Bíddu meðan ég snappa það

Kim Kardashian West er dugleg á Snapchat.
Kim Kardashian West er dugleg á Snapchat.
Auglýsing

Ég fer á kaffi­­hús í miðbæ Reykja­vík­­­ur, svona til að breyta út frá hvers­­dags­­legu les­­stof­unni í Háskóla Íslands, fæ mér cappuccino og stærð­­ar­innar gul­rót­­artertu, sest niður á vel val­inn stað. Er til­­­búin að vinda mér í skrif eða lestur dags­ins, en áður en ég tek bita eða sopa af kræs­ing­un­um, þá tek ég Snapchat-­­mynd og set í story. Um helg­ina fer ég síðan út á lífið með vinum mín­um, mér finnst ég líta svo vel út eftir að ég er búin að eyða dágóðum tíma að gera mig til að ég ákveð að taka mynd af mér í flotta nýja kjólnum mín­um, skelli henni á Instagram, set flotta síu sem lætur lit­­ar­hátt minn líta betur út og bíð eftir að like-in hrann­ist inn. Tek síð­­an snapp af flösku­­borð­inu á B5 og af því hvernig vinur minn dansar asna­­lega upp á borði og tek eina sjálfu með vin­­kon­u. 

Dag­inn eftir er bröns og ég skelli í mímósu með, ég tek Snapchat-­­mynd­­band af því þegar við vin­­kon­­urnar skál­­um. Læt það ekki nægja heldur tek líka mynd af hópn­um, bið þær um að þjappa sér saman og halda á glösum og skelli  síðan bestu mynd­inni af þeim tutt­ugu sem við tókum á Instagram að­­gang minn, lýsi birt­u­skil­yrðin og finn upp góða yfir­­­skrift á mynd­inni. Deili síðan einnig á Face­­book.  Því ef ég miðla því ekki, hvernig á þá fólk að vita að ég hafi gert þessa hluti?

Auglýsing

Flestir ungir snjall­síma­not­endur og sam­­fé­lags­miðla­­skoð­endur ættu að kann­­ast við eitt­hvað af þessum dæmum sem sett hafa verið fram. Allir mis­­-„­­sekir“ um magn mynda eða mynd­­banda sem eru tekin og síðan deilt á sam­­fé­lags­miðlum á borð við mynd­­for­­rit­in Instagram og Snapchat. Tvö fremur ólík for­­rit í verkan en deila hins vegar svip­aðri ætl­­­an. Bæði for­­ritin hafa nefn­i­­lega nán­­ast leyst af hlut­verk raun­veru­­leika­­sjón­varps og veita því gægju­hneigðu sam­­fé­lagi mik­illa ánægju og/eða óánægju. Sú hug­­mynd sem raun­veru­­leika­­sjón­varpið inn­­­leiddi, þessa um að frægð væri eft­ir­­sóttur og góður hlut­­ur, sem nán­­ast hver sem er gæti öðl­­ast ef hann legði sig fram í líf­inu, liti vel út og klæddi sig í nýj­­ustu tísku, hef­ur tví­­eflst með til­­komu sam­­fé­lags­miðla sem hvaða með­al­­jón getur nýtt sér. 

Snapchat er hægt að fá í nær alla snjallsíma.

Sam­­fé­lags­miðlafor­­rit­ið Snapchat vex sífellt meira í vin­­sældum hér á landi, sem og á mörgum öðrum stöðum í heim­in­­um. For­­rit­ið, sem hægt er að fá í flesta nýj­­ustu snjall­sím­ana, er orð­inn að eins­­konar fjöl­miðli í þeim skiln­ingi að fjölda­margar leiðir eru í boði til að not­­færa sér for­­ritið til að hafa sam­­skipti og deila með öðru fólki upp­­lýs­ingum og myndefni, þá bæði með spjall­­glugg­um, mynd­­banda­­upp­­­tökum og beinni sím­tala­teng­ingu.  Mið­ill­inn er auk þess ávallt í end­­ur­­mótun og við hann bæt­­ast reglu­­lega nýir eig­in­leikar í formi sía (e. filt­er­s), frétta og tákna.

Snapchat hefur þó þann hátt­inn á að öll miðlun er ein­ungis sýn­i­­leg í stuttan tíma í senn, sem eykur einnig undir það sér­­­kenni að þetta er miðlun á raun­veru­­legu lífi sem er ein­ungis hægt að horfa á í raun­­tíma. Engar end­­ur­­sýn­ing­­ar, allt er nýtt, ferskt og að ger­­ast akkúrat þessa stund­ina. Stórar raun­veru­­leika­­stjörnur á borð við Kar­dashian fjöl­­skyld­una nýta mið­il­inn óspart, og hafa þar með veitt aðdá­endum sínum nán­­ast óend­an­­legan aðgang að einka­­lífi sínu, sem nær langt út fyrir það sem sést í raun­veru­­leika­þátta­seríu þeirra, Keep­ing up with the Kar­das­hi­ans. Fyrir utan þessa símiðlun þá gef­ur Snapchat einnig meiri lof­orð fyrir raun­veru­­legum raun­veru­­leika, ef svo má segja. Áhorf­endur og aðdá­endur stjarn­anna fá þá til­­f­inn­ingu að þekkja stjörn­una betur og nánar vegna per­­són­u­­legra skila­­boða í formi snappa.

Raun­veru­­leika­­sjón­varp stjarn­anna fær aukið vægi með Snapchat

Það sem Snapchat gerir einnig að verkum er að við, hinn óbreytti almúgi, alls óvið­kom­andi nokkrum papp­a­rössum eða milljón doll­­ara villu í Los Ang­el­es, fáum einnig að vera stjörn­u­r. Snapchat býr til grund­­völl fyrir miðlun sem er á pari við raun­veru­­leika­­sjón­varp stóru sjón­­varps­­fyr­ir­tækj­anna. Við erum stjórn­­endur okkar eigin mið­l­unar og sköp­un­­ar. Við höfum mjög sterka þörf fyrir að deila hlutum með öðrum ein­stak­l­ingum og er því þessi grund­­völlur símið­l­unar í formi sam­­fé­lags­miðla ákjós­­an­­legur og vin­­sæll. Algengt er að deila fyndnum mynd­brotum með vinum sínum og fjöl­­skyldu en eftir því sem mið­ill­inn óx í vin­­sældum fór það að fær­­ast í auk­ana að þeir not­end­ur Snapchat sem voru hvað fyndn­­astir eða snjall­­astir í notkun mið­ils­ins opn­uðu aðgang sinn fyrir ókunn­ugum og leyfðu hverjum sem er að fylgj­­ast með sínu dag­­lega lífi.

Svo­­kall­að­ir snapp­­arar hafa því orðið til hér á landi sem og ann­­ars stað­ar. Raun­veru­­legt fólk, sem er ekki and­lit neinna stór­­fyr­ir­tækja né frægt fyrir nein til­­­tekin verk, fá þús­undir fylgj­enda með því einu að vera umtöluð um að vera fynd­in, sniðug eða skemmti­­leg. Flottur og eft­ir­­sókn­­ar­verður lífs­stíll er þó aðal aðdrátt­­ar­afl gægju­hneigðar (e. med­i­ated voyer­ism) en margir af vin­­sæl­ustu snöpp­­ur­unum klæð­­ast einmitt fínum og vin­­sælum flík­­um, eiga fal­­leg og hrein heim­ili, vinna í eft­ir­­sókn­­ar­verðum störfum og eiga skemmti­­legt og/eða fjöl­breytt félags­­líf.

Snapchat er þó ekki ein­ungis hið nýja raun­veru­­leika­­sjón­varp, heldur hefur mið­ill­inn einnig leyst hið svo­­kall­aða blogg af hólmi. Lífstíls­ráð, hús­ráð og snyrtiráð eru því gríð­­ar­­lega algeng inni á Snapchat og hefur þeim snöpp­­urum farn­­ast best sem gefa bestu ráðin sem henta í land­ann hverju sinn­i. Snapp­­ar­­arnir fá síðan enda­­lausar spurn­ingar frá áhorf­endum sín­um, þar sem kraf­ist er meiri upp­­lýs­inga um einka­líf, lífs­stíl eða um per­­són­u­­legar eig­ur snapp­­ar­ans. Fólk er for­vitið um annað fólk og í þess­­ari iðju brýst gægju­hneigð ein­stak­l­inga mest fram.

Snapp­­ar­­arnir gefa inn­­­sýn inn í sín per­­són­u­­legu líf, en því þarf þó að taka með fyr­ir­vara þar sem að hægt er að taka mynd­­skeiðin oft upp þangað til að full­komnun er náð. Svo­­kall­aðar fegr­un­­ar-síu eða „beauty-filt­er­ar“ fegra ásýnd not­enda og ein­ungis er sýnt það sem snapp­­ar­inn vill að sé sýnt. Hver og einn not­andi miðlar því sem hann vill miðla. Snapchat og mynd­­for­­rit­ið Instagram gefa tæki­­færi fyrir hvern og einn að skapa sér ákveðna per­­sónu og sjálfs­­mynd. Mög­u­­lega fegraða með ýmsum leið­­um. „Li­ke-in“, deil­ing­­arnar og fjöldi fylgj­enda eru síðan þeir mæli­kvarðar sem eru not­aðir á virði per­­són­unn­­ar. Enda mætti segja að við séum með sköpun okkar á eigin sam­­fé­lags­miðla­per­­sónu að gefa færi á því að vera dæmd og dæma sjálf. Við erum hinar nýju raun­veru­­leika­­stjörn­­ur. 

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Allir þurfa helst að eiga heima einhversstaðar. Og flestir þurfa að taka lán til þess að geta keypt sér heimili.
Ár óverðtryggðu lánanna
Íslendingar eru að sækja meira í óverðtryggð lán en nokkru sinni áður, samhliða vaxtalækkun Seðlabanka Íslands. Hratt lækkandi verðbólga gerir það þó að verkum að verðtryggðu lánin er enn í mörgum tilfellum hagstæðari.
Kjarninn 25. janúar 2020
Matthildur Björnsdóttir
Sköpun versus það sem menn sögðu að væri almættið
Kjarninn 25. janúar 2020
Vilja að ekki verði hvoru tveggja beitt álagi og annarri refsingu vegna sama skattalagabrots
Nefnd um rannsókn og saksókn skattalagabrota leggur til að hætt verði að beita álagi við endurákvörðun skatta þegar mál fer í refsimeðferð.
Kjarninn 25. janúar 2020
Erlendum ríkisborgurum gæti fjölgað um einn Garðabæ út 2023
Útlendingum sem fluttu til Íslands fjölgaði um rúmlega fimm þúsund í fyrra þrátt fyrir efnahagssamdrátt. Þeir hefur fjölgað um 128 prósent frá byrjun árs 2011 og spár gera ráð fyrir að þeim haldi áfram að fjölga á allra næstu árum.
Kjarninn 25. janúar 2020
Kristbjörn Árnason
Hrunadans nútímans
Leslistinn 25. janúar 2020
Kórónaveiran: Heimshorna á milli á innan við 30 dögum
Það var ekkert leyndarmál að á fiskmarkaðinum í Wuhan var hægt að kaupa margt annað en fisk. 41 hefur látist vegna veirusýkingar sem rakin er til markaðarins.
Kjarninn 25. janúar 2020
Stefán Ólafsson
Nýfrjálshyggju Miltons Friedman hafnað í Bandaríkjunum og Davos
Kjarninn 25. janúar 2020
Samdráttur í flugi lagar losunarstöðuna
Losun gróðurhúsalofttegunda frá flugi dróst verulega mikið saman í fyrra. Það er ein hliðin á miklum efnahagslegum og umhverfislegum áhrifum af minni flugumferð eftir fall WOW Air og kyrrsetninguna á 737 Max vélum Boeing.
Kjarninn 24. janúar 2020
Meira úr sama flokkiFólk
None