Líkur aukast á því að Dagur verði áfram borgarstjóri

Ekki er samhljómur innan Viðreisnar um að það yrði krafa að Dagur B. Eggertsson yrði ekki áfram borgarstjóri. Erfiðlega hefur gengið að finna hentugan kandídat og líkurnar á því að Dagur sitji áfram aukast dag frá degi.

Dagur B. Eggertsson hefur verið borgarstjóri í Reykjavík frá árinu 2014.
Dagur B. Eggertsson hefur verið borgarstjóri í Reykjavík frá árinu 2014.
Auglýsing

Líkur á því að Dagur B. Egg­erts­son verði áfram borg­ar­stjóri í Reykja­vík hafa auk­ist á und­an­förnum dög­um. Kjarn­inn greindi frá því í síð­ustu viku að á meðal lyk­il­fólks í Við­reisn, meðal ann­ars í stjórn flokks­ins, væri það ófrá­víkj­an­leg krafa að nýr borg­ar­stjóri yrði ráð­inn til að ný áferð yrði á meiri­hlut­an­um.

­Síðar sama dag var til­kynnt að við­ræður um meiri­hluta Sam­fylk­ing­ar, Við­reisn­ar, Pírata og Vinstri grænna myndu hefj­ast fimmtu­dag­inn 31. maí, eða degi síð­ar. Í við­tölum í kjöl­farið neit­uðu borg­ar­full­trúar Við­reisnar því að slík krafa hefði verið sett fram og ítrekað hefur verið sagt að við­ræður um verka­skipt­ingu fari ekki fram fyrr en búið sé að kom­ast að sam­komu­lagi um mál­efna­samn­ing. Stjórn Við­reisnar fékk ekki upp­lýs­ingar um að ákvörðun um að meiri­hluta­við­ræður yrðu hafnar áður en þær voru gerðar opin­ber­ar. Þar er þó ekki and­staða við leið­ina sem farin var. Vert er að taka fram að í sam­þykktum flokks­ins er ekki kveðið beint á um slíkt sam­ráð.

Auglýsing
Heimildir Kjarn­ans herma að tón­inn í meiri­hluta­við­ræð­un­um, þar sem tveir full­trúar frá hverjum flokki taka þátt, sé þannig að ekki sé and­staða við að Dagur verði áfram borg­ar­stjóri hjá þeim sem þátt í þeim taka. Gangi það eftir er lík­leg­ast að Þór­dís Lóa Þór­halls­dótt­ir, odd­viti Við­reisn­ar, verði for­seti borg­ar­stjórnar sem leið­togi næst stærsta flokks­ins í vænt­an­legu meiri­hluta­sam­starfi.

Ýmis nöfn nefnd

Hug­myndin um að ráða borg­ar­stjóra var til­komin vegna þess að ýmsir innan Við­reisnar vildu fá nýja áferð á meiri­hlut­ann til að ekki liti út sem svo að Við­reisn væri að bæt­ast við sem fjórða hjól undir vagni þess frá­far­andi, og komi þar með beint í stað Bjartrar fram­tíð­ar. Auk þess væri æski­legt að „fram­kvæmda­stjóri“ borg­ar­innar ynni jafnt fyrir alla flokka. Sá þarf hins vegar að búa yfir ein­hverjum öðrum kostum öðrum en að vera ekki Dagur B. Egg­erts­son, sem hefur 16 ára reynslu sem borg­ar­full­trúi og hefur verið í for­ystu borg­ar­innar frá árinu 2010.

Það hefur hins vegar gengið illa að finna kandídat í það starf. Ýmis nöfn voru nefnd til að byrja með. Gísli Mart­einn Bald­urs­son, fyrr­ver­andi borg­ar­full­trúi Sjálf­stæð­is­flokks og sér­fræð­ingur um borg­ar­mál, var ítrekað nefndur en kom því fljótt áleiðis að hann hefði engan áhuga á starf­inu sem stend­ur. Þar af leið­andi fékk hann aldrei form­lega beiðni um að nafn hans yrði lagt fram. Ragna Árna­dótt­ir, aðstoð­ar­for­stjóri Lands­virkj­unar og fyrr­ver­andi dóms­mála­ráð­herra, er sam­kvæmt upp­lýs­ingum Kjarn­ans heldur ekki jákvæð. Sögu­sagnir um að Halla Tóm­as­dótt­ir, fyrr­ver­andi for­seta­fram­bjóð­andi, komi til greina eiga sér ekki fót­festu.

Þá hefur nöfnum tveggja frá­far­andi bæj­ar­stjóra verið kastað fram, þeirra Har­aldar Líndals Har­alds­sonar og Eiríks Björg­vins­son­ar. Har­aldur var ráð­inn bæj­ar­stjóri í Hafn­ar­firði 2014 en nú er ljóst að Rósa Guð­bjarts­dótt­ir, odd­viti Sjálf­stæð­is­manna í bæn­um, muni taka við því starfi. Eiríkur hefur verið fag­lega ráð­inn bæj­ar­stjóri frá árinu 2002, nú síð­ast í átta ár á Akur­eyri.  

Margt gæti breyst

Form­legu við­ræð­urnar hófust, líkt og áður sagði, síð­ast­lið­inn fimmtu­dag og ganga vel. Nær öruggt þykir að flokk­arnir fjórir nái saman um mál­efna­samn­ing og -áhersl­ur. Í til­kynn­ingu sem send var út í síð­ustu viku sögðu odd­vitar þeirra að mark­miðið væri að „sam­­starfs­sátt­­máli nýs meiri­hluta liggi fyrir í góðum tíma fyrir fyrsta borg­­ar­­stjórn­­­ar­fund nýrrar borg­­ar­­stjórnar 19. júní nk.“

Stefnur flokk­anna fjög­­urra liggja mjög vel saman í skipu­lags- og sam­­göng­u­­málum og allir eru þeir til­­­búnir í miklar aðgerðir til að auka enn í upp­­­bygg­ingu hús­næðis í borg­inni til að tryggja fleiri borg­­ar­­búum hús­næði á kjörum sem þeir ráða við.

Sam­kvæmt upp­lýs­ingum Kjarn­ans mun Við­reisn fara fram á að stefna flokks­ins í atvinn­u­­mál­um, meðal ann­­ars lækkun á fast­­eigna­sköttum á fyr­ir­tæki, og í mennta­­málum fái gott pláss í sátt­­mála meiri­hlut­ans. Það þykir því lík­legt að Pawel Bar­toszek, annar maður á lista Við­reisn­ar, muni verða yfir annað hvort umhverf­is- og skipu­lags­ráði eða skóla- og frí­stunda­ráði borg­ar­inn­ar. Auk þess kemur til greina að ráð borg­ar­innar verði stokkuð upp, mála­flokkar færðir til og þeim jafn­vel fækk­að.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Sigrún Huld Þorgrímsdóttir
Það er líf eftir greiningu
Kjarninn 28. júní 2022
Nicola Sturgeon fyrsti ráðherra Skotlands.
Stefnir á atkvæðagreiðslu um sjálfstætt Skotland í október 2023
Nicola Sturgeon leiðtogi Skoska þjóðarflokksins stefnir á að halda þjóðaratkvæðagreiðslu um sjálfstæði Skotlands á ný næsta haust – með eða án leyfis bresku ríkisstjórnarinnar.
Kjarninn 28. júní 2022
Guðmundur Andri Thorsson
Ráfað um í Keflavíkurgöngu
Kjarninn 28. júní 2022
Samkvæmt tilkynningu frá Borgarlínu er gert ráð fyrir því að vagnar Borgarlínunnar byrji að ganga á milli Hamraborgar og Háskóla Íslands árið 2025, þrátt fyrir að framkvæmdum á þeim kafla verði ekki að fullu lokið þá.
Tímalínu framkvæmda við fyrstu lotu Borgarlínu seinkað
Endurskoðuð tímaáætlun framkvæmda við fyrstu lotu Borgarlínu gerir ráð fyrir því að framkvæmdalok verði á árunum 2026 og 2027, en ekki 2024 eða 2025 eins og lagt var upp með. Samstilling við aðrar framkvæmdir, eins og Sæbrautarstokk, spila inn í.
Kjarninn 28. júní 2022
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands hefur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
Meira eftir höfundinnÞórður Snær Júlíusson
Meira úr sama flokkiFréttaskýringar