Ísland er „ofboðslega dýrt“

Draumaferðalagið hennar Ritu var til Íslands. Willem, kærastinn hennar, gaf henni ferðalagið í afmælisgjöf. Þau hafa verið á flakki um Ísland í tvær vikur og kunna vel við land og þjóð, þó það sé heldur dýrt hér fyrir þeirra smekk.

Willem og Rita hafa verið á ferðalagi á Íslandi undanfarnar tvær vikur. Þau ætla að fara út að borða í Reykjavík í kvöld. Það verður í fyrsta sinn í ferðinni sem þau leyfa sér slíkan munað, endan segja þau Ísland vera ofboðslega dýrt land fyrir ferðalanga
Willem og Rita hafa verið á ferðalagi á Íslandi undanfarnar tvær vikur. Þau ætla að fara út að borða í Reykjavík í kvöld. Það verður í fyrsta sinn í ferðinni sem þau leyfa sér slíkan munað, endan segja þau Ísland vera ofboðslega dýrt land fyrir ferðalanga
Auglýsing

„Við byrj­uðum í Kefla­vík fyrir tveimur vikum síð­an,“ segja Rita og Willem, tveir ferða­langar sem voru staddir á Drangs­nesi þegar blaða­maður Kjarn­ans átti þar leið hjá. Ferða­manna­tíma­bilið á Drangs­nesi er ekki nærri því byrj­að, þó gisti­heim­ilið sé opnað ber­ist bók­anir um vet­ur­inn. Rita og Willem voru þess vegna einu ferða­menn­irnir á gisti­heim­il­inu á skír­dag.

„Þetta hefur verið draum­ur­inn minn í langan tíma að koma til Íslands og Willem gaf mér þessa ferð í afmæl­is­gjöf,“ segir Rita og Willem er fljótur að benda á í gríni að þetta sé síð­asta afmæl­is­gjöfin til hennar í tíu ár, svo mikið hafi hún kost­að.

Þau hafa ferð­ast á bíla­leigu­bíl eftir hring­veg­inum und­an­farnar tvær vikur og hafa gist á gisti­heim­ilum víða um land­ið. Þau fljúga heim til Belgíu í dag þar sem þau búa. Rita er lett­nesk en Willem er Belgi.

Auglýsing

Willem og Rita ákváðu að koma í apr­íl, á meðan það er enn vetur á Íslandi, því þá myndu þau síður lenda í vand­ræðum vegna mann­mergðar og upp­bók­ana. „Okkur þykir skemmti­legra að ferð­ast með lítil plön. Við viljum ákveða hvar við gistum næstu nótt á ferð­inni. Ef við myndum koma um sumar þyrftum við að skipu­leggja það í þaul­a,“ segir Rita.

„Þetta hefur verið geggj­að. En maður finnur líka fyrir krafti nátt­úr­unn­ar,“ segir Rita. „Ég vissi alltaf af veðr­inu og hélt að við myndum alltaf ráða við það. En svo var bara hellidemba framan af ferð­inni. Hún hætti aldrei og við vorum sífellt renn­andi blaut og okkur var kalt. Þá fer maður að missa áhug­ann á þessum helstu stöð­um. Og maður hugs­ar: „Annar foss! Komm on!“

„En þegar maður kemst í gegnum þessar til­finn­ingar – þegar nátt­úran er búin að brjóta þig niður – og maður áttar sig á að allt snýst um veðrið hér þá getur maður notið þess. Við höfum verið mjög heppin með veður síðan þá.“

Rita seg­ist alveg höndla snjó­inn enda komi hún frá Lett­landi þar sem hún lærði að aka í snjó. „Ég veit hvernig snjór er og það er ekk­ert svo slæmt að lenda í hon­um.“

Mun dýr­ara hér en þau héldu

Willem segir ferð­ina hafa verið mjög áhuga­verða. „Ég kann vel við land­ið. Ég hef gaman af úti­ver­unni, fjall­göng­unum og ferða­lag­inu. Það hefur einnig verið auð­velt að ferð­ast hér. Við höfðum fullt að skoða og það var ein­falt að finna allt sem okkur lang­aði að sjá. Og allar upp­lýs­ingar var auð­velt að nálgast, eins og hvernig færðin á veg­unum yrð­i.“

Spurð hvers vegna þau ákváðu að koma á Drangs­nes segj­ast þau hafa langað til þess að koma á Vest­firði en að þau hafi heyrt að það væri erf­ið­ara á vet­urn­ar. „Svo frá hring­veg­inum var auð­veld­ast að koma hing­að,“ segir Willem. „Fyrir mig er svo­lítið merki­legt að koma í þessa litlu bæi því í Belgíu eru engir bæir, bara borg­ir.“

Rita segir að þau hafi reynt að kom­ast upp með að gera ferð­ina sem ódýrasta. Það hafi hins vegar reynst nokkuð erfitt að sam­ræma vænt­ingar við vesk­ið. „Við eigum ekki enda­lausan pen­ing. Við ætl­uðum að gista í heimagist­ing­um, eins og Air­BnB, en það kom í ljós að það væri í raun mun dýr­ara en að vera á gisti­heim­il­u­m,“ segir Rita. „Okkur finnst skemmti­legra að vera í heimagist­ingum því þá hittir maður fólkið sem býr hérna. Alls staðar ann­ars staðar eru bara túrist­ar. Á gisti­heim­il­unum hafa heima­menn­irnir ekki tíma fyrir túristana og maður getur ekki rætt við það.“

Haf­iði blandað miklu geði við heima­fólk?

„Fólkið hér er vina­legt en það er ekki eins og við höfum hitt marga. Sam­skiptin eru yfir­leitt snubb­ótt, okkur er bara vísað til her­bergis og þá er það búið,“ segir Willem og þau hlæja.

Rita segir það samt vera leið­in­legt því ferða­lagið snú­ist einnig um að hitta fólk. „Fyrir mér snýst ferða­lagið raun­veru­lega meira um að hitta fólk. En hér sér maður eig­in­lega ekki fólk­ið, hér snýst allt um nátt­úr­una og minna um fólk­ið. Kannski er það bara hluti af Íslandi og Íslands­upp­lifun­inn­i...“

Rita og Willem ræddu mikið um að þeim fynd­ist Ísland dýrt. „Ekki svo­lítið dýrt, heldur ofboðs­lega dýrt,“ leið­réttir Rita þegar spurn­ingin um verð­lagið er borin upp. Þau segj­ast vera með með­al­laun fyrir sína vinnu í Belgíu en þegar þau koma hingað verði þau að lifa veru­lega spar­lega.

„Okkur þykir eðli­legt að geta farið út að borða einu sinni á dag þegar við ferð­um­st,“ útskýrir Rita. „Hér er það bara ekki mögu­legt. Svo við höfum eldað mat sjálf á þeim gisti­heim­ilum þar sem hefur verið aðstaða til þess. Við ætlum samt að leyfa okkur að fara út að borða síð­asta kvöldið í Reykja­vík.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Lilja D. Alfreðsdóttir, mennta- og menningarmálaráðherra.
Úthlutar 400 milljónum til einkarekinna fjölmiðla
Mennta- og menningarmálaráðherra hefur undirritað reglugerð um stuðning við einkarekna fjölmiðla.
Kjarninn 6. júlí 2020
Icelandair flutti rúmlega 18 þúsund farþega í júní
Icelandair flutti rúmlega 18 þúsund farþega í júnímánuði, en flutti 553 þúsund farþega í sama mánuði í fyrra. Mun minni samdráttur hefur orðið í fraktflutningum hjá félaginu.
Kjarninn 6. júlí 2020
Katrín Jakobsdóttir, forsætisráðherra.
Katrín: Ég vonast til þess að við finnum lausn á þessu máli
Forsætisráðherrann hefur tjáð sig um þá ákvörðun Íslenskrar erfðagreiningar að hætta að skima fyrir COVID-19 sjúkdómnum.
Kjarninn 6. júlí 2020
Veirufræðideildin ekki í stakk búin til að taka við fyrr en í lok ágúst
Karl G. Kristinsson, yfirlæknir á sýkla- og veirufræðideild Landspítala, segist vonast til þess að Kára Stefánssyni snúist hugur varðandi aðkomu Íslenskrar erfðagreinar að landamæraskimunum. Deildin sé ekki tilbúin til að taka verkefnið að sér strax.
Kjarninn 6. júlí 2020
Kári Stefánsson
Íslensk erfðagreining mun hætta öllum samskiptum við sóttvarnalækni og landlækni
„Okkar skoðun er sú að öll framkoma þín og heilbrigðismálaráðherra gagnvart ÍE í þessu máli hafi markast af virðingarleysi fyrir okkur,“ segir í opnu bréfi Kára Stefánssonar til Katrínar Jakobsdóttur.
Kjarninn 6. júlí 2020
Kjarnafæði og Norðlenska renna saman í eitt eftir tveggja ára viðræður
Norðlenska og Kjarnafæði hafa náð samkomulagi um samruna félaganna tveggja. Hátt í 400 manns vinna hjá þessum fyrirtækjum í dag. Samruninn er háður samþykki Samkeppniseftirlitsins og um 500 bænda, sem eiga Norðlenska í sameiningu.
Kjarninn 6. júlí 2020
Björn Bjarnason afhendir hér Guðlaugi Þór Þórðarsyni skýrsluna.
Norðurlöndin ættu að móta sameiginlega stefnu gagnvart auknum áhuga Kína
Björn Bjarnason fyrrverandi ráðherra hefur skilað af sér skýrslu um öryggis- og utanríkismál til utanríkisráðherra Norðurlandanna. Þar leggur hann til 14 tillögur um norrænt samstarf til framtíðar.
Kjarninn 6. júlí 2020
Drífa Snædal, forseti ASÍ.
Ferðaþjónustufyrirtæki axli þegar í stað ábyrgð á brotum gegn erlendu starfsfólki
ASÍ kallar eftir því að loforð Lífskjarasamninganna um lagalegar heimildir til refsinga vegna brota á kjarasamningum verði uppfyllt, enda sé ólíðandi að slík brot, sem séu hreinn og klár þjófnaður, viðgangist refsilaust.
Kjarninn 6. júlí 2020
Meira úr sama flokkiFólk
None