Miðflokkurinn aldrei mælst stærri í könnunum Gallup

Fylgi Miðflokksins hefur aukist um 150 prósent frá því að Klausturmálið kom upp. Sósíalistaflokkur Íslands er það stjórnmálaafl sem hefur tekið mest nýtt fylgi til sín frá síðustu kosningum. Allir stjórnarflokkarnir hafa tapað umtalsverðu fylgi frá 2017.

Gunnar Bragi Sveinsson, varaformaður Miðflokksins, og Sigmundur Davíð Gunnlaugsson, formaður Miðflokksins.
Gunnar Bragi Sveinsson, varaformaður Miðflokksins, og Sigmundur Davíð Gunnlaugsson, formaður Miðflokksins.
Auglýsing

Sam­fylk­ingin tap­aði 2,9 pró­sentu­stigum af fylgi milli mán­aða, sam­kvæmt nýjasta Þjóð­ar­púlsi Gallup og mælist nú með 14,4 pró­sent fylgi. Það er samt sem áður meira fylgi en hún mæld­ist með um ára­mót. 

Þrír flokkar bæta mark­tækt við sig fylgi milli mán­aða. Mið­flokk­ur­inn bætir við sig 1,7 pró­sentu­stigum og nýtur nú stuðn­ings 14,2 pró­sent kjós­enda. Það er mesta fylgi sem Mið­flokk­ur­inn hefur nokkru sinni mælst með í könn­unum Gallup. Ef horft er á þróun á fylgi flokks­ins frá því að það náði lægsta punkti, í des­em­ber 2018 í kjöl­far Klaust­ur­máls­ins, Hefur það auk­ist um 8,5 pró­sentu­stig, eða um 150 pró­sent.

Auglýsing
Sósíalistaflokkur Íslands bætir við sig 1,6 pró­sentu­stigi og mælist nú með fimm pró­sent fylgi, sem myndi að óbreyttu gull­tryggja honum kjör­dæma­kjörna þing­menn ef kosið yrði í dag. Þetta er í fyrsta sinn frá því í febr­úar 2019 sem að Sós­í­alista­flokk­ur­inn mælist með yfir fimm pró­senta fylgi.

Þá eins og nú stóð yfir harð­vítug kjara­bar­átta með mikla áherslu á hækkun lægstu launa þar sem Efl­ing, annað stærsta stétt­ar­fé­lag lands­ins, stóð í stafni. Helstu tals­menn Sós­í­alista­flokks­ins hafa stutt bar­áttu Efl­ingar í ræðu og riti með miklum ákafa. 

Að sama skapi hefur Sam­fylk­ing­in, flokkur borg­ar­stjór­ans í Reykja­vík, legið undir ámæli fyrir að gera ekki meira til að leysa yfir­stand­andi kjara­deilu og binda enda á verk­föll rúm­lega 1.800 félags­manna Efl­ingar sem hafa meðal ann­ars víð­tæk áhrif á starf leik­­skóla í borg­inni, hjúkr­un­­ar­heim­ila og sorp­­hirð­u. 

Vinstri græn er eini stjórn­ar­flokk­ur­inn sem bætir mark­tækt við sig fylgi milli mán­aða og mælist nú með 11,9 pró­sent stuðn­ing, sem er 1,4 pró­sentu­stigi meira en í lok jan­ú­ar. Fylgi flokks­ins er samt sem áður 30 pró­sent minna en það var í kosn­ing­unum 2017.

Fram­sókn í vand­ræðum

Gengi hinna stjórn­ar­flokk­anna tveggja er af öðrum toga. Fylgi Fram­sókn­ar­flokks­ins heldur áfram að dala og mælist nú sjö pró­sent. Það er lægsta fylgi sem flokk­ur­inn hefur mælst með frá því í lok sept­em­ber 2018, áður en Klaust­ur­málið svo­kall­aða kom upp í lok þess árs, en í kjöl­far þess hækk­aði fylgi Fram­sóknar skarpt um stund. Fylgið nú er 35 pró­sent minna en það sem flokk­ur­inn fékk upp úr kjör­köss­unum 2017. 

Sjálf­stæð­is­flokk­ur­inn er áfram sem áður stærsti flokkur lands­ins og fylgi hans breyt­ist lítið milli mán­aða. Það mælist nú 22 pró­sent. Það er við lægstu mörk þess sem fylgi hans hefur mælst við á kjör­tíma­bil­inu. Í síð­ustu kosn­ingum var fylgi hans 25,3 pró­sent. 

Píratar dala lít­il­lega milli mán­aða og mæl­ast nú með 10,7 pró­sent fylgi. Rétt á eftir þeim kemur Við­reisn með 10,3 pró­sent, sem er nákvæm­lega sama fylgi og flokk­ur­inn mæld­ist með í jan­ú­ar. 

Af þeim átta flokkum sem eru með full­trúa á Alþingi í dag er Flokkur fólks­ins lík­leg­astur til að falla af þingi að óbreyttu, en fylgi hans mælist fjögur pró­sent. Flokk­ur­inn hefur ekki mælst með yfir fimm pró­sent fylgi síðan í des­em­ber 2018 í könn­unum Gallup.

Sós­í­alista­flokk­ur­inn tekið mest nýtt fylgi til sín

Ef kosn­ingar myndu fara eins og könnun Gallup í febr­úar segir til um yrðu því lík­ast til áfram átta flokkar á Alþingi. Sú breyt­ing yrði á að Sós­í­alista­flokk­ur­inn myndi taka sæti Flokks fólks­ins. 

Rík­is­stjórnin er að óbreyttu fall­in, enda sam­eig­in­legt fylgi þeirra þriggja flokka sem hana mynda 40,9 pró­sent. 

Sam­fylk­ing­in, Píratar og Við­reisn eru sam­an­lagt með 7,8 pró­sentu­stigum meira fylgi en flokk­arnir voru með í kosn­ing­unum 2017. Af þeim flokkum sem eru á þingi hefur Við­reisn bætt mestu við sig, eða 3,6 pró­sentu­stig­um.

Sá flokkur sem hefur náð næst mestum árangri í fylg­is­aukn­ingu frá októ­ber­lokum 2017 er Mið­flokk­ur­inn, sem hefur bætt við sig 3,3 pró­sentu­stig­um.

Mesta fylg­is­aukn­ing allra flokka sem mældir eru er þó hjá Sós­í­alista­flokki Íslands, sem var ekki til haustið 2017, en mælist nú með fimm pró­sent fylgi.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Stefan Löfven forsætisráðherra Svíþjóðar.
„Umgangist einungis þá sem þið búið með“
Stefan Löfven forsætisráðherra Svíþjóðar brýndi fyrir landsmönnum að sýna meiri ábyrgð í glímunni við veiruna í ávarpi í gær. Átta manna samkomutakmarkanir taka gildi víða í landinu á morgun, en þó ekki alls staðar.
Kjarninn 23. nóvember 2020
Ólafur Margeirsson
Eru 307 þúsund króna atvinnuleysisbætur rétta leiðin?
Kjarninn 23. nóvember 2020
Félag fréttamanna gagnrýnir yfirstjórn RÚV og stjórnvöld fyrir niðurskurð á fréttastofu
Stöðugildum á fréttastofu RÚV mun fækka um alls níu vegna niðurskurðar. Á meðal þeirra sem sagt var upp er starfsmaður með rúmlega aldarfjórðungs starfsaldur sem staðið hefur í viðræðum við yfirstjórn RÚV vegna vangoldinna yfirvinnugreiðslna.
Kjarninn 23. nóvember 2020
Telja áhrif þess að afnema stimpilgjald af íbúðarhúsnæði óveruleg
Átta þingmenn Sjálfstæðisflokks lögðu í síðasta mánuði fram frumvarp um afnám stimpilgjalda. Það er í sjötta sinn sem frumvarpið er lagt fram. Húsnæðis- og mannvirkjastofnun telur afnámið líklegt til að hækka íbúðarverð.
Kjarninn 23. nóvember 2020
Inga Sæland, formaður Flokks fólksins.
Flokkur fólksins sækir fylgið til ómenntaðra og tekjulágra á Suðurlandi og Suðurnesjum
Fylgi Flokks fólksins hefur ekki mælst mikið síðastliðið ár. Í nóvember er meðaltalsfylgið 3,9 prósent sem myndi líkast til ekki duga flokknum til að fá þingmann. Áferð kjósenda Flokks fólksins er þó enn svipuð því sem hún var fyrir rúmum þremur árum.
Kjarninn 23. nóvember 2020
Uwięzieni w płomieniach
Co wydarzyło się na miejscu pożaru przy Bræðraborgarstígur i jak potoczyły się losy tych, którzy go przeżyli? Poniżej znajduje się podsumowanie obszernej serii artykułów na temat tej tragedii opublikowanych przez Kjarninn.
Kjarninn 23. nóvember 2020
Húsnæði Kauphallarinnar
Verðlagning íslenskra félaga bjartsýnni en áður
Fjárfestum finnst meira varið í flest fyrirtæki í Kauphöllinni heldur en ársreikningar þeirra segja til um og hefur sá mælikvarði hækkað á síðustu árum. Verðlagningin er þó nokkuð lægri en í kauphöllum hinna Norðurlandanna.
Kjarninn 23. nóvember 2020
Geðheilsa þjóðar í krísu
Áhrif COVID-19 á samfélagið eru mikil og víða marka afleiðinga sjúkdómsins og sóttvarnaaðgerða djúp spor. Fyrirséð er að efnahagsáhrif verða mikil enda atvinnuleysi við það mesta sem Íslendingar hafa séð í áraraðir.
Kjarninn 23. nóvember 2020
Meira eftir höfundinnÞórður Snær Júlíusson
Meira úr sama flokkiFréttaskýringar