Búist við stóru hagræðingarskrefi hjá Arion banka

Arion banki stefnir opinberlega að því að minnka rekstrarkostnað sinn þannig að kostnaðarhlutfall bankans fari undir 50 prósent og að arðsemi geti nálgast markmið sitt um arðsemi. Búist er við því að stórt skref í þess átt verði stigið fljótlega.

Miklar breytingar hafa orðið hjá Arion banka á undanförnum árum. Útibúaþjónustu bankans hefur meðal annars verið breytt mikið og hlutur stafrænnar þjónustu aukinn.
Miklar breytingar hafa orðið hjá Arion banka á undanförnum árum. Útibúaþjónustu bankans hefur meðal annars verið breytt mikið og hlutur stafrænnar þjónustu aukinn.
Auglýsing

Þrá­látur orðrómur er um það að umfangs­miklar upp­sagnir séu í far­vatn­inu hjá Arion banka sem kynntar verða sam­hliða miklum breyt­ingum á skipu­lagi bank­ans. Vef­ur­inn Mann­líf.is greindi frá því í gær að allt að 80 manns yrði sagt upp í dag mánu­dag, en sam­kvæmt upp­lýs­ingum frá bank­anum er það ekki rétt. Þegar spurt var hvort upp­sagnir væru vænt­an­legar síðar í vik­unni feng­ust þau svör að stefnu­mót­un­ar­vinna væri í gangi innan bank­ans. 

Það á ekki að koma neinum á óvart að til standi að fækka starfs­fólki hjá Arion banka. 

Raunar hefur það legið fyrir opin­ber­lega í meira en ár að það sé stefna bank­ans að draga veru­lega úr rekstr­ar­kostn­aði, og það verður fyrst og síð­ast gert með því að fækka starfs­fólki. 

Alls störf­uðu 880 manns hjá Arion banka um mitt þetta ár. Starfs­mönnum hafði þá fækkað um 50 á einu ári. 

Yfir­lýst mark­mið að auka arð­semi umtals­vert

Í aðdrag­anda þess að Arion banki var skráður á markað um mitt síð­asta ár var send út til­kynn­ing þar sem kom fram að mark­mið bank­ans yrði að vera með arð­semi eigin fjár sem væri yfir tíu pró­sent, en hún hafði verið 3,6 pró­sent á fyrstu þremur mán­uðum árs­ins 2018.

Upp­gjör bank­ans vegna síð­asta árs olli miklum von­brigð­um. Arð­semin var ein­ungis 3,7 pró­sent og hagn­aður árs­ins 7,8 millj­arðar króna. Það var 6,6 millj­örðum krónum minna en árið áður. 

Stór ástæða þessa var sú að þrír stórir við­skipta­vinir bank­ans lentu í veru­legum vand­ræð­um, eða fóru bein­línis á haus­inn með til­heyr­andi útlána­töpum og afskriftum á kröf­um. 

Þar var um að ræða United Sil­icon, Pri­mera Air og loks WOW air.

Arð­semin áfram slök

Á fyrstu sex mán­uðum árs­ins 2019 nam hagn­aður bank­ans alls 3,1 millj­­­arði króna en var fimm millj­­­arðar króna á sama tíma­bili í fyrra. 

Auglýsing
Arð­semi eigin fjár Arion banka hefur haldið áfram að vera slök. Hún var var 4,3 pró­­­sent á öðrum árs­fjórð­ungi árs­ins 2019 og ein­ungis 2,1 pró­­­sent á fyrstu þremur mán­uðum árs­ins. Helsta ástæðan fyrir slakri arð­­­semi er Valitor, dótt­­­ur­­­fé­lag bank­ans sem er til sölu. Tap Valitor á fyrstu sex mán­uðum árs­ins var 2,8 millj­­arðar króna. 

Í fjár­festa­kynn­ingu sem haldin var vegna þessa upp­gjörs sagði að lækk­andi rekstr­ar­kostn­aður myndi áfram verða eitt helsta áherslu­at­riði í að ná betri rekstr­ar­ár­angri. Það yrði gert með nið­ur­skurð­ar­að­gerðum og áfram­hald­andi áherslu á inn­leið­ingu staf­rænna lausna.

Ýmis­legt gert en hefur ekki dugað til

Í takti við þær yfir­lýs­ingar sem gefnar voru í aðdrag­anda skrán­ingar þá hefur verið ráð­ist í ýmsar breyt­ingar hjá Arion banka. 

Til að ná því mark­miði að vera með arð­semi eigin fjár sem er tíu pró­sent hefur bank­inn verið að breyta fjár­­­mögnun sinni með umfangs­­mik­illi útgáfu víkj­andi skulda­bréfa, lækkun hluta­fjár með end­­ur­­kaupum á bréfum hlut­hafa, útgreiðslu arðs og auk­inni áherslu á staf­ræna þjón­­ustu.

Þá vill bank­inn selja ýmsar eign­­ir. Á meðal þeirra eru Valitor, Stakks­berg, sem heldur á kís­­il­verk­smiðju United Sil­icon í Helg­u­vík, og áður­­­nefnt Tra­velCo. 

Allt þetta hefur þó ekki dugað til.  Sú lækkun sem orðið hefur á rekstr­­ar­­kostn­aði hefur ein­ungis skilað kostn­að­ar­hlut­falli hans niður í 54,2 pró­sent. Yfir­lýst mark­mið bank­ans er að vera með það undir 50 pró­sent í nán­ustu fram­tíð. 

Það mark­mið mun ein­ungis nást með fækkun starfs­fólks.

Miklar breyt­ingar í efsta lag­inu

Hingað til hafa hrær­ing­arnar að mestu verið í yfir­stjórn Arion banka. Frá byrjun mars­mán­aðar og fram í apr­íl­mánuð var ákveðið að skipta um fram­kvæmda­stjóra sjóð­stýr­ing­ar­fyr­ir­tækis Arion banka, stjórn­ar­for­mann bank­ans og banka­stjóra hans. 

Bene­dikt Gísla­son var ráð­inn nýr banka­stjóri og hóf störf í byrjun júlí. Kjarn­inn hafði greint frá því rúmum tveimur mán­uðum áður en að til­kynnt var um ráðn­ingu Bene­dikts, að hann væri efstur á blaði stjórnar í starf­ið. Hann sagði í yfir­lýs­ingu eftir að fyrsta upp­gjörið undir hans stjórn var birt að afkoma bank­ans væri ein­fald­lega ekki nógu góð. 

Auglýsing
Í við­tali við Mark­að­inn, fylgi­rit Frétta­blaðs­ins um efna­hags­mál og við­skipti, fyrir tæpum tveimur vikum sagði Bene­dikt: „Það er erfitt að horfa framan í hlut­hafa þegar arð­semin er undir áhættu­lausum vöxtum í land­inu. Á hverjum degi höfum við þá ekki verið að búa til verð­mæti fyrir hlut­hafa heldur að rýra þau. Þessu þurfum við að breyta og laga.“ Mark­mið hans væri ekki að Arion banki yrði stærsti bank­inn bank­inn á Íslandi heldur að hann skap­aði arð­semi fyrir hlut­hafa. 

Á allra síð­ustu vikum hafa tveir fram­kvæmda­stjór­ar, þær Jón­ína S. Lár­us­dóttir sem stýrði lög­fræðisviði bank­ans og Rakel Ótt­ars­dóttir sem stýrði upp­lýs­inga­tækni­sviði hans, hætt störfum hjá Arion banka. 

Almennu starfs­fólki hefur einnig verið sagt upp. Í lok maí fengu níu starfs­menn, flestir sem störf­uðu í höf­uð­stöðvum bank­ans, reisupass­ann. Þegar tekið var til­lit til þess hvernig starfs­manna­velta hafði verið nýtt til að fækka störfum þá fækk­aði störfum á öðrum árs­fjórð­ungi um 20. 

Nú er búist við því að stærri skref verði stígin og að mögu­lega séu fjölda­upp­sagnir fyr­ir­hug­aðar hjá bank­an­um. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ingibjörg Dögg Kjartansdóttir er ritstjóri Stundarinnar, en Jón Trausti Reynisson er framkvæmdastjóri útgáfufélagsins auk þess að vera blaðamaður á miðlinum.
Útgáfufélag Stundarinnar tapaði rúmlega milljón krónum á síðasta ári
Tekjur útgáfufélags Stundarinnar námu 233,9 milljónum króna á síðasta ári og jukust þær um fjögur prósent á milli ára. Tapið af rekstrinum nam 1,2 milljónum króna í fyrra, samanborið við rúmlega sjö milljóna hagnað árið 2020.
Kjarninn 12. ágúst 2022
Þórdís Kolbrún Reykfjörð Gylfadóttir er utanríkisráðherra.
Inga Hrefna nýr aðstoðarmaður Þórdísar Kolbrúnar
Utanríkisráðherra er nú komin með tvo aðstoðarmenn. Alls má ríkisstjórnin ráða 27 aðstoðarmenn. Laun og starfs­­kjör aðstoð­­ar­­manna ráð­herra mið­­ast við kjör skrif­­stofu­­stjóra í ráðu­­neytum sam­­kvæmt ákvörð­unum kjara­ráðs.
Kjarninn 12. ágúst 2022
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Meira eftir höfundinnÞórður Snær Júlíusson
Meira úr sama flokkiFréttaskýringar