Ríkisendurskoðun gerir engar athugasemdir við rekstur Lindarhvols

Lindarhvoll, félag sem sá um að koma stöðugleikaframlagseignum í verð, starfaði frá því í apríl 2016 og fram í febrúar 2018. Upphaflega var gert ráð fyrir að eignir þess væru 384 milljarða króna virði en á endanum skiluðu þær 460 milljörðum króna.

Bjarni Benediktsson, fjármála- og efnahagsráðherra, gerði samningin við Lindarhvol um umsýslu stöðugleikaeigna.
Bjarni Benediktsson, fjármála- og efnahagsráðherra, gerði samningin við Lindarhvol um umsýslu stöðugleikaeigna.
Auglýsing

Rík­is­end­ur­skoðun gerir engar athuga­semdir við störf stjórnar Lind­ar­hvols, félags sem sá um umsýslu, fulln­ustu og sölu á eignum sem rík­is­sjóður fékk afhent vegna stöð­ug­leika­samn­ing­anna við slitabú föllnu bank­anna. Rík­is­end­ur­skoðun gerir heldur engar athuga­semdir við rekstur Lind­ar­hvols. 

Þetta kemur fram í skýrslu sem stofn­unin birti í dag um fram­kvæmd samn­ings sem Bjarni Bene­dikts­son, fjár­mála- og efna­hags­ráð­herra, gerði við félag­ið. 

Í skýrsl­unni er sagt að stöð­ug­leika­fram­lagið hafi skilað 460 millj­örðum króna í rík­is­sjóð, en upp­haf­lega var ætlað að tekjur rík­is­ins vegna þess yrðu 384 millj­arðar króna. Þær eru því 76 millj­örðum krónum meiri en upp­haf­legar áætl­anir gerðu ráð fyr­ir. 

Lind­­ar­hvoll var stofnað í apríl 2016. Í febr­úar 2018 var greint frá því að félagið hefði lokið hlut­verki sínu og yrði slit­ið. Skömmu áður, í jan­úar 2018, hafði félagið fram­selt eignir sem metnar voru á 19 millj­arða króna til Líf­eyr­is­­sjóðs starfs­­manna rík­­is­ins (LS­R). Um var að ræða eignir sem Lind­­­ar­hvoll hafði haft til umsýslu og töld­ust ekki heppi­­­legar til sölu á almennum mark­aði. Fram­­sal eign­anna lækk­aði líf­eyr­is­skuld­bind­ingar rík­­­is­­­sjóðs við B-deild LSR um áður­­­greinda upp­­hæð.

Álita­mál hvort starfs­tími hafi verið nægj­an­lega rúmur

Í skýrslu Lind­ar­hvols kemur fram að það sé álita­mál hvort að starfs­tími Lind­ar­hvols hafi veirð nægj­an­lega rúm­ur. „Mögu­lega hafi verið unnt að fá hærri tekjur fyrir ein­staka eignir hefði sölu- og umsýslu­tím­inn verið annar og lengri. Óhjá­kvæmi­legt er þó að taka til­lit til þess að vaxta­kjör íslenska rík­is­ins bötn­uðu vegna þess hversu greið­lega gekk að koma stöð­ug­leika­fram­lags­eign­unum í verð. Þannig kunna að veg­ast á ann­ars vegar hags­munir þess að hraða sölu og fá þannig betri vaxta­kjör og hins vegar mögu­leikar þess að fá hærra sölu­verð fyrir ein­staka eignir á lengri tíma.“

Auglýsing
Í stjórn félags­­ins sátu Þór­hallur Ara­­son, for­­maður stjórnar og starfs­­maður í fjár­­­mála­ráðu­­neyt­in­u, Ása Ólafs­dótt­ir, með­­­stjórn­­andi, og Haukur C. Bene­diks­son, með­­­stjórn­­and­i. 

Sá sem sá um starf­semi Lind­ar­hvols utan stjórnar var lög­mað­ur­inn Steinar Þór Guð­geirs­son. Hann var meðal ann­ars pró­kúru­hafi félags­ins og Lind­ar­hvol keypti lög­fræði­þjón­ustu frá fyr­ir­tæki hans, Íslögum ehf. Alls var keypt þjón­usta fyrir 80 millj­ónir króna án virð­is­auka­skatts af stofu Stein­ars og Rík­is­end­ur­skoðun kann­aði sér­stak­lega hvort að það hefði átt að bjóða út þá þjón­ustu sem hún ann­að­ist. 

Gera ekki athuga­semdir við ráðn­ingu Stein­ars án útboðs

Í skýrsl­unni segir að stjórn Lind­ar­hvols hafi fært rök fyrir því að per­sónu­leg þekk­ing lög­manns­ins og reynsla hans hafi valdið því að samn­ingur var gerður við Íslög. „Sú þekk­ing og reynsla auk þess skamma starfs­tíma sem félag­inu var skammt­aður hafi verið ástæða þess að gerður var samn­ingur við Íslög ehf. Stjórnin taldi eft­ir­sókn­ar­vert að njóta starfs­krafta lög­manns­ins enda hefði hann búið yfir yfir­burða þekk­ingu á svið­inu eftir að hafa haft umsjón með gerð stöð­ug­leika­samn­inga fyrir hönd Seðla­banka Íslands við öll slita­búin og þannig haft umsjón með mót­töku og dag­legum rekstri þess­ara eigna. Var það mat stjórnar að úti­lokað hefði verið að ná fram mark­miðum í samn­ingi við fjár­mála- og efna­hags­ráð­herra um að hámarka end­ur­heimtur jafn hratt og raun varð á og lág­marka kostnað ef farið hefði verið í útboð, enda hefði slíkt reynst tíma­frekt og óvíst með öllu, að mati stjórnar félags­ins, að sama þekk­ing á stöð­ug­leika­fram­lags­eignum hefði náðst fram innan þeirra tíma­marka sem stjórn félags­ins hafði til ráð­stöf­un­ar.“

Rík­is­end­ur­skoðun kann­aði laga­reglur og taldi að eins og á stóð, mætti fall­ast á þau sjón­ar­mið sem stjórn Lind­ar­hvols setti fram vegna þessa fyr­ir­komu­lags. „Rík­is­end­ur­skoðun kann­aði jafn­framt hvort samið hefði verið um afslátt á tíma­gjaldi Íslaga ehf. í ljósi þess umfangs sem samn­ing­ur­inn fól í sér og var upp­lýst að veru­legur afsláttur var veittur frá tíma­gjaldi lög­fræði­stof­unn­ar. Í þessu ljósi gerir Rík­is­end­ur­skoðun hvorki athuga­semdir við stjórnun félags­ins né aðkeypta lög­fræði­þjón­ustu af lög­manns­stof­unni Íslögum ehf.“

Eðli­lega staðið að söl­unni á hlut í Klakka

Sú ráð­stöfun á eign sem Lind­ar­hvoll hélt á sem vakti mesta tor­tryggni var sala á 17,7 pró­sent hlut í Klakka ehf.. (sem hét á árum áður Exista). Klakki átti á þeim tíma allt hlutafé í eigna­leigu­fyr­ir­tæk­inu Lykli. 

Félagið BLM fjár­­­fest­ing­­ar, dótt­­ur­­fé­lag vog­un­­ar­­sjóðs­ins Burlington Loan Mana­­gement, átti hæsta til­­­boðið í hlut rík­­is­ins í Klakka en það hljóð­aði upp á 505 millj­­ón­ir króna. Félagið Ása­­flöt bauð 502 millj­­ónir í hlut­inn en þriðja til­­­boð­ið, sem hljóð­aði upp á 501 milljón króna, barst frá Frigus II í eigu Ágústs og Lýðs Guð­­munds­­sona, fyrr­ver­andi aðal­eig­enda Exista, og Sig­­urðar Val­týs­­son­­ar, fyrr­ver­andi for­­stjóra Exista. 

Eig­endur Frigusar voru mjög ósáttir við söl­una og lýstu því yfir að með henni hafi átt sér stað sala á eigum rík­is­ins til sér­val­inna aðila án þess að reynt hafi verið að hámarka sölu­and­virð­ið. 

Þessi sala var tekin til sér­stakrar umfjöll­unar í skýrslu Rík­is­end­ur­skoð­un­ar. Í nið­ur­stöðum hennar segir að eðli­lega hafi verið staðið að söl­unni. „Ekki verður annað séð en að fram­kvæmd útboðs­ins hafi verið í sam­ræmi við það ­sem almennt tíðk­að­ist við fram­kvæmd útboða sem þess­ara. Þá gerðu bjóð­endur eng­ar ­form­legar athuga­semdir við fram­kvæmd útboðs­ins áður en útboðs­frestur rann út. Að mat­i ­Rík­is­end­ur­skoð­unar hefur stjórn Lind­ar­hvols ehf. svarað gagn­rýni sem fram kom eftir að út­boðs­frestur rann út með full­nægj­andi hætt­i.“

Ekki verður annað séð, að mati Rík­is­end­ur­skoð­un­ar, en að fram­kvæmd útboðs­ins hafi verið í sam­ræmi við það ­sem almennt tíðk­að­ist við fram­kvæmd slíkra útboða. „Þá gerðu bjóð­endur eng­ar ­form­legar athuga­semdir við fram­kvæmd útboðs­ins áður en útboðs­frestur rann út. Að mat­i ­Rík­is­end­ur­skoð­unar hefur stjórn Lind­ar­hvols ehf. svarað gagn­rýni sem fram kom eftir að út­boðs­frestur rann út með full­nægj­andi hætt­i.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Lífeyrissjóður verzlunarmanna hefur aðsetur í Húsi verslunarinnar
Tæp tíu prósent útistandandi sjóðfélagalána LIVE í greiðsluhléi
Sjóðfélagalán í greiðsluhléi nema samtals um ellefu milljörðum króna. Til samanburðar námu útistandandi sjóðfélagalán Lífeyrissjóðs verzlunarmanna við lok árs 2019 rúmum 120 milljörðum. Ávöxtun sjóðsins á fyrstu fjórum mánuðum ársins áætluð 3,5 prósent.
Kjarninn 3. júní 2020
Tæknivarpið
Tæknivarpið
Tæknivarpið – Twitter tekur á rugli og Síminn sektaður
Kjarninn 3. júní 2020
Ástþór Ólafsson
Árið 1970 og upp úr
Kjarninn 3. júní 2020
Bjarni Benediktsson formaður Sjálfstæðisflokksins.
Sjálfstæðisflokkurinn áfram nærri kjörfylgi í nýrri könnun Gallup
Afar litlar breytingar urðu á fylgi flokka á milli mánaða, samkvæmt nýjum þjóðarpúlsi Gallup. Sjálfstæðisflokkurinn er áfram nærri kjörfylgi sínu og stuðningur við ríkisstjórnina mælist tæp 60 prósent á meðal þeirra sem taka afstöðu.
Kjarninn 3. júní 2020
Sex sakborningar í málinu, þeirra á meðal Bernhard Esau og Sacky Shanghala fyrrverandi ráðherrar í ríkisstjórn Namibíu, verða í gæsluvarðhaldi til 28. ágúst.
Namibísk yfirvöld hafa óskað liðsinnis Interpol vegna Samherjamálsins
Sex menn sem hafa verið í haldi namibískra yfirvalda vegna rannsóknar á Samherjaskjölunum verða áfram í haldi til 28. ágúst. Rannsókn málsins hefur reynst flókin og haf namibísk yfirvöld beðið Interpol um aðstoð.
Kjarninn 3. júní 2020
Fólk hefur flykkst á markaði víðsvegar um Indland eftir að útgöngubanni var aflétt.
Smitum á Indlandi fjölgar ört
Stjórnvöld á Indlandi eru að hefjast handa við að aflétta umfangsmesta útgöngubanni sem sett var á í kjölfar kórónuveirufaraldursins. Sjúkrahús í Mumbai hafa vart undan við að sinna sýktum en fellibylurinn Nisarga herjar nú á nágrenni borgarinnar.
Kjarninn 3. júní 2020
Samtök ferðaþjónustunnar telja að um 250 þúsund ferðamenn gætu komið hingað til lands það sem eftir lifir árs.
Ferðamenn greiði kostnað af skimun
Með greiðslu ferðamanna fyrir sýnatöku má stuðla að því að þeir sem sækja landið heim séu efnameiri ferðamenn sem eyði meiru og dvelji lengur, segir í greinargerð fjármálaráðuneytisins um hagræn áhrif þess að aflétta ferðatakmörkunum til Íslands.
Kjarninn 3. júní 2020
Ekkert pláss fyrir íhald í stjórnmálum næstu árin
Alvarlegt ástand er nú komið upp í íslensku efnahagslífi. Mörg hundruð milljarða króna tap í ríkisrekstri er fyrirsjáanlegt, tugir þúsunda verða án atvinnu að öllu leyti eða hluta og þúsundir fyrirtækja standa frammi fyrir algjörri óvissu.
Kjarninn 3. júní 2020
Meira eftir höfundinnÞórður Snær Júlíusson
Meira úr sama flokkiFréttaskýringar