Forsetinn virði þjóðina - Konu á Bessastaði

Auglýsing

Nú er árið 2016 rétt handan við horn­ið, aðeins örfáar vikur í ára­mót­in. Á því herr­ans ári hefur Ólafur Ragnar Gríms­son verið for­seti Íslands í tutt­ugu ár, nánar til­tekið síðan árið 1996. Á þessum langa tíma hefur hann gert ærið margt, sumt gott að sumra mati, annað slæmt í augum ann­arra og þannig þvers og kruss út í hið óend­an­lega, enda er Ólafur Ragnar svip­sterkur karakter sem gustar af.

Stundum hef ég dáðst að núver­andi for­seta, stundum býsnast yfir hon­um, stundum örvænt út af ein­hverju sem hann gerði eða sagði – en þær stundir hafa samt komið að ég hef verið þakk­lát hon­um. Ég á vini til vinstri og hægri sem jafn­framt hafa ýmist dáðst að honum eða gagn­rýnt hann harka­lega í gegnum tíð­ina og það er kannski ekk­ert skrýtið þegar um svo langan tíma er að ræða og mann sem hefur aldrei ótt­ast að taka umdeildar ákvarð­an­ir.

En nú um dag­inn hringdi systir mín í mig. Ein heima, með unga­barn á brjósti og annað að dunda sér með dúkkur í skamm­deg­is­rökkrinu, dæsti hún: Veistu, ég er orðin 37 ára og Ólafur Ragnar er búinn að vera for­seti síðan ég fékk kosn­inga­rétt. Mér finnst það bara svo­lítið skrýtið og ég veit eig­in­lega ekki af hverju ég er að velta mér upp úr því en mér bara finnst það ekki eðli­legt.

Auglýsing

Útspek­úlerað hugs­un­ar­leysi

Systir mín hljóm­aði buguð í þessum óvæntu vanga­veltum sínum um for­set­ann. Hún er rétt­sýn hug­sjóna­mann­eskja sem á erfitt með að kyngja því sem henni þykir rangt. Hún er jafn­framt af kyn­slóð­inni sem flækti sig einna mest í netum Hruns­ins og tók afleið­ingum alls þess sem útrás­ar­vík­ing­arnir bröll­uðu í útlöndum með blessun Ólafs Ragn­ars sem virt­ist á köflum vera sjálf­skip­aður kynn­ing­ar­full­trúi þeirra í hjá­störf­um. Hún veit auð­vitað að hann hafn­aði Ices­a­ve-­samn­ingnum – eins og við höfum öll verið svo ræki­lega minnt á að ein­hver okkar vilja helst deyja fyrir Ólaf Ragn­ar, að minnsta kosti á Face­book. En hún veit líka að hann er for­seti loft­bólunnar sem við köll­uðum um tíma góð­æri og eigum ennþá svo langt í land með að greina og gang­ast við til fulln­ustu að það hriktir reglu­lega í stoðum sam­fé­lags­ins.

Í kjöl­far hryðju­verk­anna í París hefur ýmsum þótt Ólafur Ragnar sundra þjóð­inni frekar en sam­eina og ala á for­dómum með nokkuð ein­hæfum mál­flutn­ingi sem jaðrar við að vera ábyrgð­ar­laus. Raunar hefur Ólafur Ragnar ósjaldan verið sak­aður um að sundra þjóð­inni frekar en sam­eina hana og fólk nán­ast hætt að kippa sér upp við annað eins. Þegar hann tjáði sig um voða­verkin í sjón­varps­fréttum taut­aði ég fyrst eitt­hvað á þá leið að þetta væri svo hugs­un­ar­laust tal að ætla mætti að hann væri aðeins for­seti ákveð­inna hópa í þjóð­fé­lag­inu – en svo runnu á mig tvær grím­ur. Gat verið að þetta væri einmitt and­stæð­an: útspek­úlerað tal til að höfða til íslenskra kjós­enda í þessum til­teknu hóp­um?

Hakka­vél slúð­ur­miðla

Það er erfitt að segja til um ásetn­ing hins ófyr­ir­sjá­an­lega for­seta, í þessu máli sem öðr­um. Þessa dag­ana eru veð­bankar í gangi út um allan bæ. Fólk spyr: Ætlar hann að bjóða sig fram einu sinni enn?

Og eina ferð­ina enn fáum við að bíða í óvissu um hvað Ólafur Ragnar ætli að gera og meðan fjara önnur hugs­an­leg fram­boð út, kraft­ur­inn vætlar smám saman úr þeim, allir vita jú hvernig fór fyrir Þóru. Maki hennar tættur í sundur í hakka­vél slúð­ur­miðla og hún fyrst látin finna almenni­lega fyrir kosn­inga­vél Ólafs Ragn­ars þegar hún var hvað varn­ar­lausust að fæða barn. Hver treystir sér til að glíma við annað eins? Lík­ast til þarf þaul­reyndan knatt­spyrnu­mann til þess að tækla svo mis­kunn­ar­lausan and­stæð­ing. 

En hvort sem Ólafur Ragnar ætlar sér að vera for­seti til ævi­loka eða ekki, þá er hann ekki lengur for­seti okkar systra. Hann var það kannski, níu­tíu og eitt­hvað, jafn­vel upp úr síð­ustu alda­mót­um. Þegar for­eldrar okkar voru á besta aldri og ver­öldin ennþá ung. En nú erum við sjálfar mið­aldra kon­ur, gætum líf­fræði­lega verið ömm­ur, og okkur þyrstir í að sam­fé­lagið sem fóstrar börnin okkar öðlist nýja tákn­mynd. For­seta sem stendur fyrir nýja tíma, ekki gamlan hrun­for­seta sem var á sínum tíma ansi reffi­legur en virð­ist vera orð­inn tals­maður ákveð­inna póli­tískra afla í þjóð­fé­lag­inu og að sama skapi áhuga­laus um að vera ásjóna og rödd ólíkra hópa í fjöl­breyttu, flóknu nútíma­sam­fé­lagi.

Kom­inn tími á konu á Bessa­staði

For­seti Íslands er maður sem stendur fyrir tíma­bil sem við, sem þjóð, þurfum svo sár­lega að halda áfram að gera upp – og þannig dregur hann móð­inn úr okk­ur. Sam­fé­lagið þarf tákn um nýja tíma og nýja menn­ingu, ef ekki á að leggja for­seta­emb­ættið nið­ur.

Núver­andi for­seti þarf að bera nógu mikla virð­ingu fyrir þjóð­inni til að sitja ekki, einna lík­astur ein­ræð­is­herra, í næstum því ald­ar­fjórð­ung á Bessa­stöð­um.

Auð­vitað hefur Ólafur Ragnar látið til sín taka á mik­il­vægum víg­stöðv­um, eins og ýmsu því sem lýtur að lofts­lags­breyt­ingum og alþjóða­sam­skipt­um. En hann er ekki einn um að geta ljáð Íslandi mik­il­væga rödd. Þvert á móti þarf for­seti sem álítur að hann sé ómissandi að hugsa sinn gang. Þá fyrst er hætta á ferð­um. Það verður alltaf til fólk sem vill hengja sig utan í slíkan þjóð­höfð­ingja, valdið heillar vissu­lega. En sem betur fer er líka til fólk sem aðhyllist lýð­ræð­is­legri og heil­brigð­ari skipan mála.

Per­sónu­lega finnst mér vera kom­inn tími til að fá aftur konu á Bessa­staði. Við skráðum okkur á spjöld sög­unnar þegar við höfðum vit á að kjósa Vig­dísi Finn­boga­dóttur árið 1980. Hvers vegna ekki að halda þeirri glæsi­legu arf­leifð á lofti? Í næstum tvo ára­tugi hefur karl verið for­seti Íslands. Er ekki bara rétt­látt að það verði næst kona? Ég er viss um að hún systir mín með litlu dætur sínar tvær heima í stofu myndi gleðj­ast yfir því.

Tveir framkvæmdastjórar láta af störfum hjá Íslandspósti
Mikil hagræðing og kostnaðaraðhald er framundan hjá Íslandspósti. Framkvæmdastjórum fyrirtækisins hefur verið fækkað úr fimm í þrjá.
Kjarninn 25. júní 2019
Þóra Kristín Þórsdóttir
Frá #konurtala til #konurþagna?
Kjarninn 25. júní 2019
Rúmlega þúsund kröfur vegna Gaman ferða
Alls bárust Ferðamálastofu 1.038 kröfur vegna Gaman ferða sem hættu starfsemi fyrr á árinu í kjölfar gjaldþrots WOW air. Ferðaskrifstofan var í 49 prósent eigu WOW air.
Kjarninn 25. júní 2019
Libra skjálfti hjá seðlabönkum
Áform Facebook um að setja í loftið Libra rafmyntina á næsta ári hafa valdið miklum titringi hjá seðlabönkum. Hver verða áhrifin? Þegar stórt er spurt, er fátt um svör og óvissan virðist valda áhyggjum hjá seðlabönkum heimsins.
Kjarninn 24. júní 2019
Lögfræðikostnaður vegna orkupakkans rúmlega 16 milljónir
Lögfræðiráðgjafar var aflað frá sex aðilum.
Kjarninn 24. júní 2019
Helga Dögg Sverrisdóttir
Þörf á rannsóknum á ofbeldi í garð kennara hér á landi
Kjarninn 24. júní 2019
Stuðningur við þriðja orkupakkan eykst mest meðal kjósenda Vinstri grænna
90 prósent kjósenda Miðflokksins eru mjög eða frekar andvíg innleiðingu þriðja orkupakkans.
Kjarninn 24. júní 2019
Vilja koma böndum á óhóflega sykurneyslu landsmanna
Skipaður hefur starfshópur til að innleiða aðgerðaáætlun Embættis landlæknis til að draga úr sykurneyslu landsmanna. Landlæknir telur að vörugjöld og skattlagning á sykruð matvæli sé sú aðgerð sem beri hvað mestan árangur þegar draga á úr sykurneyslu.
Kjarninn 24. júní 2019
Meira úr sama flokkiSleggjan
None