(Ó)hollusta kókosolíu

Þær upplýsingar sem dynja á Íslendingum, og allri heimsbyggðinni, um ágæti kókosolíu byggja fyrst og síðast á löngun framleiðenda til að selja vöruna sína, ekki raunveruleikanum.

Kókoshneta
Auglýsing

Fyrir ekki svo löngu síðan var sú manneskja vandfundin á Íslandi sem hafði reynslu af kókosolíu en í dag hafa sennilega allir smakkað hana og fjölmargir skipt út annarri olíu fyrir kókosolíuna. Ástæðan er sú að þrátt fyrir það að vera á föstu formi við herbergishita er kókosolían talin mjög holl olía.

Olíur eru samsettar úr margskonar fitusýrum. Sumar þeirra eru mjög hollar og jafnvel lífsnauðsynlegar meðan aðrar fitusýrur eru minna hollar og jafnvel skaðlegar. Þær síðarnefndu geyma t.d. fitur sem eru sagðar mettaðar. Mettaðar fitur eru erfiðari niðurbrots fyrir líkama okkar og geta þær valdið hækkun á slæmu kólesteróli í blóði. Þetta gildir ekki um ómettaðar og þá sérstaklega fjölómettaðar fitur.

Góð leið til að meta hvaða olíur innihalda mikið af mettuðum fitum er að skoða hvernig olían er við herbergishita. Þumalputtareglan er sú að olíur/fitur sem eru á föstu formi við herbergishita innihalda svo mikið af mettuðum fitusýrum að þær teljast óhollar. Svo virðist sem þessi þumalputtaregla gildi líka um hina margrómuðu kókosolíu, þrátt fyrir allt.

Auglýsing

Í rannsókn sem American Heart Association byggir nýjustu ráðleggingar sínar á, kemur fram að magn ómettaðra fitusýra í kókosolíu er um 82%, það er jafnvel hærra en í smjör sem mældist 63%. Til samanburðar má nefna að ólífuolía, sem er mjög holl, inniheldur 14%.

Fyrir flesta heilbrigða einstaklinga hefur þetta háa hlutfall mettaðra fitu ekki teljandi áhrif, þ.e. ef hennar er neytt í hæfilegu magni. Hins vegar ef einstaklingur hefur mælst með of hátt kólesteról í blóði getur inntaka á kókosolíu haft neikvæð áhrif á þróun þess ástands. Hátt kólesteról getur leitt til æðaþrengsla, því fitan getur sest til inní æðunum, sem svo getur leitt til stíflu og jafnvel hjartaáfalls.

En hvers vegna dynja á okkur upplýsingar um ágæti kókosolíunnar? Svarið er einfalt: frábær markaðssetning! Það getur verið erfitt að skilja úr hvaða skilaboð úr umhverfinu eru byggð á raunveruleikanum og hvað er byggt á löngun framleiðenda til að selja vöruna sína. Því miður virðist það síðarnefnda hafa ráðið för þegar kemur að fullyrðingum um kókosolíu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiFólk