Stað­fest­ing­ar­ferli Ket­anji Brown Jackson í emb­ætti hæsta­rétt­ar­dóm­ara hélt áfram í vik­unni þegar Jackson kom fyrir dóms­mála­nefnd öld­ung­ar­deildar Banda­ríkja­þings. Vitna­leiðsl­urnar stóðu yfir í tvo daga.

Joe Biden Banda­ríkja­for­seti til­nefndi Jackson í lok febr­úar og stóð þannig við orð sín úr kosn­inga­bar­átt­unni fyrir tveimur árum þegar hann lof­aði að til­nefna fyrstu svörtu kon­una sem dóm­­ara við hæsta­rétt lands­ins.

Sumir nefnd­ar­menn Repúblikana­flokks­ins virt­ust í hefnd­ar­hug, ekki síst vegna vitna­leiðslna sem Brett M. Kavan­augh und­ir­gekkst eftir að Don­ald Trump þáver­andi Banda­ríkja­for­seti til­nefndi hann í emb­ætti hæsta­rétt­ar­dóm­ara.

En það er stór munur á Jackson og Kavan­augh. Kavan­augh var sak­aður um kyn­ferð­is­of­beldi og Christine Bla­sey Ford, sem sak­aði Kavan­augh um nauðg­un, bar vitni fyrir dóms­mála­nefnd öld­unga­deild­ar­þings­ins í stað­fest­ing­ar­ferli Kavan­augh. Sjálfur sagði hann stað­fest­ing­ar­ferli hans í emb­ættið þjóð­ar­skömm.

Skipun Kavan­augh var að lokum sam­þykkt með 50 atkvæðum gegn 48 og hefur hæsta­rétt­ar­dóm­ari ekki verið sam­þykktur með minni mun frá árinu 1881.

Vill gera stað­fest­ing­ar­ferlið mann­legra

Áskor­anir Jackson í vitna­leiðsl­unum voru af allt öðrum toga. Nefnd­ar­menn Repúblikana­flokks­ins sögðu hana vera rót­tæka í félags­málum og fara mjúkum höndum um barn­a­níð­inga.

D­ick Dur­bin, þing­maður Repúblikana­flokks­ins fyrir Ill­in­ois, spurði Jackson út í orð kollega síns frá Mis­so­uri sem segir Jackson hafa orð á sér fyrir væga dóma í kyn­ferð­is­brotum gegn börn­um, til að mynda hvað varðar vörslu barnakláms. Jackson, sem er tveggja barna móð­ir, vís­aði ásök­unum á bug. „Það er ekk­ert fjarri sann­leik­anum en þetta.“

Að vitna­leiðsl­unum loknum virt­ust fáir, ef ein­hverj­ir, nefnd­ar­menn repúblik­ana sjá eftir orðum sín­um. „Ég held að þetta hafi ekki verið svo gróf­t,“ sagði Tom Cotton, þing­maður fyrir Arkansas, sem sagði Jackson „vinstri-að­gerða­sinna“ þegar hann tók til máls í vitna­leiðsl­un­um. „Við erum bara að meta dóm­greind henn­ar,“ sagði Cotton.

Sheldon Whitehou­se, þing­maður demókrata fyrir Rhode Island, sagði vitna­leiðsl­urnar hafa sýnt „eitr­aða, kald­rana­lega hegð­un“ sem við­gengst hefur hjá öld­ung­ar­deild­ar­þing­mönn­um. „Vonum að þetta hafi verið lág­punkt­ur­inn og að leiðin liggi nú upp á við,“ sagði Whitehou­se.

Ric­hard J. Dur­bin, öld­unga­deild­ar­þing­maður demókrata í Ill­in­ois, stjórn­aði vitna­leiðsl­un­um. „Ég held að við ættum að reyna að breyta ferl­inu og gera það mann­legra,“ sagði Dur­bin að þeim lokn­um.

„Ég er ekki líff­fræð­ing­ur“

Jackson fékk líka óhefð­bundnar og jafn­vel furðu­legar spurn­ingar við vitna­leiðsl­un­um. Þar má meðal ann­ars nefna beiðni Marsha Black­burn, öld­ung­ar­deild­ar­þing­manns repúblik­ana fyrir Tenn­essee, sem bað Jackson um að skil­greina orðið „kona“. Umræða um mál­efni trans­fólks hefur verið áber­andi upp á síðkastið eftir að rík­is­stjórar í Indi­ana og Utah, sem báðir eru repúblikan­ar, beittu neit­un­ar­valdi og komu þannig í veg fyrir sam­þykkt laga­frum­varps sem hefði bannað trans stúlkum að keppa í íþrótt­um. Ell­efu rík­is­stjórar hafa sam­þykkt sams konar frum­varp.

Black­burn minnt­ist á sund­kon­una Lia Thom­as, trans­konu sem sigr­aði nýlega á háskóla­móti í sundi, þegar hún bar upp spurn­ing­una fyrir Jackson: „Getur þú útskýrt merk­ingu orðs­ins „kona“?“

Svar Jackson var ein­falt: „Ég get það ekki.“ Þegar Black­burn furð­aði sig á svari Jackson bætti hún við: „Ekki í þessu sam­hengi. Ég er ekki líf­fræð­ing­ur.“

Black­burn var ósátt með að Jackson gæti ekki svarað spurn­ingu hennar og sagði það „und­ir­strika þær hættur sem fylgja fram­sæk­inni menntun sem við heyrum ítrekað meira um“.

„Hún er mögn­uð“

Dóms­mála­nefnd öld­unga­deild­ar­inn­ar, sem er skipuð 22 nefnd­ar­mönn­um, mun greiða atkvæði um til­nefn­ingu Jackson 4. apr­íl.

Verði til­nefn­ing hennar stað­fest þar fer fram atkvæða­greiðsla í öld­unga­deild­inni. Þar hafa demókratar 48 sæti, auk tveggja óháðra þing­manna sem demókratar geta reiknað með stuðn­ingi frá, og repúblikanar 50 sæti. Þrátt fyrir harðsvífnar vitna­leiðslur í vik­unni má gera ráð fyrir að ein­hverjir þing­menn Repúblikana­flokks­ins í öld­unga­deild­inni greiði með til­nefn­ingu Jackson í emb­ætti hæsta­rétt­ar­dóm­ara. Verði atkvæðin jöfn kemur það í hlut Kamala Harris vara­for­seta að eiga úrslita­at­kvæð­ið.

Stuðn­ingur Harris við Jackson fer ekki á milli mála. Í færslu á Twitter sem hún birti í vik­unni segir hún Jackson hafa sannað hæfi sitt fyrir dóms­mála­nefnd öld­unga­deild­ar­þings­ins. „Hún er mögnuð og hefur sýnt ein­stakt skap­lyndi í gegnum alla vitna­leiðsl­una. Þegar til­nefn­ing hennar verður stað­fest verður hún fram­úr­skar­andi hæsta­rétt­ar­dóm­ari,“ segir Harris í færslu sinni.

Verði til­­­nefn­ing Jackson sam­­þykkt mun hún taka sæti Stephen Breyer, sem mun setj­ast í helgan stein í júní. Líkt og hann er hún frjáls­­lynd í túlkun sinni á stjórn­­­ar­­skrá Banda­­ríkj­anna og sinnti hún raunar starfi aðstoð­­ar­­manns hans við hæsta­rétt á tíma­bil­inu 1999-2000. Íhalds­samir dóm­arar verða því enn í meiri­hluta í hæsta­rétti, sex tals­ins, en þrír frjáls­lynd­ir.

Ef allt gengur sam­kvæmt áætlun ætti stað­fest­ing­ar­ferl­inu að ljúka í kringum páska og allt bendir til þess að Ket­anji Brown Jackson taki við af Breyer í júní. Í 233 ára sögu Hæsta­réttar Banda­ríkj­anna verður Jackson því fyrsta svarta konan sem tekur sæti í rétt­in­um.