Framlag til stjórnarflokka hækkar um 195 milljónir – hinir fá 137 milljónir í viðbót

Framlag úr ríkissjóði til stjórnmálaflokka var hækkað um 362 milljónir á nýsamþykktum fjárlögum. Sjálfstæðisflokkurinn, stærsti flokkur landsins, fær 93 milljónir í hækkun. Flokkarnir sem skrifuðu ekki upp á viðbótina fá samtals 58 milljónir krónum meira.

althingi_atkvaedagreidlsa.jpg
Auglýsing

Sjálf­stæð­is­flokk­ur­inn mun fá um 166 millj­ónir króna í fram­lag úr rík­is­sjóði á árinu 2018 og fær mest allra flokka. Vinstri græn munu fá um 111 millj­ónir króna og Fram­sókn­ar­flokk­ur­inn 71 millj­ónir króna. Sam­an­lagt verða fram­lög til rík­is­stjórn­ar­flokk­anna þriggja því um 348 millj­óna króna fram­lag úr rík­is­sjóði á þessu ári til standa straum að starf­semi sinni, sam­kvæmt útreikn­ingum Kjarn­ans. Ef fram­lögin hefðu ekki verið hækkuð í lok des­em­ber hefðu þeir fengið 195 millj­ónum krónum minna. Þeir fimm flokkar sem sitja í stjórn­ar­and­stöðu fá 300 millj­ónir króna sam­an­lagt sam­kvæmt sömu útreikn­ing­um. Án við­bót­ar­fram­lags­ins hefðu þeir fengið 167 millj­ónum krónum minna.

Líkt og Kjarn­inn greindi frá í gær þá var til­laga sex flokka sem sæti eiga á Alþingi um að hækka fram­lag rík­is­ins til stjórn­mála­flokka á árinu 2018 um 127 pró­sent sam­þykkt í fjár­lögum sem voru afgreidd áður en þingi var slitið í lok des­em­ber. Fram­lög til stjórn­mála­flokka áttu að vera 286 millj­ónir króna en verða 648 millj­ónir króna.

Sjálf­stæð­is­flokk­ur­inn fær 93 millj­ónum meira

Ef fram­lögin hefðu ekki verið hækkuð þá hefði Sjálf­stæð­is­flokk­ur­inn, stærsti flokkur lands­ins, fengið 73 millj­ónir króna. Þess í stað fær flokk­ur­inn um 166 millj­ónir króna, eða 93 millj­ónum krónum meira en hann hefði ann­ars feng­ið. Vinstri græn fá 111 millj­ónir króna en hefðu fengið 49 millj­ónir króna ef fram­lögin hefðu ekki verið hækkuð en flokk­ur­inn fær nú 111 millj­ónir króna. Mun­ur­inn er 62 millj­ónir króna. Fram­sókn­ar­flokk­ur­inn fær 70 millj­ónir króna en hefði fengið 31 milljón króna ef fram­lögin hefðu staðið óbreytt. Mun­ur­inn er 39 millj­ónir króna

Auglýsing
Samfylkingin er stærst stjórn­ar­and­stöðu­flokk­anna. Hún fær 80 millj­ónir króna en hefði átt að fá 35 millj­ónir króna ef fram­lögin hefðu ekki verið hækk­uð. Mun­ur­inn er 45 millj­ónir króna. Mið­flokk­ur­inn er fær nán­ast sama fram­lag og Fram­sókn­ar­flokk­ur­inn, eða 71 milljón króna í stað 31 milljón króna sem hefði fallið honum í skaut ef fram­lag til hans hefði ekki verið hækk­að. Mun­ur­inn er 40 millj­ónir króna. Við­reisn hefði fengið 20 millj­ónir króna ef fram­lagið hefði ekki verið hækkað en fá nú 44 millj­ónir króna. Mun­ur­inn er 24 millj­ónir króna.

Tveir flokkar sem eiga sæti á Alþingi skrif­uðu sig ekki á sam­eig­in­legt erindi sem sent var til fjár­laga­nefndar Alþingis 18. des­em­ber síð­ast­lið­inn þar sem óskað var eftir við­bót­ar­fram­lag­inu. Þeir eru Píratar og Flokkur fólks­ins. Innra starf þeirra flokka nýtur samt sem áður góðs af hækk­un­inni. Píratar munu fá 60 millj­ónir króna í stað 27, sem er hækkun upp á 33 millj­ónir króna. Flokkur fólks­ins, sem náði í fyrsta sinn kjöri til Alþingis í kosn­ing­unum í haust, fær 45 millj­ónir króna en hefði fengið 20 millj­ónir króna ef ekki væri fyrir við­bót­ar­fram­lag­ið. Það er hækkun upp á 25 millj­ónir króna.

Ósk­uðu eftir „leið­rétt­ingu“

Full­­trú­­arnir sex sem sendu hið sam­eig­in­lega erindi eru Ásgeir Run­­­ólfs­­­son, full­­­trúi Sam­­­fylk­ing­­­ar­inn­­­ar, Birna Þór­­­ar­ins­dótt­ir, fram­­­kvæmda­­­stjóri Við­reisn­­­­­ar, Björg Eva Erlends­dótt­ir, fram­­­kvæmda­­­stjóri Vinstri grænna, Einar Gunnar Ein­­­ar­s­­­son, fram­­­kvæmda­­­stjóri Fram­­­sókn­­­ar­­­flokks­ins, Svanur Guð­­­munds­­­son, full­­­trúi Mið­­­flokks­ins, og Þórður Þór­­­ar­ins­­­son, fram­­­kvæmda­­­stjóri Sjálf­­­stæð­is­­­flokks­ins. Líkt og áður sagði skrif­uðu hvorki Píratar né Flokkur fólks­ins sig á erind­ið.

Erindið bar yfir­­­­­skrift­ina „Nauð­­­syn­­­leg hækkun opin­berra fram­laga til stjórn­­­­­mála­­­sam­taka“. Í því er farið fram á að fram­lög til stjórn­­­­­mála­­­flokka verði „leið­rétt“.

Í grein­­­ar­­­gerð sem fylgdi erind­inu segir að sú upp­­­hæð sem stjórn­­­­­mála­­­flokkum sé ætluð á fjár­­­lögum hafi lækkað um helm­ing á raun­virði frá árinu 2008. Nú eigi átta flokkar full­­­trúa á Alþingi. „Hver þeirra stendur fyrir eigin rekstri og á að reka virkt og ábyrgt stjórn­­­­­mála­­­starf um allt land, jafnt á sviði lands­­­mála og sveit­­­ar­­­stjórna, árið um kring.

Til sam­an­­­burðar má nefna að dóms­­­mála­ráðu­­­neytið hefur sagt að kostn­aður vegna alþing­is­­­kosn­­­ing­anna á síð­­­asta ári hafi verið rétt tæpar 350 millj­­­ón­ir, og að gera mætti ráð fyrir að hann yrði svip­aður í ár. Stjórn­­­­­mála­­­sam­tök starfa í þágu almanna­hags­muna en hafa hvergi nærri bol­­­magn á við helstu hags­muna­­­sam­tök. Flestir flokkar eru reknir með 0-5 starfs­­­mönnum í dag og sam­tals eru 13 fast­ráðnir starfs­­­menn hjá þeim átta flokkum sem eiga full­­­trúa á Alþingi.

Til sam­an­­­burðar má geta að Sam­tök atvinn­u­lífs­ins eru með 30 starfs­­­menn, Sam­tök iðn­­­að­­­ar­ins 16, Sam­tök fyr­ir­tækja í sjá­v­­­­ar­út­­­­­vegi 15, ASÍ með 22 og VR 62 starfs­­­menn. Í þessu umhverfi er stuðn­­­ingur við nýsköp­un, þró­un, sér­­­fræð­i­þekk­ingu og alþjóða­­­tengsl eng­inn inni í stjórn­­­­­mála­­­sam­tök­un­um; endar ná ekki saman til að sinna grunn­þörfum í rekstri stjórn­­­­­mála­­­flokka og að upp­­­­­fylla mark­mið lag­anna. Lýð­ræðið á Íslandi á betra skil­ið.“

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Rússneska bóluefnið Spútnik V er á leið í dreifingu. Um helgina geta Moskvubúar í forgangshópum fengið fyrri sprautu sína.
Spútnik sprautað í Rússa: Hefja bólusetningu í stórum stíl eftir helgi
Um helgina hefjast bólusetningar á forgangshópum í Moskvu með bóluefninu Spútnik V. Tvær milljónir skammta eru sagðar til. Reuters-fréttastofan segir suma ríkisstarfsmenn upplifa þrýsting um að taka þátt í klínískum tilraunum á virkni bóluefnisins.
Kjarninn 4. desember 2020
Sigurjón Njarðarson
Fullveldið
Kjarninn 4. desember 2020
Haukur Logi Karlsson
Innansveitarkronikan og evrópska réttarríkið
Kjarninn 4. desember 2020
Notkun reyktóbaks og rafrettna ekki tengd við alvarlegri einkenni COVID-19
Niðurstöður nýrrar rannsóknar á Íslandi sýna ekki fram á aukið algengi eða alvarleika COVID-19 sjúkdóms meðal notenda reyktóbaks eða rafrettna en benda til tengsla lungnasjúkdóma við alvarlegri einkenni.
Kjarninn 4. desember 2020
Konur ættu að hafa rétt til þess að hverfa frá störfum sínum eftir 36 vikna meðgöngu að mati Félags íslenskra fæðinga- og kvensjúkdómalækna.
Læknar ítreka að þeim finnst að konur ættu að geta farið í orlof eftir 36 vikur án skerðinga
Fæðinga- og kvensjúkdómalæknar telja að konur ættu að hafa rétt til að fara í orlof eftir 36 vikna meðgöngu, án þess að orlof eftir fæðingu skerðist. Starfshópur heilbrigðisráðherra um stefnumótun í barneignarþjónustu er einróma á sömu skoðun.
Kjarninn 4. desember 2020
Tólf ný smit – allir í sóttkví
Allir sem greindir voru með kórónuveiruna í gær innanlands voru í sóttkví. Eftir fjölgun smita í síðustu viku hefur þeim fækkað jafnt og þétt síðustu daga.
Kjarninn 4. desember 2020
Ítrustu varúðar gætt við greftrun manneskju sem lést vegna COVID-19 í Indónesíu. Hálf milljón Indónesa hafa greinst með veiruna.
Bóluefnið ekki „töfralausn“ – dauðsföll vegna COVID komin yfir 1,5 milljónir
Brýnt er að allir haldi vöku sinni áfram næstu vikur og mánuði. Bóluefni gegn COVID-19 er væntanlegt en það mun engan veginn útrýma öllum þeim vandamálum sem faraldurinn hefur skapað.
Kjarninn 4. desember 2020
Tæknivarpið
Tæknivarpið
Tæknivarpið – Víst fleiri PS5 á Íslandi á þessu ári
Kjarninn 4. desember 2020
Meira eftir höfundinnÞórður Snær Júlíusson
Meira úr sama flokkiFréttaskýringar