Jafngott að enginn lofaði að éta hattinn

h_52016134.jpg
Auglýsing

"Jafn­gott að eng­inn lof­aði að éta hatt­inn sinn." Þessi orð lét Lars Løkke Rasmus­sen for­maður Ven­stre flokks­ins  í Dan­mörku falla í við­tali við blaða­mann Ekstra Blaðs­ins í gær.  Þar vís­aði Lars Løkke til þess að hans eigin flokkur og hinir flokk­arnir sem hann hefur rætt við um stjórn­ar­myndun geti engan veg­inn staðið við kosn­inga­lof­orðin ef takast á að mynda sam­steypu­stjórn undir for­ystu Ven­stre.

Hún er óneit­an­lega ein­kenni­leg og snúin staðan í dönskum stjórn­málum eftir kosn­ing­arnar í síð­ustu viku. Lars Løkke Rasmus­sen, for­maður flokks­ins sem tap­aði flestum þing­mönnum (13) og auk þess óvin­sæl­asti flokks­for­maður lands­ins, hefur í tvígang fengið umboð til stjórn­ar­mynd­un­ar. Fyrst fékk hann umboð Mar­grétar Þór­hildar drottn­ingar til mynd­unar meiri­hluta­stjórn­ar. Í slíkri meiri­hluta­stjórn bláu blokk­ar­innar svo­nefndu hefðu átt sæti Danski Þjóð­ar­flokk­ur­inn (Dansk Fol­ke­parti) Frjáls­ræð­is­banda­lagið (Li­beral Alli­ance) og Íhalds­flokk­ur­inn (Det Konservative Fol­ke­parti) auk Ven­stre flokks­ins sjálfs.

Það tók ekki langan tíma fyrir Lars Løkke að finna út að myndun slíkrar stjórnar tæk­ist ekki. Til þess voru stefnu­mál og kosn­inga­lof­orð flokk­anna allt of ólík og Íhalds­flokk­ur­inn, sem er minnsti flokk­ur­inn á þing­inu (með sex þing­menn, tap­aði tveim­ur) treysti sér ekki til þátt­töku í rík­is­stjórn.

Auglýsing

Opna umboðið



Þegar þetta lá fyrir fékk Lars Løkke nýtt umboð. Það er svo­kallað opið umboð sem ekki er bundið við myndun meiri­hluta­stjórn­ar, en í  Dan­mörku er löng hefð fyrir minni­hluta­stjórn­um. Fyrsta verk Lars Løkke í þess­ari annarri umferð var að ræða við Krist­ian Thulesen Dahl for­mann Danska Þjóð­ar­flokks­ins sem var ótví­ræður sig­ur­veg­ari kosn­ing­anna, bætti við sig 15 þing­mönnum og er nú næst stærsti flokk­ur­inn á þingi með 37 full­trúa, þremur fleiri en Ven­stre. Saman hafa flokk­arnir tveir 71 þing­mann, vantar því 19 til að ná meiri­hluta.

For­ystu­menn Danska Þjóð­ar­flokks­ins lýstu því reyndar margoft yfir í aðdrag­anda kosn­ing­anna að flokk­ur­inn ætl­aði sér ekki í rík­is­stjórn. For­menn­irnir tveir, Lars Løkke og Krist­ian Thulesen rædd­ust lengi við í gær, þriðju­dag, þótt heita ætti að hlé væri á stjórn­ar­mynd­un­ar­við­ræð­u­m.  Þær við­ræður halda áfram í dag en full­trúar Frjáls­ræð­is­banda­lags­ins og Íhalds­flokks­ins munu einnig hitta Lars Løkke.

Mögu­leik­arnir



Lars Løkke hefur nokkra mögu­leika í stöð­unni. Í fyrsta lagi stjórn Ven­stre án beinnar þátt­töku ann­arra flokka. Í ljósi þess að Ven­stre hefur aðeins 34 þing­menn yrði sú stjórn algjör­lega að reiða sig á stuðn­ing ann­arra flokka til að koma málum í gegnum þing­ið. Áður en slík stjórn tæki við völdum yrði Lars Løkke að vera búinn að ganga frá ítar­legu sam­komu­lagi við aðra flokka í bláu blokk­inni. Vitað er að þeir flokkar selja sig dýrt.

Danski Þjóð­ar­flokk­ur­inn er, sökum þing­styrks síns, í sterkri aðstöðu til að gera kröf­ur. Stefna hans er um margt mjög ólík stefnu Ven­stre, það á við um afstöð­una og sam­starfið innan Evr­ópu­sam­bands­ins, landamæra­eft­ir­lit og vöxt í opin­bera geir­an­um. Á þessum þremur sviðum er afstaða flokk­anna tveggja mjög ólík og ljóst að mjög erfitt getur orði að ná sam­komu­lagi sem báðir gætu sætt sig við. Þeir þing­menn Ventre sem styðja hug­mynd­ina um eins flokks stjórn flokks­ins hafa efa­semdir um að Danski Þjóð­ar­flokk­ur­inn sé í raun til­bú­inn til stjórn­ar­setu, ekki síst með til­liti til yfir­lýs­inga Krist­ian Thulesen Dahl og ann­arra í flokks­for­yst­unni fyrir kosn­ing­ar.

Formaður Danska þjóðarflokksins, Kristian Thulesen Dahl, nýtur  mikilla persónulegra vinsælda og það er talið vega þungt í útkomu flokksins. For­maður Danska þjóð­ar­flokks­ins, Krist­ian Thulesen Dahl, nýtur mik­illa per­sónu­legra vin­sælda og það er talið hafa vegið þungt í útkomu flokks­ins.

Ven­stre og Dansk Fol­ke­parti



Slík stjórn hefði 71 þing­mann og stæði þannig langtum traust­ari fótum en hrein Ven­stre stjórn. Lars Løkke hefur síð­ustu daga talað mikið um að virða vilja kjós­enda. Margir túlka þau orð sem svo að hann sé til­bú­inn að semja við Danska Þjóð­ar­flokk­inn um mörg mál. En líka hefur verið bent á að með þessum orðum sé hann að viðra mögu­leika á sam­starfi yfir miðj­una eins og það er kall­að. það er að segja sam­starf um til­tekna mála­flokka við Jafn­að­ar­manna­flokk­inn (Soci­alde­mokra­ter­ne) sem eru stærsti flokkur lands­ins með 47 þing­menn. Slíkt sam­starf væri lík­lega mun auð­veld­ara með Danska Þjóð­ar­flokk­inn innan stjórn­ar.

Ven­stre og Frjáls­ræð­is­banda­lagið



Mögu­leik­arnar á myndun slíkrar stjórnar eru ekki taldir miklir en þó ekki algjör­lega úti­lok­að­ir. Slík stjórn hefði sam­tals 47 þing­menn og yrði því að reiða sig á stuðn­ing ann­arra flokka í hverju máli. Helstu bar­áttu­mál Frjáls­ræð­is­banda­lags­ins fyrir kosn­ingar voru minni umsvif hins opin­bera og skatta­lækk­an­ir. Flokks­for­ystan hefur sagt að þetta tvennt sé lyk­il­at­riði og ófrá­víkj­an­leg krafa.

Margir tóku hins­vegar eftir því að And­ers Samu­el­sen for­maður flokks­ins sagði í sjón­varps­um­ræðum eftir kosn­ingar að það væri ekki síður mik­il­vægt hvað feng­ist fyrir pen­ing­ana í opin­berum rekstri. "Ef meira fæst fyrir pen­ing­ana er það auð­vitað skatta­lækkun í sjálfu sér" sagði for­mað­ur­inn. Þetta töldu stjórn­mála­skýrendur til marks um ákveð­inn samn­inga­vilja.

Ven­stre, Danski Þjóð­ar­flokk­ur­inn og Frjáls­ræð­is­banda­lagið



Stjórn þess­ara þriggja flokka verður að telj­ast fremur ólík­leg. Hún hefði 84 þing­menn og væri því á papp­írnum sterk­ari en önnur stjórn­ar­mynstur sem Lars Løkke hefur mögu­leika á. Stefnumið Danska Þjóð­ar­flokks­ins og Frjáls­ræð­is­banda­lags­ins eru hins­vegar mjög ólík og því yrðu báðir að slá veru­lega af ætti slík stjórn að verða að veru­leika.

Fram­haldið



Ljóst er að Lars Løkke leggur höf­uð­á­herslu á sam­starf við Danska Þjóð­ar­flokk­inn. Þeir Krist­ian Thulesen Dahl halda við­ræðum síum áfram en sá síð­ar­nefndi er undir miklum þrýst­ingi frá kjós­endum Danska Þjóð­ar­flokks­ins sem vilja flokk­inn í stjórn. Yfir­lýs­ingar flokks­for­yst­unn­ar, fyrir kosn­ing­ar, um að flokk­ur­inn hafi meiri áhrif utan stjórnar en innan breyta engu þar um. Stjórn­mála­skýrendur telja að stjórn­ar­mynd­un­ar­við­ræður geti tekið marga daga og kannski vik­ur.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Segir verkfallsbrot vera staðfestingu á einbeittum brotavilja
Fréttir hafa birst á vef Mbl.is þrátt fyrir verkfallsaðgerðir Blaðamannafélags Íslands sem standa nú yfir. Formaður félagsins segir það ömurlegt að menn virði ekki vinnustöðvun.
Kjarninn 15. nóvember 2019
Birgir Þórarinsson, þingmaður Miðflokksins.
Miðflokkurinn vill stöðva fjármögnun styrkja til fjölmiðla
Miðflokkurinn lagði til að þeir fjármunir sem eiga að renna í styrki til einkarekinna fjölmiðla á næsta ári verði teknir af fjárlögum. Flokkurinn ætlar að leggja fram eigin hugmynd um styrki „með annarri aðferðarfræði“.
Kjarninn 15. nóvember 2019
Guðmundur Andri Thorsson, þingmaður Samfylkingarinnar.
„Siðferði hins ískalda kapítalisma“
Þingmaður Samfylkingarinnar segir að viðskiptasiðferði Samherjamanna sé siðferði hins ískalda kapítalisma þar sem ungu fólki sé innrætt að líta á annað fólk sem bráð frekar en samborgara.
Kjarninn 15. nóvember 2019
Gunnar Bragi minnir á að stjórnendur Samherja eigi börn
Varaformaður Miðflokksins segist hugsa til starfsmanna Samherja þessa dagana þegar stríðsfyrirsagnir um fyrirtækið séu í fjölmiðlum. Hann gagnrýnir fjölmiðla og segir það galið að ætla að styrkja þá með ríkisfé.
Kjarninn 15. nóvember 2019
Margrét Kristmannsdóttir, framkvæmdastjóri Pfaff.
Gagnrýnir að SA hafi ekki tjáð sig um Samherjamálið
Fyrrverandi varaformaður Samtaka atvinnulífsins vill að samtökin stígi fram fyrir hönd atvinnulífsins og lýsi því yfir að mál Samherja sé með öllu óásættanlegt og að svona starfi ekki alvöru fyrirtæki.
Kjarninn 15. nóvember 2019
Blaðamenn í átta tíma verkfall – Ekkert skuli inn á vefsíðurnar
Blaða­menn, ljós­mynd­arar og mynda­töku­menn á stærstu miðlunum hafa nú lagt niður störf. Blaðamannafélagið er með skýr fyrirmæli hvernig að verkfallinu skuli staðið.
Kjarninn 15. nóvember 2019
Samherji opinberaður
Sjávarútvegsrisinn Samherji er eitt stærsta og áhrifamesta fyrirtæki á Íslandi. Það teygir anga sína víða og stjórnendur þess hafa ekki farið leynt með vilja sinn til að hafa mikil áhrif í samfélaginu sem þeir búa í.
Kjarninn 15. nóvember 2019
Gunnþór Ingvarsson
Óskuðu eftir ráðum hjá Samherjamönnum til að blekkja Grænlendinga
Framkvæmdastjóri Síldarvinnslunnar bað stjórnendur hjá Samherja að ráðleggja sér um hvernig best væri að afla velvildar heimamanna á Grænlandi og blekkja þá til að komast yfir veiðiheimildir.
Kjarninn 15. nóvember 2019
Meira eftir höfundinnBorgþór Arngrímsson
Meira úr sama flokkiFréttaskýringar
None