10 staðreyndir um samgöngur á höfuðborgarsvæðinu

Umferð gangandi og hjólandi á höfuðborgarsvæðinu hefur líkast til aldrei verið meiri og ljóst að umhverfisvænn ferðamáti heillar æ fleiri. Kjarninn tók saman nokkrar staðreyndir um samgöngur á höfuðborgarsvæðinu.

reykjavik_14317566179_o.jpg
Auglýsing

Sum­arið hefur nú náð hápunkti sínum að aflok­inni versl­un­ar­manna­helg­inni auk þess sem Hinsegin dagar fara nú fram um helg­ina og þá stytt­ist í Menn­ing­arnótt í Reykja­vík. Umferð gang­andi og hjólandi á höf­uð­borg­ar­svæð­inu hefur lík­ast til aldrei verið meiri og ljóst að umhverf­is­vænn ferða­máti heillar æ fleiri. Kjarn­inn tók saman nokkrar stað­reyndir um sam­göng­ur.

1.

Heild­ar­fjöldi skráðra öku­tækja á Íslandi í árs­lok 2017 var 366.888 en þar af voru 294.482 öku­tæki í umferð á þeim tíma. Að með­al­tali voru því fleiri en eitt öku­tæki skráð á hvern Íslend­ing 2017. Alls eru sam­tals rúm­lega 170 þús­und bif­reiðar hvers kyns skráðar á höf­uð­borg­ar­svæð­inu. Fólks­bílar eru ríf­lega 150 þús­und tals­ins á sama svæði.

2.

Þrátt fyrir mikla aukn­ingu í hjól­reiðum var síð­asta ár metár í bíla­um­ferð. Umferð hefur auk­ist sam­fara efna­hags­upp­sveifl­unni en bif­reiða­eign og akstur hefur vaxið með fólks­fjölgun og auknum kaup­mætti ráð­stöf­un­ar­tekna heim­il­anna. Þá fara ferða­menn stóran hluta sinna ferða á bif­reiðum og hefur hlutur þeirra í umferð­inni farið vax­andi á síð­ustu árum. Mikil umferð­ar­aukn­ing var á öllum helstu stofnæðum höf­uð­borg­ar­innar á síð­ast­liðnu ári. Var aukn­ingin svo dæmi sé tekið 8 pró­sent á milli áranna 2016 og 2017 á Reykja­nes­braut, Hafn­ar­fjarð­ar­vegi og Vest­ur­lands­vegi sam­kvæmt grein­ingu Sam­taka iðn­að­ar­ins. Alls fóru að með­al­tali 162 þús­und öku­tæki á sól­ar­hring um þessar leið­ir. Jókst dags­um­ferðin um ríf­lega 12 þús­und öku­tæki á milli ára. Kemur aukn­ingin í kjöl­far met­vaxtar á árinu 2016 þegar aukn­ingin mæld­ist 7 pró­sent.

Auglýsing

3.

Reykja­vík og Nikós­ía, höf­uð­borg Kýp­urs, eru einu höf­uð­borg­irnar í Evr­ópu þar sem hlut­fall þeirra sem ferð­ast með einka­bíl til vinnu er yfir 75 pró­sent. Þá er hlut­fall þeirra sem nota almenn­ings­sam­göngur lang­minnst í þessum tveimur borg­um, auk Val­lettu, höf­uð­borg Möltu sam­kvæmt skýrslu Hag­stofu Evr­ópu­sam­bands­ins frá síð­asta ári. Þar voru sam­göngu­mátar í Evr­ópu­borgum meðal ann­ars bornir sam­an. Reykja­vík skar sig nokkuð úr, en alls fara 83 pró­sent borg­ar­búa akandi í vinn­una.

4.

Borg­ar­lína er eitt af því sem sveit­ar­fé­lögin á höf­uð­borg­ar­svæð­inu hyggj­ast nýta til að snúa þess­ari þróun við og fjölga þeim sem not­ast við aðra ferða­máta en einka­bíl­inn. Borg­ar­lín­an, sem flestir þekkja núorð­ið, er sam­kvæmt heima­síðu Sam­taka sveit­ar­fé­laga á höf­uð­borg­ar­svæð­inu nýtt og afkasta­mikið kerfi almenn­ings­sam­gangna sem sveit­ar­fé­lögin á höf­uð­borg­ar­svæð­inu und­ir­búa nú í sam­ein­ingu. Þar er því haldið fram að hún sé for­senda þess að sveit­ar­fé­lögin geti þétt byggð í mið­kjörnum og við lín­una og vaxið án þess að brjóta nýtt land undir byggð utan skil­greindra vaxt­ar­marka. Með borg­ar­línu verði hægt að byggja hag­kvæm­ari rekstr­ar­ein­ingar með að byggja þétt­ari byggð til dæmis með því að hafa færri bíla­stæði.

5.

Minnst er á borg­­ar­línu stutt­­lega í stjórn­­­ar­sátt­­mála núver­andi rík­­is­­stjórn­­­ar. Þar seg­ir: „Áfram þarf að byggja upp almenn­ings­­sam­­göngur um land allt og stutt verður við borg­­ar­línu í sam­­starfi við Sam­tök sveit­­ar­­fé­laga á höf­uð­­borg­­ar­­svæð­in­u.“ Bjarni Bene­dikts­son fjár­mála­ráð­herra og for­maður Sjálf­stæð­is­flokks­ins hefur hins vegar lýst yfir ákveðnum efa­semdum um verk­efn­ið, aðal­lega í ljósi fyr­ir­sjá­an­legs kostn­aðar við það. Hann sagði til dæmis á Alþingi í vor að hvorki ríkið né Reykja­vík­ur­borg og önnur sveit­ar­fé­lög á höf­uð­borg­ar­svæð­inu hefðu sýnt fram á að þau hefðu úr þeim fjár­munum að spila sem þyrfti til þess að hrinda borg­ar­línu í fram­kvæmd.

6.

Meiri­hluti borg­ar­stjórnar Reykja­vík­ur, sem sam­anstendur af Sam­fylk­ingu, Píröt­um, Við­reisn og Vinstri græn­um, ætlar að vinna áfram að borg­ar­línu, ljúka skipu­lags­vinnu vegna fyrsta áfanga hennar og hefja fram­kvæmdir form­lega á kjör­tíma­bil­inu. Í meiri­hluta­sátt­mála flokk­anna segir einnig að samn­ingum verði náð við ríkið um lín­una og aðrar nauð­syn­legar fjár­fest­ingar til að létta á umferð­inni og breyta ferða­venj­um. Þá ætlar flokk­arnir einnig að bæta strætó og gefa 12 ára og yngri frítt í vagn­ana og auka tíðni á helstu stofn­leiðum í 7,5 mín á háanna­tím­um. Einnig verður sett ný bíla­stæða­stefna og gjald­skyld svæði stækkuð og gjald­skyldu­tími lengd­ur. Upp­bygg­ingu hjóla­stíga verður hraðað og skoðað að leggja sér­stakar hjóla­hrað­braut­ir. Að end­ingu ætlar meiri­hlut­inn að liðka fyrir notkun raf­magns­reið­hjóla, meðal ann­ars með upp­setn­ingu hleðslu­stöðva.

7.

Í hjól­reiða­á­ætlun Reykja­vík­ur­borgar til árs­ins 2020, sem er ætlað að auka hlut­deild hjól­reiða í öllum ferðum í borg­inni, kemur fram að mark­miðið sé að hlut­fall hjólandi í öllum ferðum verði að minnsta kosti 6,5 pró­sent árið 2020 og hlut­deild hjólandi og gang­andi verði að minnsta kosti 26 pró­sent á sama tíma. Í Aðal­skipu­lagi Reykja­víkur 2010-2030 eru sett fram þau mark­mið að árið 2030 verði hlut­deild hjólandi minnst 8 pró­sent og að hlut­deild hjólandi og gang­andi verði 30 pró­sent árið 2030. Hjóla­ferðum í Reykja­vík hefur fjölgað svo mikið und­an­farin ár, að það nálg­ast mark­mið sem sett var í aðal­skipu­lag­inu fyrir árið 2030, og er nú komið upp í 7 pró­sent.

8.

Karlar hjóla meira en kon­ur, en í mæl­ingum Reykja­vík­ur­borgar sem birtar voru í mars voru 9 pró­sent ferða karl­manna farnar á hjóli en 5 pró­sent kvenna. Hafði þá hjólandi ferðum kvenna fjölgað frá því í mæl­ingum fyrir þremur árum. Hins vegar höfðu ferðir karla staðið í stað. Stærsti hjóla­hóp­ur­inn er síðan 6 til 12 ára börn.

9.

Tíma­bil göngugatna í Reykja­vík stend­ur yfir frá 1. maí til 1. októ­ber. Mark­mið þess­ara tak­mark­ana er að efla mann­líf og versl­un í mið­borg­inni. Öll um­­ferð bif­­reiða er óheim­il á svæð­inu nema á ákveðnum tímum fyrir vöru­los­un. Þessi til­högun hefur ekki verið óum­deild. Nokkrir kaup­menn á svæð­inu hafa til að mynda kvartað yfir minnk­andi sölu sem þeir rekja til lokan­anna.

10.

Í könnun Mask­ínu frá því í fyrra kom fram að hátt í 52 pró­sent Íslend­inga eru ánægð með sum­ar­götur í Reykja­vík en slétt 22 pró­sent eru óánægð með þær. Þó nokkur munur var á svörum eftir aldri en eftir því sem fólk er yngra er það ánægð­ara með sum­ar­göt­urn­ar. Ekki var munur á við­horfi eftir búsetu eða tekjum ein­stak­linga en hins vegar tölu­verður munur eftir því hvaða stjórn­mála­flokk fólk sagð­ist myndi kjósa. Þannig voru mun færri kjós­endur Sjálf­stæð­is- og Fram­sókn­ar­flokks­ins ánægðir með sum­ar­götur á meðan ánægjan var tölu­vert meiri meðal kjós­enda Vinstri grænna, Sam­fylk­ing­ar­inn­ar, Pírata og Við­reisn­ar.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Flestir Íslendingar breyttu ekki áfengisnotkun sinni í faraldrinum
Fimmtán prósent Íslendinga drukku oftar eða mun oftar en venjulega í mars og apríl en flestir breyttu þó ekki áfengisnotkun sinni á þessu tímabili.
Kjarninn 6. júní 2020
Björn Leví Gunnarsson, þingmaður Pírata.
Björn Leví: Höfum hjakkað í sama farinu
„Á undanförnum árum höfum við verið að hjakka í sama farinu. Við höfum verið að nýta okkur þennan enn eina hvalreka sem ferðaþjónustan hefur verið,“ segir þingmaður Pírata.
Kjarninn 6. júní 2020
Leikhópurinn Lotta: Bakkabræður
Bakkabræður teknir í samfélagssátt
Leiklistargagnrýnandi Kjarnans fjallar um Bakkabræður í uppsetningu Leikhópsins Lottu.
Kjarninn 6. júní 2020
Heil vika án nýrra smita
Nýgreind smit síðasta sólarhringinn: Núll. Greind smit síðustu sjö sólarhringa: Núll. Í dag eru tímamót í baráttu Íslendinga gegn COVID-19. Í baráttunni gegn litla gaddaboltanum, veirunni sem virðist ekki hafa tekist að finna líkama að sýkja í viku.
Kjarninn 6. júní 2020
Jói Sigurðsson, sem sést hér fyrir miðju á myndinni og Þorgils Sigvaldason, sem stendur lengst til hægri, fengu hugmyndina að CrankWheel árið 2014.
Hafa tekist á við vaxtarverki vegna heimsfaraldursins
CrankWheel er íslenskt nýsköpunarfyrirtæki sem hefur vaxið nokkuð að undanförnu vegna áhrifa kórónuveirufaraldursins, enda gerir tæknilausn fyrirtækisins sölufólki kleift að leysa störf sín af hendi úr fjarlægð.
Kjarninn 6. júní 2020
180⁰ Reglan
180⁰ Reglan
180° Reglan – Viðtal við Christof Wehmeier
Kjarninn 6. júní 2020
Víða í Bandaríkjunum standa yfir mótmæli í kjölfar morðsins á George Floyd.
Vöxtur Antifa í Bandaríkjunum andsvar við uppgangi öfgahægrisins
Bandarískir ráðamenn saka Antifa um að bera ábyrgð á því að mótmælin sem nú einkenna bandarískt þjóðlíf hafi brotist út í óeirðir. Trump vill að hreyfingin verði stimpluð sem hryðjuverkasamtök en það gæti reynst erfitt.
Kjarninn 6. júní 2020
Hugmyndir um að hækka vatnsborð Hagavatns með því að stífla útfall þess, Farið, eru ekki nýjar af nálinni.
Ber að fjalla um hugsanlega áfangaskiptingu Hagavatnsvirkjunar
Íslenskri vatnsorku ehf. ber að sögn Orkustofnunar að fjalla um hugsanlega áfangaskiptingu fyrirhugaðrar Hagavatnsvirkjunar í frummatsskýrslu. Þá ber fyrirtækinu einnig að bera saman 9,9 MW virkjun og fyrri áform um stærri virkjanir.
Kjarninn 6. júní 2020
Meira eftir höfundinnFanney Birna Jónsdóttir
Meira úr sama flokkiFréttaskýringar