Tollastríð og efasemdir um meðferð gagna grafa undan mörkuðum

Óhætt er að segja að hugmyndir um tollstríð séu nú farnar að grafa undan tiltrú fjárfesta á því sem gengur á í Bandaríkjunum. Tæknifyrirtækin eru einnig undir smásjánni, og gætu þurft að takast á við þyngra regluverk.

Trump
Auglýsing

Hluta­bréfa­mark­aðir um allan heim hafa lækkað að und­an­förnu og hafa tæknirisar heims­ins leitt lækk­an­irn­ar.

Í umfjöllun Wall Street Journal kemur fram að fimm af stærstu tækni­fyr­ir­tækj­un­um, sem nefnd hafa verið FAANG-hluta­bréf (FA­ANG-­stocks), hafi lækkað um 397 millj­arða Banda­ríkja­dala sam­an­lagt á um þremur vik­um, eða sem nemur um 40 þús­und millj­arða króna. Face­book, Amazon, App­le, Net­fl­ix, og Google (Alp­habet) eru félögin sem telj­ast til hina svo­nefndu FAANG-hluta­bréfa. Þrátt fyrir lít­ils háttar hækk­anir í dag, þá virð­ist sem áhyggjur fari vax­andi.

En hvað veld­ur?

Auglýsing

Face­book-á­hrifin

Þó aldrei sé hægt að segja með vissu til um ástæður lækk­ana hluta­bréfa, þar sem for­sendur við­skipta hverju sinni eru marg­breyti­leg­ar, þá nefnir Wall Street Journal einkum tvær ástæð­ur.

Ann­ars vegar eru það vax­andi áhyggjur fjár­festa vegna starf­semi tækni­fyr­ir­tækja þar sem gögn eru með­höndl­uð. Þar hafa spjótin ekki síst beinst að Face­book.

Eftir að fjallað var um hvernig fyr­ir­tækið Cambridge Ana­lyt­ica komst fyrir upp­lýs­ingar um 50 millj­ónir not­enda, og nýtti í þau í vinnu sinni fyrir kosn­ing­ar, meðal ann­ars í Bret­landi og Banda­ríkj­un­um, þá hefur mikið vatn runnið til sjáv­ar. Og verð­mið­inn á Face­book hefur lækkað um 100 millj­arða Banda­ríkja­dala, um 10 þús­und millj­arða króna, á innan við þremur vik­um. Það er um 20 pró­sent lækk­un.

Svip­aða sögu má segja af öðrum tæknirisum, eins og Amazon og Apple. Þar hefur verð­mið­inn lækkað mikið og greini­legt að efa­semdir eru nú komnar inn í hug fjár­festa, enda hefur hækk­unin á þessum félög­um, einkum allt árið 2017, verið ævin­týri lík­ust.

Ótt­inn er ekki síst sá, að breytt reglu­verk, þegar kemur að með­ferð per­sónu­upp­lýs­inga, muni hefta starf­semi fyr­ir­tækj­anna, en þó einkum og sér í lagi Face­book. Þrátt fyrir að Mark Zucker­berg, for­stjóri Face­book, hafi boð­ist afsök­unar á því að fyr­ir­tækið hafi ekki staðið sig nægi­lega vel, þá segir hann að ekk­ert sé að óttast, og að ávinn­ing­ur­inn af því að tengja fólk saman um allan heim sé óum­deil­an­leg­ur.

Verður gagnasöfnun Facebook hugsanlega heft með nýju regluverki? Fjárfestar búast margir hverjir við miklum breytingum.

Trump-á­hrifin



Hin ástæðan sem fjallað hefur verið ítar­lega um í helstu við­skipta­fjöl­miðl­unum heims­ins, und­an­farin miss­eri, er það sem kalla má Trump-á­hrif­in. Þeim má skipta í tvennt. Ann­ars vegar eru það tolla-á­hrifin á mark­að­inn, en Don­ald Trump Banda­ríkja­for­seti hefur beitt sér fyrir því að Banda­ríkin verji störf á heima­mark­aði með því að beita tollum á inn­flutn­ing vara.





Á það meðal ann­ars við um stál og ál, en fyrstu hug­myndir eru uppi um 25 pró­sent toll á inn­flutt stál og 10 pró­sent á ál. Und­an­þágur verða þó vega­miklar, meðal ann­ars og of snemmt að segja til um hvernig þetta verður útfært. Gary Cohn hætti sem efna­hags­ráð­gjafi Trumps vegna ágrein­ings um tolla­stefn­una, en Trump hefur þegar boðað mun víð­tæk­ari tolla á ýmsar vör­ur, ekki síst þær sem fluttar eru til Banda­ríkj­anna frá Asíu, Kína þar helst. Þessu hafa Kín­verjar svar­að, og ótt­ast fjár­festar að tolla­stríð - versta martröð hins alþjóða­vædda við­skipta­heims - sé skollið á.



Kín­verjar og Evr­ópu­sam­bandið hafa þó varað við því að horfið verði frá þeim við­skipta­samn­ingum sem þegar eru í gildi, og hafa hvatt Trump til þess að fara var­lega. Óhætt er að segja fjár­festar hafi af þessu áhyggj­ur. Við­skipti með allar mögu­legar vörur - fatn­að, heim­il­is­tæki, mat­vör­ur, hús­gögn og bíla þar á meðal - eru undir í þeim aðgerðum sem þegar hefur verið gripið til.



Einn þeirra sem viðr­aði áhyggjur sínar við fjár­festa, af því að Trump myndi fara í „tolla­stríð“ til að skapa störf heima fyrir - með þeim afleið­ingum að allir myndu tapa - var Seth Klar­man, stofn­andi og for­stjóri Baupost Group, sem meðal ann­ars hefur hagn­ast veru­lega á end­ur­reisn íslenska fjár­mála­kerf­is­ins. Í bréfi sem hann sendi fjár­festum í febr­úar í fyrra, skömmu eftir að Trump hafði tekið við sem for­seti, sagði hann að tolla­stríð væru dæmd til að enda illa. Það væri raun­veru­leg hætta á því hag­kerfi heims­ins myndi sog­ast inn í erf­ið­leika vegna þess­arar póli­tísku stefnu for­set­ans.



Spjót­unum beint að Amazon



Hins vegar eru það síðan Trump-á­hrifin af óvild for­set­ans í garð tækni­fyr­ir­tækja, eins og t.d. Amazon. Hún hefur birst í beinum árásum for­set­ans á fyr­ir­tækið í Twitt­er-­færsl­um, þar sem hann sakar það um að stunda ómerki­lega við­skipta­hætti og mis­nota banda­ríska póst­inn, UPS. Þá hefur hann sagt að fyr­ir­tækið reyni allt til að borga ekki skatt, og að áróður stofn­and­ans og for­stjór­ans, Jeff Bezos, birt­ist síðan á síðum Was­hington Post, sem Bezos á. Þá hefur hann sagt einnig að Amazon sé að stuðla að því að margar búðir séu að loka víða um Banda­rík­in.





Frá því að Trump hóf að beina spjótum sínum að Amazon, hefur virði félags­ins fallið um 100 millj­arða Banda­ríkja­dala, eða sem nemur um 10 þús­und millj­örðum króna. Jeff Bezos, sem er rík­asti maður heims, er með eignir sínar að miklu leyti bundnar í bréfum í Amazon en hann á ennþá um 17 pró­sent hlut í félag­inu. Eignir hans hafa rýrnað um 17 millj­arða Banda­ríkja­dala, um 1.700 millj­arða króna, frá því að Trump hóf að beina spjótum sínum að Amazon. Bezos hefur ekki viljað tjá sig um gagn­rýn­ina á fyr­ir­tæk­ið.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Kári Stefánsson, forstjóri ÍE.
Íslensk erfðagreining heldur áfram að skima í viku í viðbót
Til stóð að dagurinn í dag ætti að vera síðasti dagurinn sem Íslensk erfðagreining myndi skima á landamærunum.
Kjarninn 13. júlí 2020
Mótefni minnkar strax á fyrstu mánuðum
Þó að mótefni sem líkaminn myndar gegn veirunni SARS-CoV-2 sem veldur COVID-19 minnki þegar á fyrstu þremur mánuðunum eftir að þau verða þarf það ekki að þýða að ónæmi viðkomandi sé ekki lengur til staðar.
Kjarninn 13. júlí 2020
Veldi Storytel stækkar
Fyrstu tíu daga júlímánaðar keypti Storytel ráðandi hluti í tveimur fyrirtækjum og eitt til viðbótar.
Kjarninn 13. júlí 2020
Icelandair skrifar undir samning við lettneska flugfélagið airBaltic
Um er að ræða samstarfssamning sem felur í sér að bæði flugfélögin geta selt og gefið út flugmiða hvort hjá öðru.
Kjarninn 13. júlí 2020
(F.v.) Richard Curtis, Jerry Greenfield og Abigail Disney eru meðal þeirra milljónamæringa sem skrifa undir bréfið.
Auðmenn vilja að ríkisstjórnir hækki skatta „á fólk eins og okkur“
„Milljónamæringar eins og við gegna lykilhlutverki í því að græða heiminn,“ segir í bréfi 83 auðmanna sem vilja skattahækkanir á ríkt fólk – eins og þá sjálfa – til að draga úr misrétti vegna COVID-19 og flýta fyrir efnahagsbata.
Kjarninn 13. júlí 2020
Dagur B. Eggertsson
Dagur: Nauðsyn­legt að hætta skot­grafa­hernaði varðandi ferðamáta
Borgarstjórinn segir að nauðsyn­legt sé að kom­ast „út úr þeim skot­grafa­hernaði að líta á að ein­hver einn ferðamáti skuli ráða“. Hann vill að Borgarlínunni verði flýtt.
Kjarninn 13. júlí 2020
Charles Michel, formaður leiðtogaráðs ESB, á blaðamannafundi síðasta föstudag.
Erfiðar viðræður um björgunarpakka ESB framundan
Aðildarríki Evrópusambandsins munu reyna að sammælast um björgunarpakka vegna efnahagslegra afleiðinga COVID-19 faraldursins næsta föstudag. Búist er við erfiðum viðræðum þar sem mikill ágreiningur ríkir milli landa um stærð og eðli útgjaldanna.
Kjarninn 12. júlí 2020
Stíflurnar loka fyrir flæði sjávar úr Adríahafi inn í Feneyjalónið.
Feneyingar prófa flóðavarnir sem beðið hefur verið eftir
Framkvæmdir við flóðavarnakerfi Feneyinga hafa staðið yfir frá því 2003. Verkefnið er langt á eftir áætlun og kostnaður við það hefur margfaldast.
Kjarninn 12. júlí 2020
Meira eftir höfundinnMagnús Halldórsson
Meira úr sama flokkiFréttaskýringar