Kínverjar teygja sig í vínið

Þeir sem hafa á liðnum árum ferðast um Bordeaux og nálæg svæði í Frakklandi hafa séð þar vínbúgarða í hundraðatali þar sem nöfnin eru Chateau hitt eða þetta. En núna má líka sjá á búgörðum, nöfn sem minna kannski frekar á kínverska veitingastaði.

vín kínverjar
Auglýsing

Kín­verskir ferða­menn, iðu­lega með fullar hendur fjár, hafa á síð­ustu árum orðið æ meira áber­andi í stór­borgum Evr­ópu. Tölur sýna að Kín­verjum sem ferð­ast til Vest­ur­landa hefur fjölgað mjög á síð­ustu árum. Ástæðan fyrir þess­ari miklu fjölgun er bættur efna­hagur almenn­ings í land­inu og þar er orðin til fjöl­menn milli­stétt sem hefur mikið á milli hand­anna. Kín­versku ferða­menn­irnir fara iðu­lega um í stórum hóp­um, þeir fylla litlar sér­versl­anir og kaupa dýra merkja­vöru, fatn­að, úr, skart­gripi og snyrti­vör­ur. 

Höf­undur þessa pistils var fyrir skömmu á ferð í París og í hinni þekktu stór­verslun Galeries Lafayette voru Kín­verjar mjög áber­andi í hópi við­skipta­vina. Í versl­un­inni eru heims­þekkt fyr­ir­tæki, Gucci, Yves Saint Laurent, Chanel og fleiri slík, með sér­stakar deild­ir. Pistla­höf­undur veitti því athygli að við deildir tísku­fyr­ir­tækj­anna voru biðrað­ir, og hleypt inn í holl­um, meiri­hlut­inn Kín­verj­ar. 

Ekki bara úr og töskur

En Kín­verjar eru ekki bara að kaupa úr og töskur til að taka með sér heim. Þeir hafa á allra síð­ustu árum keypt mörg stór fyr­ir­tæki, og hluta fyr­ir­tækja, á Vest­ur­löndum og seil­ast þannig víða til áhrifa. Franska dag­blaðið Le Monde birti fyrir skömmu lista yfir frönsk fyr­ir­tæki sem Kín­verjar hafa fjár­fest í að und­an­förnu og þar kennir margra grasa. Kín­verjar eiga til að mynda rétt tæpan helm­ing, 49.99 pró­sent,  í flug­stöð­inni í Tou­louse (um hana fóru 10 millj­ónir manna í fyrra). Tölvu­fyr­ir­tækið Linx­ens keyptu Kín­verjar fyrr á þessu ári, þeir eiga mat­væla­fyr­ir­tækið St-Hubert, umbúða­fyr­ir­tækið Axilone og tvær stórar hót­el­keðj­ur. Þeir eiga enn­fremur 14 pró­senta hlut í bíla­fram­leið­and­anum PSA Renault Citröen Peu­geot, sem eftir fyr­ir­hug­aða sam­ein­ingu við Fiat og Chrysler verður fjórði stærsti bíla­fram­leið­andi heims. Knatt­spyrnu­fé­lagið Sochaux-Mont­bé­li­ard (sem leikur í 2. deild) er að fullu í eigu Kín­verja og svona mætti áfram telja. 

Landa­kaup

Í áður­nefndri umfjöllun Le Monde kemur fram að kín­verskt fyr­ir­tæki eigi um það bil 3 þús­und hekt­ara rækt­un­ar­lands í Suð­ur- og Mið- Frakk­landi. Það er svo sem ekki ýkja stórt land­svæði enda virð­ast Frakkar ekki hafa miklar áhyggjur af þessum landa­kaup­um. Þessir 3 þús­und hekt­arar eru hefð­bundið land­bún­að­ar­land þar sem einkum er ræktað naut­gripa­fóð­ur. Það eru hins­vegar ann­ars konar jarða­kaup sem vakið hafa athygli og umræður í Frakk­landi.

Kín­verjar hafa keypt nær 200 franska vín­bú­garða

Vín­bónd­inn Loic Grassin seldi fyrir nokkru búgarð sinn á Medoc svæð­inu skammt frá Bor­deaux. Afi  Grassin hafði keypt búgarð­inn sem er alda­gam­all, og hefur ætíð heitið Chateau Senil­hac árið 1938. 

Auglýsing
Kaupendurnir voru kín­verskir og mikil var undrun Loic Grassin þegar hann sá að komið var nýtt nafn á búgarð­inn. Í stað nafn­skilt­is­ins við þjóð­veg­inn með nafn­inu Chateau Senil­hac var nú komið annað skilti við veg­inn „Tí­beska anti­lópan“. Loic Grassin sagð­ist i við­tali hafa þurft að lesa þrisvar á skiltið til að trúa sínum eigin aug­um. „Ég var satt að segja ekki hrif­inn, hef ekk­ert á móti þess­ari dýra­teg­und en að skíra búgarð þessu nafni, hver er eig­in­lega mein­ingin með því?“

Rit­höf­und­ur­inn Phil­ippe Soll­ers, sem einnig er þekktur vín­dóm­ari, skrif­aði borg­ar­stjór­anum í Bor­deaux opið bréf. Þar mót­mælti hann því að skyndi­lega væri hægt að breyta um nafn á alda­gömlum búgörð­um, bara si svona. „Ég er fæddur og upp­al­inn í Bor­deaux og get full­yrt að ég hafi aldrei séð tíbeska anti­lópu og ekki heldur keisarakan­ínu. Er ekki hægt að stöðva þetta og láta hin alda­gömlu nöfn halda sér“ spyr Phil­ippe Soll­ers í bréf­inu til borg­ar­stjór­ans. 

Af hverju þessi nafna­breyt­ing

Jean -Phil­ippe Beja, franskur háskóla­pró­fessor sér­fróður um kín­versk mál­efni, sagði i við­tali við franskt dag­blað að með því að skíra búgarð­ana áður­nefndum dýra­nöfnum og fleiri slíkum væri ætl­unin að tengja vínin við Kína. Um það bil 80 pró­sent þess víns sem fram­leitt er á búgörðum í eigu Kín­verja eru flutt til Kína og selt þar.  ,,Ég held hins­vegar að það að skíra búgarð­ana, og þar með vín­ið, þessum dýra­nöfnum hafi þver­öfug áhrif. Kín­verjar eru spenntir fyrir því sem erlent er, ekki síst franskt“ sagði franski pró­fess­or­inn.  

Sumir hafa sett gömlu skiltin upp aft­ur   

Sú gagn­rýni sem fram hefur komið á nafna­breyt­ingar á frönsku vín­bú­görð­unum hefur ekki farið fram­hjá kín­versku eig­end­un­um. Sumir þeirra, sem höfðu breytt um nafn á búgörð­unum hafa fjar­lægt „nýju“ skiltin og sett þau gömlu upp aft­ur.  

Skiptar skoð­anir um kaup Kín­verja

Meðal Frakka eru skiptar skoð­anir á kaupum Kín­verja á frönskum vín­bú­görð­um. Sumum þykir það jaðra við land­ráð að selja Kín­verj­um, aðrir segja það sjálf­sagðan hlut. Allir eru þó sam­mála um að mik­il­væg­ast sé að orð­spor franskra vína, ekki síst Bor­deaux, bíði ekki hnekki. Ein ástæða þess að franskir vín­bændur ákveða að selja búgarða sína í stað þess að láta eign­ina ganga til erf­ingj­anna eru háir erfða­fjár­skatt­ar. Frönsk stjórn­völd hafa margoft verið hvött til að breyta regl­unum varð­andi erfða­fjár­skatt en fram til þessa hefur það ekki gerst. Á Bor­deaux svæð­inu eru um það bil 6 þús­und vín­bú­garð­ar, þeir um það bil 200 sem nú eru í eigu Kín­verja eru því rétt rúm 3 pró­sent heild­ar­fjöld­ans. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Gylfi Zoega er annar höfundur greinar sem birtist í nýjasta tölublaði Vísbendingar.
„Hægt væri að banna Airbnb í þéttbýli þegar skortur er á íbúðarhúsnæði“
Ef fleiri flytja til landsins en frá því verður til flókið samspil hagstærða sem valda breytingum á eftirspurn og/ eða framboði á húsnæði með tilheyrandi verðhækkunum eða lækkunum. Tveir hagfræðingar leggja til að kerfinu verði breytt.
Kjarninn 7. ágúst 2022
Arnar Jónsson leikari áformar að gefa út plötu með eigin upplestri á ljóðum úr ólíkum áttum, sem hann segist vilja veita framhaldslíf.
Landskunnur leikari gefur út ljóðaplötu
„Ljóðið hefur fylgt mér frá því ég var pjakkur fyrir norðan og allar götur síðan,“ segir Arnar Jónsson leikari, sem hefur undanfarin ár safnað saman sínum uppáhaldsljóðum og hyggst nú gefa út eigin upplestur á þeim, bæði á vínyl og rafrænt.
Kjarninn 7. ágúst 2022
Meira eftir höfundinnBorgþór Arngrímsson
Meira úr sama flokkiFréttaskýringar