Danskir sjómenn uggandi

Fátt hefur verið fyrirferðarmeira í fréttum síðustu vikur og mánuði en útganga Breta úr Evrópusambandinu, Brexit. Sú ákvörðun Breta að segja skilið við ESB mun hafa margháttaðar afleiðingar fyrir danska sjómenn, sem eru mjög uggandi varðandi framtíðina.

Bátar í Danmörku
Auglýsing

Á þess­ari stundu er margt óljóst varð­andi Brexit og einn breskur fjöl­mið­ill sagði fyrir nokkrum dögum að ein­ungis eitt virt­ist alveg öruggt: Bretar gangi út 29. mars á næsta ári. Allt annað sé í raun óljóst.

Þótt Evr­ópu­sam­bandið standi sam­einað í samn­inga­við­ræðum við Breta er óhjá­kvæmi­legt að innan hvers ríkis velti stjórn­völd, atvinnu­rek­endur og almennir borg­arar fyrir sér spurn­ing­unni: hvað þýðir þetta í raun og veru. Breska hag­kerfið er stórt og teygir anga sína víða og því eðli­legt að spurt sé.

Fisk­veiði­sam­komu­lag lyk­il­at­riði fyrir Dani

Fisk­veiðar verða eitt lyk­il­at­rið­anna í þeim viða­miklu við­skipta­samn­ingum sem Bretar og ESB þurfa að vinna að og ná sam­komu­lagi um á næstu mán­uð­um, og árum. Í skiln­að­ar­samn­ingnum (eins og það er kall­að) er gert ráð fyrir að sjó­menn níu ESB ríkja, þar á meðal Dan­merk­ur, sem fram til þess hafa veitt í breskri fisk­veiði­lög­sögu geti haldið þeim veiðum áfram til árs­loka 2020. Þangað til eru aðeins tvö ár, sem er mjög skammur tími þegar flóknar samn­inga­við­ræður eru ann­ars veg­ar, við­ræður sem eru ekki hafn­ar. Ther­esa May, for­sæt­is­ráð­herra Breta hefur ítrekað gefið í skyn, síð­ast fyrir fjórum dög­um, að Bretar ætli sér að segja algjör­lega skilið við fisk­veiði­stefnu Evr­ópu­sam­bands­ins.

Auglýsing

Hol­lend­ing­ar, Danir og Frakkar

Þær þjóðir sem mestra hags­muna hafa að gæta varð­andi áfram­hald­andi fisk­veiðar í breskri lög­sögu eru Hol­lend­ing­ar, Danir og Frakk­ar.

Niels Wich­mann fram­kvæmda­stjóri dönsku sjó­manna­sam­tak­anna sagð­ist, í við­tali við dag­blaðið Berl­ingske, vera bjart­sýnn á að dönsk stjórn­völd muni ná samn­ingum við Breta. „Við treystum þeim lof­orðum sem við höfum fengið frá ráð­herrum rík­is­stjórn­ar­innar að þeir muni gera allt sem þeir geta til að tryggja dönskum sjó­mönnum góðan samn­ing.“ Hann sagði enn­fremur að vissu­lega valdi það áhyggjum að í hinni svo­nefndu neyð­ar­á­ætlun varð­andi Brexit sé ekki minnst á fisk­veiðar og þess vegna sé ekk­ert tryggt í þeim efn­um.

Vilja fisk­veiði­samn­ing sam­hliða við­skipta­samn­ingi

Fisk­veiði­þjóð­irnar níu, sem veitt hafa í breskri fisk­veiði­lög­sögu, hyggj­ast krefj­ast þess að samn­ingur um fisk­veiðar verði gerður sam­hliða við­skipta­samn­ingi. Stef Blok, utan­rík­is­ráð­herra Hollands, sagði, þegar hann hafði skrifað undir drög að fisk­veiði­sam­komu­lagi, að samn­ingar gætu orðið erf­iðir og benti á að breskir sjó­menn veiði mun minna í lög­sögu ann­arra ESB ríkja en ríkin níu veiði í bresku lög­sög­unni. Hol­lenski ráð­herr­ann benti á að Bretar flytji inn um 80 pró­sent þess fisks sem þeir neyti, en stærstan hluta þess sem þeir veiði sjálfir flytji þeir til ESB land­anna. Ráð­herr­ann nefndi sér­stak­lega ostrur og annan skel­fisk, ásamt laxi.

Dan­mörk í hópi þeirra stóru í fisk­út­flutn­ingi

Árið 2016 (nýj­ustu töl­ur) voru Danir þrett­ándu stærstu útflytj­endur fisks og fiskaf­urða í heim­in­um. Það ár voru fluttar út frá Dan­mörku fiskaf­urðir fyrir 27 millj­arða króna (504 millj­arða íslenska). Þetta eru tæp­lega 4 pró­sent heild­ar­út­flutn­ings Dana. Ein­ungis hluti þessa útflutn­ings er fiskur sem danskir sjó­menn hafa afl­að. Mörg útlend útgerð­ar­fyr­ir­tæki landa afla sínum í Dan­mörku og enn­fremur flytja Danir inn mik­inn fisk, sem er svo full­unn­inn víða í Dan­mörku, einkum þó á Jót­landi, og síðan fluttur út. Þar er um að ræða fiski­mjöl, fiskol­í­ur, reyktan fisk, salt­aðan og þurrk­að­an, auk frystra afurða og nið­ur­soð­inna. Mest er flutt til Dan­merkur af laxi, rækjum og þorski og þetta vegur sömu­leiðis þyngst í útflutn­ingn­um. Stærstur hluti þess sem fluttur er inn kemur frá Nor­egi, Græn­landi og Fær­eyj­um, en Þjóð­verjar eru lang stærstu kaup­endur fisks og fiskaf­urða frá Dan­mörku.

Fisk­veiði­samn­ingur er for­gangs­at­riði segir ráð­herr­ann

Eva Kjer Han­sen Mynd: Wiki CommonsEva Kjer Han­sen sjáv­ar­út­vegs­ráð­herra Dan­merkur hefur marg­sagt samn­ing um fisk­veið­ar, eftir Brex­it, algjört for­gangs­mál dönsku stjórn­ar­inn­ar. Hún hefur líka lagt á það ríka áherslu að stjórn­völd og sam­tök sjó­manna og útgerð­ar­manna standi sam­an. Fyrir nokkrum dögum sagði ráð­herr­ann í við­tali við danska útvarp­ið, DR, að það yrði mikil breyt­ing að standa í samn­inga­við­ræðum við „þriðja ríki“ eins og það var orð­að. Í þessu sama við­tali sagði Eva Kjer Han­sen að þótt umræðan um landa­mæri Írlands og Bret­lands hefði verið fyr­ir­ferð­ar­mikil í Brexit umræð­unni yrðu samn­ingar um veiði­rétt­indi erf­ið­astir og gætu tekið mjög langan tíma.

Úr ofveiði í sjálf­bærni

Mörg und­an­farin ár hafa flestir fiski­stofnar í Norð­ur­sjó, Skagerrak og víðar verið ofveidd­ir. Svo mjög að sér­fræð­ingar hafa ótt­ast að sumar fisk­teg­undir gætu bein­línis horfið úr sjónum á þessum svæð­um. Erfitt hefur reynst að draga úr veiðum og því jafn­vel haldið fram að sér­fræð­ing­arnir „mál­uðu skratt­ann á vegg­inn“, ástandið væri fjarri því að vera jafn slæmt og þeir héldu fram. Þessar raddir eru að mestu leyti þagn­aðar og öllum ljóst að skyn­sam­leg nýt­ing er nauð­syn­leg til að tryggja að stofn­arnir þurrk­ist ekki út. Meðal þeirra teg­unda sem árum saman var ofveiddur í Norð­ur­sjó og Skagerrak er þorsk­ur­inn. 

Fyrir nokkrum dögum var til­kynnt að þorsk­kvóti Dana í Norð­ur­sjó yrði á næsta ári skor­inn niður um 35 pró­sent og í Skagerrak um 47 pró­sent. Danski sjáv­ar­út­vegs­ráð­herr­ann sagði, þegar þessi ákvörðun var kynnt, að vissu­lega væri þetta mik­ill nið­ur­skurður en jafn­framt nauð­syn­legur til að bjarga stofn­in­um. Á móti kæmi aukn­ing í mörgum öðrum teg­und­um. Tals­maður dönsku sjó­manna­sam­tak­anna sagði að þótt sjó­mönnum þætti aldrei gott að veiða minna yrði að horfa til fram­tíð­ar. „Stóra áhyggju­efni okkar sjó­manna er hins­vegar þetta Brex­it.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Gylfi Zoega, prófessor í hagfræði.
Gylfi: Stjórnvöld gerðu mistök með því að opna landið
Prófessor í hagfræði, sem varaði við áhrifum af opnun landamæra Íslands í sumar, segir að stjórnvöld hafi stefnt mikilvægum almannagæðum í hættu með því að halda þeim til streitu. Hagsmunir fárra hafi verið teknir fram yfir hagsmuni þorra landsmanna.
Kjarninn 8. ágúst 2020
Sumarið er tími malbikunarframkvæmda.
Nýja malbikið víða tilbúið í hefðbundinn hámarkshraða
Hámarkshraði hefur verið lækkaður á þeim vegarköflum sem eru nýmalbikaðir en nú eru þær takmarkanir brátt á enda víða á höfuðborgarsvæðinu. Upplýsingafulltrúi Vegagerðarinnar segir hraðann ekki hækkaðan fyrr en viðnám sé orðið ásættanlegt.
Kjarninn 7. ágúst 2020
Drífa Snædal er forseti ASÍ.
Ætlast til þess að samfélagslegir hagsmunir ráði för en ekki hagsmunir peningaaflanna
Forseti ASÍ segir fjölmörg verkefni sem stjórnvöld gáfu loforð um í tengslum við núgildandi kjarasamninga út af standa. Þá segir hún að „sumargjöf“ Icelandair til flugfreyja muni lita þau verkefni sem fram undan eru hjá verkalýðshreyfingunni.
Kjarninn 7. ágúst 2020
Víðir Reynisson, yfirlögregluþjónn hjá almannavarnadeild ríkislögreglustjóra.
„Það eina sem er alveg öruggt“ er að meiri útbreiðsla þýðir meira af alvarlegum veikindum
Vonbrigði. Áfall. Erfið staða. „Það er aldrei hægt að leggja of mikla áherslu á það að í þessari baráttu er veiran óvinurinn,“ sagði Víðir Reynisson yfirlögregluþjónn á upplýsingafundi þar sem okkur voru fluttar þungar fréttir.
Kjarninn 7. ágúst 2020
Þórólfur Guðnason sóttvarnalæknir.
Einn sjúklingur á gjörgæslu og í öndunarvél
Þórólfur Guðnason sóttvarnalæknir upplýsti um það á upplýsingafundi almannavarna í dag að einn sjúklingur liggur nú á gjörgæslu vegna COVID-19. Hann er á fertugsaldri og í öndunarvél.
Kjarninn 7. ágúst 2020
Víðir Reynisson, yfirlögregluþjónn hjá almannavarnadeild ríkislögreglustjóra.
Víðir: Faraldur skollinn á að nýju
Mögulega verða einhverjir lagðir inn vegna COVID-19. Annað hópsmitið hefur verið rakið til veitingastaðar í Reykjavík. Tæplega 50 manns eru í sóttkví í Vestmannaeyjum vegna smits sem greindist hjá einstaklingum sem þar voru um verslunarmannahelgina.
Kjarninn 7. ágúst 2020
Svandís Svavarsdóttir, heilbrigðisráðherra.
Ráðherra boðar til samráðs lykilaðila vegna COVID-19
Heilbrigðisráðherra hefur ákveðið að boða til samráðsvettvangs í formi vinnustofu þann 20. ágúst. Þar verður rætt hvernig móta megi aðgerðir og stefnu til lengri tíma litið með tilliti til faraldurs COVID-19.
Kjarninn 7. ágúst 2020
109 virk smit – 914 í sóttkví
Sautján ný innanlandssmit af kórónuveirunni greindust hér á landi í gær og þrjú í landamæraskimun. 109 manns eru nú með COVID-19 og í einangrun.
Kjarninn 7. ágúst 2020
Meira eftir höfundinnBorgþór Arngrímsson
Meira úr sama flokkiFréttaskýringar