Tækni- og smá­söluris­inn Amazon kom fjár­festum á grein­endum nokkuð á óvart með því að sýna meiri hagnað á öðrum árs­fjórð­ungi en reiknað var með.

Hagn­að­ur­inn var 2,5 millj­arðar Banda­ríkja­dala, eða sem nemur um 260 millj­örðum króna.

Gríð­ar­legur vöxtur í skýja­þjón­ustu Amazon, undir Amazon Web Services, er eitt af því sem skýrir betri afkomu en vöxt­ur­inn í þeirri starf­semi var um 50 pró­sent miðað við sama tíma í fyrra.

Sölu­tekjur juk­ust um tæp­lega 40 pró­sent, en mark­aðs­grein­endur gerðu ráð fyrir meiri aukn­ingu enn það.

Mannauð­ur­inn undir smá­sjánni

Eitt af því sem skýrir góða afkomu hjá Amazon er minni vöxtur í ráðn­ingum en gert hafði verið ráð fyr­ir. Fram­legðin í rekstr­inum hefur þannig styrkst á sama tíma og rekstr­ar­kostn­aður ekki hækkað eins mikið og bæði áætl­anir og grein­ingar gerðu ráð fyr­ir.

Fjár­mála­stjóri Amazon, Brian Olsav­sky, lét hafa eftir sér þegar hann kynnti upp­gjörið, að eitt af því sem hefði skýrt betri afkomu Amazon væri end­ur­skipu­lagn­ing á starf­sem­inni. Ráðn­ingar hafa ekki verið eins tíðar og þær hafa verið und­an­farið ár, enda hefur vöxtur fyr­ir­tæk­is­ins verið með ólík­ind­um, segir í umfjöllun MarketWatch.

Sam­tals starfa nú 575 þús­und manns hjá fyr­ir­tæk­inu en í fyrra bætt­ust 225 þús­und í hóp­inn. Þar af voru 90 þús­und sem til­heyra Whole Foods en Amazon keypti það fyr­ir­tæki í fyrra fyrir 13,7 millj­arða Banda­ríkja­dala, eða tæp­lega 1.500 millj­arða króna.

Í máli Olsav­sky koma fram að vöxt­ur­inn í starfs­manna­fjölda hefði verið 1,7 pró­sent á und­an­förnum þremur mán­uð­um, en í fyrra jókst fjöld­inn um 65 pró­sent.

Olsav­sky segir að end­ur­skipu­lagn­ingin á mannauði fyr­ir­tæk­is­ins hafi heppn­ast vel, og að grunn­rekst­ur­inn hafi styrkst mik­ið. Rekstr­ar­kostn­að­ur­inn hefur þó vaxið hratt sam­hliða vexti fyr­ir­tæk­is­ins í tekj­um, og jókst hann um 33 pró­sent milli ára á öðrum árs­fjórð­ungi

Risi á alla kanta

Mark­aðsvirði Amazon er nú 861 millj­arður Banda­ríkja­dala, eða sem nemur um 90 þús­und millj­arðar króna. Til sam­an­burðar er virði íslenska hluta­bréfa­mark­að­ar­ins í heild sinni um 750 millj­arðar króna. Þannig er Amazon nú 120 sinnum verð­mæt­ara en íslenski hluta­bréfa­mark­að­ur­inn í heild. Fyr­ir­tækið er risi á alla kanta, og hefur vaxið hrað­ast allra fyr­ir­tækja í sög­unni, en það var stofnað 1994 og er með höf­uð­stöðvar í Seattle.

Rík­asti maður heims er stofn­andi og for­stjóri Amazon, Jeff Bezos. Eignir hans eru metnar á um 150 millj­arða Banda­ríkja­dala, en þær eru að miklu leyti bundnar í hluta­bréfum í Amazon. Hann á ennþá stóran hlut í fyr­ir­tæk­inu, eða 17 pró­sent.