Fillon sekkur, Macron stekkur

François Fillon forsetaframbjóðandi Repúblikana í Frakklandi er í vondum málum vegna „Penelope Gate“.

Francois Fillon mars
Auglýsing

François Fillon for­seta­fram­bjóð­andi Repúblik­ana í Frakk­landi er í vondum málum og er boð­aður þann 15. mars til rann­sókn­ar­dóm­ara þar sem opin­ber rann­sókn mun vænt­an­lega hefj­ast. Stuðn­ings­menn Juppé vilja að hann taki við. Á sama tíma nálg­ast fyrrum efna­hags­ráð­herra François Hollande, Emmanuel Macron sem er sjálf­stæður fram­bjóð­andi, Mar­ine Le Pen frá Þjóð­ern­is­fylk­ing­unni í skoð­ana­könn­un­um. Hann kynnti stefnu sína í gær. 

Á mið­viku­dags­morgun aflýsti François Fillon heim­sókn sinni á land­bún­að­ar­sýn­ing­una í París sem nú stendur yfir og hver ein­asti fram­bjóð­andi til for­seta í Frakk­landi heim­sækir og boð­aði til blaða­manna­fundar á hádegi sem hófst hálf­tíma á eftir áætl­un. Margir voru farnir að búast við stór­tíð­indum og spurn­ingar vökn­uðu um hvort fram­bjóð­and­inn myndi draga sig út úr bar­átt­unni. Þegar Fillon loks­ins birt­ist til­kynnti hann að rann­sókn­ar­dóm­ari hefði boðað hann til yfir­heyrslu og að opin­ber rann­sókn færi vænt­an­lega af stað. Fillon ætlar þó ekki að hætta við fram­boð sitt og sakar dóms­kerfið um að ofsækja sig fyrir hönd vald­hafa. Hann tal­aði um opin­bera póli­tíska aftöku og að for­seta­kosn­ing­arnar væru hnepptar í gísl­ingu. Fillon sagði að hann myndi ekki láta undan og drægi sig ekki í hlé, aðeins dómur kjós­enda væri mark­tæk­ur. Staðan er þó sú að engar sýni­legar sann­anir hafa fund­ist sem sýna að Pen­elope eig­inkona hans og tvö af börnum þeirra, Marie og Charles, hafi leysti þá vinnu af hendi sem þeim var greitt fyr­ir. Þar stendur hníf­ur­inn í kúnni, hér er ekki aðeins rætt um  þá stað­reynd að þing­menn ráða fjöl­skyldu­með­limi sem aðstoð­ar­menn heldur einnig greiðslur fyrir óunna vinnu og því fjár­svik.

Við­brögðin voru marg­vís­leg í gær eftir fund­inn og greini­lega komnir brestir í stuðn­ing framá­manna í flokkn­um. Bruno Le Maire sem var einn af sex mót­fram­bjóð­endum Fillons í for­kosn­ing­unum í nóv­em­ber sagði sig úr kosn­inga­stjórn­inni í gær ásamt nokkrum þing­mönnum úr sínum stuðn­ings­manna­hópi. UDI sem eru sam­tök hægri­m­iðju­manna sem voru um það bil að skrifa undir sam­komu­lag við Repúblik­ana um skipt­ingu kjör­dæma í þing­kosn­ing­unum í júní sem fylgja for­seta­kosn­ing­un­um, hafa dregið sig í hlé og koma saman eftir helgi til að taka form­lega ákvörðun hvort þeir hætti stuðn­ingi við Fillon. Fleiri þing­menn Repúblik­ana hafa lýst því yfir að þeir telji ófært að Fillon haldi áfram og hvetja hann til að hætta. Annar skorar á flokk­inn að finna nýjan fram­bjóð­anda. Flótt­inn hélt svo áfram í gær þegar talan var komin upp í sex­tíu þing­menn sem neita að halda áfram, tveir aðstoð­ar­kosn­inga­stjórar hættu ásamt einu tutt­ugu starfs­mönnum á aðal­skrif­stofu fram­bjóð­and­ans. 

Auglýsing

Í öllum fjöl­miðlum er rætt um málið og fáir eru til að verja fram­bjóð­and­ann. Í leið­ara síð­deg­is­blaðs­ins Le Monde segir meðal ann­ars að það séu ekki rann­sókn­ar­dóm­arar sem hneppi kosn­ing­arnar í gísl­ingu heldur François Fillon sjálfur með því að setja sig í stöðu fórn­ar­lambs. Kosn­inga­bar­áttan snýst ekki lengur um að ræða fram­tíð lands­ins sem almenn­ingur bíði eftir heldur hvort hann sé hæfur eða ekki og hvort hann eigi að hætta. Kosn­inga­stjórn Fillons hefur ákveðið að efna til stuðn­ings­göngu á sunnu­dag en þetta fer mjög illa í suma í flokknum sem telja það ófært að stefna almenn­ingi gegn dóm­urum og eru hræddir um að til upp­þota komi. Einnig tala menn um aðförð að lýð­veld­inu, að fram­bjóð­andi neiti að við­ur­kenna dóms­valdið og það sá sem á sam­kvæmt stjórn­ar­skrá fimmta lýð­veld­is­ins á að vera verj­andi þess og trygg­ing sjálf­stæðis þess verði hann kos­inn. Jafn­vel hefur verið talað um „Trump-­lega“ aðferða­fræði Fillons. Í fréttum í morgun er kemur fram að harð­asti kjarn­inn í kringum Fillon sem ætlar að smala fólki fyrir sunnu­dags­göng­una séu þeir sem börð­ust hvað mest gegn sam­kynja hjú­skap­ar­lögum sem sam­þykkt voru 2013.

Emmanuel Macron, frambjóðandi En Marche!. MYND:EPANú er að nýju talað um „plan-B“, að ein­hver annar taki við sem fram­bjóð­andi og stuðn­ings­menn Alain Juppé fyrrum for­sæt­is­ráð­herra eru farnir að safna með­mæl­endum fyrir hann en í Frakk­landi geta aðeins kjörnir full­trúar mælt með for­seta­fram­bjóð­anda og þarf 500 und­ir­skrift­ir. Með­mælum þarf að skila 17. mars og því er tím­inn knapp­ur. Sömu­leiðis eru tæpir tveir mán­uðir í fyrri umferð kosn­ing­anna og því stuttur tími fyrir nýjan fram­bjóð­anda í kosn­inga­bar­átt­una. Þar er annað vanda­mál því Nicolas Sar­kozy fyrrum for­seti er sagður þver­taka fyrir að Juppé verði í fram­boði. Þetta gæti skýrst um helg­ina.

Á sama tími kynnir Emmanuel Macron, fyrr­ver­andi efna­hags­ráð­herra og fram­bjóð­andi hreyf­ing­ar­innar „En marche“ sem útleggst: Á Hreyf­ingu, stefnu sína en hann hafði verið gagn­rýndur fyrir að hafa enga. Hann vill koma land­inu á hreyf­ingu og not­aði aðferðir Barak Obama við und­ir­bún­ing­inn. Mán­uðum saman hafa sjálf­boða­liðar gengið í hús og talað við fólk. Hér er á ferð­inni frjáls­lyndur sós­í­al-demókrati sem minnir dálítið á Tony Blair í Bret­landi og Ger­ard Schröder Þýska­lands fyrir tutt­ugu árum. Hann vill bylta atvinnu­leys­is­bóta­kerf­inu og inn­leiða ákveðið „flex­i-­ör­yggi“ sem gæti minnt á skand­in­av­íska aðferða­fræði. Einnig á að sam­eina eft­ir­launa­kerfið í eitt sem myndi þýða að opin­berir starfs­menn missa sitt sér­rétt­inda­kerfi. Macron vill sið­væða stjórn­mál og meðal ann­ars banna þing­mönnum að ráða fjöl­skyldu­með­limi sem kemur lík­lega ekki á óvart eins og umræðar er. Emmanuel Macron sem hefur verið að síga fram úr Fillon í skoð­ana­könn­unum síðan Pen­elopegate komst í umræð­una fyrir mán­uði og nálg­ast nú Mar­ine Le Pen sem er með 26-27 pró­sent í könn­un­um. Macron er með um 25 pró­sent. Þetta er einnig að þakka sam­komu­lagi sem hann gerði við miðju­mann­inn  François Bayrou í síð­ustu viku. Bayrou hefur í þrí­gang verið for­seta­fra­mjóð­andi og náði hæst í 18 pró­sent 2007. Með honum fylgir smá­flokk­ur­inn Modem (Modern Democra­te) og um fimm pró­senta fylgi. Eins og staðan er nú lítur sem sagt allt út fyrir að Macron verði í annarri umferð for­seta­kosn­ing­anna 7. maí og mæti Le Pen og þar myndi hann vinna hana með yfir­burð­um, um 60 pró­sent­um. Þetta er sögu­legt því þá yrðu hvorki fram­bjóð­andi hins klass­íska hægri flokks né vinstri í annarri umferð. 

Annað sem er ein­kenni­legt er að þó að skrif­stofu­stjóri Mar­ine Le Pen sem var á launum sem aðstoð­ar­maður á Evr­ópu­þing­inu sæti nú rann­sókn og að Le Pen hafi neitað að mæta til dóm­ara og svara spurn­ingum og notar til þess þing­helgi þá hefur það í augna­blik­inu ekki áhrif í skoð­ana­könn­un­um. Nú hefur hins vegar Evr­ópu­þingið svipt hana þing­helgi til að svara fyrir sakir í öðru máli, hið svo­kall­aða „Tweet-­mál“. Þar er Le Pen ákærð fyrir að hafa dreift myndum frá Daech sem sýndu aftöku gísls sem hún tengdi við múslima. Þetta breytir þó engu um ásak­anir um fjár­drátt á Evr­ópu­þing­inu en gæti þýtt að þing­helg­inni yrði aflétt að nýju og að Mar­ine Le Pen geti ekki skot­ist undan dóm­urum frekar en aðr­ir. Hún hefur eins og Fillon talað um póli­tískar ofsóknir vald­hafa þó rann­sóknin renni undan rifjum Evr­ópu­sam­bands­ins. 

Pistill­inn birt­ist einnig á vef­­svæði Berg­þórs.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Sacky Shanghala var dómsmálaráðherra Namibíu þar til á miðvikudag, þegar hann sagði af sér vegna Samherjamálsins.
Bankareikningar mútuþega í Samherjamálinu í Namibíu frystir
Yfirvöld í Namibíu eru búin að frysta bankareikninga í eigu tveggja lykilmanna í Samherja-málinu. Annar þeirra var dómsmálaráðherra landsins og hinn er tengdasonur fyrrverandi sjávarútvegsráðherra.
Kjarninn 17. nóvember 2019
Mikið velti á áhættudreifingu lífeyrissjóðanna
Breytt aldurssamsetning þjóða og áhrif hennar á lífeyrissjóðakerfið eru á meðal þess sem fjallað er um í nýrri skýrslu framtíðarnefndar forsætisráðherra. Að mati nefndarinnar er mikilvægt að íslenskum lífeyrissjóðum takist vel til í áhættudreifingu.
Kjarninn 17. nóvember 2019
Gefa út bókina „Ekkert að fela“ um Samherjamálið á morgun
Teymið sem vann Kveiks-þáttinn um Samherja og viðskiptahætti fyrirtækisins í Afríku hefur skrifað bók um málið. Hún kemur út á morgun.
Kjarninn 17. nóvember 2019
Talnastuð
Safnað fyrir jólaspilaverkefninu í ár á Karolína fund.
Kjarninn 17. nóvember 2019
Jósep Ó.Blöndal
Uppsagnir – A la Sopranos
Kjarninn 17. nóvember 2019
Flosi Þorgeirsson
Maður er nefndur Jack Parsons
Kjarninn 17. nóvember 2019
Fræða ferðamenn um góða sjúkdómsstöðu íslenskra búfjárstofna
Landbúnaðarráðherra telur mikilvægt að ferðamenn fái fræðslu um góða sjúk­dóma­stöðu íslenskra búfjár­stofna og hversu við­kvæmir þeir eru fyrir nýju smit­i. Því verða sett upp veggspjöld með þeim upplýsingum á helstu komustöðum til landsins.
Kjarninn 17. nóvember 2019
Kristján Þór Júlíusson, sjávarútvegsráðherra.
Sjávarútvegsráðherra boðaður á fund atvinnuveganefndar
Rósa Björk Brynjólfsdóttir, þingmaður Vinstri grænna, hefur óskað eftir því að sjávarútvegsráðherra komi fyrir atvinnuveganefnd og ræði meðal annars afleiðingar Samherjamálsins á önnur íslensk fyrirtæki og greinina í heild sinni.
Kjarninn 17. nóvember 2019
Meira úr sama flokkiFólk
None