Sífellt færri eru áskrifendur að sjónvarpsþjónustu sem notast við myndlykla

Þeim landsmönnum sem kaupa áskriftir að sjónvarpsþjónustu sem þarf að nota myndlykil til að miðlast hefur fækkað um tæplega tíu prósent á tveimur árum. Sýn hefur tapað tæplega fjórðungi áskrifenda á tveimur árum.

Neysla á afþreyingarefni hefur tekið stakkaskiptum á örfáum árum.
Neysla á afþreyingarefni hefur tekið stakkaskiptum á örfáum árum.
Auglýsing

Fjöldi áskrif­enda Voda­fo­ne, sem til­heyrir Sýn-­sam­stæð­unni, sem var með sjón­varp yfir svo­kallað IP-­net dróst saman um dróst saman um 18 pró­sent á árinu 2019. Í byrjun þess voru 41.388 áskrif­endur með mynd­lykla frá Voda­fone en um síð­ustu ára­mót voru þeir orðnir 33.918. Frá árs­lokum 2017 hefur áskrif­enda­fjöldi fyr­ir­tæk­is­ins alls dreg­ist saman um tæpan fjórð­ung. 

Þetta kemur fram í nýrri töl­fræði­skýrslu Póst- og fjar­skipta­stofn­unar um fjar­skipta­mark­að­inn 2019 sem birt var nýver­ið. 

Vert er að taka fram að fjöldi þeirra sem er með sjón­varp yfir IP-­net, sem er það sjón­varp sem miðlað er í gegnum ADSL- eða ljós­leið­ara­teng­ingar í mynd­lykla sem leigðir eru af fjar­skipta­fyr­ir­tækj­um, hefur fækkað umtals­vert á und­an­förnum árum sam­hliða því að streym­isveitur á borð við Net­fl­ix, Amazon Prime og nú nýlega Viaplay hófu inn­reið sína inn á íslenskan sjón­varps­mark­að. Hægt er að horfa á slíkar í gegnum öpp á sjón­varpi og öðrum tækjum án þess að mynd­lykil þurfi til. 

Frá árs­lokum 2017 hefur áskrif­endum sem eru með sjón­varp yfir IP-­net fækkað um tæp­lega tíu þús­und, eða um tæp­lega tíu pró­sent. Á árinu 2019 einu saman fækk­aði þeim um 7.108 tals­ins.

Það tap á við­skipta­vinum er allt hjá Voda­fo­ne.  Sím­inn, hinn leik­and­inn á þessum mark­aði, heldur sínum við­skipta­vina­fjöld milli ára og bætti við 362 nýj­um. Mark­aðs­hlut­deild hans er nú 63,1 pró­sent á mark­aði fyrir sjón­varp yfir IP-­net en hlut­deild Voda­fone 36,9 pró­sent.

Eitt fyr­ir­tæki eykur tekjur hratt, hitt upp­lifir mik­inn sam­drátt

Hörð bar­átta hefur átt sér stað á sjón­varps­mark­aði milli þeirra fjar­skipta­fyr­ir­tækja sem keppa á honum á und­an­förnum árum. Sím­inn hefur bætt veru­lega í þá þjón­ustu sem hann selur undir hatti Sjón­varpi Sím­ans og Sýn keypti í lok árs 2017 fjölda fjöl­miðla, meðan ann­ars Stöð 2, Stöð 2 Sport, Vísi, Bylgj­una, FM957 og Xið 977 fyrir tæp­lega átta millj­arða króna. 

Hjá Sím­anum voru rekstr­ar­tekjur af sjón­varps­þjón­ustu drif­kraft­ur­inn í auknum tekjum fyr­ir­tæk­is­ins í fyrra, eða 75 pró­sent þeirra. Alls juk­ust tekj­urnar af sjón­varps­þjón­ust­unni um 818 millj­ónir króna á einu ári. Þar skiptir meðal ann­ars miklu að Sím­inn náði til sín sýn­ing­ar­rétt­inum að enska bolt­anum af Sýn. 

Auglýsing
Á sama tíma hefur fjöl­miðla­rekstur Sýnar gengið verr.  Tekjur fyr­ir­tæk­is­ins vegna hans dróg­ust saman um 446 millj­ónir króna á árinu 2019 og í upp­hafi yfir­stand­andi árs færði Sýn niður við­skipta­vild sem skap­að­ist við kaup á fjöl­miðl­unum um 2,5 millj­arða króna. 

Á fyrsta árs­fjórð­ungi 2020 hélt Sím­inn áfram að hagn­ast á sjón­varps­þjón­ustu, en tekjur hans á fyrstu þremur mán­uðum árs­ins vegna hennar voru 1.583 millj­ónir króna og 252 millj­ónum króna meira en á sama tíma­bili í fyrra. Alls er um að ræða tekju­aukn­ingu um 18,9 pró­sent. 

Á sama árs­fjórð­ungi dróg­ust tekjur Sýnar vegna fjöl­miðla­rekst­urs saman um 229 millj­ónir króna, eða ell­efu pró­sent, og voru 1.943 millj­ónir króna. 

Á örskömmum tíma hefur staðan í fjöl­miðla­sam­keppni þess­ara tveggja íslensku fjar­skipt­ar­isa gjör­breyst. Á þriðja árs­fjórð­ungi 2018 voru tekjur Sýnar vegna fjöl­miðla 76 pró­­sent hærri en tekjur Sím­ans vegna þeirrar tekju­­stoð­­ar. Á fyrstu þremur mán­uðum yfir­stand­andi árs voru þær 23 pró­sent hærri. 

160 pró­sent aukn­ing hjá Nova á tveimur árum

Þegar kemur að inter­netteng­ingum þá er Sím­inn líka stærst­ur. Hlut­deild hans á mark­aði er 47,6 pró­sent sem er mjög svipað hlut­fall og verið hefur und­an­farin ár. Fyr­ir­tæk­inu virð­ist ganga ágæt­lega að bæta við sig þeim við­skipta­vinum sem bæt­ast við á hverju ári og halda stöðu sinni. Á árinu 2019 fjölg­aði þeim til að mynda um 2.662 tals­ins og voru 66.273 í lok þess. 

Nova seldi lengi vel ekki inter­­net­­þjón­­ustu með öðrum hætti en í gegnum far­síma­­kerfi. Á því varð breyt­ing á árinu 2016 þegar að fyr­ir­tæk­ið til­­kynnti að það ætl­­aði að hefja ljós­­leið­­ara­­þjón­ust­u. Síðan þá hefur hlut­deild fyr­ir­tæk­is­ins vaxið hratt. Hún var 3,3 pró­sent um mitt ár 2017 en 12,4 pró­sent í lok árs 2019. Alls hefur þeim við­skipta­vinum sem kaupa inter­net­þjón­ustu hjá Nova fjölgað um 160 pró­sent frá lokum árs 2017.

Hringdu hefur líka komið sér ágæt­lega fyrir á inter­net­mark­aðnum og er með 7,8 pró­sent hlut­deild, sem hefur hald­ist nán­ast óbreytt síð­ast­liðin tvö ár, en þó þannig að fyr­ir­tækið hefur bætt við sig nýjum við­skipta­vinum á hverju ári. 

Eina fyr­ir­tækið sem Póst- og fjar­skipta­stofnun fjallar um í skýrsl­unni, og selur inter­netteng­ing­ar, sem hefur verið að missa mark­aðs­hlut­deild og við­skipta­vini er Voda­fo­ne, sem til­heyrir Sýn­ar-­sam­stæð­unni. Staða fyr­ir­tæk­is­ins batn­aði umtals­vert í lok árs 2017 þegar það tók yfir inter­net­starf­semi 365 og fékk með tæp­lega 15 þús­und við­skipta­vini. Þá voru þeir alls 49.557 tals­ins en hefur síðan fækkað um 8.583 á tveimur árum, eða um 17,3 pró­sent.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Guðrún Hafsteinsdóttir
Guðrún Hafsteinsdóttir vill leiða Sjálfstæðisflokkinn í Suðurkjördæmi
Þrjú munu berjast um oddvitasætið hjá Sjálfstæðisflokknum í Suðurkjördæmi. Guðrún Hafsteinsdóttir bættist í hópinn í dag. Hún segist hafa fengið mikla hvatningu til að bjóða sig fram síðustu vikur og mánuði.
Kjarninn 24. febrúar 2021
Harðar takmarkanir víða um lönd sem og bólusetningarherferðir hafa skilað því að smitum og dauðföllum vegna COVID-19 fer hratt fækkandi.
Dauðsföllum vegna COVID-19 fækkaði um 20 prósent milli vikna
Bæði dauðsföllum vegna COVID-19 og nýjum tilfellum af sjúkdómnum fer fækkandi á heimsvísu. Í síðustu viku greindust 2,4 milljónir nýrra smita, 11 prósentum minna en í vikunni á undan.
Kjarninn 24. febrúar 2021
Kröfum gegn starfsmannaleigunni Menn í vinnu og Eldum rétt vísað frá dómi
Kröfum fjögurra erlendra starfsmanna gagnvart starfsmannaleigunni Menn í vinnu og notendafyrirtækinu Eldum rétt um vangreidd laun og miskabætur var vísað frá í Héraðsdómi Reykjavíkur í dag. Stjórnendur starfsmannaleigunnar fá greiddan málskostnað.
Kjarninn 24. febrúar 2021
Finnur Torfi Stefánsson
Vinstri Græn Samfylking
Kjarninn 24. febrúar 2021
Magnús Guðmundsson
Vatnajökulsþjóðgarður á góðri leið
Kjarninn 24. febrúar 2021
Grjóthrun hefur orðið á Reykjanesskaga og varað er við frekara hruni. Myndina tók áhöfn Landhelgisgæslunnar í eftirlitsflugi í morgun.
Hættustigi lýst yfir: Grjót hrunið úr fjöllum og hvítir gufustrókar sést
Lýst hefur verið yfir hættustigi almannavarna á Reykjanesskaga og höfuðborgarsvæðinu vegna jarðskjálftahrinunnar sem hófst í morgun. Grjót hefur hrunið úr fjöllum á Reykjanesi og hvítir gufustrókar á jarðhitasvæðum sést á svæðinu.
Kjarninn 24. febrúar 2021
Finnst það „mikill dómgreindarbrestur“ hjá Áslaugu að hafa hringt í lögreglustjórann
Þingmaður Viðreisnar gagnrýnir dómsmálaráðherra fyrir að hringja í lögreglustjórann á höfuðborgarsvæðinu eftir að lögreglan upplýsti um að annar ráðherra, formaður flokks hennar, hefði verið í samkvæmi sem leyst var upp vegna gruns um sóttvarnarbrot.
Kjarninn 24. febrúar 2021
Jóhann Páll Jóhannsson
Frá atvinnukreppu til framsækinnar atvinnustefnu
Kjarninn 24. febrúar 2021
Meira eftir höfundinnÞórður Snær Júlíusson
Meira úr sama flokkiFréttaskýringar