Kostnaður vegna starfsfólks Play allt að 37 prósent lægri en hjá WOW

Nýja lágfargjaldarflugfélagið Play hefur náð samningum um að lækka kostnað við flugmenn og flugliða um allt að 37 prósent miðað við það sem þeir kostuðu WOW air. Samningarnir fela líka í sér „betri nýtingu“ á starfsfólki.

play3.jpg
Auglýsing

Stjórn­endur nýja flug­fé­lags­ins Play hafa náð 27 til 37 pró­sent kostn­að­ar­lækkun á samn­ingum sínum við flug­menn og flug­liða, miðað við þá samn­inga sem WOW air hafði verið með við þær starfs­stétt­ir. Auk þess ætlar flug­fé­lagið að ná betri nýt­ingu á áhöfnum sínum með þeim samn­ingum sem félagið hefur gert, en í þeim felst að það náist 800 til 900 klukku­stunda nýt­ing á hverja áhöfn á ári. Til sam­an­burðar nái Icelandair 550 klukku­stunda nýt­ingu út úr sinum áhöfnum að með­al­tali.

Því liggur fyrir að starfs­menn Play munu fá minna borgað en starfs­menn WOW air fengu og munu vinna mun meira en sam­bæri­legir starfs­menn Icelandair gera. Þetta kemur fram í fjár­festa­kynn­ingu sem Íslensk verð­bréfa unnu og kynntu fyrir vænt­an­legum fjár­festum í Play í síð­ustu viku. Kynn­ing­in, sem Kjarn­inn hefur undir hönd­um, er kirfi­lega merkt trún­að­ar­mál.

Auglýsing
Í henni kemur fram að stjórn­endur hins nýja flug­fé­lags hafi lagt mikla „vinnu til að lækka alla kostn­að­ar­liði félags­ins umfram þau kjör sem Wow air hafði á sínum tíma.“

Sam­bæri­legir samn­ingar og flug­fé­lög gera í Dublin

Þar segir enn fremur að þessir samn­ingar hafi þegar náðst við Íslenska flug­stétt­ar­fé­lag­ið, ÍFF, sem var áður stétt­ar­fé­lag flug­manna WOW air. Á kynn­ingu sem for­svars­menn Play héldu á þriðju­dag kom fram að flug­fé­lagið hefði þegar gengið til samn­inga við ÍFF um gerð kjara­samn­inga við bæði flug­menn og flug­liða. 

Í kynn­ingu Íslenskra verð­bréfa segir að mikil jákvæðni hefði ríkt beggja megin borðs­ins þegar þessir samn­ingar voru teikn­aðir upp. „Þessir samn­ingar eru sam­bæri­legir við það sem flug­fé­lög eru að gera t.d. í Dublin og á öðrum hag­kvæmum flug­rekstr­ar­stöð­u­m.“

Alþýðu­sam­band Íslands (ASÍ) sá til­efni til að senda frá sér til­kynn­ingu vegna ofan­greindra áforma þar sem sam­bandið gerði kröfu um að kjara­samn­ingar yrðu frá­gengnir áður en fyrsta flugið yrði flog­ið. „ASÍ mun ekki láta það yfir íslenskt launa­­fólk ganga að félags­­­leg und­ir­­boð og lög­­brot fyr­ir­tækja eins og Pri­mera Air verði end­­ur­­tekin eða látin átölu­­laus af stjórn­­völd­­um.“ 

Áætla að Play verði verð­mæt­ara en Icelandair

Kjarn­inn greindi frá því í gær­kvöldi að áform Play gerðu ráð fyrir því að innan þriggja ára verði félagið komið með tíu flug­vélar í rekstri og að verð­mið­inn á félag­inu, miðað við rekstr­­ar­hagnað fyrir fjár­­­magnsliði og afskriftir (EBID­T.) upp á 100 millj­­ónir Banda­­ríkja­dala, eða um 12,5 millj­­arða króna, geti numið um 630 millj­­ónum Banda­­ríkja­dala, eða sem nemur um 78 millj­­örðum króna, í lok árs 2022. 

Auglýsing
Til sam­an­­burðar er Icelanda­ir, með verð­miða upp á 40,7 millj­­arða króna, miðað við verðið eins og það var við lokun mark­aða í gær.

Play leitar nú við­­bótar fjár­­­magns til þess að hefja rekstur og starf­­semi, en nú þegar hefur það tryggt sér 40 millj­­ónir evra, jafn­­virði um 5,5 millj­­arða króna, frá breska fjár­fest­inga­sjóðnum Athene Capital, að því fram kemur í kynn­ing­­ar­­gögnum fyrir fjár­­­festa. 

Um láns­fjár­­­mögnun er að ræða sem hægt er að auka upp í 80 millj­­ónir evra, eða sem nemur rúm­­lega 11 millj­­örðum króna. 

Unnið að verk­efn­inu í nokkra mán­uði

Íslensk verð­bréf koma að því að fjár­­­magna það sem útaf stend­­ur, eins og fram kom á kynn­ing­­ar­fund­inum á þriðju­dag, en í máli Arn­­ars Más Magn­ús­­sonar for­­stjóra, kom fram að horft sé til þess að erlendir fjár­­­festar komi með 80 pró­­sent fjár­­­magns og 20 pró­­sent komi frá inn­­­lendum aðil­u­m. 

Auk Arn­­­ars Más verða þeir Sveinn Ingi Stein­þór­s­­­son, sem verður fjár­­­­­mála­­­stjóri, Bogi Guð­­­munds­­­son, sem mun halda utan um lög­­­fræð­is­við­ið, og Þóróddur Ari Þór­odds­­­son, sem verður meið­eig­andi, í stjórn­­enda­teymi félags­­ins.Arnar Már Magnússon verður nýr forstjóri flugfélagsins Play. Mynd: Bára Huld Beck

Unnið hefur verið að stofnun félags­­­ins í nokkra mán­uði undir heit­inu WAB Air, en það stóð fyrir „We Are Back“. Lyk­il­­­fólk í hópnum á bak­við stofnun félags­­­ins eru fyrr­ver­andi stjórn­­­endur hjá WOW air. Til að byrja með ætlar Play að gefa eitt þús­und frí flug­­­miða til þeirra sem skrá sig á heima­­­síðu félags­­­ins nú, en vefslóð hennar verð­ur www.flypla­y.com.

Í kynn­ing­unni kemur fram að lyk­il­stjórn­endur hafi „að­gang að fyrr­ver­andi starfs­mönnum WOW air, þmt. flug­mönnum og flug­liða. WOW fjár­festi 15m USD í þjálfun starfs­manna á sinni starfsævi. WAB [nú Play] þarf þriggja daga in-house nám­skeið til að áhafnir verði til­búnar í fyrsta flug.“

Fjár­festar eiga að geta marg­faldað fjár­fest­ingu sína

Í kynn­ing­unni er miðað við að fjár­­­festar sem komi inn í félagið í upp­­hafi muni geta fengið 12 til 13 földun á fjár­­­fest­ingu sína á innan við þremur árum, gangi áætl­­­anir félags­­ins eftir og að gefnum for­­sendum fyrir verð­mati.

Mögu­legar leiðir út úr fjár­fest­ing­unni, svo­kall­aða „ex­it“, eru sagðar vera: Bein sala á félag­inu, sam­runi við annað félag í svip­uðum rekstri, arð­greiðslur sem borgi upp fjár­fest­ing­una eða skrán­ing á mark­að.

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Eigið fé Landsvirkjunar aukist um 34 milljarða á þremur árum
Samanlagt eigið fé þriggja stærstu ríkisfyrirtækjanna nemur nú um 700,7 milljörðum króna.
Kjarninn 28. febrúar 2020
EVE Fanfest frestað vegna COVID-19 veirunnar
Hátíðin hefur verið lykilatburður í markaðsstarfi CCP undanfarin ár.
Kjarninn 28. febrúar 2020
Stefán Jón Hafstein
Elliðaárdalur: Góð tillaga
Kjarninn 28. febrúar 2020
Þórður Snær og Magnús Halldórsson
Þórður Snær og Magnús tilnefndir til Blaðamannaverðlauna Íslands
Dómnefnd Blaðamannaverðlauna hefur ákveðið tilnefningar sínar í öllum fjórum flokkum verðlaunanna en þau verða afhent eftir viku.
Kjarninn 28. febrúar 2020
Fyrsta tilfelli COVID-19 kórónuveiru greinist á Íslandi
Íslenskur karlmaður á fimmtugsaldri hefur verið færður í einangrun á Landspítala eftir að sýni úr honum reyndist jákvætt fyrir nýju kórónuveirunni, COVID-19.
Kjarninn 28. febrúar 2020
Skipa sérstakan stýrihóp um samfélagsleg og hagræn viðbrögð við Covid-19 veirunni
Stýrihópurinn mun leggja mat á stöðuna og nauðsynleg samfélagsleg og efnahagsleg viðbrögð á hverjum tíma.
Kjarninn 28. febrúar 2020
Hörður Arnarson, forstjóri Landsvirkjunar.
Landsvirkjun hagnaðist um 13,6 milljarða króna í fyrra
Lágt álverð á heimsmarkaði, sem tryggir minni tekjur af raforkusölu til stærsta viðskiptavinar Landsvirkjunar, og stöðvum á kerskála Rio Tinto í Straumsvík, drógu úr hagnaði Landsvirkjunar í fyrra. Eigið fé ríkisfyrirtækisins er um 271 milljarður króna.
Kjarninn 28. febrúar 2020
Hjördís Björk Hákonardóttir
Málsvörn dómskerfis – sjálfstæði dómstóla og traust til þeirra
Kjarninn 28. febrúar 2020
Meira eftir höfundinnÞórður Snær Júlíusson
Meira úr sama flokkiFréttaskýringar