Bláa lónið greiðir tæplega 4,3 milljarða í arð til eigenda

Hagnaður Bláa lónsins, samkvæmt ársreikningi sem Kjarninn hefur undir höndum, var um 3,7 milljarðar króna í fyrra. Rekstrartekjur jukust um 20 prósent á árinu. Fyrirtækið er metið á um 50 milljarða króna.

Bláa lónið
Auglýsing

Á aðal­fundi Bláa lóns­ins, sem fór fram fyrr í dag, var sam­þykkt að greiða út um 30 millj­ónir evra, alls tæp­lega 4,3 millj­arða króna í arð­greiðslu vegna frammi­stöðu síð­asta árs, sam­kvæmt heim­ildum Kjarn­ans. Það er næstum því tvö­falt hærri greiðsla en var greidd út á síð­asta ári í arð, þegar slík greiðsla nam 16 millj­ónum evra, eða tæp­lega 2,3 millj­arðar króna á núvirð­i. 

Í árs­reikn­ingi Bláa lóns­ins fyrir árið 2018, sem Kjarn­inn hefur undir hönd­um, kemur fram að rekstr­ar­tekjur fyr­ir­tæk­is­ins hafi verið 122,6 millj­ónir evra, um 17,4 millj­arðar króna, á síð­asta ári. Það er aukn­ing um 20 pró­sent frá árinu 2017 þegar þær voru 102,3 millj­ónir evra, eða um 14,5 millj­arðar króna á gengi dags­ins í dag. 

Auglýsing
Alls nam hagn­aður Bláa lóns­ins á árinu 2018 26,4 millj­ónum evra, um 3,7 millj­örðum króna. Hann dróst lít­il­lega saman milli ára en hann var 31 milljón evra, um 4,4 millj­arðar króna, árið 2017. Það þýðir að arð­greiðslan sem sam­þykkt var á aðal­fundi fyr­ir­tæk­is­ins fyrr í dag er hærri en sem nemur hagn­aði Bláa lóns­ins á síð­asta ári.

Eigið féð 12,4 millj­arðar

Bláa lónið hefur vaxið hratt síð­ustu miss­eri, sam­hliða stór­auknum ferða­manna­straumi til Íslands. Eignir þess um síð­ustu ára­mót voru metnar á 157,2 millj­ónir evra, eða 22,3 millj­arða króna, og eigið fé þess var 87,8 millj­ónir evra, rúm­lega 12,4 millj­arðar króna. 

Stærsti eig­andi félags­ins er Hvatn­ing slhf. með eign­ar­hlut upp á 39,1 pró­sent. Eig­andi þess er Kólfur ehf., eign­ar­halds­fé­lag að stærstu leyti í eigu Gríms Sæmund­sen, for­stjóra Bláa lóns­ins, og Eðvard Júl­í­us­son­ar. Kólfur keypti tæp­lega helm­ing í Hvatn­ingu af Horni II, fram­taks­sjóði í stýr­ingu Lands­bréfa, í fyrra. Sam­kvæmt þessu mun Hvatn­ing fá tæp­lega 1,7 millj­arð króna í arð­greiðslu. 

Næst stærsti eig­and­inn er Blá­varmi slhf., félag í eigu 14 íslenskra líf­eyr­is­­sjóða, sem keypti 30 pró­­sent hlut HS Orku í Bláa lón­inu á tæp­­lega fimm­­földu bók­­færðu virði hlut­­ar­ins í maí síð­ast­liðn­um, eða á 15 millj­arða króna. 

Salan á hlutnum í Bláa Lón­inu fór fram eftir að Jarð­varmi slhf., félag í eigu sömu líf­eyr­is­­sjóða, hafði eign­­ast allt hlutafé í HS Orku skömmu áður. Miðað við þessi við­skipti þá er Bláa lónið metið í heild sinni á 50 millj­arða króna. Blá­varmi mun fá tæp­lega 1,3 millj­arða króna í arð­greiðslu.

Þriðji stærsti eig­and­inn með 8,7 pró­sent hlut er Keila ehf., en stærsti eig­andi þess er áður­nefnd Hvatn­ing. Arð­greiðsla þess félags mun vera um 370 millj­ónir króna. 

Fjöl­miðla­eig­endur í eig­enda­hópnum

Fjórðu og fimmtu stærstu hlut­haf­arnir er félögin Hof­garðar ehf. og Saffron ehf. með sitt hvorn 6,2 pró­sent eign­ar­hlut. Hof­garðar er eign­ar­halds­fé­lag í eigu Helga Magn­ús­son­ar. Helgi var í fréttum nýverið þegar hann keypti helm­ings­hlut í Torgi ehf., útgáfu­fé­lagi Frétta­blaðs­ins. Hann er enn fremur stjórn­ar­for­maður Bláa lóns­ins. 

Auglýsing
Saffron er í eigu Sig­urðar Arn­gríms­son­ar, sem er aðal­eig­andi sjón­varps­stöðv­ar­innar Hring­braut­ar. Arð­greiðsla hvors félags mun vera um 264 millj­ónir króna ef miðað er við gengi dags­ins í dag. 

Bog­mað­ur­inn ehf., félag í eigu Ágústu John­son er einnig á meðal stærstu eig­enda með 2,4 pró­sent eign­ar­hlut. Ágústa er eig­in­kona Guð­laugs Þórs Þórð­ar­sonar utan­rík­is­ráð­herra. Arð­greiðsla Bog­manns­ins mun nema um 102 millj­ónum króna á gengi dags­ins í dag. 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Almannahagsmunir þurfi að ráða ferðinni
Gylfi Zoega hagfræðiprófessor gerir almannahagsmuni og sérhagsmuni að umfjöllunarefni í grein sinni.
Kjarninn 15. nóvember 2019
Samtök atvinnulífsins „slegin“ yfir Samherjamálinu
Samtök atvinnulífsins segja mikilvægt að velta við hverjum steini vegna Samherjamálsins sem tengist starfsemi félagsins í Namibíu.
Kjarninn 15. nóvember 2019
Vilja þjóðarátak í landgræðslu
Sjö þingmenn hafa lagt til að að komið verði á fót vettvangi fyrir samstarfi stjórnvalda, Landgræðslunnar, bænda, atvinnulífs og almennings sem miði að því að auka þátttöku almennings í kolefnisbindingu með landgræðslu.
Kjarninn 15. nóvember 2019
Brynjar Níelsson
Telur málflutning þingmanna Samfylkingarinnar pólitíska spillingu
Þingmaður Sjálfstæðisflokksins skýtur föstur skotum að þingmönnum Samfylkingarinnar og segir orðræðu þeirra ekkert annað en aðför að réttarríkinu.
Kjarninn 15. nóvember 2019
Segir verkfallsbrot vera staðfestingu á einbeittum brotavilja
Fréttir hafa birst á vef Mbl.is þrátt fyrir verkfallsaðgerðir Blaðamannafélags Íslands sem standa nú yfir. Formaður félagsins segir það ömurlegt að menn virði ekki vinnustöðvun.
Kjarninn 15. nóvember 2019
Birgir Þórarinsson, þingmaður Miðflokksins.
Miðflokkurinn vill stöðva fjármögnun styrkja til fjölmiðla
Miðflokkurinn lagði til að þeir fjármunir sem eiga að renna í styrki til einkarekinna fjölmiðla á næsta ári verði teknir af fjárlögum. Flokkurinn ætlar að leggja fram eigin hugmynd um styrki „með annarri aðferðarfræði“.
Kjarninn 15. nóvember 2019
Guðmundur Andri Thorsson, þingmaður Samfylkingarinnar.
„Siðferði hins ískalda kapítalisma“
Þingmaður Samfylkingarinnar segir að viðskiptasiðferði Samherjamanna sé siðferði hins ískalda kapítalisma þar sem ungu fólki sé innrætt að líta á annað fólk sem bráð frekar en samborgara.
Kjarninn 15. nóvember 2019
Gunnar Bragi minnir á að stjórnendur Samherja eigi börn
Varaformaður Miðflokksins segist hugsa til starfsmanna Samherja þessa dagana þegar stríðsfyrirsagnir um fyrirtækið séu í fjölmiðlum. Hann gagnrýnir fjölmiðla og segir það galið að ætla að styrkja þá með ríkisfé.
Kjarninn 15. nóvember 2019
Meira eftir höfundinnÞórður Snær Júlíusson
Meira úr sama flokkiFréttaskýringar