Apple kynnir uppfærslur

Atli Stefán Yngvason fjallar um nýjustu uppfærslur Apple en þó svo að end­an­leg sölu­vara séu tækin frá fyrirtækinu eða þjón­usta sem tækin nýta, þá eru stýri­kerfin mik­ill áhrifa­þáttur í kaupá­kvörðun við­skipta­vina Apple.

Mynd: Apple
Auglýsing

Apple mun hefja tækni­ráð­stefn­una WWDC í dag með lyk­il­ræðu um hvað sé í vændum í stýri­kerfum Apple. World Wide Developers Con­fer­ence tækni­ráð­stefnan hóf göngu sína árið 1987 í Santa Clara í Kali­forníu og hefur hún verið haldin árlega síð­an. Ráð­stefnan leiðir saman Apple og þau sem þróa hug­búnað fyrir vörur og þjón­ustu Apple. Ráð­stefnan er nokkrir dag­ar, en lyk­il­ræðan fyrsta dag­inn er þar sem feit­ustu bit­arnir eru kynnt­ir.

Stýri­kerfin skipta máli

Þó svo að end­an­leg sölu­vara séu tækin frá Apple eða þjón­usta sem tækin nýta, þá eru stýri­kerfin mik­ill áhrifa­þáttur í kaupá­kvörðun við­skipta­vina Apple. Apple fram­leiðir í dag stýri­kerfin macOS, iOS, WatchOS og tvOS. Vin­sælasta stýri­kerfið þeirra er án efa iOS sem er notað af iPhone og iPad snjall­tækj­un­um. Á kynn­ingu Apple í vor kom fram að iOS stýri­kerfið sé í notkun á millj­arð tækja (billion pockets) dag hvern.



Hvað er í vænd­um?

iOS 13

Næsta útgáfan af iOS er óhappa­talan 13 og er margt bita­stætt búið að leka. iOS13 verður í boði fyrir bæði iPhone og iPad. Apple er alltaf dug­legt að upp­færa eldri tæki og talið er að iPhone 6S og nýrri fái iOS13. iPad mini 3 og iPad Air 2 og nýrri fá einnig iOS13.

Dekkra við­mót fyrir iPhone

Stýri­kerfið MacOS fékk dökkt við­mót á síð­asta ári með Mojave upp­færsl­unni. Frá því hefur „dark mode” farið um eins og eldur í sinu og nú er komið að iPhone og iPad. Allt sem áður var hvítt í stýri­kerf­inu getur nú verið dökkt, sem sumir vilja meina að sé betra fyrir aug­un. Ekki nóg með það, heldur getur það náð niður raf­magns­þörf ef sím­inn er með OLED skjár (iPhone X og iPhone XS) því þeir skjáir ná að slökkva á svörtum dílum ólíkt LCD skjám.



Mynd: Apple





Hljóð­styrkur fær­ist til hliðar

Þegar það er hækkað og lækk­að, þá kemur stór flötur á miðjan skjá­inn til að sýna styrk hljóðs og blokkerar það er á skján­um. Nú loks­ins, eftir mörg ár af því að betri iOS öppin for­riti sér aðrar leiðir fyrir hljóð­styrk (Twitter til dæm­is), ætlar Apple að færa hljóð­styrk­inn til hliðar og rétt svo að minnka flöt­inn.



Mynd: Apple

Finndu ... eitt­hvað?

Mynd: AppleFind my Phone eig­in­leik­inn fer loks­ins að tala um að finna aðra hluti, sem hann hefur reyndar fundið lengi vel. Find my Phone og Find my fri­ends munu renna saman í eitt, og bjóða upp á Find network eig­in­leika sem opnar á að stað­setja tæki þó svo það sé sam­bands­laus.

Betri svefn

Bed­time eig­in­leik­inn í Clock app­inu á að fá tals­verða upp­færslu og á iPhone að fá eitt­hvað sem heitir sleep mode eða svefn­still­ingu. Svefn­still­ingin á að kveikja á Do not dist­urb, slökkva á öllum til­kynn­ingum og dimma skjáin þegar hann er læst­ur.

Auglýsing

Nýtt útlit á flest Apple öpp

Mail, Messa­ges, Rem­ind­ers, Maps og Health munu öll fá ný við­mót og slatta af nýj­ung­um. Messa­ges fá prófíl-­mynd, Maps fer að nýta mest not­aða staði bet­ur, verk í Rem­ind­ers verður raðað betri máta, og Health fer að fylgj­ast með tíð­ar­hring og lyfja­töku.

iPad verður meiri tölva

Sagan segir að iPad hafi átt að fá stóra upp­færslu í fyrra en átti að koma spjald­tölv­unni nær því að vera far­tölva, en hafi verið frestað til að ein­blína á afköst og villur í iOS12. En núna á veru­lega að upp­færa iPad með nýju við­móti, ein­hvers konar glugga-við­móti, stuðn­ingi við geymslu­pláss og tölvu­mýs.

Meira heil­brigði í WatchOS 6

Apple Watch snjallúrið mun einnig fá ást og fær nýja útgáfu af WatchOS. Úrið fær sína eigin app-versl­un, og ný öpp frá App­le: Voice Memos, Calculator og Books. Health appið er svo með nýja eig­in­leika sem virka í úrinu fyrir tíðir og áminn­ingar fyrir að taka lyf. Það’ verður nokkuð af nýjum skífum fyrir úrið: Gradi­ent, Cali­fornia dial, X-L­arge og ný Sol­ar-­skífa. Skíf­urnar fá líka nýja eig­in­leika (complications) til að nýta sér: staðan á hljóð­bók­um, staða á raf­hlöðu heyrna­tækja, umhverf­isi­há­vaða­mæl­ing og regn­fall.

MacOS ekki gleymt

MacOS fær fleiri Marzip­an-öpp, sem eru hönnuð til að virka á iPho­ne, iPad og Mac-­tölv­um. Screen time, Siri shortcuts, Rem­ind­ers og Book öppin af iPhone munu koma yfir á Mac. Þetta er þróun sem mun halda áfram næstu árin, þar sem mest af hug­bún­að­ar­þróun mun verða fyrir iPhone og iPad. Með þessu móti verður hægt að samnýta tals­vert af vinn­unni við að smíða öpp­in.

Verða ein­hver App­le-tæki kynnt?

Það er ekki úr mynd­inni að ein­hver tæki verði kynnt. Apple hefur oft kynnt tæki á WWDC, en þá aðal­lega Mac og iPa­d-­tölv­ur. Fræg­asta kynn­ingin er reyndar iPhone 4 sem þurfti að flýta vegna þess að starfs­maður týndi frum­gerð af sím­anum á bar sem end­aði höndum fjöl­miðla. Talið er að Apple muni svipta hul­unni af Mac pro borð­tölv­unni sem hefur lengi verið í þró­un. Mac pro eru mjög öfl­ugar tölvur með fyr­ir­tæki í huga eins og kvik­mynda­fram­leið­end­ur, tölvu­leikja­fram­leið­endur eða AR/VR­-efn­is­fram­leið­end­ur. Sam­hliða því verður skjár kynnt­ur, fyrir Mac pro tölvur (og í þeim verð­flokki). Skjár­inn er tal­inn vera 31,6 tommur og með 6K upp­lausn. Hann verður EKKI ódýr.



Mynd: Apple

Heim­ild­ir:

https://9to5mac.com/2019/05/28/i­os-13-screens­hots-d­ark-mode-more/

https://9to5mac.com/2019/05/31/wwdc-2019-roundup/



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Ungmenni mótmæla aðgerðum stjórnvalda í loftslagsmálum.
„Loftslagsváin fer ekki í sumarfrí“
Ungmenni á Íslandi halda áfram að fara í verkfall fyrir loftslagið þrátt fyrir COVID-19 faraldur og sumarfrí. Greta Thunberg hvetur jafnframt áfram til mótmæla.
Kjarninn 9. júlí 2020
Afkoma ríkissjóðs jákvæð um 42 milljarða í fyrra
Tekjur ríkissjóðs námu samtals 830 milljörðum króna í fyrra en rekstrargjöld voru 809 milljarðar. Fjármagnsgjöld voru neikvæð um 57 milljarða en hlutdeild í afkomu félaga í eigu ríkisins jákvæð um 78 milljarða.
Kjarninn 9. júlí 2020
Guðmundur Hörður Guðmundsson
Menntamálaráðherra gleymdi meðalhófsreglunni
Kjarninn 9. júlí 2020
Kári Stefánsson, forstjóri ÍE.
„Þetta verður í fínu lagi“
Forstjóri Íslenskrar erfðagreiningar segir að starfsfólk fyrirtækisins muni rjúka til og hjálpa við skimun ef Landspítalinn þurfi á því að halda. Spítalinn sé þó „ágætlega í stakk búinn“ til þess að takast á við verkefnið.
Kjarninn 9. júlí 2020
Þórólfur Guðnason sóttvarnalæknir.
Þórólfur: Erum að beita öllum ráðum í bókinni
Sóttvarnalæknir segist ekki áforma að mæla með rýmkuðum reglum um fjöldatakmörk á samkomum á næstunni. Líklega muni núverandi takmarkanir, sem miða við 500 manns, gilda út ágúst.
Kjarninn 9. júlí 2020
Opnað fyrir umsóknir um stuðningslán
Stuðningslán til smærri og meðalstórra fyrirtækja geta að hámarki numið 40 milljónum króna. Þó geta þau ekki orðið hærri en sem nemur tíu prósentum af tekjum fyrirtækis á síðasta rekstrarári.
Kjarninn 9. júlí 2020
Icelandair mun flytja á annað þúsund manns á milli Kaliforníu og Armeníu
Íslenska utanríkisþjónustan aðstoðaði við sérstakt verkefni á vegum Loftleiða Icelandic.
Kjarninn 9. júlí 2020
Tilraunir með Oxford-bóluefnið í mönnum eru hafnar í þremur löndum, m.a. Suður-Afríku.
Oxford-bóluefnið þykir líklegast til árangurs
Ef tilraunir með bóluefni sem nú er í þróun við Oxford-háskóla skila jákvæðum niðurstöðum á næstu vikum verður hugsanlega hægt að byrja að nota það í haust.
Kjarninn 9. júlí 2020
Meira úr sama flokkiFólk