Uppreisn gegn Árna Páli – aðför úr „launsátri“

arni_pall_sigridur_ingibjorg.jpg
Auglýsing

Sam­fylk­ingin logar stafna á milli eftir að Sig­ríður Ingi­björg Inga­dótt­ir, þing­kona Sam­fylk­ing­ar­innar í Reykja­vík og for­maður vel­ferð­ar­nefndar Alþing­is, ákvað að bjóða sig fram gegn Árna Páli Árna­syni for­manni á lands­fundi flokks­ins sem hófst í dag. Sig­ríður Ingi­björg til­kynnti Árna Páli um að hún ætl­aði sér að fara gegn honum rétt fyrir klukkan sex í gær sím­leið­is. Kosn­ingin um for­mann flokks­ins, þar sem Sig­ríður Ingi­björg og Árni Páll berj­ast um sig­ur, fer fram milli 17:30 og 18:30 í dag.

Ákvörðun Sig­ríðar Ingi­bjargar kom Árna Páli á óvart. „Sig­ríður Ingi­björg hringdi í mig klukkan þrjár mín­útur í sex í gær og til­kynnti mér um fram­boð sitt. Það kom mér algjör­lega í opna skjöld­u,“ sagði Árni Páll í sam­tali við Kjarn­ann.

Und­ir­bún­ing­ur­inn haf­inn áður?



Sig­ríður Ingi­björg ákvað það klukkan fimm í gær, að hennar sögn, að bjóða sig fram gegn Árna Páli. Hún seg­ist ekki hafa und­ir­búið þetta sér­stak­lega, en ákvörð­unin hafi átt sér nokkurn aðdrag­anda. „Ég er ekki klækja­stjórn­mála­mað­ur. Það hefur verið mikil umræða í flokknum að und­an­förnu, vegna þess að fylgið er lág­t,“ sagði Sig­ríður Ingi­björg.

Sp. blm. En er þetta svona Sig­ríður Ingi­björg? Ertu ekki búin að vera skipu­leggja hall­ar­bylt­ingu með þínu bak­landi að und­an­förnu? „Nei. Ég starfa ekki þannig. Ef svo hefði verið hefði það alltaf borist for­yst­unni til eyrna. Ekk­ert slíkt var í gang­i,“ sagði Sig­ríður Ingi­björg. Hún segir ákvörð­un­ina alfarið hafa verið sína, tekna í gær. Hún seg­ist vera með breitt bak­land, hjá ungum jafn­að­ar­mönn­um, flokks­fólki almennt, Sam­fylk­ing­ar­fé­lag­inu í Reykja­vík, í kvenna­hreyf­ing­unni og „60 plús“, eins og hún orð­aði það sjálf.

Auglýsing


Strax byrjað að hringja

Sam­kvæmt heim­ildum Kjarn­ans á for­manns­fram­boð Sig­ríðar Ingi­bjargar sér lengri aðdrag­anda, einkum og sér í lagi í ein­stökum flokks­fé­lögum Sam­fylk­ing­ar­inn­ar. Strax í gær­kvöldi voru stuðn­ings­menn Sig­ríðar Ingi­bjargar byrj­aðir að hringja í flokks­fólk og óska eftir stuðn­ingi. Þar bein­ast spjótin að Sam­fylk­ing­ar­fé­lag­inu í Reykja­vík. Innan þess hefur grass­erað óánægja með Árna Pál, og tölu­verð umræða farið fram um það, einkum á síð­ustu vik­um, að nýr for­maður gæti „tekið flokk­inn áfram“, eins og einn við­mæl­enda Kjarn­ans komst að orði.

Innan þing­flokks­ins, sem aðeins telur níu þing­menn eftir síð­ustu kosn­ing­ar, komu frétt­irnar um fram­boð Sig­ríðar Ingi­bjargar nokkuð á óvart, sam­kvæmt heim­ildum Kjarn­ans. En þing­menn flokks­ins höfðu þó heyrt af því að nokkur óánægja væri með störf Árna Páls, einkum hjá ung­liðum í flokknum og einnig hjá flokks­mönnum í Reykja­vík. Í sam­tölum við flokks­menn í dag bar nafn Kjart­ans Val­garðs­son­ar, flokks­manns Sam­fylk­ing­ar­innar í Reykja­vík, oft á góma þegar rætt var um þá sem væru að þrýsta á um að breyt­ingar yrðu gerðar í for­ystu flokks­ins.







Furða sig á aðdrag­and­anum



Þunga­vigt­ar­fólk í flokkn­um, sem sumt hefur reynslu af flokks­starf­inu allt frá stofnun hans, furð­aði sig á því hvernig for­manns­slag­inn bar að, þegar Kjarn­inn ræddi við það. Var þar meðal ann­ars rætt um lands­fund­inn sjálfan, þá sem hafa valist til að sitja hann og fyr­ir­komu­lagið í kosn­ing­unni sjálfri. Lands­fund­ar­full­trúar eru um 800 en ekki hafði verið gert ráð fyrir því að full mæt­ing yrði á fund­inn. Til að mynda er sagt að fjöldi skráðra lands­fund­ar­full­trúa utan af landi hafi ekki ætlað að mæta vegna þess að ekki hafi stefnt í nein átök á fund­in­um.

Ekki lengur lýð­ræð­is­veisla?



For­maður Sam­fylk­ing­ar­innar hefur hingað til alltaf verið kjör­inn í alls­herj­ar­at­kvæða­greiðslu allra félags­manna flokks­ins, þegar fleiri en einn hafa verið í fram­boði. Það er því ljóst að nú kemur það í hlut lands­fund­ar­full­trúa í fyrsta skipti að velja for­mann flokks­ins.

Í síð­asta for­manns­kjöri voru 18.318 á kjör­skránni og 5.621 greiddi atkvæði. Árni Páll hlaut 3.474 atkvæði í þeirri kosn­ingu, eða 62,2 pró­sent atkvæða.

­Flokk­ur­inn hefur lengi stært sig af þessu fyr­ir­komu­lagi við kjör for­manns, enda hefur hann verið eini flokk­ur­inn sem ekki kýs for­mann á lok­uðum lands­fundi. For­maður flokks­ins hefur því yfir­leitt verið tal­inn með mjög víð­tækt umboð í krafti þess­arar atkvæðagreiðslu.

Flokk­ur­inn hefur lengi stært sig af þessu fyr­ir­komu­lagi við kjör for­manns, enda hefur hann verið eini flokk­ur­inn sem ekki kýs for­mann á lok­uðum lands­fundi. For­maður flokks­ins hefur því yfir­leitt verið tal­inn með mjög víð­tækt umboð í krafti þess­arar atkvæða­greiðslu. Árni Páll tal­aði til að mynda um þetta fyr­ir­komu­lag sem „lýð­ræð­is­veislu“ fyrir síð­asta lands­fund, þar sem allir geta tekið þátt svo lengi sem þeir skrá sig í flokks­fé­lag. „Sjálfs­traust Sam­fylk­ing­ar­innar birt­ist í því að þora að vera opinn flokk­ur. Við erum lýð­ræð­is­leg fjölda­hreyf­ing og bjóðum öllum að hafa áhrif. Það greinir okkur frá öðrum flokk­um. Þannig skulum við hafa það áfram,“ sagði hann þá.

Í lögum Sam­fylk­ing­ar­innar segir „For­maður Sam­fylk­ing­ar­innar - jafn­að­ar­manna­flokks Íslands skal kjör­inn alls­herj­ar­at­kvæða­greiðslu meðal allra skráðra félags­manna enda komi fram krafa þar um frá a.m.k. 150 flokks­mönnum eigi síðar en 45 dögum fyrir boð­aðan lands­fund.“

Ef ekki fer fram atkvæða­greiðsla um for­manns­kjör sam­kvæmt ofan­greindu á að kjósa for­mann á lands­fundi, og þá eru allir í kjöri. Kosn­ing fer fram þótt aðeins einn sé í kjöri. Því ákvæði var bætt inn í lögin á síð­asta lands­fundi. Það er á grund­velli þessa ákvæðis sem Sig­ríður Ingi­björg býður sig fram svona seint.

Klofn­ingur getur farið með flokk­inn



Aug­ljóst er að for­manns­slagur Sig­ríðar Ingi­bjargar og Árna Páls getur haft mikil áhrif innan flokks­ins til fram­tíðar lit­ið. Einn við­mæl­enda Kjarn­ans sagð­ist líta á for­manns­fram­boð Sig­ríðar Ingi­bjargar sem „að­för úr laun­sátri“ sem gæti skapað djúp­stæðan ágreing innan flokks­ins, á versta tíma. Þar sem mikil hreyf­ing væri á fylgi vinstri megin og við miðju í hinu póli­tíska lands­lagi. Slag­ur­inn gæti komið enn meiri hreyf­ingu á fylg­ið, og grafið undan flokks­starf­inu. Á móti gæti það einnig ger­st, að for­ystu­breyt­ing á þessum tíma­punkti myndi færa honum byr í segl, en flestir við­mæl­enda voru sam­mála um að það væru minni líkur en meiri á því.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Býfluga á kafi í villiblómi.
Búa til blómabelti vítt og breitt fyrir býflugur
Býflugum hefur fækkað gríðarlega mikið síðustu áratugi svo í mikið óefni stefnir. Náttúruverndarsamtök í Bretlandi fengu þá hugmynd fyrir nokkrum árum að byggja upp net blómabelta um landið til að bjarga býflugunum.
Kjarninn 14. júlí 2020
Ásta Sigríður Fjeldsted
Ásta Sigríður Fjeldsted nýr framkvæmdastjóri Krónunnar
Ásta Sigríður Fjeldsted hefur verið ráðin framkvæmdastjóri Krónunnar.
Kjarninn 14. júlí 2020
Atvinnuleysi komið undir tíu prósent
Atvinnuleysi hérlendis hefur lækkað hratt að undanförnu en þar skiptir mestu hröð lækkun atvinnuleysis vegna minnkaðs starfshlutfalls. Almennt atvinnuleysi mælist 7,5 prósent og hefur lítið sem ekkert breyst frá því í apríl.
Kjarninn 14. júlí 2020
Salt Pay talið hæft til að fara með virkan eignarhlut í Borgun
Fjármálaeftirlitsnefnd Seðlabanka Íslands hefur komist að þeirri niðurstöðu að Salt Pay, með skráð aðsetur á Caymaneyjum, sé hæft til að fara með yfir 50 prósent virkan eignarhlut í Borgun.
Kjarninn 14. júlí 2020
Frá fundinum í dag
Fjögur lönd til viðbótar ekki talin áhættusvæði
Alls eru sex lönd sem ekki eru talin áhættusvæði; Danmörk, Noregur, Finnland, Þýskaland, Grænland og Færeyjar. Fólk sem kemur þaðan og hefur dvalið þar í tvær vikur samfleytt þarf ekki að fara í skimun við komuna til landsins frá og með 16. júlí.
Kjarninn 14. júlí 2020
Bjarni Benediktsson, fjármála- og efnahagsmálaráðherra.
227 stuðningslán fyrir tæpa 2,2 milljarða
Alls hafa fyrirtæki hér á landi sótt um 227 stuðningslán fyrir tæpa 2,2 milljarða króna síðan opnað var fyrir umsóknir þann 9. júlí.
Kjarninn 14. júlí 2020
Sólveig Anna Jónsdóttir, formaður Eflingar.
„Vissuð þið að það er ekki refsivert á Íslandi að stela launum af vinnuaflinu?“
Formaður Eflingar hefur gert kröfu á stjórnvöld og stílað á fimm ráðuneyti. Hún vill að þau standi við gefin loforð um að heimildir til refsinga verði auknar, í samráði við aðila vinnumarkaðarins, ef atvinnurekandi brýtur gegn lágmarkskjörum launamanns.
Kjarninn 14. júlí 2020
Þinglýstum kaupsamningum fækkaði á milli ára í flestum sveitarfélögum á höfuðborgarsvæðinu. Smávægileg aukning varð í Mosfellsbæ og á Seltjarnarnesi.
Þinglýstum kaupsamningum á höfuðborgarsvæðinu fækkar milli ára
Þinglýstum kaupsamningum fjölgar víða utan höfuðborgarsvæðisins á öðrum ársfjórðungi miðað við sama tíma í fyrra. Alls fækkaði þeim um 31 prósent innan höfuðborgarsvæðisins en fjölgaði um 0,5 prósent utan þess.
Kjarninn 14. júlí 2020
Meira úr sama flokkiFréttaskýringar
None