Konur gætu ráðið úrslitunum

Mikill munur er á stjórnmálaviðhorfum kvenna og karla í Bandaríkjunum þessi misserin. Ungar konur eru sagðar geta ráðið úrslitum – ef þær mæta vel á kjörstað.

Konurnar
Auglýsing

Framundan eru spenn­andi kosn­ingar í Banda­ríkj­un­um. Hinar svo­nefndu mið­kjör­tíma­bils­kosn­ingar fara fram í nóv­em­ber og verður þá kosið um 435 sæti í full­trúa­deild­inni og 35 sæti af hund­rað í öld­unga­deild­inni.

Don­ald J. Trump Banda­ríkja­for­seti og Repúblikana­flokkur hefur sterka stöðu í þing­inu um þessar mundir en hún gæti breyst í nóv­em­ber.

Athyglin nú bein­ist ekki síst að einum hópi kjós­enda. Ungra kvenna. Sam­kvæmt könn­unum Gallup, sem The Economist fjall­aði um í útgáfu sinni 6. ágúst síð­ast­lið­inn, þá er mik­ill munur á við­horfi kvenna og karla til for­set­ans.

Auglýsing

Jafnt og spenn­andi

Eins og staða mála eru núna, ef mið er tekið af nýjustum könn­unum Gallup, þá hefur Trump haft stuðn­ing 35 pró­sent kvenna og 49 pró­sent karla.

Þetta kann að koma mörgum á óvart, í ljósi hinnar hörðu og for­dæma­lausu orð­ræðu sem Trump hefur ástundað alveg síðan hann tók við emb­ætti, en margt bendir til þess að kosn­ing­arnar í nóv­em­ber verði jafnar og spenn­andi. Þessi munur á við­horfum kvenna og karla mælist nú meiri en áður á kjör­tíma­bil­inu, og eru það sér­stak­lega konur undir þrí­tugu sem eru and­stæð­ingar Trumps.

Mæti þær vel á kjör­stað, gætu þær ráðið úrslitum í kosn­ing­un­um, að því er The Economist greinir frá.

Demókratar sundraðir

Demókratar hafa lengi verið með fleiri konur í sínum kjós­enda­röðum heldur en Repúblikanar og sam­kvæmt könn­unum bendir ekk­ert til þess að það breyt­ist.

Í síð­ustu mið­kjör­tíma­bils­kosn­ing­um, árið 2014, tal­aði Barack Obama, þáver­andi for­seti, skýrt til kvenna og meira fylgi Demókrata hjá konum réði úrslitum um útkom­una í kosn­ing­un­um. Árið 2012 fékk Obama 55 pró­sent fylgi meðal kvenna en 45 pró­sent meðal karla, sé horft til þeirra sem greiddu honum atkvæði sitt.

Það sem helst þykir óvissa um fyrir kom­andi kosn­ingar er hvernig Demókrötum muni ganga að þétta rað­irnar og sam­eina flokks­menn. Mik­ill klofn­ingur hefur ein­kennt starf flokks­ins und­an­farin ár, og má meðal ann­ars rekja það til bar­áttu Bernie Sand­ers og Hill­ary Clinton um hver yrði for­seta­fram­bjóð­andi flokks­ins fyrir kosn­ing­arnar 2016. 

Sand­ers er enn fullur af eld­móði og hefur alls ekki lagt árar í bát. Ólík­legt þykir að hann verði for­seta­fram­bjóð­andi flokks­ins í kosn­ing­unum 2020, en hann hefur sjálfur ekki úti­lokað neitt og hyggst halda áfram með fjölda­fundi sína vítt og breitt um Banda­rík­in.

Bernie Sanders er vinsæll meðal kvenna, samkvæmt könnunum.

Konur í lyk­il­hlut­verki

Eitt af því sem kann­anir hafa verið að leiða fram að und­an­förnu, er mikil breyt­ing á fylgi kvenna frá sem verið hefur í fyrri kosn­ing­um. Repúblikanar hafa sjaldan eða aldrei verið með minna fylgi meðal kvenna í könn­un­um.

Sam­kvæmt rann­sókn Pew, rann­sókn­ar- og grein­ing­ar­fyr­ir­tækis sem The Economist vitnar til í umfjöllun sinni, eru um 25 pró­sent kvenna stuðn­ings­menn Repúblik­ana en 28 pró­sent karla. Um 39 pró­sent kvenna styðja Demókrata og 26 pró­sent karla, sam­kvæmt fyrr­nefndri rann­sókn. Afgang­ur­inn telst til óákveð­inna.



Í ljósi þess­arar stöðu, það er hversu mikið fylgi er að mæl­ast meðal óákveð­inna, telja margir sér­fræð­ingar á sviði kosn­inga­rann­sókna, að aldrei hafi verið jafn aug­ljóst rými fyrir fram­boð sem gæti skipt miklu máli og náð jafn­vel að kom­ast í lyk­il­stöðu í banda­rískum stjórn­mál­um, eitt­hvað sem oft hefur verið talið óhugs­andi.

En breyttir tímar gætu kallað fram breytt lands­lag og mun tím­inn leiða í ljós hvort Demókratar ganga sam­ein­aðir til leiks eða klofna enn meira eftir því sem kosn­ing­arnar 2020 nálg­ast.

Konur stíga fram

Í úttekt The New Yor­ker, frá því í apr­íl, var fjallað ítar­lega um stöðu kvenna í banda­rískum stjórn­málum og hvernig fjöl­menn mót­mæli kvenna, vítt og breitt um Banda­rík­in, gegn Trump og orð­ræðu hans um kon­ur, hefðu þjappað þeim saman og skapað far­veg fyrir ungar konur sem áhuga hafa á frama í stjórn­mál­um.

Staðan í pólitíkinn í Bandaríkjunum er áhugaverð um þessar mundir.Sam­kvæmt úttekt­inni er lík­legt að 57 konur berj­ist um að ná kjöri í mið­kjör­tíma­bils­kosn­ing­unum í nóv­em­ber og hafa aldrei verið svo margar konur í eld­lín­unni, í þessum mikla karla­heimi sem svið stjórn­mál­anna í Banda­ríkj­unum er. Gott gengi margra kvenna á póli­tískum fundum á und­an­förnum mán­uðum rennir stoðum undir þá kenn­ingu að konur geti ráðið úrslitum í nóv­em­ber.

Sam­kvæmt úttekt The New Yor­ker hafa konur í Repúblikana­flokknum einnig verið að sækj­ast eftir meiri leið­toga­hlut­verkum og er megn óánægja með Trump for­seta, og hvernig hann hefur talað um konur síðan hann fór í for­seta­fram­boð, innan raða flokks­ins. Meðal þeirra sem nefndar eru lík­legar til afreka innan flokks­ins eru lög­fræð­ing­ur­inn Claudia Tenn­ey, frá New York, og Bar­bara Com­stock.

Hin síð­ar­nefnda hefur gagn­rýnt Trump harð­lega fyrir að gera lítið úr konum og kyn­ferð­is­legri áreitni. Hún hefur hvatt Repúblik­ana til að taka MeToo bylt­ing­una alvar­lega og hlusta á það sem konur úr öllum stigum sam­fé­lags­ins hafa að segja.

Ólíkt því sem margir héldu í upp­hafi þá hefur Com­stock fengið byr í segl og þykir til alls lík­leg, á næstu árum, þegar kemur að frama innan Repúblikana­flokks­ins. Eitt af því sem hefur við­haldið vin­sældum hennar er sterk staða meðal byssu­eig­enda en hún hefur þann stimpil á sér hjá NRA, Sam­tökum byssu­eig­enda í Banda­ríkj­un­um, að vera hlið­holl við­horfum sam­tak­anna og lík­leg til að styðja þau í þing­in­u. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hópur fólks mótmælti fyrir utan höfuðstöðvar Landsbankans árið 2016 vegna Borgunarmálsins.
Eignarhaldsfélagið Borgun hefur tvöfaldað fjárfestingu sína í Borgun
Félag sem keypti hlut ríkisbanka í greiðslumiðlunarfyrirtækinu Borgun bak við luktar dyr haustið 2014 hefur fengið háar arðgreiðslur, selt hlut sinn og haldið eftir verðmætum bréfum í Visa Inc. Eigendur þess hafa tvöfaldað upphaflega fjárfestingu sína.
Kjarninn 9. ágúst 2020
Aðdáendur GusGus gefa út ljósmyndabók um hljómsveitina
Á aldarfjórðungsafmæli raftónlistarhljómsveitarinnar GusGus safnar hópur aðdáenda fyrir útgáfu bókar um feril hennar.
Kjarninn 9. ágúst 2020
Gunnar Hólmsteinn Ársælsson
Kyrkingartakið
Kjarninn 9. ágúst 2020
Ólafur Elíasson
Þetta er nú meira klúðrið
Kjarninn 9. ágúst 2020
Þórólfur Guðnason og Kári Stefánsson.
Kári og Þórólfur kalla eftir hagrænu uppgjöri stjórnvalda
„Stjórnvöld eiga nú að segja hvað þau vilja,“ segir Kári Stefánsson. „Ef við viljum halda veirunni í lágmarki þá þurfum við að gera þetta eins og við höfum verið að gera,“ segir Þórólfur Guðnason. Hagrænt uppgjör vanti frá stjórnvöldum.
Kjarninn 9. ágúst 2020
Einn sjúklingur með COVID-19 liggur á gjörgæsludeild Landspítalans.
114 með COVID-19 – 962 í sóttkví
Þrjú ný innanlandssmit af kórónuveirunni greindust hér á landi í gær. Ekkert virkt smit greindist við landamærin.114 manns eru nú með COVID-19 og í einangrun.
Kjarninn 9. ágúst 2020
Flaug 6.000 kílómetra yfir hafið og heim
Sástu spóa suð‘r í flóa í sumar? Ef hann er ekki þegar floginn til vetrarstöðvanna eru allar líkur á því að hann sé að undirbúa brottför. Spóinn Ékéké kom hingað í vor. Flakkaði um landið áður en hún flaug beinustu leið til Vestur-Afríku.
Kjarninn 9. ágúst 2020
Rúllustigarnir eru enn tómir. En listaverkin eru komin á sinn stað.
Loksins – eftir 13 ára seinkun
Þegar tilkynnt var um byggingu nýs flugvallar og flugstöðvar í Berlín árið 1996 átti framkvæmdum að ljúka árið 2007. Nú hillir undir að hann verði tekinn í notkun, þrettán árum á eftir áætlun.
Kjarninn 9. ágúst 2020
Meira eftir höfundinnMagnús Halldórsson
Meira úr sama flokkiFréttaskýringar