Meiri­hluti Íslend­inga er hlynntur aðskiln­aði ríkis og kirkju. Þetta kemur fram í nýjum þjóð­ar­púlsi Gallup þar sem við­fangið er mál­efni þjóð­kirkj­unn­ar. Alls segj­ast 54 pró­sent lands­manna vera hlynnt aðskiln­aði, um 23 pró­sent hafa ekki mótað sér afstöðu og 23 pró­sent segj­ast alfarið á móti.

Karlar eru hlynnt­ari aðskiln­aði en kon­ur, yngra fólk mun hlynnt­ari en eldra fólk og kjós­endur Pírata, Við­reisn­ar, Sam­fylk­ingar og Vinstri grænna eru mun hlynnt­ari aðskiln­aði en kjós­endur Sjálf­stæð­is­flokks og Mið­flokks. Þá eru íbúðar höf­uð­borg­ar­svæð­is­ins mun hlynnt­ari aðskiln­aði ríkis og kirkju en íbúar lands­byggð­ar­innar og stuðn­ingur við aðskilnað eykst eftir því sem mennt­un­ar­stig er hærra.

Þjóð­ar­púls­ins mældi einnig ánægju með störf Agn­esar M. Sig­urð­ar­dótt­ur, bisk­ups Íslands. Hún hefur aldrei verið lægra en ein­ungis 14 pró­sent aðspurðra sagð­ist ánægt með störf henn­ar. Raunar hefur ánægja með störf bisk­ups ekki mælst jafn lág á þeim rúmum tveimur ára­tugum sem hún hefur verið mæld hjá Gallup. Alls sögð­ust 44 pró­sent aðspurðra vera óánægðir með störf bisk­ups.

Þriðj­ungur treystir þjóð­kirkj­unni

Ein­ungis 33 pró­sent þjóð­ar­innar ber mikið traust til þjóð­kirkj­unn­ar. Það er tíu pró­sentu­stigum færri en sögð­ust bera mikið traust til hennar í fyrra. Þeir sem treysta þjóð­kirkj­unni eru nú tæp­lega helm­ingi færri en gerðu það árið 1999.

Alls segj­ast 39 pró­sent lands­manna bera lítið traust til þjóð­kirkj­unn­ar. Mjög skýr munur er á afstöðu til hennar eftir aldri. Þannig segj­ast ein­ungis 17 pró­sent Íslend­inga á aldr­inum 18-30 ára að þeir beri mikið traust til þjóð­kirkj­unnar en 55 pró­sent þess ald­urs­hóps treystir henni ekki. Traustið fer svo vax­andi upp alla ald­urs­hópa og nær hámarki hjá 60 ára og eldri þar sem 47 pró­sent segj­ast treysta kirkj­unni en 26 pró­sent treysta henni ekki.

Lít­ill munur er á afstöðu fólks eftir tekjum en traustið til Þjóð­kirkj­unnar er ívið meira á lands­byggð­inni (38 pró­sent) en á höf­uð­borg­ar­svæð­inu (30 pró­sent).

Mik­ill munur á afstöðu kjós­enda flokka

Mik­ill munur er hins vegar á afstöðu til kirkj­unnar eftir því hvaða stjórn­mála­flokk við­kom­andi kýs. Kjós­endur Sjálf­stæð­is­flokks (52 pró­sent segj­ast treysta þjóð­kirkj­unni) og kjós­endur Mið­flokks­ins (48 pró­sent segj­ast treysta þjóð­kirkj­unni) skera sig úr hvað varðar traust. Kjós­endur Pírata (71 pró­sent van­traust), Við­reisnar (52 pró­sent van­traust) og Sam­fylk­ingar (50 pró­sent van­traust) eru algjör­lega á hinum pólnum hvað varðar afstöðu til þjóð­kirkj­unn­ar.