Auglýsing

Framan af virt­ust þetta ætla að verða óskap­lega óspenn­andi for­seta­kosn­ing­ar. Nú má búast við nýjum stór­tíð­indum alltaf þegar maður opnar fyrir frétt­ir. Valið virð­ist standa á milli nýja Íslands með heið­ar­leika, rétt­læti, virð­ingu, jafn­rétti og ekki síst ábyrgð að leið­ar­ljósi, svo vitnað sé til nokk­urra gilda þjóð­fund­ar­ins 2009, eða gamla, súra og spillta Íslands þar sem menn eru alls ekki í fjár­hags­legu sam­bandi við eig­in­konur sín­ar, finnst sjálf­sagt að gefa vinum sínum auð­lindir sjávar og sveita og hafa jafn­vel per­sónu­lega reynslu af því að setja Seðla­banka á haus­inn. 

Og ekk­ert lát er á skoð­unum hinna ýmsu álits­gjafa. Einn þeirra sagði að Andri Snær ætti að draga fram­boð sitt til baka svo Guðni Th. gæti sigrað Ólaf Ragnar en kvað svo upp þann dóm dag­inn eftir að Guðni væri gamla Ísland holdi klætt. Nú er Ólafur hættur og senni­lega margir fegnir því að ráð­gjöf blogg­ar­ans náði ekki lengra. 

Það eru nefni­lega allir að reyna að segja okkur hvernig við eigum að kjósa. Og álits­gjöf­unum er vor­kunn. Þegar fjöl­miðlar hringja með ný tíð­indi verða þeir að kokka upp fyrir okkur nýja sviðs­mynd á nokkrum mín­út­um. Þá er kannski óhjá­kvæmi­legt að ein­falda mynd­ina nokkuð – ég meina hver man nöfnin á öllum þessum fram­bjóð­endum og hverjir eru hættir við og hverjir ekki? Úr verða gjarna tveir turn­ar, stundum þrír eða jafn­vel fjór­ir. En aldrei fimm. Sumir reyna að gera úr þessu ein­vígi og þá æsast frétta­menn enda væri það svo miklu betra sjón­varp. Svo koma skoð­ana­kann­anir sem umvenda öllu, eina ferð­ina enn. Bæði álits­gjaf­arnir og skoð­ana­kann­an­irnar gefa tónin fyrir umræð­una og eru skoð­ana­mynd­andi í sjálfu sér.

Auglýsing

Samt er fram­boðs­frestur ekki runn­inn út og engin fram­boð hafa enn verið sam­þykkt af kjör­stjórn. Við vitum sem sagt ekki nákvæm­lega hvaða nöfn verða á kjör­seðl­in­um. Og eins og við höfum sann­reynt und­an­farið er vika langur tími í póli­tík og enn eru nærri sjö vikur þangað til við göngum að kjör­borð­inu. Enn geta komið fram stór­stjörnur eða aðrir dregið sig í hlé, vin­sælir fram­bjóð­endur leikið af sér eða þeir sem við munum ekki hvað heita slegið í gegn. Það er okkar að kjósa og það er gert á kjör­dag en ekki í skoð­ana­könn­unum mörgum vikum fyrr.

Blogg­ar­ar, stjórn­mála­fræð­ingar og fjöl­miðlar munu halda áfram að reyna að greina stöð­una og stilla upp hinum ýmsu val­mynd­um. Það er þeirra hlut­verk. Fram­bjóð­endur halda vænt­an­lega áfram að kynna sig. Nema þeir hætti við. Og hugs­an­lega hætta ein­hverjir við að hætta við. 

Við kjós­endur þurfum að kynna okkur vel fyrir hvað allir þessir fram­bjóð­endur standa. Það er alltof snemmt að segja til um hverjir eigi raun­veru­legan séns og hverjir ekki. Fyrir nokkrum vikum var til dæmis kallað eftir því að næsti for­seti yrði kona. Nú virð­ast bara karlar í slagn­um, ef marka má álits­gjaf­ana. Samt hafa nokkrar konur til­kynnt um fram­boð sitt.

Því að vera borg­ari fylgja ekki bara rétt­indi heldur líka skyld­ur. Kosn­inga­rétt­inum fylgir sú borg­ara­lega skylda að taka upp­lýsta ákvörðun þegar við kjós­um. Á næstu vikum munu alvöru fram­bjóð­endur reyna eftir bestu getu að kynna sig og við kjós­endur ættum að gefa þeim færi á því áður en við ákveðum okk­ur. Það liggur nefni­lega ekk­ert á. Þrátt fyrir allt er ekki sjálf­sagt að allt þetta fólk, hvað sem okkur kann nú að finn­ast um hvert og eitt þeirra, bjóði sig fram til starfa fyrir okkur hin. Fyrir það ættum við að þakka og sýna fram­bjóð­endum þá virð­ingu að skoða hvað þeir hafa fram að færa. Það ættum við að gera með opnum en gagn­rýnum huga. Við þekkjum þetta fólk mis­vel og í sumum til­fellum sjáum við strax hvort fram­bjóð­and­inn gæti orðið góður for­seti eða ekki. Aðrir gætu komið ánægju­lega á óvart. 

Hugs­an­lega mun ég á end­anum ákveða að kjósa stra­tegíst þann 25. júní. Ef kann­anir sýna að fram­bjóð­endur gamla Íslands séu lík­legir til sig­urs getur vel verið að ég muni ekki kjósa þann sem mér líst best á heldur þann boð­bera nýrra tíma sem lík­leg­astur er til að ná kjöri. Þangað til ætla ég að leyfa mér að velta öllum val­kostum vel fyrir mér og hafa bæði augu og eyru opin.  

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Gylfi Zoega er annar höfundur greinar sem birtist í nýjasta tölublaði Vísbendingar.
„Hægt væri að banna Airbnb í þéttbýli þegar skortur er á íbúðarhúsnæði“
Ef fleiri flytja til landsins en frá því verður til flókið samspil hagstærða sem valda breytingum á eftirspurn og/ eða framboði á húsnæði með tilheyrandi verðhækkunum eða lækkunum. Tveir hagfræðingar leggja til að kerfinu verði breytt.
Kjarninn 7. ágúst 2022
Arnar Jónsson leikari áformar að gefa út plötu með eigin upplestri á ljóðum úr ólíkum áttum, sem hann segist vilja veita framhaldslíf.
Landskunnur leikari gefur út ljóðaplötu
„Ljóðið hefur fylgt mér frá því ég var pjakkur fyrir norðan og allar götur síðan,“ segir Arnar Jónsson leikari, sem hefur undanfarin ár safnað saman sínum uppáhaldsljóðum og hyggst nú gefa út eigin upplestur á þeim, bæði á vínyl og rafrænt.
Kjarninn 7. ágúst 2022
Meira úr sama flokkiSleggjan
None