Hlutabréf í Icelandair rjúka upp – Ástæðan er óvissan um framtíð WOW air

Hlutabréf í nær öllum félögum í íslensku kauphöllinni hafa fallið í verði það sem af er degi. Helsta undantekningin þar er Icelandair sem hefur rokið upp. Talið að ástæðan sé yfirvofandi tíðindi af stöðu WOW air.

Skúli Mogensen, forstjóri og eigandi WOW air.
Skúli Mogensen, forstjóri og eigandi WOW air.
Auglýsing

Hluta­bréf í Icelandair hafa hækkað um 8,14 pró­sent það sem af er degi. Um tíma nam hækk­unin yfir tíu pró­sentu. Sú hækkun er, sam­kvæmt við­mæl­endum Kjarn­ans sem starfa á mark­aði, bein­tengd þeirri óvissu sem ríkir um hvort að WOW air nái að ljúka yfir­stand­andi skulda­bréfa­út­boði sínu með við­un­andi hætti.   Á sama tíma hafa hluta­bréf í N1, sem ásamt Air BP seldur WOW air flug­véla­elds­neyti á Kefla­vík­ur­flug­velli lækkað um 5,28 pró­sent.

Ferða­þjón­ustu­vef­ur­inn Túristi greindi frá því fyrr í dag, og hafði eftir heim­ild­ar­mönnum sín­um, að þeir teldu ein­ungis tíma­spurs­mál að við­skipti með bréf í Icelandair yrðu stöðvuð þar til að örlög WOW air lægju fyr­ir.

Öll félög í kaup­höll­inni hafa lækkað það sem af er degi utan Icelandair og HB Granda, sem hefur hækkað um 0,63 pró­sent í mjög litlum við­skipt­um. Sú staða er einnig rakin til óvissunnar um hvort WOW air nái að klára skulda­bréfa­út­boðið með far­sælum hætti. Alls stefndi WOW air á að ná í að minnsta kosti 50 millj­ónir dala en helst 100 millj­ónir dala, eða 5,7 til 11,5 millj­arða króna.

Skil­málar sífellt að breyt­ast

Eigið fé Wow air var 1,5 millj­­arðar króna í lok júní síð­­ast­lið­ins, en á fyrri hluta árs­ins var við­­skipta­vildin aukin um 19 millj­­ónir Banda­­ríkja­dala, frá því sem hún var í lok síð­­asta árs, og styrkti þetta eig­in­fjár­­­stöðu félags­­ins. Mikið tap hefur verið á rekstri félags­­ins að und­an­­förnu og nam það tæp­­lega fimm millj­­örðum króna frá júní í fyrra til júní á þessu ári. Áætl­­­anir gera ráð fyrir að rekst­­ur­inn muni rétta úr kútnum seinni hluta þessa árs, en samt verði tapið 3,3 millj­­arð­­ar.

Auglýsing
Kjarninn hefur fjallað ítar­lega um stöðu WOW air í röð frétta­skýr­inga frá miðjum ágúst, þegar greint var frá því að skulda­bréfa­út­boðið stæði fyrir dyr­um. Útboð­ið, sem á að tryggja fjár­mögnun WOW air í 18 til 24 mán­uði, hófst form­lega í lok ágúst og upp­haf­lega var búist við að því myndi ljúka á nokkrum dög­um, eða 31. ágúst. Það reynd­ist ekki raunin og því var brugðið á það ráð að breyta skil­yrðum þess til að reyna að fá fleiri fjár­festa til þátt­töku. Á meðal þess sem bætt var við var að þátt­tak­endur gátu fengið afslátt af hluta­fjár­út­boði WOW air í fram­tíð­inni, sem ráð­ast átti í í aðdrag­anda skrán­ingu á markað í Ham­borg í Þýska­landi. Sá afsláttur átti að geta orðið allt að 25 pró­sent. Auk þess myndu skulda­bréfa­eig­end­urnir fá veð í öllu hlutafé fyr­ir­tæk­is­ins. Þá var búist við því að vextir á skulda­bréf­unum yrðu níu pró­sent, sem er afar dýr fjár­mögnun og end­ur­speglar þá áhættu sem fjár­festar telja að felist í því að lána WOW air fjár­muni.

Til við­bótar voru settir inn skil­málar um að WOW air þyrfti að lúta fram­kvæmd sér­stakra álags­prófa sem áttu að tryggja að lausa- og eig­in­fjár­staða félags­ins færi ekki undir til­tekin mörk.

Skulda­bréfa­út­gáfan í upp­námi

Ljóst er að skulda­bréfa­út­gáfan er í upp­námi. Stjórn­völd fund­uðu um stöðu WOW air um helg­ina í ljósi þess að greiðslu­stöðvun félags­ins myndi hafa mjög víð­tæk efna­hags­lega áhrif, að minnsta kosti til skamms tíma. Þau fund­ar­höld leiddu þó ekki til neinna aðgerða og mjög erfitt hefur verið að nálg­ast upp­lýs­ingar um stöð­una síð­ustu daga.

Sam­kvæmt heim­ildum Kjarn­ans líta að minnsta kosti hluti þeirra sem hafa áhuga á að leggja WOW air til fé þannig á málið að félag­inu vanti frekar nýtt hlutafé en nýjar skuld­ir. Þar er ekki um inn­lenda aðila að ræða, enda hafa íslenskir fjár­festar ekki sýnt því mik­inn áhuga að taka þátt í að fjár­magna WOW air.

Það myndi þýða að Skúli Mog­en­sen, eini eig­andi félags­ins og for­stjóri þess, myndi þynn­ast niður í eign. Um það hefur ekki nást sátt enn sem komið er en málin voru meðal ann­ars rædd á stjórn­ar­fundi sem fór fram í gær­kvöldi. Nýj­ustu skila­boðin frá WOW air er að nið­ur­staða í mál­inu eigi að liggja fyrir í lok viku. Áður hafði Skúli sagt að nið­ur­stöðu væri að vænta strax eftir helgi.



Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Musterishæðin, al-Haram al-Sharif, í Jerúsalem er einungis kölluð síðarnefnda nafninu í tillögu sem bíður afgreiðslu allsherjarþings Sameinuðu þjóðanna. Það segir utanríkisráðuneytið „óþarfa ögrun“.
„Óþarfa ögrun“ í orðalagi á meðal ástæðna fyrir því að Ísland sat hjá
Ísland ákvað að sitja hjá í nóvembermánuði þegar þingsályktunartillaga sem fól í sér beiðni um álit Alþjóðadómstólsins í Haag á hernámi Ísraels á palestínskum svæðum var samþykkt af 4. nefnd allsherjarþings Sameinuðu þjóðanna.
Kjarninn 6. desember 2022
Sonur mannsins með leppinn: „Svona flúði ég vígasamtök föður míns“
Dakota Adams, sonur leiðtoga vígasamtakanna the Oath Keepers, ólst upp við að heimsendir væri í nánd og að öruggast væri að klæðast herklæðum og eiga sem flestar byssur. Dakota tókst að frelsa móður sína og yngri systkini frá heimilisföðurnum.
Kjarninn 5. desember 2022
Pétur Krogh Ólafsson hefur verið ráðinn í nýtt starf hjá Veitum.
Aðstoðarmaður borgarstjóra ráðinn, án auglýsingar, í nýja yfirmannsstöðu hjá Veitum
Pétur Krogh Ólafsson hefur verið ráðinn í nýtt starf þróunar- og viðskiptastjóra hjá Veitum, dótturfélagi Orkuveitu Reykjavíkur. Starfið var ekki auglýst, samkvæmt svari sem Kjarninn fékk frá Orkuveitunni.
Kjarninn 5. desember 2022
María Heimisdóttir.
María hættir – Vill ekki taka ábyrgð á vanfjármagnaðri stofnun
María Heimisdóttir hefur sagt upp störfum sem forstjóri Sjúkratrygginga Íslands. Hún segist ekki vilja taka ábyrgð á vanfjármagnaðri stofnun.
Kjarninn 5. desember 2022
Samtal við samfélagið – English
Samtal við samfélagið – English
Samtal við samfélagið – Migration and Integration in the Era of Climate Change
Kjarninn 5. desember 2022
Samtal við samfélagið
Samtal við samfélagið
Samtal við samfélagið – Fólksflutningar og samþætting á tímum loftslagsbreytinga
Kjarninn 5. desember 2022
Helga Árnadóttir hannar og myndskreytir Lestar Flóðhesta
Lestrar Flóðhestar eru fjölskylduverkefni
Lestrar Flóðhestar eru ný spil fyrir börn sem eru að taka sín fyrstu skref í lestri. „Okkur fannst vanta eitthvað fjörugt og skemmtilegt í lestrarúrvalið fyrir byrjendur,“ segir Helga Árnadóttir sem hannar og myndskreytir spilin.
Kjarninn 5. desember 2022
Guðmundur Björgvin Helgason ríkisendurskoðandi á fundi stjórnskipunar- og eftirlitsnefndar.
„Þetta er bara eins og að fara með rangt barn heim af róló“
Guðmundur Björgvin Helgason ríkisendurskoðandi skaut föstum skotum að forsvarsmönnum Bankasýslunnar á fundi stjórnskipunar- og eftirlitsnefndar og sakaði Lárus Blöndal um að hafa talað gegn betri vitund er hann sjálfur kom fyrir nefndina.
Kjarninn 5. desember 2022
Meira eftir höfundinnÞórður Snær Júlíusson
Meira úr sama flokkiFréttaskýringar