Jólasveinar klóra sér í skegginu

Danir íhuga að setja lög sem hafa áhrif á konur sem vilja ganga með búrkur. Löggjöfin gæti einnig haft áhrif á jólasveina og mótorhjólakappa.

topshots-iraq-vote_13896478780_o.jpg
Auglýsing

Danskir þing­menn eru þessa dag­ana með til skoð­unar frum­varp sem óhætt er að full­yrða að eigi sér fáar hlið­stæð­ur. Það snýr að klæðn­aði, nánar til­tekið klæðn­aði sem hylur and­lit. Þótt þetta frum­varp sé bein­línis sett fram til höf­uðs til­teknum höf­uð­bún­aði og and­lits­gervi snertir það marga, til dæmis jóla­svein­inn.

Ef íbúar Norð­ur­landa og kannski fleiri hefðu verið spurð­ir, fyrir tveimur ára­tugum eða svo, um merk­ingu orð­anna búrka (burka) og niqab er lík­leg­ast að flestir hefðu hváð. Þeim sem tala sænsku hefði kannski dottið í hug bjór­dós, þegar þeir heyrðu fyrra orðið en ekki haft grænan grun um merk­ingu þess síð­ar­nefnda, kannski ímyndað sér eitt­hvað mat­ar­kyns.

En heims­myndin hefur breyst, í dag vita flestir að búrka er ekki bjór­dós og niqab er ekki mat­vara, þessi tvö orði merkja skó­síðan fatnað múslímskra kvenna. Niqab teng­ist einkum Sádi- Arabíu og löndum umhverfis Persaflóa, upp­haf­lega vörn gegn sól og sandi, búrkan er hins­vegar útbreidd­ust í Afganistan og Pakist­an. Búrkan, sem oft­ast er blá að lit, hylur allar lík­amann en fyrir aug­unum er eins­konar net. Á niqab, sem er svart að lit, er ein­ungis smá rifa í kringum aug­un, að öðru leyti er lík­am­inn hul­inn.

Auglýsing

Mikil fjölgun múslima

Í mörgum Evr­ópu­löndum hefur múslímum fjölgað tals­vert á síð­ustu árum. Eins og títt er um fólk sem sest að fjarri heima­land­inu vilja múslím­arnir gjarna halda sínum siðum og venjum sem oft á tíðum eru mjög frá­brugðnir því sem tíðkast í ,,nýja“ land­inu. Þetta gildir um matar­æði, fjöl­skyldusiði, trú­ar­iðkun og klæðn­að, einkum kvenna. Hið síð­ast­nefnda hefur valdið stjórn­völdum í mörgum Evr­ópu­löndum miklum höf­uð­verk. Sam­kvæmt trú­ar­siðum múslíma er konum sem klæð­ast skó­síðum búrkum eða niqab und­an­tekn­inga­laust bannað að sýna ókunn­ugum and­lit sitt. Gildir einu hver á í hlut.

Árekstrar og bönn

Árið 1931 settu Ítalir lög sem bönn­uðu klæðnað sem hylur and­lit að hluta eða öllu leyti. Sam­kvæmt lög­unum geta yfir­völd á til­teknu svæði þó heim­ilað ákveðnar und­an­tekn­ingar frá lög­un­um. Árið 2011 tóku gildi í Frakk­landi lög sem banna, að viðlagri sekt, að and­lit sé hulið á almanna­færi. Þessi lög voru mjög umdeild en rök frönsku stjórn­ar­innar voru meðal ann­ars þau að ekki gæti gengið að t.d. lög­regla og kenn­arar gætu ekki vitað hver væri á bak við ,,grímuna“. Margir franskir þing­menn full­yrtu að konur hyldu iðu­lega and­lit sitt að skipan eig­in­manna sinna,eða feðra, ,,grím­an“ væri tákn und­ir­ok­un­ar.  Sama ár og Frakkar settu þessi lög fylgdu Belgar í kjöl­farið og síðar Hol­lend­ing­ar, Aust­ur­rík­is­menn, Lettar, Búlgarar og fleiri þjóð­ir.

Danir íhuga bann

Í Dan­mörku býr tals­verður fjöldi múslima og hefur fjölgað nokkuð á síð­ustu árum. Fyrir um það bil þremur árum var á danska þing­inu, Fol­ket­in­get, tals­vert rætt um það sem Danir kalla búrku­bann en orðið gildir um hvers kyns klæðnað sem hylur stóran hluta and­lits­ins. Síðan hefur lítið verið um þetta tal­að, fyrr en nú. Danska útvarp­ið, DR, birti fyrir nokkrum dögum hluta úr minn­is­blaði sem emb­ætt­is­menn í dóms­mála­ráðu­neyt­inu höfðu samið varð­andi hugs­an­legt búrku­bann. Í minn­is­blað­inu kemur fram að slíkt bann myndi ekki ein­ungis gilda um búrkur og niqab, það myndi stríða gegn lögum um trú­frelsi. Bannið myndi því gilda um hvers konar höf­uð­bún­að, sem hylur and­lit að því marki að erfitt sé að bera kennsl á þann sem bún­að­inn ber.

Ef bannað verður að hylja andlit gætu þeim sem er gert að nota hjálma, líkt og mótorhjólakappar, verið í vandræðum.Lamb­hús­hett­ur, grím­ur, jóla­sveina­gervi  

Danskir fjöl­miðlar hafa síð­ustu daga fjallað mikið um búrku­bann­ið. Þeir hafa ekki síst velt því fyrir sér hvernig eigi að fram­fylgja þessu banni. Spurn­ing­arnar eru ótal­marg­ar: verður bannað að ganga með lamb­hús­hettu (sem Danir kalla elef­ant­hue)? Slík höf­uð­föt fást í öllum úti­vist­ar­búð­um, og mörgum öðrum, og eru vin­sæl meðal hjól­reiða­fólks. Hvað með grím­ur? Á Strik­inu í Kaup­manna­höfn má iðu­lega sjá grímu­k­lætt fólk stand­andi hreyf­ing­ar­laust á kassa með söfn­un­ar­bauk við fætur sér. Sam­kvæmt lög­unum yrði þetta óleyfi­legt. Hvað með mót­or­hjóla­hjálma (sem lög­bundið er að nota) þeir hylja stóran hluta and­lits­ins. Í minn­is­blað­inu kemur fram að hægt sé að víkja frá lög­un­um, en varð­andi slíkar und­an­tekn­ingar er ekki nán­ari útlistun að finna. Þing­maður sem rætt var við spurði hvort lög­reglu­þjónn sem mætti gang­andi manni, með lamb­hús­hettu, ætti kannski að meta hvort hita­stigið væri of hátt til að vera þannig klædd­ur.

Lög­reglan vill skýrar vinnu­reglur

Í löngu blaða­við­tali, fyrir nokkrum dög­um, sagði for­maður félags danskra lög­reglu­manna brýnt, ef búrku­bannið verður leitt í lög, að lög­reglan fái mjög skýrar vinnu­regl­ur. Það geti ekki gengið að ein­stakir lög­reglu­þjónar eigi að meta hvort sjá eigi í gegnum fingur varð­andi lög­in. ,,Slíkt kallar á mis­munun og vand­ræð­i“.

Danskir jólasveinar hafa áhyggjur af hugsanlegri lagasetningu vegna misjafns skeggvaxtar.Jóla­sveinar hafa áhyggjur

Eitt dönsku dag­blað­anna ræddi við for­mann félags danskra jóla­sveina um búrku­bann­ið. Í við­tal­inu, sem var á gam­an­sömum nót­um, sagði for­mað­ur­inn að þeir svein­arnir hefðu nokkrar áhyggjur af þess­ari hugs­an­legu laga­setn­ingu. ,,Eins og hjá öllum öðrum er skegg­spretta okkar jóla­svein­anna mis­jöfn og þess vegna hafa margir úr okkar hópi orðið að grípa til hjálp­ar­tækja, í formi gervi­skeggs.“ For­mað­ur­inn bætti við að ef hug­myndin um búrku­bann yrði að lögum væri bót í máli ef það gerð­ist fljót­lega ,,við höfum þá all­marga mán­uði til að safna. Þeir okkar sem glíma við sprettu­leysi verða svo ann­að­hvort að fá sér­stakt gervi­skegg­burð­ar­leyfi hjá lög­regl­unni, eða treysta á guð og lukk­una“ sagði for­mað­ur­inn.

For­ystu­menn stjórn­ar­flokk­anna hitt­ast í Hern­ing á Jót­landi í dag, sunnu­dag­inn 28. jan­ú­ar. Meðal þess sem þar er á dag­skrá er búrku­bann­ið.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bjarni Benediktsson, fjármála- og efnahagsráðherra, og Þorgerður Katrín Gunnarsdóttir, formaður Viðreisnar.
Leggja fram ólíkar breytingar á erfðafjárskatti
Fjármálaráðherra og þingmenn Viðreisnar hafa lagt fram tvö ólík frumvörp um breytingar á lögum um erfðafjárskatt. Mikill munur er á frumvörpunum en annað tekur meðal annars mið af skattstofni dánarbúsins en hitt af arfgreiðslum hvers erfingja fyrir sig.
Kjarninn 18. október 2019
Kristbjörn Árnason
Koxgráa spillingar þjóðfélagið Ísland!
Leslistinn 18. október 2019
Punktur Punktur
Punktur Punktur
Punktur Punktur – Nr. 5 Guðmundur Atli Pétursson - ljósahönnuður hjá RÚV.
Kjarninn 18. október 2019
Guðmundur Ingi Guðbrandsson
Stóraukin áhersla á náttúruvernd
Kjarninn 18. október 2019
Molar
Molar
Molar – Lækkanir, Austin Texas og Guðmundur Jaki
Kjarninn 18. október 2019
Seðlabankinn dæmdur til að veita blaðamanni Fréttablaðsins upplýsingar
Seðlabanki Íslands var í morgun dæmdur til að afhenda blaðamanni Fréttablaðsins upplýsingar um samning sem Már Guðmundsson, þáverandi seðlabankastjóri, gerði við Ingibjörgu Guðbjartsdóttur, fyrrverandi framkvæmdastjóra gjaldeyriseftirlits bankans.
Kjarninn 18. október 2019
Ísland á gráa listann vegna peningaþvættis
Ísland hefur verið sett á gráa lista FATF ásamt Mongólíu og Simbabve. Aðgerðir sem ráðist hefur verið í síðastliðið eitt og hálft ár reyndust ekki nægjanlegar.
Kjarninn 18. október 2019
Helgi Magnússon eignast allt Fréttablaðið – Jón Þórisson nýr ritstjóri
Fjárfestirinn Helgi Magnússon hefur keypt þann hluta í Torgi, útgáfufélagi Fréttablaðsins, sem hann átti ekki fyrir. Til stendur að sameina Fréttablaðið og Hringbraut.
Kjarninn 18. október 2019
Meira eftir höfundinnBorgþór Arngrímsson
Meira úr sama flokkiFréttaskýringar