur­spegli betur mis­mun­andi verð­mæti og afkomu­mögu­leika þeirra sem innan atvinnu­grein­ar­innar starfa. „Nið­ur­staða slíkrar end­ur­skoð­unar kann að leiða til breyt­inga á álagn­ingu veiði­gjalda ýmist til hækk­unar eða lækk­un­ar.“

Verða ell­efu millj­arðar

Heiðrún Lind Mart­eins­dótt­ir, fram­kvæmda­stjóri SFS, sagði í sjáv­ar­út­vegs­blaði 200 mílna og Morg­un­blaðs­ins, sem birt­ist 17. nóv­em­ber, að veiði­gjöld séu orðin „tals­verð byrði“ fyrir sjáv­ar­út­veg. Krist­ján seg­ist hafa heyrt þá umræðu og það hafi meðal ann­ars verið ákveðið af fyrri rík­is­stjórn að kanna sér­stak­lega afkomu ein­stakra útgerð­ar­flokka, meðal ann­ars með hlið­sjón af veiði­gjöld­um. „Ég hef verið upp­lýstur um að von sé á nið­ur­stöðu þeirrar athug­unar á næst­unn­i.“

Hagn­aður sjáv­ar­út­vegs­fyr­ir­tækja í fyrra sló öll fyrri met. Hann var 55 millj­arðar króna og aðeins hærri en 2013, þegar hann var mjög sam­bæri­leg­ur. Sam­an­lagt hafa íslensku sjáv­ar­út­vegs­fyr­ir­tækin hagn­ast um 342 millj­arða króna eftir hrun. Bein opin­ber gjöld sem geir­inn greiddi í fyrra voru 19,1 millj­arðar króna og lækk­uðu um 3,5 millj­arða króna á milli ára. Veiði­gjöldin ein og sér voru 6,4 millj­arðar króna á síð­asta ári og lækk­uðu um 1,1 millj­arð króna frá árinu á und­an. Fyrir liggur að þau eigi að hækka vegna árs­ins í ár í um ell­efu millj­arða króna.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorsteinn Már Baldvinsson, annar forstjóra Samherja.
Samherji segir namibísku lögregluna ekki leita sinna manna
Í yfirlýsingu frá Samherja segir að namibísk yfirvöld hafi ekki reynt að hafa afskipti af núverandi né fyrrverandi starfsmönnum fyrirtækisins. Hvorki fyrrverandi stjórnendur félagsins í Namibíu né aðrir séu á flótta undan réttvísinni.
Kjarninn 3. desember 2020
Halldór Gunnarsson
Mismunun og ranglæti gagnvart lífeyrisþegum
Kjarninn 3. desember 2020
Björn Leví Gunnarsson, þingmaður Pírata.
„Misnotkun á valdi og bolabrögð hafa verið einkenni Sjálfstæðisflokksins í langan tíma“
Þingmaður Pírata segir að koma þurfi í veg fyrir að Sjálfstæðisflokkurinn fái að koma nálægt völdum en hann fjallaði um landsréttarmálið á þingi í morgun. Þingflokksformaður Sjálfstæðisflokksins segir að horfa verði á málið í ákveðnu samhengi.
Kjarninn 3. desember 2020
Þuríður Harpa Sigurðardóttir, formaður Öryrkjabandalags Íslands.
Öryrkjabandalagið fagnar hugmynd Brynjars um rannsókn á bótasvikum
Þingmaður Sjálfstæðisflokks vill láta rannsaka hvor öryrkjar og bótaþegar sigli undir fölsku flaggi. ÖBÍ fagnar þeirri hugmynd en segja rannsókn ekki nauðsynlega til að staðfesta ríkjandi fordóma og andúð gegn fötluðu fólki í samfélaginu.
Kjarninn 3. desember 2020
Svandís Svavarsdóttir heilbrigðisráðherra.
Stjórnvöld vona að hjarðónæmi verði náð á fyrsta ársfjórðungi
Í tilkynningu frá heilbrigðisráðuneytinu segir að vonir standi til þess að markmiðum bólusetningar verði náð á fyrsta ársfjórðungi. Búið er að ná samkomulagi um bóluefni fyrir 200.000 manns, en ólíklegt er að það komi allt til landsins á sama tíma.
Kjarninn 3. desember 2020
Þórólfur: Ekki hægt að ganga að því vísu að bólusetning hefjist fljótlega eftir áramót
Sóttvarnalæknir hvetur til raunhæfrar bjartsýni þegar kemur að tímasetningu bólusetningar við COVID-19 á Íslandi. Það megi ekki láta jákvæðar fréttir leiða til þess að landsmenn passi sig ekki í sóttvörnum.
Kjarninn 3. desember 2020
Þorsteinn Vilhjálmsson
Lítil eru geð guma – Um Landsrétt og Sjálfstæðisflokkinn
Kjarninn 3. desember 2020
Borgarfulltrúi vill ráðningarbann hjá Reykjavíkurborg
Reykjavíkurborg ætlar að verja milljarði króna til að búa til ný störf fyrir fólk sem annars þyrfti fjárhagsaðstoð eða færi á atvinnuleysisbætur. Hildur Björnsdóttir, borgarfulltrúi Sjálfstæðisflokks, vill ráðningarbann í borginni.
Kjarninn 3. desember 2020
Meira eftir höfundinnÞórður Snær Júlíusson
Meira úr sama flokkiFréttaskýringar