26 einstaklingar eiga meiri auð en fátækari helmingur heimsbyggðarinnar

Í nýrri skýrslu Oxfam kemur fram að hinir ríku í heiminum eru að verða ríkari og hinir fátækari að verða fátækari. Þá fela hinir ofurríku mörg hundruð þúsund milljarða króna frá skattyfirvöldum.

Bilið milli fátækra og ríkra í heiminum er að aukast samkvæmt nýrri skýrslu Oxfam.
Bilið milli fátækra og ríkra í heiminum er að aukast samkvæmt nýrri skýrslu Oxfam.
Auglýsing

Rík­ustu 26 ein­stak­lingar í heimi eiga jafn­mik­inn sam­an­lagðan auð og fátæk­ari helm­ingur heims­byggð­ar­inn­ar, eða 3,8 millj­arðar manna. Á árinu 2018 urðu hinir ríku enn rík­ari og hinir fátæk­ustu fátæk­ari. Árið 2017 þurfti 43 millj­arða­mær­inga til að eiga jafn mikið og fátæk­asti helm­ingur mann­kyns.

Þá eru hinir ofur­ríku að fela sam­tals um 7,6 trilljónir dala, 810 þús­und millj­arðar íslenskrar króna frá skatt­yf­ir­völdum víðs vegar um heim­inn og fyr­ir­tæki fela auk þess gríð­ar­legar fjár­hæðir í skatta­skjólum fjarri þeim löndum þar sem arð­semi þeirra verður til. Þessi til­hneig­ing auð­stétt­ar­inn­ar, að greiða ekki skatta í sam­ræmi við lög og reglur heldur fela auð sinn frá skatt­heimtu, gerir það að verkum að þró­un­ar­lönd verða af 171 millj­arði dala, eða 20.570 millj­örðum króna á ári hverju vegna skatta sem skila sér ekki.

Þetta kemur fram í nýrri skýrslu Oxfa­m-­sam­tak­ana um mis­skipt­ingu auðs, sem gerð var opin­ber í dag.

Rík­ari aldrei verið rík­ari

Á þeim ára­tug sem lið­inn er frá því að alþjóð­leg efna­hag­skreppa reið yfir heim­inn hefur fjöldi millj­arða­mær­inga nán­ast tvö­fald­ast. Auður þeirra sem áttu yfir millj­arð dali, eða meira en 121 millj­arð króna, jókst um 900 millj­arða dala, 108.900 millj­arða króna, í fyrra. Millj­arða­mær­ingar heims­ins eiga nú meiri auð en nokkru sinni áður í heims­sög­unni.

Auglýsing
Ríkasti maður heims er Jeff Bezos, stofn­andi og aðal­eig­andi Amazon. Auður hans jókst um 112 millj­arða dala, 13.522 millj­arða króna, í fyrra. Í skýrslu Oxfam kemur fram að eitt pró­sent af heild­ar­auð Bezos sé jafn mikið af pen­ingum og fara í heil­brigð­is­mál í Eþíóp­íu, þar sem 105 millj­ónir manns búa.

Fátæk­ustu bera meiri byrðar en rík­ustu

Á sama tíma og auð­söfnun þeirra rík­ustu er í mik­illi sókn, sam­kvæmt sam­an­tekt Oxfam, þá njóta þeir sem til­heyra hópn­um, og fyr­ir­tækin sem þeir eiga, líka hag­stæð­ari skatta­skil­yrða en þeir hafa notið í ára­tugi.

Oxfam bendir á að auður sé ekki skatt­lagður nema að litlum hluta. Þannig komi til að mynda ein­ungis fjögur pró­sent af öllum skatt­tekjum til vegna auð­legð­ar­skatta. Í ríkum löndum þá lækk­uðu hæstu tekju­skattar úr 62 pró­sent árið 1970 í 38 pró­sent árið 2013 og í þró­un­ar­lönd­unum er hæsta tekju­skatts­hlut­fall 28 pró­sent.

Skýrslan bendir á að í Bras­ilíu og Bret­landi séu fátæk­ustu tíu pró­sent lands­manna farin að greiða hærra hlut­fall af launum sínum í skatt en rík­ustu tíu pró­sent­in.

Leggja til end­ur­hannað alþjóð­legt skatt­kerfi

Skýrsla Oxfam er birt á sama degi og við­skipta­ráð­stefnan í Davos í Sviss, þar sem margt áhrifa­mesta fólk heims­ins á sviði stjórn­mála og við­skipta kemur saman til skrafs og ráða­gerða, er sett.

Í henni eru lagðar fram þrjár lykil til­lögur um það hvernig megi vinna gegn vax­andi ójöfn­uði. Sú fyrsta er að bjóða upp á gjald­frjálsa heil­brigð­is­þjón­ustu, menntun og aðra opin­bera þjón­ustu um heim allan sem nái einnig til kvenna og stúlkna. Oxfam hvetur til þess að einka­væð­ingu opin­berrar þjón­ustu verði hætt, að allir fái eft­ir­laun, barna­bætur og aðrar greiðslur sem tryggi félags­legt rétt­læti fyrir alla.

Auglýsing
Í öðru lagi leggur Oxfam til að rík­is­stjórnir um allan heim leggi sig fram við að auka svig­rúm millj­óna kvenna sem eyða hverjum degi í að sjá um fjöl­skyldur sínar og heim­ili án launa. Með því að fjár­festa í opin­berri þjón­ustu sem dragi úr þörf kvenn­anna á því að nota jafn mikið af tíma sínum í slík ólaunuð störf, t.d. með auk­inni barna­gæslu, aðgengi að vatni og raf­magni, þá sé hægt að ná þessu mark­miði.

Í þriðja lagi leggur Oxfam til að það verði hætt að und­ir­skatt­leggja ríka ein­stak­linga og fyr­ir­tæki með því að ein­fald­lega hækka skatta á þá og koma í veg fyrir skattaund­an­skot þeirra með sam­eig­in­legum aðgerð­um. Það sé hægt með því að ná sam­komu­lagi um nýtt alþjóð­legt reglu­verk og með því að setja upp nýjar alþjóð­legar stofn­anir til að fram­fylgja því. Með þessu væri í raun verið að end­ur­hanna skatta­kerfi heims­ins í grund­vall­ar­at­riðum til að gera það rétt­lát­ara og hleypa þró­un­ar­löndum að ákvörð­un­ar­töku til jafn við rík­ari lönd heims­ins.

Hægt er að lesa skýrslu Oxfam í heild sinni hér.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Kortið sýnir útbreiðslu hita í hluta Síberíu 20. júní.
Hitamet staðfest á einum kaldasta stað jarðar
Hæsti hiti: 38°C. Lægsti hiti: -67,8°C. Mismunur: 105,8 gráður. Norðurslóðir eru að hlýna þrisvar sinnum hraðar en önnur svæði í heiminum. Hlýnunin er að eiga sér stað mörgum áratugum fyrr en spár gerðu ráð fyrir.
Kjarninn 3. júlí 2020
Lilja D. Alfreðsdóttir er mennta- og menningarmálaráðherra.
Menntamálaráðuneytið synjar Kjarnanum um aðgang að lögfræðiálitunum sem Lilja aflaði
Mennta- og menningarmálaráðuneytið neitar að afhenda Kjarnanum lögfræðiálitin sem Lilja D. Alfreðsdóttir aflaði í aðdraganda þess að hún ákvað að stefna skrifstofustjóra í forsætisráðuneytinu til að fá úrskurði kærunefndar jafnréttismála hnekkt.
Kjarninn 3. júlí 2020
Róbert Marshall, upplýsingafulltrúi ríkisstjórnarinnar.
Marshall-aðstoð ríkisstjórnarinnar orðin ótímabundin
Róbert Marshall hefur verið ráðinn ótímabundið í stöðu upplýsingafulltrúa ríkisstjórnarinnar, en áður hafði hann verið ráðinn tímabundið í stöðuna til þriggja mánaða.
Kjarninn 3. júlí 2020
Skiljum ekkert eftir
Skiljum ekkert eftir
Skiljum ekkert eftir – Fötin og tískan
Kjarninn 3. júlí 2020
Þórólfur Guðnason sóttvarnalæknir.
Staðfest: Íslendingar þurfa í sóttkví við komuna til landsins
Heilbrigðisráðherra hefur fallist á tillögu sóttvarnalæknis um að Íslendingar og aðrir sem búsettir eru hér þurfi að fara aftur í skimun 4-5 dögum eftir komu til landsins og vera í sóttkví þangað til niðurstaða fæst.
Kjarninn 3. júlí 2020
Þörf á öflugra eftirliti af hálfu hins opinbera varðandi málefni erlends vinnuafls
Samkvæmt nýrri skýrslu Rannsóknamiðstöðvar ferðamála um aðstæður erlends starfsfólks í ferðaþjónustu er árangursríkasta leiðin til að stöðva alvarleg brot í geiranum að stoppa upp í göt í lögum og efla eftirlit opinberra stofnana.
Kjarninn 3. júlí 2020
Áslaug Arna Sigurbjörnsdóttir tók við sem dómsmálaráðherra í september í fyrra. Líkur eru á að hún muni hafa skipað fjóra nýja dómara við Hæstarétt á fyrsta ári sínu sem ráðherra.
Tveir dómarar við Hæstarétt óska lausnar
Fimm dómarar við Hæstarétt hafa óskað lausnar úr starfi á innan við einu ári. Samsetning réttarins hefur því breyst gríðarlega mikið á skömmum tíma. Af þeim sjö sem munu mynda réttinn í nánustu framtíð munu fjórir hafa verið skipaðir frá því í desember.
Kjarninn 3. júlí 2020
Fyrrum eigendur Mjólku vilja skaðabætur frá Mjólkursamsölunni
Stofnendur og fyrrum eigendur Mjólku fara fram á að MS viðurkenni skaðabótaskyldu vegna samkeppnisbrota sem hafi leitt til þess að Mjólka fór í greiðsluþrot. Brot MS hafa verið staðfest fyrir dómstólum og fyrirtækið greitt sektir vegna þeirra.
Kjarninn 3. júlí 2020
Meira eftir höfundinnÞórður Snær Júlíusson
Meira úr sama flokkiFréttaskýringar