Síminn eykur við forskotið á farsímamarkaði hjá þjóð sem er óð í meira gagnamagn

Á áratug hefur gagnamagnsnotkun Íslendinga á farsímaneti 225faldast. Síminn hefur á undanförnum árum endurheimt fyrsta sætið á listanum yfir það fjarskiptafyrirtæki sem er með flesta viðskiptavini í farsímaþjónustu, en mest gagnamagn flæðir um kerfi Nova.

sími
Auglýsing

Sím­inn, stærsta fjar­skipta­fyr­ir­tæki lands­ins, jók við mark­aðs­hlut­deild sína á far­síma­mark­aði í fyrra. Alls var fyr­ir­tækið með 175.995 við­skipta­vini í áskrift í lok árs 2019 og 37 pró­sent mark­aðs­hlut­deild. Hlut­deildin jókst um 1,4 pró­sentu­stig og Sím­inn var eina fyr­ir­tækið á far­síma­mark­aði með telj­andi mark­aðs­hlut­deild sem fjölg­aði við­skipta­vinum sínum í fyrra. 

Helstu sam­keppn­is­að­il­arn­ir, Nova og Voda­fone (sem til­heyrir Sýn-­sam­stæð­unni) töp­uðu bæði mark­aðs­hlut­deild og við­skipta­vin­um. Hjá Nova, sem er nú með 32,8 pró­sent mark­aðs­hlut­deild, fækk­aði við­skipta­vin­unum um rúm­lega tvö þús­und og hjá Voda­fo­ne, sem er með 27,2 pró­sent mark­aðs­hlut­deild, um tæp­lega fimm þús­und á síð­asta ári. Sím­inn fjölg­aði á sama tíma sínum við­skipta­vinum um tæp­lega átta þús­und. 

Þetta er meðal þess sem fram kemur í nýrri töl­fræði skýrslu Póst- og fjar­skipta­stofn­unar um fjar­skipta­mark­að­inn sem sýnir stöð­una í lok árs 2019. 

Sím­inn missti for­skotið en hefur end­ur­heimt það

Staðan á mark­aðnum hefur verið að breyt­ast nokkuð ört und­an­farin ár. Á hru­nár­inu 2008 var Sím­inn til að mynda alls­ráð­andi á far­síma­mark­aði á Íslandi með 56,6 pró­sent hlut­deild en Nova, sem hóf starf­semi 1. des­em­ber 2007, náði því árið 2015 að verða það fjar­skipta­fyr­ir­tæki sem var með mesta mark­aðs­hlut­deild. Um tíma, árinu 2017, náðu bæði Nova og Voda­fone að verða stærri en Sím­inn á þessum mark­að­i. 

Það breytt­ist 2018 þegar Sím­inn náði topp­sæt­inu að nýju. Í fyrra styrkti fyr­ir­tækið tak sitt á því. 

Auglýsing
Síminn hafði alls 5,8 millj­arða króna í tekjur af far­síma­þjón­ustu í fyrra, og dróg­ust þær saman um 360 millj­ónir króna. Á fyrsta árs­fjórð­ungi 2020 batn­aði sá hluti rekstr­ar­ins hjá fyr­ir­tæk­inu og tekj­urnar juk­ust um 29 millj­ónir króma frá sama tíma­bili í fyrra. 

Far­síma­tekjur Voda­fone voru 3,9 millj­arðar króna í fyrra og lækk­uðu um 55 millj­ónir króna milli ára. Á fyrsta árs­fjórð­ungi 2020 lækk­uðu tekj­urnar vegna far­síma um tvær millj­ónir króna miðað við sama tíma­bil á árinu 2019. Nova hefur ekki skilað árs­reikn­ingi fyrir 2019 Fyr­ir­tækja­skráar og þar sem fyr­ir­tækið er ekki skráð á markað þá hefur það ekki sömu upp­lýs­inga­skyldu og Sím­inn og Sýn. 

Heim­ur­inn gjör­breyttur á tíu árum

Um liðin ára­mót voru 83,4 pró­sent allra virkra síma­korta á far­síma­neti 4G kort. Um mitt ár 2014 voru 14,8 pró­sent allra síma­korta þannig, en 4G-væð­ingin hófst af alvöru á Íslandi á því ári. 4G teng­ingar innan far­síma­nets­ins fela í sér tíu sinnum meiri hraða en 3G teng­ingar gera. Þær eru auk þess um þrisvar sinnum hrað­ari en hröð­ustu ADS­L-teng­ing­ar. 

Notkun á gagna­magni hefur marg­fald­ast sam­hliða þess­ari þró­un. Nú þykir enda ekk­ert til­töku­mál að horfa til að mynda á bíó­myndir eða þætti í sím­anum sínum í gegnum far­síma­net­ið, en hér áður fyrr, þegar gagna­flutn­ingur var mun hæg­ari, var slíkt ómögu­legt og gat auk þess verið fok­dýrt. Þá má ekki van­meta þátt almennrar inter­net­notk­un­ar, hlað­varpa, notk­unar á sam­fé­lags­miðlum á borð við Face­book, Twitter og Instagram og streym­isveitna á borð við Spotify í aukn­ingu á notkun á gagna­magn­i. 

Auglýsing
Árið 2009 not­uðu íslenskir far­síma­not­endur 243 þús­und gíga­bæti af gagna­magni. Í fyrra not­uðu þeir 54,8 millj­ónir gíga­bæti. Á þessum ára­tug hefur aukn­ingin því 225fald­ast. 

Þessi aukn­ing er enn að eiga sér stað. Frá árs­lokum 2017 og fram til síð­ustu ára­móta rúm­lega tvö­fald­að­ist hún og á síð­asta ári einu saman jókst gagna­magn í far­síma­kerfi um 50 pró­sent. 

Vert er að taka fram að mikil aukn­ing á fjölda ferða­manna, sem hefur farið úr um hálfri milljón á ári árið 2010 í 2,3 millj­ónir 2018 og um tvær millj­ónir í fyrra, spilar líka rullu í hinni miklu aukn­ingu á notkun gagna­magns, enda flestir þeirra með far­síma sem þeir nota á ferða­lögum sínum til Íslands. Það verður því athygl­is­vert að sjá upp­gjör á gagna­magns­notkun fyrir árið 2020 þegar það liggur fyr­ir, í ljósi þess að nær engir ferða­menn hafa verið hér frá því snemma í mars, og verða lík­ast til vart fleiri það sem eftir lifir árs. 

Nova styrkir stöðu sína á toppi gagna­magns­list­ans

Nova hefur alltaf haft mikið for­skot þegar kemur að notkun við­skipta­vina fjar­skipta­fyr­ir­tækj­anna á gagna­magni. Þar hefur áhersla fyr­ir­tæk­is­ins á að ná í unga við­skipta­vini sem hafa alist upp innan kerfis þess, á sama tíma og tækni- og neyslu­heim­ur­inn hefur gjör­breyst og færst meira yfir í litlar tölvur í vasa not­enda, borið ávöxt. Það þarf þó að taka fram að þar er um að ræða þá notkun sem fer fram í gegnum far­síma­net­ið, ekki þá sem nýtt er með teng­ingu við beini (WiFi), en margir far­símar tengj­ast slíkum beini heima hjá not­anda og/eða á vinnu­stað hans. Sím­inn er það fyr­ir­tæki sem er með flesta við­skipta­vini þegar kemur að hefð­bundnum inter­netteng­ing­um.

Nova var með 61,4 pró­sent mark­aðs­hlut­deild þegar kom að gagna­magns­notkun á far­síma­neti í fyrra og bætti vel við hlut­deild sína frá sama tíma­bili árið áður. Sím­inn kemur þar á eftir með 24,3 pró­sent hlut­deild en Voda­fone rekur lest­ina hjá þremur stóru fjar­skipta­fyr­ir­tækj­unum með 12,2 pró­sent mark­aðs­hlut­deild. 

Aðrir minni leik­endur eru svo með 2,1 pró­sent hlut­deild.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þrettán manns greindust með COVID-19 innanlands í gær. Fólk er hvatt til að fara í skimun við minnstu einkenni.
Þrettán smit innanlands – hópsmit í kringum leikskóla í Reykjavík
Í gær greindust fleiri með COVID-19 innanlands en á nokkrum öðrum degi síðan 23. mars. Átta voru utan sóttkvíar og hinir höfðu verið stutt í sóttkví.
Kjarninn 18. apríl 2021
Skriðdreki rússneskra aðskilnaðarsinna í Donbas á ferðinni á heræfingu í upphafi þessa árs. Yfir 15 þúsund hafa látið lífið síðan átökin í Úkraínu hófust árið 2014. Nú eru blikur á lofti.
Rússar herða tökin í Úkraínu
Rússar sýna nú ógnandi tilburði við landamæri Úkraínu. Samhliða beita þeir ýmsum tólum fjölþáttahernaðar og Vesturlönd velkjast í vafa um viðbrögð.
Kjarninn 18. apríl 2021
„Stundum hef ég hugsað um hvað gerist ef það kviknaði í hér inni. Það eru margir neyðarútgangar en innan við þá alla eru full vörubretti, þetta er kolólöglegt en enginn gerir neitt,“ sagði einn starfsmaður undir nafnleynd við dagblaðið Information nýlega
Þrælahald
Fimmtán klukkustunda vinna á hverjum degi mánuðum saman, kröfur um afköst, sem ekki er hægt að uppfylla, tímaáætlun sem ekki gerir ráð fyrir salernisferðum og kaffitímum. Svona er vinnuaðstæðum lýst hjá þekktri danskri netverslun.
Kjarninn 18. apríl 2021
Ingibjörg Isaksen mun leiða lista Framsóknar í Norðausturkjördæmi í haust.
Ingibjörg Isaksen efst hjá Framsókn í Norðausturkjördæmi – Líneik önnur
Ingibjörg Ólöf Isaksen bæjarfulltrúi og framkvæmdastjóri á Akureyri varð hlutskörpust í póstkosningu Framsóknarflokksins í Norðausturkjördæmi. Hafði hún betur en Líneik Anna Sævarsdóttir þingmaður flokksins, sem varð önnur í kjörinu.
Kjarninn 17. apríl 2021
Guðmundur Ingi Guðbrandsson umhverfis- og auðlindaráðherra.
Guðmundur Ingi leiðir Vinstri græn í Kraganum
Forvali Vinstri grænna í Suðvesturkjördæmi lauk kl. 17:10 í dag. Umhverfis- og auðlindaráðherra verður oddviti flokksins í kjördæminu í komandi kosningum.
Kjarninn 17. apríl 2021
Búast má við hraðri lækkun atvinnuleysis þegar ferðamenn koma hingað aftur, samkvæmt Hagfræðistofnun HÍ.
Verðbólgan gæti aukist aftur á næsta ári
Erfitt gæti reynst að stöðva þensluna í íslensku efnahagslífi eftir að faraldrinum lýkur, samkvæmt nýrri hagspá Hagfræðistofnunar Háskóla Íslands.
Kjarninn 17. apríl 2021
Ásta Möller, fyrir miðju, sat á þingi fyrir Sjálfstæðisflokkinn í áratug með hléum í upphafi aldar. Hún segir ekkert eðlilegra en að varaformaður flokksins sækist eftir oddvitasæti í sínu kjördæmi.
Telur „mikilvægt að veita varaformanni Sjálfstæðisflokksins brautargengi“
Ásta Möller, fyrrverandi þingmaður Sjálfstæðisflokksins og nú kjósandi í Norðvesturkjördæmi, segir að enginn eigi neitt gefið í pólitík og styður Þórdísi Kolbrúnu R. Gylfadóttur í komandi prófkjörsbaráttu við Harald Benediktsson.
Kjarninn 17. apríl 2021
Hvað gerist ef þú fellur í glóandi hraun?
Eigendur Icelandic Lava Show skrifa hraunmola vikunnar á Kjarnann. Þessi er númer tvö.
Kjarninn 17. apríl 2021
Meira eftir höfundinnÞórður Snær Júlíusson
Meira úr sama flokkiFréttaskýringar