Karolina Fund: Vilja létta fátækum konum í Keníu lífið

Karolina fund Kenýa 3
Auglýsing

Tveir Ís­lend­ingar og þrír Ken­íu­búar vinna nú að hjálp­ar­starfi við inn­fædda í Ken­íu. Hóp­ur­inn hefur meðal ann­ars hafið hóp­fjár­mögnun fyrir verk­efnið á www.Karolina­fund.com og til­gang­ur­inn er að létta blá­fá­tækum konum í sveitum Keníu lífið með því að sjá þeim fyrir vatns­tunnu­bör­um.

Kjarn­inn ræddi við Pétur Ein­ars­son, fyrr­ver­andi flug­mála­stjóra og einn aðstand­enda verk­efn­is­ins, þar sem hann var staddur í Kenía við hjálp­ar­störf.

Auglýsing


Hvað eru þið þessir Íslend­ing­ar að gera í Ken­ía?

„Ég var hér fyrir 20 árum í nokkrum ráð­gjafa­verk­efnum í um fimm ár. Ég kynnt­ist þá vel ­Ken­íu, Úganda og Tansan­íu. Mig hefur alltaf langað að koma aftur til Aust­ur-Afr­íku. Síð­ast­liðið haust varð það að veru­leika því gam­all kunn­ingi minn Guð­mundur Þór Þor­móðs­son bauð mér til sín. Hann hefur verið að vinna að ýmsum­ verk­efnum í Keníu und­an­farin fjögur ár. Meðal ann­ars hefur hann ver­ið þáttak­andi í jarð­hita­verk­efn­um. Þegar ég kom til Keníu kynnt­ist ég Jóni Búa ­Guð­laugs­syni jarð­hita­verk­fræð­ingi sem hefur verið í Aust­ur-Afr­íku við störf að jarð­hita­málum síð­ustu fjögur árin.

Íslend­ing­ar hafa verið umfangs­miklir í jarð­hita­málum í Aust­ur-Afr­íku og liggja þar stór­kost­legir mögu­leikar og hags­munir fyrir Íslend­inga. Þá er ljóst að beisl­un jarð­hita er for­gangs­mál í að bæta lofts­lag jarð­ar­innar því jarð­hit­inn er ­sjálf­bær og mengar ekki og lík­lega er það besta þró­un­ar­að­stoðin sem við Ís­lend­ingar getum veitt.

Ég hef einnig verið að nýta tím­ann hér til þess að sér­hæfa mig sem lög­fræð­ingur í jarð­hita­mál­um. Það hef ég verið að gera bæði af áhuga og vegna þess að mér er ekki kunn­ugt um að Íslend­ingar eigi neinn slíkan sem einnig hefur góða þekk­ing­u á Aust­ur-Afr­íku. Ég held að það sé brýn þörf á þannig þekk­ingu fyrir Íslend­inga ef vel á til að takast með þátt­töku okkar í því stór­kost­lega alþjóð­lega átaki ­sem framundan er á þessu svæði á næstu árum í beislun jarð­hita.Vatnstunnubörur.

Við þrí­r, ­sem sagt, hitt­umst og úr kunn­ingja­spjalli kom fram að við allir höfðum hug á að láta gott af okkur leiða í Ken­íu. Fátækt er sorg­leg á mörgum svæð­um, einkum þó í sveitum Ken­íu. Nú, til að gera langa sögu stutta þá ákváðum við að ná sam­an­ hóp með okkur inn­an­borðs til þess að hefja starf til þess að hjálpa fátæk­um ­kon­um, mæðrum, til þess að hjálpa sér sjálfar með því að lána þeim eða gefa verk­færi. Þeir félag­arnir þekktu ágætis fólk í Keníu sem var til­búið til þess að taka þátt í verk­efn­inu. Þau þrjú sem með okkur eru í hópnum frá Keníu eru öll áhrifa­mann­eskjur hér­lend­is. Mon­icah er náin for­seta lands­ins, Benja­min er á­hrifa­maður í sveit­ar­stjórn­ar­málum og Ruth er bráð­fl­ink í skipu­lagn­ingu og dreif­ing­u.“

Af hverju völduð þið vatns­tunnu­bör­ur?

„Jú, það var vegna þess að fram­an­greindir kunn­ingjar mínir þekkja til þess­ar­ar fram­leiðslu og hafa verið að þróa og hanna end­ur­bætta útgáfu á vatns­tunnu­bör­u­m. Þær eru kall­aðar hér Rural Water Roll­ers og voru upp­runa­lega hann­aðar í Suð­ur­-Afr­íku. En end­ur­bætta útgáfan ber ekki aðeins vatn heldur margt ann­að.

Við komumst að þeirri nið­ur­stöðu að besta hjálpin væri að létta störf kvenna, ­mæðra, í sveitum Kenía en þeirra dag­lega starf ein­kenn­ist af linnu­lausum­ ­þræl­dómi frá morgni til kvölds. Vatns­burður er snar þáttur þar en við bæt­ist ­burður á eldi­við, upp­skeru, börnum og margs­konar aðdrætti til heim­il­is. Dag­leg­ur þvott­ur, mat­ar­gerð og ummönnun barna og fjöl­skyldu bæt­ist þar við – já og ekki má ég gleyma vinnu á ökrun­um.“

Hvernig ætlið þið að fjár­magna hjálp­ar­starf ykk­ar?

„Hóp­ur­inn á­kvað að byrja fjár­mögn­un­ar­fram­kvæmdir með hóp­fjár­mögnun á Karol­ina FundVegna þess vil ég hvetja alla góð­vilj­aða Íslend­inga til þess að leggja sitt af mörk­um ­með því að taka þátt. Í stað­inn fyrir fram­lag sitt eign­ast styrkt­ar­að­il­ar vatns­tunnu­börur með nafni sínu árit­uðu á, sem þeir lána fátækri konu, móð­ur, í Ken­íu.Vatn

Þá höf­um við haft sam­band við ýmis hjálp­ar­sam­tök í Keníu og Úganda sem hafa áhuga á að ­styrkja fram­tak okkur um að hjálpa mæðrum til sjálfs­bjargar og hafa und­ir­tekt­ir verið mjög góðar svo hóp­ur­inn er von­góður um fram­tíð verk­efn­is­ins.

Í vinnslu er að þróa vatns­tunnu­bör­urnar í að vera þvotta­vél og einnig að gera þær þannig úr garði að þær geti hlaðið upp raf­magn. Þá er verið að vinna að þróun á meng­un­ar­lít­illi eld­un­ar­að­stöðu og stöðl­uðum sal­ern­um, en ófull­nægj­andi sal­ern­i eru eitt af alvar­legu vanda­mál­un­um.“

Það er marg­t framundan hjá ykk­ur?

„Já, það má segja, en hóp­ur­inn er sam­hentur og bjart­sýnn. Við vitum að allt tekur tíma og þraut­seigju en við trúum því að við séum að gera gott með því að létta störf ­með tækj­um, já, og höfum séð með eigin augum gleði þeirra mæðra sem nú þeg­ar hafa fengið vatns­tunnu­bör­ur.

Mann­i hlýnar um hjarta­rætur við að heyra þiggj­and­ann segja: Það hefur aldrei nokk­ur ­maður gefið mér neitt, Guð blessi þig og þá sem að þessu standa – einss og Mar­y ­sagði þegar henni voru afhentar vatns­tunnu­bör­ur."

Hægt er að skoða verk­efnið hér.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Magnús Halldórsson
Þögnin hættulegri
Kjarninn 21. október 2019
Rósa Björk Brynólfsdóttir
Er rétt að dæma fólk í fangelsi fyrir pólitískar skoðanir ?
Kjarninn 20. október 2019
Dagatalið mitt
Ásta Júlía Hreinsdóttir safnar fyrir útgáfukostnaði fyrir Dagatalið mitt, sem er fjölnota afmælisdagatal með texta og myndum eftir hana.
Kjarninn 20. október 2019
Árni Már Jensson
Að skilja okkur sjálf: Annar hluti
Kjarninn 20. október 2019
Paul Copley, forstjóri Kaupþings ehf.
6.400 kröfuhafar höfðu ekki sótt peningana sína
Nokkur þúsund kröfuhafa í bú Kaupþings hafa ekki sótt þá fjármuni sem þeir eiga að fá greitt í samræmi við nauðasamninga félagsins. Þeir fjármunir sem geymdir eru á vörslureikningi eru um 8,5 milljarða króna virði á gengi dagsins í dag.
Kjarninn 20. október 2019
Hvar endar tap Arion banka á United Silicon?
Arion banki á kísilmálsverksmiðju Í Helguvík sem hefur ekki verið í starfsemi í þrjú ár. Bankinn hefur fjárfest í úrbótum en óljóst er hvort að þær dugi til að koma verksmiðjunni aftur í gang. Í vikunni var bókfært virði hennar fært niður um 1,5 milljarð.
Kjarninn 20. október 2019
Örn Bárður Jónsson
Afmæliskveðja til Alþingis
Kjarninn 20. október 2019
Leikskólakennurum fækkað um 360 frá árinu 2013
Börnum af erlendum uppruna hefur fjölgað mikið á skömmum tíma. Meira en helmingur þeirra sem starfar við uppeldi og menntun er ófaglærður.
Kjarninn 20. október 2019
Meira úr sama flokkiFólk
None