Ráðþrota gagnvart flóttamannavandanum

h_51901089-1.jpg
Auglýsing

Evr­ópu­sam­bands­ríkin standa ráð­þrota frammi fyrir flótta­manna­straumnum frá Afr­íku og löndum fyrir botni Mið­jarð­ar­hafs og tókst ekki að ná sam­komu­lagi  um aðgerðir á átaka­fundi í Brus­sel fyrir helgi. Ang­ela Merkel kansl­ari Þýska­lands segir þetta erf­ið­asta úrlausn­ar­efni sem hún hafi staðið frammi fyrir síðan hún tók við kansl­ara­emb­ætt­inu fyrir tíu árum. Vandi ESB-­ríkj­anna virð­ist þó lít­ill sam­an­borið við Tyrk­land en þar eru nú um þrjár millj­ónir flótta­fólks.

Í maí lagði Fram­kvæmda­stjórn Evr­ópu­sam­bands­ins það til, með óform­legum hætti að aðild­ar­ríki ESB myndu taka á móti 20 þús­und manns sem dvelja í flótta­manna­búðum Sam­ein­uðu Þjóð­anna utan Evr­ópu og að ESB ríkin myndu jafn­framt skuld­binda sig til að taka á móti, eftir eins konar kvóta­kerfi, þeim 40 þús­und flótta­mönnum frá Sýr­landi og Eritreu sem haf­ast við á Ítalíu og í Grikk­land­i.  Þessi óform­lega til­laga Fram­kvæmda­stjórn­ar­innar féll í grýttan jarð­veg, full­trúar marga aðild­ar­ríkja ESB höfðu í apr­íl, þegar hug­myndin var fyrst rædd, sagt að ekki kæmi til greina að fall­ast á slíkt fyr­ir­komu­lag. Löndin yrðu að sjálf að ráða hve mörgu fólki þau gætu, og vildu, taka á móti.

Átaka­fundur



Fram­kvæmda­stjórnin sat þó við sinn keip og til­lagan var rædd á fundi leið­toga Evr­ópu­sam­bands­ríkj­anna á fundi sem hald­inn var í Brus­sel á fimmtu­dag­inn og stóð fram á nótt. Þótt þjóð­ar­leið­tog­arnir séu alla jafna orð­varir og gæti fyllstu kurt­eisi i sam­skiptum sínum var þó annað upp á ten­ingnum að þessu sinni. Hörð orð voru látin falla og meðal ann­ars hafði ítalski for­sæt­is­ráð­herr­ann Matteo Rensi harð­lega gagn­rýnt það sam­stöðu­leysi sem ein­kenndi fund­inn og spurði hvort þetta væri sú Evr­ópa sem alla dreymdi um. „Hver höndin upp á móti annarri og hver og einn hugsar bara um sig,“ sagði ítalski for­sæt­is­ráð­herr­ann og var heitt í hamsi. Aðrir lýstu óánægju sinni með að fram­kvæmda­stjórnin kæmi fram með til­lögu sem vitað væri að ekki yrði sam­þykkt. Meðal þeirra landa sem ekki vildu fall­ast á að taka á móti til­teknum fjölda flótta­fólks (kvóta­kerfi) voru Bret­land, Tékk­land, Lit­háen og Spánn. Í hópi þeirra sem gjarna vildu slíka skuld­bind­ingu voru Ítal­ía, Sví­þjóð, Aust­ur­ríki, Belgía og Hol­land. Danir eru með fyr­ir­vara varð­andi mál flótta­fólks og taka því ekki afstöðu í málum af þessu tagi.

Hvert land fyrir sig ákveður fjöld­ann



Nið­ur­staða fund­ar­ins varð sú að hvert land fyrir sig ákveður fjölda þess flótta­fólks sem tekið verður á móti. Leið­tog­arnir sam­þykktu að þeir 40 þús­und flótta­menn (hæl­is­leit­end­ur) sem nú eru á Ítalíu og í Grikk­landi ásamt 20 þús­und manns sem dvelja í flótta­manna­búðum Sam­ein­uðu þjóð­anna fái leyfi til að setj­ast að í löndum Evr­ópu­sam­bands­ins en nán­ari útfærsla var ekki ákveð­in. Þetta á að ger­ast á næstu tveimur árum. Jean-Claude Juncker, for­seti fram­kvæmda­stjórn­ar­inn­ar, kall­aði þessa nið­ur­stöðu „tak­mark­aðan árang­ur“ þegar hann ræddi við frétta­menn eftir fund­inn.

Ung­verjar hafa í hót­unum



Fyrr í vik­unni hót­uðu Ung­verjar að hætta skrán­ingu flótta­fólks sem þangað kæmi en þeir myndu ein­fald­lega senda það áfram til ann­arra Evr­ópu­landa. Þegar þessar fréttir bár­ust reidd­ust Aust­ur­rík­is­menn og hót­uðu að þeir myndu þá gera slíkt hið sama. Ung­verjar til­kynntu þá að þeir sem ESB ríki myndu í einu og öllu fylgja reglum Evr­ópu­sam­bands­ins en greindu hins­vegar frá því að þeir myndu reisa fjög­urra metra háan vegg á landa­mær­unum að Serbíu.„Við getum ekki beðið eftir að Evr­ópu­sam­bandið finni lausnir“ sagði ung­verski utan­ríksi­ráð­herr­ann Péter Szi­jjártó þegar hann til­kynnti þessa ákvörð­un. Frakkar hafa lokað landa­mærum sínum að Ítal­íu, þeir saka Ítali um að senda flótta­fólk til Frakk­lands án þess að skrá það eins og reglur ESB gera ráð fyr­ir.

ESB frétta­maður Danska útvarps­ins sagði í við­tali við dag­blaðið Berl­ingske að sann­leik­ur­inn væri sá að leið­togar Evr­ópu­sam­bands­ins vissu ekki sitt rjúk­andi ráð og stæðu nán­ast ráð­þrota frammi fyrir vand­an­um. Það segði allt um ástandið að Ang­ela Merkel Þýska­landskansl­ari hefði sagt við frétta­menn að þetta verk­efni væri það erf­ið­asta sem hún hafi staðið frammi fyrir á þeim tíu árum sem hún hefur gegnt kansl­ara­emb­ætt­inu. „Erf­ið­ara en efna­hag­skrepp­an“ spurði þýskur frétta­mað­ur. „Miklu erf­ið­ara“ var svar kanslar­ans.

Auglýsing

Þrjár millj­ónir flótta­fólks í Tyrk­landi



Flótta­manna­vandi Evr­ópu­sam­bands­ríkj­anna bliknar þó í sam­an­burði við Tyrk­land. Skrif­stofu­stjóri í tyrk­neska utan­rík­is­ráðu­neyt­inu sem var í Kaup­manna­höfn fyrir nokkrum dögum sagði frétta­mönnum að í Tyrk­landi væru tvær millj­ónir flótta­fólks frá Sýr­landi og mörg hund­ruð þús­und til við­bótar frá Írak, Afganistan og fleiri lönd­um. Sam­tals um þrjár millj­ón­ir.

„Við erum í stand­andi vand­ræðum og vitum ekk­ert hvað við eigum að gera og getum gert“ sagði skrif­stofu­stjór­inn. Hann full­yrti að kostn­aður Tyrkja vegna flótta­fólks­ins næmi 42 millj­örðum danskra króna (833 millj­örðum íslenskum) og sú aðstoð sem Tyrkir hafa fengið frá öðrum ríkjum næmi aðeins fimm til sex pró­sentum af þeim kostn­aði. „Við Tyrkir viljum auð­vitað gera allt sem við getum fyrir þetta fólk, sem leitar hingað en getum ekki einir og óstuddir tek­ist á við þetta gríð­ar­mikla verk­efni“ sagði skrif­stofu­stjór­inn.  Hann benti jafn­framt á að rík­is­stjórnir í Evr­ópu hefðu mörg orð um nauð­syn þess að flótta­fólk dvelji sem næst heima­land­inu og auk þess sé það ódýr­ara.

„Þetta er gott og blessað en þá þurfa líka þær þjóðir sem fjær búa að aðstoða þær þjóðir sem tak­ist á hendur það erf­iða hlut­verk  að skjóta skjóls­húsi yfir flótta­fólk­ið.  Það hefur bara ekki ger­st, við sitjum uppi með vand­ann“ sagði tyrk­neski skrif­stofu­stjór­inn. Hann benti líka á að í Sýr­landi hefðu um sjö millj­ónir fólks, fyrir utan þá sem hafa flúið land, hrak­ist frá heim­ilum sínum og væri á ver­gangi. Ekki væri ósenni­legt að stór hluti þessa hóps myndi reyna að kom­ast til Tyrk­lands. „Slíkt yrði okkur Tyrkjum algjör­lega ofviða“ sagði skrif­stofu­stjór­inn og bætti við „Því miður hillir ekki undir neina lausn í Sýr­landi og við Tyrkir getum ekki annað en biðlað til ann­arra ríkja um aðstoð. Öðru­vísi getum við ekki risið undir ábyrgð­inn­i“.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Alma Möller landlæknir og Kári Stefánsson forstjóri ÍE á upplýsingafundi almannavarna.
Ríkið hefur ekki greitt Íslenskri erfðagreiningu neitt fyrir skimanir
Íslensk erfðagreining hefur ekkert fengið greitt frá íslenskum yfirvöldum fyrir skimanir sínar gegn veirunni. Kári Stefánsson forstjóri fyrirtækisins verðmat framlag fyrirtækisins til samfélagsins á þrjá milljarða króna í Kastljósi á miðvikudagskvöld.
Kjarninn 29. maí 2020
Icelandair Group er efst á lista, enda með meira en eitt og hálft prósent íslenska vinnumarkaðarins í hlutastarfi í mars og apríl.
Fyrirtækin sem fengu mest út úr hlutabótaleiðinni í mars og apríl
Í skýrslu Ríkisendurskoðunar um hlutabótaleiðina má finna niðurbrot á því hversu mikið fé rann frá Vinnumálastofnun til starfsmanna fyrirtækja sem nýttu hlutabótaleiðina í mars og apríl. Kjarninn tók það helsta saman.
Kjarninn 28. maí 2020
Samkeppniseftirlitið sektar Símann um 500 milljónir
Samkvæmt Samkeppniseftirlitinu hefur Síminn brotið gegn skilyrðum í sáttum sem fyrirtækið hefur á undanförnum árum gert við eftirlitið. Það telur að brotin séu alvarleg og sektar Símann vegna þessa um 500 milljónir króna. Síminn ætlar að áfrýja.
Kjarninn 28. maí 2020
Skúli Eggert Þórðarson er ríkisendurskoðandi.
Talin hafa breytt launaseðlum til að ná hærri greiðslum úr ríkissjóði vegna hlutabótaleiðar
Ríkisendurskoðun telur að leiða megi líkum að því að ákveðinn hópur sem nýtti sér hlutabótaleiðina hafi breytt áður uppgefnum launum til hækkunar svo þeir myndu fá hærri greiðslur úr ríkissjóði. Hækkunin í heild nemur 114 milljónum króna.
Kjarninn 28. maí 2020
Oddný G. Harðardóttir vill að uppsagnarstyrkjum verði breytt.
Vill banna þeim sem átt hafa í fjárhagslegum tengslum við skattaskjól að fá uppsagnarstyrk
Oddný G. Harðardóttir hefur lagt fram breytingartillögu við frumvarp um stuðning úr ríkissjóði vegna greiðslu launakostnaðar í uppsagnarfresti. Kallar eftir aðgerðum fyrirtækja í loftslagsmálum, endurgreiðslu styrkja og þaki á laun stjórnenda.
Kjarninn 28. maí 2020
Svört skýrsla um hlutabótaleiðina sýnir grun um misnotkun
Ríkisendurskoðun gagnrýnir framkvæmd hlutabótaleiðarinnar harðlega í skýrslu sem hún hefur unnið. Of margir sem áttu ekki í bráðum rekstrarvanda hafi nýtt sér hana til að sækja fjármuni í ríkissjóð og misbrestur hafi verið á eftirliti.
Kjarninn 28. maí 2020
Smári McCarthy, þingmaður Pírata.
Hægt sé að lesa á milli línanna og sjá hvaða fyrirtæki uppsagnarstyrkir séu hugsaðir fyrir
Þingmaður Pírata telur líklegt að sagan muni dæma frumvarp um að greiða 27 milljarða króna í styrkti til fyrirtækja til að hjálpa þeim að segja upp fólki, sem mistök. Stöðugleika þorra launamanna sé fórnað fyrir hagsmuni nokkurra fyrirtækjaeigenda.
Kjarninn 28. maí 2020
Framhaldsskólinn var styttur úr fjórum árum í þrjú.
Vísbendingar um lægri meðaleinkunn í HÍ eftir styttingu framhaldsskólanáms
Andlegri heilsu nemenda, aðallega stúlkna, hefur hrakað frá því að framhaldsskólanámið var stytt um eitt ár. Sú þróun hófst þó talsvert fyrr en námstímanum var breytt, segir í skýrslu menntamálaráðherra um áhrif styttingarinnar á ýmsa þætti.
Kjarninn 28. maí 2020
Meira eftir höfundinnBorgþór Arngrímsson
Meira úr sama flokkiFréttaskýringar
None