Apple kynnir uppfærða Macbook Air og nýjan iPad Pro

Apple kynnti allar nýjustu græjur og uppfærslur sem fyrirtækið hefur unnið að, á árlegri haustkynningu sinni í gær. Þetta er það sem bar hæst.

Ný Macbook air
Auglýsing

Í gær hélt Apple við­burð þar sem kynntar voru nýjar Mac tölvur ásamt end­ur­hönn­uðum iPad Pro. Ólíkt síð­ustu árum fór við­burð­ur­inn fram í New York og var því tals­vert fyrr á ferð­inni en ella. Lík­legt er að vinnu­fram­legð harðra Apple áhuga­manna hafi dalað eitt­hvað milli 14 og 16.

Við­burð­ur­inn fór fram í Brook­lyn Academy of Music, rúm­lega 150 ára gam­alli lista­mið­stöð sem leggur mikið upp úr því að sýna það fers­kasta hverju sinni. Við­burð­ur­inn hófst á mynd­skeiði sem var eins­konar ást­ar­játn­ing Apple til New York sem var fagnað ákaft í saln­um. Við­burð­ur­inn gekk vel og það væri gaman að sjá Apple færa minni við­burði út fyrir aust­ur­strönd­ina.

Auglýsing

End­ur­hönnuð Mac­book Air og upp­færður Mac mini

Apple hóf við­burð­inn á því að fara yfir makk­ann með mynd­skeiði sem sýndi allt klára, fal­lega, fræga fólkið sem elskar makk­ann sinn og notar hann við sköp­un. Lát­laust og svart­hvítt mynd­skeið með slag­orð­inu behind the mac.

Það var því við­eig­andi að fjalla næst um Mac­book Air,  þá Apple tölvu sem hefur náð að fjölga Mac not­endum hvað mest síð­ustu árin. Ný Air er ný  eins og nýr Porsche 911. Heldur í grunn formið og bætir það sem vant­aði með smá­at­rið­un­um. Stærsta breyt­ingin (og sú eina sem í raun hefði þurft að gera) er nýr Liquid ret­ina háskerpu­skjár. Skjá­stærðin er áfram 13.3“ en ramm­inn utan um skjá­inn er tals­vert minni. Vélin er einnig minni um sig og örlítið létt­ari. Tölvan kemur með tveimur Thund­er­bolt tengjum og heyrnatóla­tengi (átti það ekki að vera dautt?). Vélin kemur einnig með Touch ID fingrafara­les­ara í Lykla­borð­inu. Hátal­ar­arnir eru end­ur­hann­aðir og mikið bætt­ir.



Sumir myndu segja að með gömlu Air fór síð­asta Mac­book far­tölvan með góðu lykla­borði. Nýja vélin kemur með sama umdeilda lykla­borði og Mac­book Pro. Margir hata það og afar fáir virð­ast kjósa það frek­ar. Að öðru leyti er vélin rök­rétt fram­hald. Nógu öfl­ugur örgjörvi fyrir almenna vinnslu og grunn­týpan með of litlu minni og geymslu­plássi, 8GB og 128GB, þannig að flestir munu kaupa týpuna fyrir ofan grunn­týpuna. Það væri þó hugg­andi ef verðið væri áram $999 eins og for­ver­inn en í takt við verð­hækk­anir á iPhone þá kostar ný Air $200 meira en for­ver­inn. Það mun þó ekki breyta því að ný Air er virki­lega aðlað­andi pakki og ætti að vera í kringum (eða jafn­vel und­ir) 200.000 kr. hér á landi. Hún mun því vafa­laust selj­ast mjög vel.

Hin tölvan sem Apple kynnti var upp­færður Mac mini. Í orðróma­grein minni í gær þá spáði ég því hún yrði meiri Pro græja en núver­andi vél en það er erfitt að segja Apple hafi gengið svo langt. Vélin notar þó ekki lengur far­tölvu örgjörva og er FIMM SINNUM HRAЭARI. Sem er varla mikið afrek þegar þú berð hana saman við tölvu sem hefur ekki fengið upp­færslu í 3 ár. En til að vera sann­gjarn þá er afls­mun­ur­inn umtals­verður og fyrir rétt verð er hægt að fá öfl­uga borð­tölvu í litlum pakka. Talandi um pakk­ann þá er skelin nákvæm­lega sú sama og áður nema nú kemur hún í geim­gráum lit. Verðið hækkar einnig (í takt við þema Apple 2018) og eins og með Air þá er grunn­týpan svelt bæði minni og geymslu­plássi. En fyrir þá sem eiga vand­aðan skjá og vilja litla Apple borð­tölvu þá er Mac mini að minnsta kosti orðin val­kostur aft­ur.

iPad Pro

Ég skil vel ef þeir sem hafa lesið hingað í grein­inni eru að fá þá mynd að við­burð­ur­inn í gær hafi verið ótta­legt vind­högg.  Ást­lausar vörur fengu löngu nauð­syn­legar upp­færslur en ekki mikið meira. Nýr iPad Pro gefur þessum pæl­ingum snöggan, fastan, kinn­hest. Útgáfan sem kom í fyrra skildi aðra fram­leið­endur eftir í ryk­inu. Apple hefði vel getað haldið í þá hönnun næstu 1-2 árin með minni­háttar afl breyt­ing­um. En í stað þess kynnti Apple algjör­lega end­ur­hann­aðan iPad Pro sem færir for­skot Apple langt út fyrir sjón­deild­ar­hring­inn.



Nýr iPad Pro kemur í ramma­lausri hönnun í anda iPhone X. Tvær skjá­stærðir eru í boði, 11“ og 12.9“. Minnni iPad Pro er nú með stærri skjá í sama pakka og 10.5“ Pro hafði á meðan 12.9“ útgáfan er tals­vert minni um sig en heldur sömu skjá­stærð. Áhuga­vert er að nýr 12.9“ iPad Pro er nú létt­ari en fyrsta útgáfa iPa­d.  

Hönn­unin fær margt lánað frá fyrsta iPad og iPhone 4/5. Heim tak­inn er far­inn og í stað­inn er iPad Pro nú aflæst með Face ID og virkar aflæs­ingin óháð því hvernig hann snýr. Eig­endur iPad Pro síð­ustu ára finna varla fyrir afl­leysi. 2015 útgáfan af 12.9 flýgur t.d. á iOS 12 og er Því nokkuð öruggt að A12X Bionic örgjörvinn í nýja iPad Pro mun varla þurfa að svitna mikið fyrr en langt inn í seinna kjör­tíma­bil Trump.  Skjár­inn er auð­vitað betri, hátal­ar­arnir öfl­ugri og mynda­vél­arnar báðar end­ur­bætt­ar…eins og alltaf. Raf­hlöðu­end­ing er áfram 10 tím­ar. Ólíkt öllum öðrum snjall­tækjum Apple þá kemur nýr Pro með USB-C í stað Lightn­ing. Stærsti ávinn­ing­ur­inn af þessu er stuðn­ingur við 4K skjái og betri tengi­mögu­leikar við mynda­vél­ar. Einnig er svo hægt að hlaða iPhone beint úr iPad Pro með USB-C í Light­ing snúru. Eins og á iPhone er heyrnatóla­tengið farið og kemur aldrei aft­ur.



Nýr Pencil snjallpenni var einnig kynnt­ur. Pencil fest­ist við brún­ina á iPad með öfl­ugum seglum og fær einnig þráð­lausa hleðslu á meðan hann hvílir þar. Lykla­borðið er einnig end­ur­hannað og styður nú tvær halla­still­ingar á skján­um. Surface not­endur frussa út kaff­inu af hlátri yfir þessu á meðan iPad not­endur fagna örugg­lega ákaft.

Verðið hækkar (að sjálf­sögðu) um $150. Dýr­asti iPad sem hægt er að kaupa, 12.9“ með 1TB Plássi og 4G, kostar nú $1.899. Í raun mun ódýr­asti iPad Pro vænt­an­lega kosta meira en far­tölvur flestra. En þeir neyt­endur eru vænt­an­lega ekki mark­hóp­ur­inn. Ódýri 9.7“ iPad mun sjá um þennan mark­hóp áfram. iPad Pro 10.5 verður einnig áfram í boði á sama verði fyrir milli­stétt­ina.

Það er aug­ljóst að þegar Adobe kynnti fyrr í mán­uð­inum Photos­hop fyrir iPad þá var það hugsað fyrir þennan iPad. Alvöru vinnu­tæki með nægi­legt afl og geymslu­pláss (allt að 1TB) fyrir alvöru vinnu. Eina sem Apple þarf bara að gera er að sann­færa aðra app fram­leið­endur að iPad sé alvöru tölva sem þarf alvöru for­rit. Bara að Apple myndi nú leyfa alvöru vafra á iPa­d…en það er önnur umræða fyrir annan tíma.

Heilt yfir var þessi við­burður góð­ur. Gott flæði og lítið um óþarfa blað­ur. Lekar voru færri en fyrir mán­uði og margt sem kom á óvart. Það er aug­ljóst að á mörgum sviðum er Apple hætt að keppa á verð­um. iPhone þarf ekki að vera á verð­bili ann­arra síma. iPad þarf ekki að huga að verð­inu á Surface. Apple Watch er ekki að keppa við neinn annan fram­leið­anda snjallúra. Miðað við þær vörur sem fyr­ir­tækið hefur kynnt á síð­ustu vikum er lík­legt að fyr­ir­tækið haldi áfram að vera það verð­mætasta í heim­i.   

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Sigrún Sif Jóelsdóttir og Grant Wyeth
Hæstiréttur leiðir dómstóla á hættulega braut í málum barna
Kjarninn 28. september 2021
Þorkell Helgason
Kosningakerfið þarf að bæta
Kjarninn 28. september 2021
Seðlabankinn stendur við Kalkofnsveg sem kenndur er við kalkofn sem þar var í notkun á síðari hluta 19. aldar.
Varaseðlabankastjórar gerast ritstjórar
Kalkofninn er nýr vettvangur fyrir greinar um verkefni og verksvið Seðlabanka Íslands sem finna má á vef bankans. Kalkofninum er ætlað að höfða til almennings, atvinnulífs, fjölmiðla og fræðasamfélags.
Kjarninn 28. september 2021
Árni Páll Árnason.
Árni Páll skipaður í stjórn Eftirlitsstofnunar EFTA
Fyrrverandi formaður Samfylkingarinnar hefur gengt starfi varaframkvæmdastjóra Uppbyggingarsjóðs EES undanfarið. Hann hefur nú verið skipaður í stjórn ESA.
Kjarninn 28. september 2021
Þau fimm sem duttu inn á þing sem jöfnunarmenn síðdegis á sunnudag verða að óbreyttu þingmenn.
Listar yfir nýkjörna þingmenn sendir á yfirkjörstjórnir
Þeir fimm frambjóðendur sem duttu skyndilega inn á þing sem jöfnunarmenn eftir endurtalningu atkvæða í Norðvesturkjördæmi á sunnudag munu verða þingmenn á næsta kjörtímabili, nema Alþingi ákveði annað.
Kjarninn 28. september 2021
Raddir margbreytileikans
Raddir margbreytileikans
Raddir margbreytileikans – 9. þáttur: „Íkarus virti ekki viðvörunarorðin og hélt af stað“
Kjarninn 28. september 2021
Kristján Þór Júlíusson, sjávarútvegs- og landbúnaðarráðherra úthlutaði úr Matvælasjóði í liðinni viku.
Síldarvinnslan og félag í meirihlutaeigu Samherja fengu milljónir úr Matvælasjóði
Vel á sjötta hundrað milljóna var úthlutað úr Matvælasjóði fyrr í mánuðinum. Stór fyrirtæki í sjávarútvegi á borð við Síldarvinnsluna og Útgerðarfélag Reykjavíkur á meðal styrkþega.
Kjarninn 28. september 2021
Þórður Snær Júlíusson
Ný valdahlutföll og fleiri möguleikar leiða af sér öðruvísi ríkisstjórn
Kjarninn 28. september 2021
Meira úr sama flokkiFólk