Starfslok stjórnenda Sýnar kostuðu 137 milljónir

Bókfærður söluhagnaður vegna sameiningar dótturfélags skilaði Sýn réttu megin við á fyrsta ársfjórðungi. Samdráttur var í tekjum hjá flestum tekjustoðum félagsins. Brottrekstur þorra framkvæmdarstjórnar félagsins var dýr.

Sýn - Fjölmiðlar
Auglýsing

Mik­ill kostn­aður vegna starfs­loka fram­kvæmda­stjóra, gjald­þrot WOW air, kjara­samn­ing­ar, óhag­stætt gengi og sölu­hagn­aður vegna sam­ein­ingar dótt­ur­fé­lags eru allt þættir sem hafa mikil áhrif á upp­gjör fjar­skipta- og fjöl­miðla­fé­lags­ins Sýnar fyrir fyrstu þrjá mán­uði árs­ins.

Upp­gjörið var birt í Kaup­höll Íslands í dag.

Hagn­aður Sýnar nam 670 millj­ónum króna á fyrsta árs­fjórð­ungi, sem er hækkun um 619 millj­ónir króna milli ára. Lyk­ilá­stæða þess að Sýn skil­aði hagn­aði á árs­fjórð­ungnum er vegna þess að bók­færður sölu­hagn­aður vegna sam­runa P/F Hey, dótt­ur­fé­lags Sýnar hf. í Fær­eyjum og Nema, dótt­ur­fé­lag Tjald­urs, gekk í gegn á fjórð­ungnum og er 49,9 pró­sent hlutur Sýnar hf. í nýju sam­ein­uðu félagi færður sam­kvæmt hlut­deild­ar­að­ferð og því ekki hluti af sam­stæðu­reikn­ings­skilum Sýnar hf. frá byrjun þessa árs. Alls nemur bók­færður sölu­hagn­aður vegna þessa 817 millj­ónum króna. Án hans hefði verið tap á rekstri Sýnar á árs­fjórð­ungn­um.

Auglýsing
Tekjur Sýnar á tíma­bil­inu voru 4.975 millj­ónir króna sem er lækkun um eitt pró­sent frá sama tíma­bili í fyrra, þegar tekjur voru 5.030 millj­ónir króna. Ef verð­bólga er tekin inn í dæmið þá var sam­drátt­ur­inn í raun­tekjum meiri en áður­nefnt eitt pró­sent. Kostn­að­ar­verð jókst að sama skapi og dróst fram­legð saman um 118 millj­ónir króna milli ára.

Tekjur Sýnar sam­an­standa úr nokkrum stoð­um. Sú eina þeirra sem skil­aði meiri tekjum í ár en á sama árs­fjórð­ungi 2018 var sala á inter­net­þjón­ustu. Tekjur vegna fjöl­miðl­un­ar, far­síma, fast­línu og vöru­sölu dróg­ust allar sam­an.

Í fjár­festa­kynn­ingu Sýnar vegna upp­gjörs­ins kemur fram að óhag­stæð þróun gengis hafi haft nei­kvæð áhrif á upp­gjörið miðað við sama tíma­bil í fyrra. Þá hafi gjald­þrot WOW air og kjara­samn­ingar haft nei­kvæð áhrif á aug­lýs­inga­tekjur á árs­fjórð­ungn­um.

Kost­aði 137 millj­ónir að skipta um stjórn­endur

Miklar svipt­ingar hafa verið hjá Sýn und­an­farin mis­s­eri, en kaupin á fjöl­mið­l­unum hafa ekki skilað þeim árangri sem áætl­­­anir gerðu ráð fyr­­ir. Hagn­aður félags­­ins í fyrra var til að mynda 473 millj­­ónir króna, sem var langt undir vænt­ing­­um. Ekk­ert félag í Kaup­höll­inni lækk­­aði meira í virði en Sýn á síð­­asta ári, en virði bréfa þess fór niður um 38,3 pró­­sent.

Þá misstu fjöl­miðlar Sýn rétt­inn af einni af sínum vin­­sæl­­ustu vörum, Enska bolt­an­um, í lok árs í fyrra og fær­­ast sýn­ingar á honum yfir til Sím­ans frá og með næsta haust­i.

Þrír stjórn­­endur Sýnar hafa verið látnir fara á þessu ári. Í lok febr­­ú­­ar, rúmum tveimur mín­útum eftir að upp­­­gjör félags­­ins vegna árs­ins 2018 var birt, barst til­­kynn­ing um að Stefán Sig­­urðs­­son, for­­stjóri félags­­ins, hefði náð sam­komu­lagi um að hætta störf­­um.

Í byrjun árs voru tveir aðrir rekn­ir, þar á meðal Björn Víglunds­­son, sem var yfir miðlum félags­­ins. Hans hlut­verk hafði sér­­stak­­lega verið að leiða sam­þætt­ingu fjöl­miðla­hluta Sýnar við aðrar ein­ingar Fjar­­skipta og vinna að vöru­­þró­un.

Í árs­upp­gjör­inu kemur fram að áhrif starfs­loka stjórn­enda hjá Sýn á fyrsta árs­fjórð­ungi hafi numið 137 millj­ónum króna.

Auglýsing
Í lok apríl var greint frá því að Heiðar Guð­jóns­­son, hag­fræð­ingur og fjár­­­fest­ir, hefði verið ráð­inn for­­stjóri Sýn­­ar. Hann hætti á sama tíma sem stjórn­­­ar­­for­­maður félags­­ins, en Heiðar er einn stærsti hlut­hafi Sýnar með 6,4 pró­­sent eign­­ar­hlut. Heiðar hafði gegnt starfi for­­stjóra tíma­bundið í nokkrar vikur áður en að hann var ráð­inn í starf­ið.

Nokkrum dögum síðar var greint frá því að Þór­hallur Gunn­­ar­s­­son, fyrr­ver­andi rit­­stjóri Kast­­ljóss, hefði verið ráð­inn sem fram­­kvæmda­­stjóra Miðla hjá fyr­ir­tæk­inu. Hann tekur við starf­inu 22. maí næst­kom­andi en undir sviðið heyra meðal ann­­ars fjöl­mið­l­­arnir Stöð 2, Stöð 2 sport og útvarps­­­stöðv­­­arnar Bylgj­an, FM957 og Xið977 auk Vís­­is.

Á sama tíma var Signý Magn­ús­dóttir ráðin fjár­­­mála­­stjóri Sýnar frá og með 1. júní næst­kom­andi.

Ítar­leg kynn­ing á stefnu­mótun í næsta upp­gjöri

Í fjár­festa­kynn­ingu félags­ins kemur fram að nýtt ferli sé hafið í stefnu­mótum hjá Sýn og að því verði lokið snemma sum­ars. Von er á ítar­legri kynn­ingu á þeirri stefnu­mótun í milli­upp­gjöri félags­ins.

Heiðar Guð­jóns­son, for­stjóri Sýn­ar, segir að þeir sem nú komi inn í fram­kvæmda­stjórn Sýnar hafi unnið áður sem ráð­gjafar fyrir félagið og þekki það vel sem gerir það að verkum að þeir þurfi ekki tíma til aðlög­un­ar. „Ég tel félagið ein­stak­lega heppið með sam­setn­ingu hinnar nýju fram­kvæmda­stjórnar og hlakka til að taka slag­inn á mark­aði með þessum úrvals­hópi. Félagið mun klára stefnu­mótun og skerpa á rekstr­inum strax í júní. Við ætlum að veita við­skipta­vinum okkur úrvals þjón­ustu og vera í far­ar­broddi með nýj­ung­ar. Vegna árs­tíða­sveiflu í rekstri verða næstu fjórð­ungar árs­ins betri. Við erum enn viss­ari um að horfur árs­ins náist og horfum björtum augum fram á við."

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Trump sagði öruggt að opna bandaríska skóla því börn væru „næstum ónæm“ fyrir COVID-19.
Trump fer enn og aftur á svig við skilmála samfélagsmiðla
Donald Trump sagði í símaviðtali við Fox and Friends í gær að börn væru „næstum ónæm“ fyrir kórónuveirunni. Facebook-færslu frá forsetanum með ummælunum var eytt og Twitter frysti aðgang tengdan forsetanum.
Kjarninn 6. ágúst 2020
Þórólfur Matthíasson
Af sykurpúðum
Kjarninn 6. ágúst 2020
Alma Möller, landlæknir.
Alma: Tækifærið er núna
Hópsýkingar munu halda áfram að koma upp hér á landi. „Við verðum að vera undir það búin að horfa upp á þetta næstu mánuði alla vega,“ segir sóttvarnalæknir. Landlæknir sagði að núna væri tækifærið til að kveða niður það smit sem hér er í gangi.
Kjarninn 6. ágúst 2020
Þórólfur Guðnason og Alma Möller.
„Þannig mun okkur takast að koma okkur út úr þessu COVID-fári“
Sóttvarnalæknir hefur sent heilbrigðisráðherra minnisblað þar sem hann leggur til að landamæraskimun verði haldið áfram með sama hætti og verið hefur. Hann ítrekar mikilvægi persónulegra sóttvarna, skimunar og að beita einangrun og sóttkví.
Kjarninn 6. ágúst 2020
Fordæma aðgerðir Icelandair í kjaraviðræðum
Norræna flutningamannasambandið sendi frá sér tilkynningu í gær þar sem það fordæmir aðgerðir Icelandair í nýlegum kjarasamningaviðræðum. Samtökin segja þrýsting á stéttarfélög í formi hótana ekki leysa rekstrarvandann sem upp er kominn vegna COVID-19.
Kjarninn 6. ágúst 2020
Rannsóknir hafa sýnt, án nokkurs vafa, að andlitsgrímur geta komið í veg fyrir COVID-19-smit á milli einstaklinga. Grímurnar gera þó mest gagn við ákveðnar aðstæður og þær þarf að nota á réttan hátt.
„Stutta svarið er já“ – grímur geta komið í veg fyrir smit
Rannsóknir hafa sýnt, án nokkurs vafa, að andlitsgrímur geta komið í veg fyrir COVID-19-smit á milli einstaklinga. Þetta skrifar Jón Magnús Jóhannesson, deildarlæknir á Landspítala, í nýju svari á Vísindavefnum.
Kjarninn 6. ágúst 2020
Smitum fjölgar enn – 97 í einangrun
Fjögur ný innanlandssmit af kórónuveirunni greindust hér á landi í gær og 97 manns eru nú með COVID-19 og í einangrun.
Kjarninn 6. ágúst 2020
Þórður Snær Júlíusson
Það er komið að pólitíkinni
Kjarninn 6. ágúst 2020
Meira eftir höfundinnÞórður Snær Júlíusson
Meira úr sama flokkiFréttaskýringar