Vill flytja 4000 störf frá Kaupmannahöfn

17028090571_a9e0ddf732_z.jpg
Auglýsing

Danski Þjóð­ar­flokk­ur­inn (Dansk fol­ke­parti) vill að tólf opin­berar stofn­anir verði fluttar frá Kaup­manna­höfn og komið fyrir á lands­byggð­inni. Hug­myndin hefur fengið blendnar und­ir­tekt­ir.

Danski Þjóð­ar­flokk­ur­inn jók stór­lega fylgi sitt í kosn­ing­unum 18. júní síð­ast­lið­inn og er nú næst stærsti flokk­ur­inn á danska þing­inu  með 37 þing­menn.  Flokk­ur­inn hefur þrátt fyrir vel­gengn­ina valið að vera utan stjórn­ar, telur sig þannig hafa meiri áhrif á stjórn lands­mál­anna.  Fylgi flokks­ins jókst um allt land en þó mest í lands­byggð­ar­kjör­dæmum langt frá höf­uð­staðnum Kaup­manna­höfn eða öðrum stórum bæj­um, í þeim lands­hlutum sem Danir kalla gjarna udkants­dan­mark. Íbúum á þessum svæðum hefur á und­an­förnum árum fækkað mikið en að sama skapi fjölgað í stærri bæj­um. Mest í Kaup­manna­höfn, þar fjölgar íbúum í hverjum  mán­uði um tæp­lega eitt þús­und. Afleið­ingin er hús­næð­is­skortur í höf­uð­borg­inni en úti á lands­byggð­inni standa mörg þús­und hús, kannski tug­þús­und­ir, auð og yfir­gefin og grotna nið­ur.

Kosn­inga­mál



Eitt helsta kosn­inga­mál Danska Þjóð­ar­flokks­ins fyrir kosn­ingar var að snúa því, sem flokk­ur­inn kallar öfug­þró­un, við og kynnti strax í árs­byrjun hug­myndir sínar um flutn­ing opin­berra stofn­ana frá Kaup­manna­höfn. Þær hug­myndir voru almennt orð­að­ar, hvorki nefndar stofn­anir né fjöldi starfa sem æski­legt færi að flytja burt úr höf­uð­staðn­um. Þótt í aðdrag­anda kosn­ing­anna væri tals­vert rætt um vanda lands­byggð­ar­innar og hvað væri þar hægt að gera til úrbóta var umræðan um nákvæm­lega hvað gera skyldi ekki áber­andi.

Nefnd eða ekki nefnd



Danski Þjóð­ar­flokk­ur­inn lagði til í mars að komið yrði á fót sér­stakri nefnd sem skyldi kanna og koma með til­lögur um hvaða stofn­anir væri æski­legt að flytja frá Kaup­manna­höfn, hvert þær yrðu fluttar og hvað slíkt myndi kosta. Starfs­mönnum nokk­urra stofn­ana, sem ein­stakir þing­menn höfðu nefnt að upp­lagt væri að flytja, þótti nefnd­ar­hug­myndin góð.  Með því móti yrði tekið til­lit til allra þátta en ekki ráð­ist í hlut­ina í ein­hverju fljótræði.

skibby Þing­mað­ur­inn Hans Krist­ian Skibby er tals­maður Danska Þjóð­ar­flokks­ins í atvinnu­mál­u­m.

Auglýsing

 

Nú hefur Danski Þjóð­ar­flokk­ur­inn hins vegar skipt um skoð­un.  Tals­maður flokks­ins í atvinnu­mál­um, Hans Krist­ian Skibby sagði í við­tali í danska sjón­varp­inu fyrir helgi að með því að stofna ein­hverja nefnd myndi þessu brýna hags­muna­máli seinka. Nefnda­störf hafi til­hneig­ingu til að drag­ast von úr viti og á end­anum fáist kannski engin nið­ur­staða. Í þessu máli megi engan tíma missa, stjórn­ar­flokk­ur­inn Ven­stre eigi ein­fald­lega að leggja fram hug­myndir og þær eigi síðan að ræða í þing­inu áður en end­an­leg ákvörðun verði tek­in. Með þessu spar­ast mik­ill tími. Aðspurður um hvort slíkt fyr­ir­komu­lag bjóði ekki heim alls konar kjör­dæma­poti þing­manna, sem allir vilji fá allt í sitt kjör­dæmi, sagði Hans Krist­ian Skibby ekki ótt­ast slíkt.

Vill flytja 12 stofn­anir og 4000 störf frá Kaup­manna­höfn    



Fyrir nokkrum dögum lagði Danski Þjóð­ar­flokk­ur­inn fram til­lögur sínar um hvaða stofn­anir flokk­ur­inn teldi að flytja ætti frá höf­uð­borg­inni til ann­arra staða í land­inu. Á list­anum eru tólf stofn­an­ir. Sú stærsta á list­anum er stofn­unin BaneD­an­mark með 2250 starfs­menn. Þessi stofnun hefur yfir­um­sjón með danska járn­brauta­kerf­inu, lagn­ingu teina, upp­setn­ingu merkja­ljósa, við­haldi á merkj­um, ljósum og teinum o.s.frv. Sú næst fjöl­menn­asta er Danska Umhverf­is­stofn­unin með tæp­lega 1300 starfs­menn, 400 þeirra í Kaup­manna­höfn. Síðan kemur Eft­ir­lits­stofnun með land­bún­aði og fisk­veið­um, þar eru starfs­menn um það bil 1100, 800 þeirra í höf­uð­borg­inni.

Á list­anum eru auk áður­nefndra stofn­ana meðal ann­ars Danska veð­ur­stof­an, Umferð­ar­stofn­un­in, Orku­mála­stofn­unin og  Sigl­inga­mála­stofn­un. Sam­tals eru þessar stofn­anir með fleiri en 6000 starfs­menn en ljóst er að ef af flutn­ingum verður munu ekki allir starfs­menn verða fluttir til, hluti þeirra verður áfram í Kaup­manna­höfn. Það er mat Danska Þjóð­ar­flokks­ins að um 4000 störf verði með þessum hætti hægt að flytja til ýmissa staða á lands­byggð­inni. Það hefur vakið nokkra athygli að helstu for­ystu­menn Danska Þjóð­ar­flokks­ins hafa lítt eða ekki tjáð sig um hugs­an­legan flutn­ing rík­is­stofn­ana.

Ekki allir jafn hrifnir af hugs­an­legum flutn­ingum



Hug­myndir Danska Þjóð­ar­flokks­ins hafa mælst mis­jafn­lega fyr­ir. All­margir þing­menn stjórn­ar­and­stöðu­flokk­anna hafa lýst sig and­snúna þessum hug­mynd­um, segja þær bera keim af lýð­skrumi, þarna sé verið að kasta fram hug­mynd­um, sem falli í kramið hjá til­teknum hópi kjós­enda. Algjör­lega sé sneitt hjá að ræða kostn­að­inn sem slíkur flutn­ingur stofn­ana hafi í för með sér.  Og jafn­framt rösk­un­ina fyrir starf­semi við­kom­andi stofn­ana. Margir þing­menn hafa jafn­framt lýst efa­semdum um að flutn­ingur stofn­ana breyti nokkru, til þess þurfi meira en flutn­ingur 4000 starfa að koma til.

Reynsla Norð­manna



Í tengslum við nýfram­komnar til­lögur Danska Þjóð­ar­flokks­ins hefur hér í Dan­mörku tals­vert verið fjallað um nýlega skýrslu sem norskt ráð­gjaf­ar­fyr­ir­tæki, Asplan Viak, gerði um flutn­ing norskra stofn­ana á und­an­förnum árum. Mark­miðið með þeim flutn­ingum átti að vera að flytja sér­hæfð störf frá Ósló. Nið­ur­staða ráð­gjafa­fyr­ir­tæk­is­ins var sú að slíkir flutn­ingar hafi í för með sér mik­inn kostn­að, eða um eina milljón norskra króna á hvert starf, það jafn­gildir um það bil 18 millj­ónum íslensk­um. Kjarn­inn greindi frá þeirri skýrslu í des­em­ber 2014. 

Lars Løkke Rasmussen forsætisráðherra hefur lýst því yfir að stjórn sín muni skoða gaumgæfilega að flytja stofnanir og störf frá höfuðstaðnum. Lars Løkke Rasmus­sen for­sæt­is­ráð­herra hefur lýst því yfir að stjórn sín muni skoða gaum­gæfi­lega að flytja stofn­anir og störf frá höf­uð­staðn­um.

 

Sparn­að­ur, sem reiknað hafði verið með, reynd­ist eng­inn því ýmis auka­kostn­aður varð mun meiri en áætlað hafði ver­ið. Starf­semi þeirra stofn­ana sem fluttar voru frá Ósló raskað­ist veru­lega, meðal ann­ars vegna þess að margir starfs­menn ákváðu að segja upp og mik­ill tími og kostn­aður fylgdi því að ráða nýtt starfs­fólk, sem að stórum hluta þekkti lítt til starf­sem­inn­ar. Mjög erfitt reynd­ist í mörgum til­vikum að fá til starfa sér­menntað starfs­fólk þannig að margar stofn­anir sem fluttar voru með þessum hætti eru nú mann­aðar fólki með mun minni menntun en það fólk sem áður var þar við störf. Nið­ur­staða ráð­gjaf­ar­fyr­ir­tæk­is­ins er í stuttu máli sú að stofn­ana­flutn­ing­ur­inn hafi kostað mikið en skilað litlu. 

Póli­tísk ákvörðun



Norska skýrslan hef­ur, eins og áður var sagt, verið tals­vert til umfjöll­unar í dönskum fjöl­miðl­um. Þing­menn Danska Þjóð­ar­flokks­ins hafa lagt á það áherslu að þeir telji flutn­ing stofn­ana styrkja lands­byggð­ina en hafa lítið gefið fyrir þau rök að slíkur flutn­ingur veiki við­kom­andi stofn­an­ir. Troels Lund Poul­sen atvinnu­mála­ráð­herra sagði í við­tali í danska sjón­varp­inu, þegar rætt var um kostn­að­inn við slíkan flutn­ing, að aðstæður hér í Dan­mörku væru aðrar en í Nor­egi, án þess að útskýra það nán­ar.

Lars Løkke Rasmus­sen for­sæt­is­ráð­herra hefur lýst því yfir að stjórn sín muni skoða gaum­gæfi­lega að flytja stofn­anir og störf frá höf­uð­staðnum en sagði jafn­framt að stjórnin þyrfti ekki að bera slíkar ákvarð­anir undir þing­ið, né ein­staka flokka sem þar eiga full­trúa. Flutn­ingur stofn­ana sé póli­tísk ákvörð­un.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Viðræðum BÍ og SA slitið
Verkfall er framundan hjá blaðamönnum, þar sem upp úr slitnaði í kjaradeilum Blaðamannafélags Íslands og Samtökum atvinnulífsins í dag.
Kjarninn 21. nóvember 2019
Ákærðir vegna viðskipta með bílastæðamiða á Keflavíkurflugvelli
Héraðssaksóknari hefur birt ákæru, en meint brot snúa að mútugreiðslum og umboðssvikum.
Kjarninn 21. nóvember 2019
Skipstjóri Samherja: Kemur á óvart að vera sakaður um brot
Arngrímur Brynjólfsson var handtekinn í Namibíu. Hann segist ekki vita til þess að skipið sem hann stýrir hafi veitt ólöglega.
Kjarninn 21. nóvember 2019
Kalla eftir hugmyndum frá almenningi um vannýtt matvæli
Verkefni á vegum sjávarútvegs- og landbúnaðarráðherra óskar eftir hugmyndum frá almenningi og framleiðendum um hvernig megi skapa verðmæti úr vannýtum matvælum. Nemendur við Hótel- og matvælaskólanum munu síðan nýta hugmyndirnar við gerð nýrra rétta.
Kjarninn 21. nóvember 2019
Ilia Shuma­nov, aðstoð­ar­fram­kvæmda­stjóri Rúss­lands­deildar Tran­sparency International
Umræðufundur um rússneskt samhengi Samherjamálsins
Á morgun fer fram umræðufundur um baráttuna gegn alþjóðlegu peningaþvætti á Sólon. Aðstoðarframkvæmdastjóri Rússlandsdeildar Transparency International mun halda fyrirlestur um helstu áskoranir peningaþvættis og leiðir til að rannsaka það.
Kjarninn 21. nóvember 2019
Jón Sigurðsson, stjórnarformaður Stoða.
Jón Sigurðsson kominn í stjórn Símans – Verður stjórnarformaður
Sitjandi stjórnarformaður Símans, Betrand Kan, var felldur í stjórnarkjöri í dag. Stoðir, stærsti hluthafi Símans, eru komin með mann inn í stjórn.
Kjarninn 21. nóvember 2019
Fimmta hvert heimili á leigumarkaði undir lágtekjumörkum
Rúmlega 31 þúsund einstaklingar voru undir lágtekjumörkum í fyrra eða um 9 prósent íbúa á Íslandi. Hlutfall leigjenda undir lágtekjumörkum er mun hærra en á meðal þeirra sem eiga húsnæði.
Kjarninn 21. nóvember 2019
Íslenskur skipstjóri í haldi í Namibíu
Skipstjóri sem starfaði árum saman hjá Samherja er í gæsluvarðhaldi í Namibíu eftir að hafa verið handtekinn fyrir ólöglegar veiðar.
Kjarninn 21. nóvember 2019
Meira eftir höfundinnBorgþór Arngrímsson
Meira úr sama flokkiFréttaskýringar
None