Íslensk kvikmyndatökukona fær heiðursverðlaun Þýsku kvikmyndaverðlaunanna

Birgit Guðjónsdóttir hefur verið verðlaunuð fyrir framúrskarandi störf á ferli sínum.

Birgit Guðjónsdóttir að störfum.
Birgit Guðjónsdóttir að störfum.
Auglýsing

Til­kynnt hefur verið að íslenska kvik­mynda­töku­konan Birgit Guð­jóns­dóttir hljóti heið­ursverð­laun Þýsku kvik­mynda­verð­laun­anna (Deutsche Kamer­a­preis) í ár, en þau eru veitt fyrir fram­úr­skar­andi feril við­kom­andi lista­manns.

Í umsögn dóm­nefndar um störf Birgit segir að öll verk sem hún hefur feng­ist við beri merki næmni hennar og inn­sæi og sé sama hvort hún fáist við leiknar myndir eða heim­ilda­myndir fyrir sjón­varp eða bíó­hús. „Henni fellur vel að takast á við alvöru­mál sem hún gæðir til­finn­ingum og stemmn­ing­u,“ segir þar einnig og að það sé ekki síst glöggt auga hennar fyrir mynd­bygg­ingu sem geri þetta að verk­um. „Töfrar hennar liggja ekki bara í því að taka fal­legar myndir heldur að skapa hár­fína blöndu augna­blika, afstöðu, sjón­ar­horna og hreyf­ingar mynda­vél­ar­inn­ar,“ bætir dóm­nefndin við og klykkir út með því að full­yrða að myndir hennar búi yfir „innri krafti“ sem hvetji áhorf­endur til umhugs­un­ar.

Birgit fædd­ist á Íslandi árið 1962 og er íslenskur rík­is­borg­ari. Móðir hennar var aust­ur­rísk og Birgit sótti sér menntun í Vín­ar­borg, gekk þar í lista­skóla og lærði ljós­mynd­un. Fjár­hagur hennar réð ekki við að fjár­magna kvik­mynda­nám eins og hana dreymdi um en að námi loknu gerð­ist hún sjálf­boða­liði í kvik­mynda­gerð og komst þannig inn í fag­ið.

Auglýsing

Hún hefur búið og starfað í Berlín mörg und­an­farin ár þótt starfið leiði hana víða. Á Íslandi hefur hún einnig starfað og hefur henni tek­ist að sam­eina starf sitt og áhuga á íslenska hest­in­um, en hún hefur farið í fjölda hesta­ferða um land allt og alltaf með mynda­vél­ina nær­hend­is.

Birgit Guðjónsdóttir Mynd: Aðsend

Heið­ursverð­launin eru ekki eina við­ur­kenn­ingin sem Birgit hefur hlotn­ast á ferl­in­um. Kvik­myndin Our Grand Despair sem hún gerði með tyrk­neska leik­stjór­anum Seyfi Teoman var til­nefnd á Berl­inale hát­ið­inni og Birgit fékk verð­laun fyrir kvik­mynda­tök­una á kvik­mynda­há­tíð­inni í Ist­an­bul árið 2011. Hún hefur unnið mikið með leik­stjór­anum Connie Walther og eitt af verk­efnum þeirra, sjón­varps­myndin Zapp­elp­hil­ipp, var til­nefnt til Þýsku kvik­mynda­verð­laun­anna fyrir bestu mynd og kvik­mynda­töku í þýsku sjón­varpi árið 2013, auk þess sem myndin fekk gull­verð­laun á hát­ið­inni Fipa D´Or í Biar­ritz. Sama ár fékk hún verð­laun alþjóða­sam­taka kvenna í kvik­myndum og sjón­varpi (WIFTS) sem kvik­mynda­töku­kona árs­ins.

Birgit hefur á ferli sínum tekið þátt í gerð fjöl­margra mynda fyrir bíó og sjón­varp og hún er önnum kafin mann­eskja. Auk þessa að sinna kvik­mynda­gerð hefur hún um ára­bil kennt við kvik­mynda­há­skóla í Baden-Württem­berg og Babels­berg. Hún er félagi í Þýsku og Evr­ópsku kvik­mynda­aka­dem­í­unni og tók frum­kvæði að stofnun sam­taka þýsku­mæl­andi kvik­mynda­töku­kvenna, CInema­tograp­hinnen – Women Cinema­tograp­hers Network, en í þeim eru konur frá Aust­ur­ríki og Sviss, auk Þýska­lands.

Þýsku kvik­mynda­verð­launin verða afhent við hátíð­lega athöfn í húsa­kynnum sjón­varps­stöðv­ar­innar WDR í Köln 7. júlí næst­kom­andi. Þetta er í 28. skipti sem þau eru afhent og Birgit er þriðja konan sem hlýtur heið­ursverð­laun­in. Alls eru veitt verð­laun í 26 flokk­um, auk heið­ursverð­laun­anna.

Halldór Auðar Svansson
„Hinn svokallaði flati strúktúr verður að byggjast á einhvers konar strúktúr“
Fyrrverandi borgarfulltrúi Pírata segir að tilgangur með strúktúr innan flokks eigi meðal annars að vera sá að gefa fólki lágmarksvinnufrið. Annars vinni þeir frekustu hverju sinni og frekju sé mætt með enn meiri frekju þar til allt sýður upp úr.
Kjarninn 22. júlí 2019
Andri Snær Magnason
Minnast fyrsta jökulsins sem hvarf vegna loftslagsbreytinga
Andri Snær Magnason, ásamt hópi vísindamanna, mun afhjúpa minningarskjöld um Okjökul í ágúst. Skjöldurinn er hugsaður sem áminning og ákall um aðgerðir gegn loftslagsbreytingum en Okjökull var afskráður sem jökull árið 2014.
Kjarninn 22. júlí 2019
Hægrisinnaðir franskir þingmenn vilja sniðganga Gretu Thunberg
Heimsókn Gretu Thunberg í franska þingið hefur vakið deilur á meðal þingmanna þar í landi. Hægrisinnaðir þingmenn vilja að ávarp hennar verði sniðgengið.
Kjarninn 22. júlí 2019
Tæpar fjórar milljónir söfnuðust í Málfrelsissjóðinn
Forsvarskonur Málfrelsissjóðsins segjast vera í skýjunum með árangurinn en söfnuninni lauk í gær.
Kjarninn 22. júlí 2019
Aldrei fundist eins margar blautþurrkur við strendur landsins
Samkvæmt talningu Umhverfisstofnunar hefur fjöldi svokallaðra blautklúta aukist frá talningu síðustu ára.
Kjarninn 22. júlí 2019
Sjómannasamband Íslands mótmælir harðlega breytingum á lögum um áhafnir skipa
Sambandið hefur sent inn umsögn um breytingar á lögum um áhafnir íslenskra fiskiskipa, varðskipa, skemmtibáta og annarra skipa. Það telur að mönnun fiskiskipa og annarra skipa eigi alltaf að taka mið af öryggi skips og áhafnar.
Kjarninn 22. júlí 2019
Kínverskum fjárfestingum í Bandaríkjunum fækkar um 88 prósent á tveimur árum
Fækkun fjárfestinganna hefur áhrif á sprotafyrirtæki og fasteignamarkaðinn í Bandaríkjunum. Bretland, Kanada, Japan og Þýskaland fjárfesta meira í Bandaríkjunum en Kína.
Kjarninn 22. júlí 2019
TM gerir aftur tilboð í Lykil
TM hefur gert Klakka kauptilboð í fjármálafyrirtækið Lykil. Tilboðið miðast við að 9,25 milljarðar króna verði greiddir fyrir Lykil í reiðufé auk hagnaðar Lykils á þessu ári eftir skatta.
Kjarninn 22. júlí 2019
Meira úr sama flokkiFólk