Apple kynnir þrjá nýja síma og endurhannað Apple Watch

Gunnlaugur Reynir Sverrisson umsjónarmaður Tæknivarpsins fer yfir það helsta sem kom fram á kynningu Apple í gær.

Verslun Apple í New York.
Verslun Apple í New York.
Auglýsing

Í gær hélt Apple sinn árlega sept­em­ber við­burð. Eins og kom fram í úttekt okkar um það sem mátti vænta af við­burð­inum þá var orðrómur um ýmsar mögu­legar vörur og eft­ir­vænt­ingin því umtals­verð. Eins og í fyrra fór við­burð­inn fram í Steve Jobs Thea­ter sem stendur við nýju höf­uð­stöðvar Apple.

Apple Watch 4

Apple Watch 4

Nýja úrið er end­ur­hannað að miklu leiti þótt það haldi í meg­in­dráttum í sama útlit. Skjár­inn stækkar um þriðj­ung og fyllir nú betur út í fram­hlið­ina. Sjálf úrin stækka örlít­ið. Minni útgáfan fer úr 38mm í 40mm og það stærra úr 42mm í 44mm. Apple nýtir þetta pláss fyrir nýjar og flókn­ari úrskífur með fleiri eig­in­leik­um. Frá því að Apple kynnti fyrsta úrið fyrir 3 árum hefur þeirra sýn á vör­una þró­ast tals­vert. Í stað þess að vera fram­leng­ing á sím­anum og leið til að eiga í sam­skiptum við vini og ætt­ingja þá er öll áhersla Apple nú á heilsu og hreyf­ingu. Nýju úrin nema það ef not­and­inn dettur og geta hringt sjálf­krafa í neyð­ar­lín­una ásamt því að senda skila­boð á ICE (In Case of Emergency) tengiliði ef not­and­inn hefur verið hreyf­ing­ar­laus í mín­útu eftir fall­ið. Einnig getur úrið hjálpað til við að finna óreglu­lega hjart­slátt og aðrar hjart­slátt­ar­trufl­an­ir. Stærsta breyt­ingin í þessa átt er að nú er úrið með inn­byggðu hjarta­línu­riti (ECG) sem er algjör bylt­ing fyrir þá sem þurfa að fylgj­ast náið með sínum hjartslætti og hefur ekki sést áður í neinu öðru snjallúri.

Auglýsing

iPhone XS og XS Max

iPhone XS og XS Max

Eins og búist var við kynnti Apple arf­taka iPhone X (les­ist tíu) sem kom í fyrra. Sá sími kall­ast iPhone XS sem mörgum finnst hljóma furðu nálæg enska orð­inu excess eða óhóf, varla sú hug­renn­inga­tengsl sem Apple vill hafa á sínum vör­um. En auð­vitað munum við öll segja æphón tenn ess þannig að þetta verður varla vanda­mál. iPhone XS er hefð­bundin S upp­færsla. Útlit sím­ans nán­ast eins fyrir utan að hann kemur núna í gylltum lit til við­bótar við svartan og hvít­an. Inn­volsið er hins vegar tals­vert breytt. Nýr A12 Fusion örgjörvi sem er tals­vert öfl­ugri, ný mynda­vél og upp­fært Face ID sem aflæsir sím­ann hraðar en áður. Í fyrsta sinn er sími frá Apple með stuðn­ingi við tvö SIM kort, annað hefð­bundið og hitt inn­byggt í sím­ann eða svo­kallað eSIM. Sú tækni er þó ekki kom­inn til Íslands og því óvíst hvenær við fáum þá virkni. Apple end­ur­tekur svo leik­inn frá 2014 þegar þeir kynntu iPhone 6 í tveimur stærð­um. XS Max er algjör­lega eins og iPhone XS…bara stærri. Það útskýrir líka nafna­breyt­ing­una. Áður hétu stærri símar Apple Plus sem var þá tengt því að stærri sím­inn hefði eitt­hvað til við­bótar t.d. betri mynda­vél eða jafn­vel tvær í stað einn­ar. Ekk­ert slíkt er fyrir hendi með XS Max, hann er ein­fald­lega stærri útgáfa af iPhone XS. Skjár­inn á XS er 6.5“ en ummál sím­ans er svipað og iPhone 8 Plus þökk sé nær ramma­lausri hönn­un­inni. Við­bót­ar­stærð­ina not­aði Apple þó til að setja aftur tengi fyrir heyrnatól…djók, þau eru dauð. Sættið ykkur við það.

iPhone XR

…að­eins eitt að lokum

En Apple kynnti ekki aðeins upp­færslur á flagg­skip­inu iPhone X heldur kynntu þeir iPhone XR sem er arf­taki iPhone 8. iPhone XR er nýi ódýri iPhone sím­inn. Sím­inn kostar það sama og iPhone 8 kost­aði í fyrra eða $749. Þó má geta að iPhone 8 var $50 dýr­ari en iPhone 7 sem var aftur $50 dýr­ari en iPhone 6S. iPhone 6S og allir hans for­verar höfðu kostað $649. Þessar hækk­anir eru að gera góða hluti fyrir afkomu Apple því sam­kvæmt síð­asta árs­upp­gjöri selur fyr­ir­tækið færri síma en áður en á tals­vert hærra verði fyrir hvert selt ein­tak sem skilar sér í meiri hagn­aði.

Skjá­stærð XR fellur mitt á milli XS og XS MAX eða 6.1“. Til að ná niður kostn­aði þá fórnar XR nokkru. Skjár­inn er LCD í stað OLED á og upp­lausnin tals­vert lak­ari en á iPhone XS þó skerpan sé á pari við iPhone 8. Aðeins ein mynda­vél er á bak­hlið­inni og sím­inn úr áli í stað rið­frís stáls á XS. En það er einnig margt sem XR fær frá flagg­skip­inu. Hann hendir út fingrafara­les­ara fyrir FaceID , hefur ramma­lausa hönnun og stærri skjá en Bæði iPhone 8 og 8 Plus hafa. Eins og með XS og XS Max styður XR tvö SIM kort. Mynda­vélin er sú sama en þó er aðeins ein linsa á XR. Sím­inn kemur svo í 6 mis­mun­andi lit­um.

Þrátt fyrir orðróm um alls­konar önnur tæki þá var ekki meira kynnt í gær. Lík­legt er að annar við­burður verði hald­inn í seinnipart októ­ber þar sem upp­færður iPad Pro og mögu­lega nýjar Mac­book far­tölvur verða kynntar en það á eftir að koma í ljós.

Tillagan um breytingu á skilyrðum fyrir stjórn FME kemur frá fjármálaráðuneytinu
Starfshópur fjallaði um hæfisskilyrði þeirra sem geta tekið sæti í stjórn Fjármálaeftirlitsins.
Kjarninn 20. nóvember 2018
Trump styður Sádi-Arabíu og olían hríðfellur
Eftir að Donald Trump lýsti yfir stuðningi við Sádí-Arabíu vegna morðsins á Jamal Khashoggi hrundi verðið á hráolíu.
Kjarninn 20. nóvember 2018
Raunverð fasteigna hækkað um 1,3 prósent undanfarið ár
Að teknu tilliti til verðbólgu hefur fasteignaverð lítið sem ekkert hækkað í eitt ár.
Kjarninn 20. nóvember 2018
Til lítils að fjölga leikskólarýmum ef leikskólarnir standa ómannaðir
Sjálfstæðismenn telja áætlanir meirihlutans í borginni ekki ganga upp.
Kjarninn 20. nóvember 2018
Baldur Blöndal
Gleymdur tími
Kjarninn 20. nóvember 2018
Bláa lónið
Grímur kaupir hlut Horns II í Bláa lóninu
Breyting hefur orðið á eignarhaldi í Bláa Lóninu en samningur hefur verið gerður um kaup Kólfs ehf., eignarhaldsfélags í meirihlutaeigu Gríms Sæmundsen, á hlut Horns II í Hvatningu hf. en Hvatning heldur á um 40% hlut í Bláa Lóninu hf..
Kjarninn 20. nóvember 2018
Heimavellir voru skráðir á markað fyrr á þessu ári.
Heimavellir ákveða að selja fleiri fasteignir
Í skráningarlýsingu Heimavalla frá því í vor kom fram að félagið ætlaði að selja fasteignir fyrir tíu milljarða fyrir árslok 2020. Nú hefur það ákveðið að selja eignir fyrir 17 milljarða á tímabilinu.
Kjarninn 20. nóvember 2018
Vandræði á Facebook
Gengið hefur brösulega fyrir notendur samfélagsmiðilsins Facebook að skoða efni á síðunni síðan í hádeginu í dag.
Kjarninn 20. nóvember 2018
Meira úr sama flokkiFólk