Óhollt matarræði kveikir á ónæmiskerfinu

Mýs sem neyta vestrænnar fæðu eru með mun fleiri hvít blóðkorn á sveimi en þær sem borða hefðbundna músafæðu.

Kleinuhringir
Auglýsing

Þrátt fyrir að stöðugar fram­farir lækna­vís­ind­anna geri okkur kleift að lifa lengur en for­feður okkar gerðu þá mun stöðug hækkun hámarks­ald­urs nú fljót­lega ná topp­in­um. Ástæðan er sú að lifn­að­ar­hættir okkar hér í hinum vest­ræna vel­meg­un­ar­heimi ýta undir alls kyns lífstílstengda sjúk­dóma.

Til að stemma stigu við þessu hafa margir vís­inda­hópar reynt að beina sjónum sínum frekar að orsök sjúk­dómanna frekar en að finna lækn­ingu við þeim. Ein slík rann­sókn sem unnin var í músum birt­ist á dög­unum í Cell og segir ótrú­lega sögu um hvern­ig matar­æð­i hefur áhrif á ónæm­is­kerfið okk­ar.

Rann­sókn­ar­hóp­ur­inn bar saman tvo músa­hópa sem fengu mis­mun­andi fæðu. Annar fékk fæðu sem inni­hélt mikið af fitu og sykri en lítið af trefjum sem kall­ast í rann­sókn­inni vest­ræn fæða. Hinn hóp­ur­inn, við­mið­un­ar­hóp­ur­inn, fékk hins vegar hefð­bundna fæðu fyrir mýs. Til að meta áhrif fæð­unnar á ónæm­is­kerfi mús­anna voru tekin blóð­sýni úr ein­stak­lingum innan beggja hópa og hvítu blóð­kornin greind.

Auglýsing

Í ljós kom að sá hópur sem neytti vest­rænnar fæðu hafði mun fleiri hvít blóð­korn á sveimi í blóð­inu. Hvít blóð­korn eru frumur sem til­heyra ónæm­is­kerf­inu og mik­ill fjöldi þeirra í blóði er oft­ast til­kom­inn vegna sýk­ing­ar. Í þessu til­felli var ekki um sýk­ingu að ræða heldur óhefð­bund­ið matar­æði, en lík­ami mús­anna brást við eins og sýk­ingu væri að ræða.

Þeg­ar frumu­gerð­ir voru greindar kom einnig í ljós að þarna voru aðal­lega á ferð­inni frumur sem sinna fyrstu við­brögðum ónæm­is­kerf­is­ins. Til að rýna enn dýpra í það hvað var á seyð­i inn í lík­ama mús­anna voru ein­angr­aðar frumur úr bein­merg, þar sem vefja­sér­hæfðar stofn­frumur ónæm­is­kerf­is­ins búa.

Þegar stofn­frum­urnar voru skoð­aðar m.t.t. gena­tján­ingar þeirra kom í ljós að þar hafði verið opnað fyrir tján­ingu á genum sem örva frumu­skipt­ingu og þroskun nýrra ónæm­is­frumna. Slíkar breyt­ingar á tján­ing­ar­mynstri eru nauð­syn­legar þegar ónæm­is­kerfið þarf að bregð­ast við sýk­ingu.

Því miður virt­ust þessar breyt­ingar ekki ganga til baka, jafn­vel fjórum vikum eftir að mýsnar hættu að fá vest­rænt fæði. Eftir að rann­sókn­ar­hóp­ur­inn hætti að gefa mús­unum vest­rænt fæði, fækk­aði hvítum blóð­kornum á nýjan leik, þ.e. ónæm­is­svarið hjaðn­aði en erfða­efni vefja­sér­hæfðu stofn­frumn­anna var þó enn opið fyrir tján­ingu gena sem stuðla að þroskun nýrra frumna. Það þýðir að ónæm­is­kerfið er næmara fyrir smá­vægi­legum breyt­ingum sem gætu leitt til óþarfa bólgu­svars.

Miðað við þessar nið­ur­stöður má draga þá ályktun að með óhollu fæði erum við að ýta undir stöðugt bólgu­svar ónæm­is­kerf­is­ins. Það er sér­stak­lega áhuga­vert í ljósi þess að marga lífstílstengda sjúk­dóma í hinum vest­ræna heima má rekja til stöðugra bólgna í lík­am­an­um, svo sem gigt, sjálfsof­næm­is­sjúk­dóma eða hjarta- og æða­sjúk­dóma.

Næstu skref hjá rann­sókn­ar­hópnum eru vænt­an­lega að skoða hvort sam­bæri­leg áhrif vest­rænnar fæðu er að finna í mönn­um, en mögu­lega talar sjúk­dóma­tíðnin þar sínu máli. Það verður spenn­andi að fylgj­ast með kom­andi rann­sóknum á þessu sviði. Þangað til hvetjum við alla til að borða trefj­a­ríka og holla fæðu.

Þessi frétt birt­ist líka á hvat­inn.is

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Þórdís Kolbrún Reykfjörð Gylfadóttir er utanríkisráðherra.
Inga Hrefna nýr aðstoðarmaður Þórdísar Kolbrúnar
Utanríkisráðherra er nú komin með tvo aðstoðarmenn. Alls má ríkisstjórnin ráða 27 aðstoðarmenn. Laun og starfs­­kjör aðstoð­­ar­­manna ráð­herra mið­­ast við kjör skrif­­stofu­­stjóra í ráðu­­neytum sam­­kvæmt ákvörð­unum kjara­ráðs.
Kjarninn 12. ágúst 2022
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Meira úr sama flokkiFólk