Innflytjendum mun fjölga um 12 til 30 þúsund hið minnsta innan fimm ára

Mannfjöldaspá Hagstofu Íslands gerir ráð fyrir því að mun fleiri muni flytja til landsins en frá því frá byrjun þessa árs og til loka árs 2022. Sú aukning er fyrst og fremst vegna þess að erlendir ríkisborgarar flytja hingað.

Mikill vöxtur í ferðaþjónustu og byggingaiðnaði hefur skapað mikla eftirspurn eftir vinnuafli á Íslandi. Þeirri eftirspurn mætir erlent vinnuafl sem flyst hingað til lands.
Mikill vöxtur í ferðaþjónustu og byggingaiðnaði hefur skapað mikla eftirspurn eftir vinnuafli á Íslandi. Þeirri eftirspurn mætir erlent vinnuafl sem flyst hingað til lands.
Auglýsing

Búist má við því að þeim sem flytja til Íslands umfram þá sem flytja á brott verði 20.883 tals­ins frá byrjun árs 2018 og til loka árs 2022, sam­kvæmt mið­spá Hag­stofu Íslands um þróun mann­fjöld­ans á Íslandi næstu árin. Láspá stofn­un­ar­innar gerir ráð fyrir að aðfluttum fjölgi um 12.252 en háspáin 29.323 á þessu fimm ára tíma­bili.

Hinir aðfluttu verða fyrst og fremst erlendir inn­flytj­endur sam­kvæmt spánni og fleiri íslenskir rík­is­borg­arar munu áfram flytja frá land­inu en til þess. Í byrjun árs 2018 voru erlendir rík­is­borg­arar sem bjuggu hér­lendis 37.950 tals­ins. Láspáin gerir ráð fyrir að þeim fjölgi um 32,3 pró­sent, mið­spáin gerir ráð fyrir að þeim fjölgi um 64,5 pró­sent fram til loka árs 2022 og háspáin gerir ráð fyrir því að þeim fjölgað um 77,2 pró­sent.

Því má búast við að í lok árs 2022 verði erlendir inn­flytj­endur hér­lendis 58.833 til 67.273 tals­ins hið minnsta ef annað hvort mið- eða háspá Hag­stof­unnar verða að veru­leika. Það myndi þýða að erlendir rík­is­borg­arar yrðu 15,6 til 17,4 pró­sent allra íbúa lands­ins. Um síð­ustu ára­mót voru þeir 10,9 pró­sent þeirra.

Spáin gerir ráð fyrir tíma­bundnum við­snún­ingi eftir 2022

Mann­fjölda­spáin gerir þó ráð fyrir því að eftir árið 2022 muni þró­unin snú­ast við og fleiri muni flytja burt en til lands­ins. Í seg­ir: „Til að ná...­jafn­væg­is­á­standi þarf þó að gera ráð fyrir að hinn mikli fjöldi aðfluttra hverfi aftur til baka eftir skamm­tíma­spána eins og reyndin hefur verið und­an­farna ára­tugi. Þetta er gert með því að hafa fimm ára tíma­bil milli skamm­tíma- og lang­tíma­spár­innar þar sem brott­flutn­ingur þeirra sem spáð er að komi til lands­ins á næstu fimm árum er áætl­aður út frá með­al­lengd dvalar útlend­inga á Íslandi und­an­farin 20 ár.“

Auglýsing
Miðspáin gerir því ráð fyrir að frá byrjun árs 2023 og til loka árs 2027 verði brott­fluttir umfram aðflutta alls 13.455 tals­ins, og lág­spáin gerir ráð fyrir að þeir verði 15.515. Sam­hliða muni íbúum lands­ins fækka á umræddu fimm ára tíma­bili.

Þróun á fjölda erlendra rík­is­borg­ara sem hingað flytja, og þeirra sem ákveða að dvelja áfram, er bundin við gang efna­hags­mála. Ef vöxtur er í íslensku sam­fé­lagi, og sér­stak­lega mann­afls­frekum geirum á borð við ferða­þjón­ustu og bygg­inga­iðn­að, þá mun fjöldi þeirra sem flytja hingað lík­ast til ekki drag­ast saman á tíma­bil­inu líkt og spáin gerir ráð fyr­ir, heldur halda áfram að aukast. Að sama skapi gæti aðfluttum erlendum rík­is­borg­urum fækkað hratt á kom­andi árum ef hörð lend­ing verður í efna­hags­mál­um.

Mikil fjölgun á skömmum tíma

Öll fjölgun lands­­manna á fyrri hluta árs­ins 2018, og vel rúm­­lega það, má rekja til þess að erlendir rík­­is­­borg­­ara fluttu hingað til lands. Mann­fjölda­spáin fyrir árið 2018 tekur mið af þeirri miklu aukn­ingu.

Í lok júní síð­ast­lið­ins voru erlendir rík­is­borg­arar sem hér búa orðnir 41.280 tals­ins og hafði fjölgað um 3.328 frá ára­­mót­um, eða um 8,7 pró­­sent.

Alls fjölg­aði íbúum á Íslandi um 2.360 á tíma­bil­inu og því ljóst að lands­­mönnum hefði fækkað ef ekki hefði verið fyrir aðflutn­ing erlendra rík­­is­­borg­­ara til lands­ins. Hlut­­falls­­lega setj­­­ast lang­flestir þeirra að í Reykja­­nes­bæ. Fjöldi erlendra rík­­is­­borg­­ara þar hefur tæp­­lega fjór­fald­­ast á örfáum árum.

Íslendingar eyddu minna erlendis
Í júlí var mesti samdráttur í kortaveltu Íslendinga erlendis síðan í október 2009, alls dróst veltan saman um 5,3 prósent. Færri brottfarir Íslendinga í kjölfar falls WOW air skýra að hluta til samdráttinn.
Kjarninn 22. ágúst 2019
Stefán Ólafsson
Verðbólguskot gengur yfir
Kjarninn 22. ágúst 2019
Pólverjar rjúfa 20 þúsund íbúa múrinn á Íslandi
Pólskum ríkisborgurum fjölgaði hér á landi um 5 prósent á átta mánuðum.
Kjarninn 22. ágúst 2019
Hörður Arnarson
Hið rétta um raforkuverð til stórnotenda
Kjarninn 22. ágúst 2019
Sigmundur Davíð Gunnlaugsson, formaður Miðflokksins.
Leggur til að Bretland gerist tímabundið aðili að EES-samningnum
Formaður Miðflokksins og fyrrverandi forsætisráðherra telur að Bretar muni blómstra eftir útgöngu úr Evrópusambandinu.
Kjarninn 22. ágúst 2019
Vilja koma í veg fyrir að almannaheillafélög verði misnotuð
Nýr fræðslubæklingur hefur verið gefinn út sem beinist að því að fræða almannaheillafélög um góða stjórnarhætti til að koma í veg fyrir að starfsemi þeirra sé misnotuð.
Kjarninn 22. ágúst 2019
Raunlækkun á fasteignaverði síðustu 12 mánuði
Tólf mánaða hækkun vísitölu íbúðaverðs á höfuðborgarsvæðinu náði rúmlega átta ára lágmarki í júlí þegar hún mældist einungis 2,93 prósent. Á sama tíma mældist tólf mánaða verðbólga 3,1 prósent.
Kjarninn 22. ágúst 2019
Hreiðar Már Sigurðsson við meðferð CLN-málsins í héraði í sumar. Þar voru allir sakborningar sýknaðir.
CLN-málinu áfrýjað til Landsréttar
Hinu svokallaða CLN-máli gegn æðstu stjórnendum Kaupþings hefur verið áfrýjað til Landsréttar. Málið hefur flækst fram og til baka í dómskerfinu árum saman og búið er að greiða til baka hluta þeirra fjármuna sem taldir voru tapaðir.
Kjarninn 22. ágúst 2019
Meira eftir höfundinnÞórður Snær Júlíusson
Meira úr sama flokkiFréttaskýringar